ފުލުހުން މިދިޔަ ބުދަ ދުވަހު ފެށި ޑްރަގް އޮޕަރޭޝަނުން އަތުލައިގެން މަސްތުވާތަކެތި.-- ފޮޓޯ: ޕޮލިސް
15 އޮކްޓޯބަރ 2021 - 21:38
25 comments
މަސްތުވާތަކެއްޗާ ދެކޮޅަށް ހިންގި ބޮޑު އޮޕަރޭޝަނުގައި މި ފަހުން ހައްޔަރުކުރި 10 މީހުންގެ ތެރެއިން ކްރިމިނަލް ކޯޓުން ދޫކޮށްލީ، އެ އެއްޗެހި ރާއްޖެ ގެނައުމުގައި އެންމެ އިސްކޮށް އުޅުނު ކަމަށް ތުހުމަތުވާ ދެ މީހުން ކަމަށް ފުލުހުން ބުނެފި އެވެ.
މިދިޔަ ބުދަ ދުވަހު ފުލުހުން ފެށި އޮޕަރޭޝަނެއްގައި 10 ތަނެއް ފާސްކޮށް އަށް ދިވެހިންނާއި ދެ ބިދޭސީއަކު ހައްޔަރުކުރި އެވެ. އެއީ 19 އަހަރާއި 24 އަހަރުގެ ދެ މީހުންނާއި 25 އަހަރާއި 26 އަހަރާއި 27 އަހަރާއި 30 އަހަރާއި 34 އަހަރާއި 35 އަހަރު އަދި 61 އަހަރުގެ މީހެކެވެ. އެ އެންމެންނަކީ ވެސް ފިރިހެނުންނެވެ. ނަމަވެސް ބަންދުގެ މުއްދަތު ޖެހުމަށް ކްރިމިނަލް ކޯޓަށް ހާޒިރުކުރުމުން އެ ކޯޓުން ވަނީ ދެ މީހަކު ދޫކޮށްލައި، އަށް މީހުންގެ ބަންދުގެ މުއްދަތު ޖަހައިފަ އެވެ.
ބަންދުން ދޫކޮށްލި މީހުން ދޫކޮށްލާފައި ވަނީ ހައްޔަރުކުރަން ނެރުނު އަމުރުގެ ސަބަބުތަކެއް ދައްކާފައިކަން ވަނީ އެނގިފަ އެވެ.
ބާކީ ތިބި ހަތަރު މީހެއްގެ ބަންދަށް 15 ދުވަސް، ތިން މީހެއްގެ ބަންދަށް 10 ދުވަސް އަދި އެކަކަށް ފަސް ދުވަހުގެ މުއްދަތު ދީފައިވެ އެވެ.
އެ އޮޕަރޭޝަނުގައި މާލެ އާއި ހުޅުމާލޭގެ ބައެއް ސަރަހައްދުތަކާއި ބައެއް ފަޅުރަށްތައް ބަލައި ފާސްކޮށްފައިވެ އެވެ. އެގޮތުން، 100 ކިލޯއަށްވުރެ ގިނަ މަސްތުވާތަކެތި އަތުލައިގަތީ ފަޅުރަށެއްގައި ފޮރުވާފައި ހުއްޓަ އެވެ. ފުލުހުން ބުނީ އެ މައްސަލައިގައި އިސްކޮށް ހަރަކާތްތެރިވި ކަމަށް ތުހުމަތުކުރެވޭ ދެ މީހުން ދޫކޮށްލުމުން އެކަން އިސްތިއުނާފުކުރަން ޕްރޮސެކިއުޓާ ޖެނެރަލް (ޕީޖީ) އޮފީހަށް ހުށަހަޅާފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާހަކައިގެ ކުޑަތަންކޮޅެއް
17 October 2021
މިސާލަކައް މިގޭ ޖޯލީގަ މަ އިނދެފަ ގެއައްވަދެފަ 5 މިނެޓް ކޮއްފަ ނިކުތްއިރު އެޖޯލި ގެއްލިއްޖެ. އެކަމް އެ ފަސްމިނެޓްތެރޭ އެތަނައް ސުނާމީއެއް ނަގޫރޯޅިއެއް ނުވަތަ އެނޫންވެސް ގުދުރަތީ މުސީބާތެއް ކުރިމައްޗެއް ނުވޭ. އެހެންވެއްޖާ އެ ހިސާބުން މަށައް އެ ޔަގީންވީ މީހަކު ނޫނީ ބަޔަކު އޭތި ކޮންމެސްތާކައް ގެންދިޔައީކަން.
ކަރަންކާ
16 October 2021
ރާއްޖޭގަ ކުށް ސާބިތުކުރެވޭނީ ގާޒީ ކުރިމަތީ އެކުށެއް ކުރީމަ. މިނޫން ގޮތަކަށް ފުލުހުންނަށް ސާބިތެއް ނުކުރެވޭނެ. ގާޒީ އަށް ކުށްވެރިއެއް ނުކުރެވޭނެ. ގާޒީން ވެސް ފުލުހުންވެސް ނެޓްވޯކްތައް ދަށުވެ ފިތިފަ.
ޞަދަދު
16 October 2021
ކޯޓުން ދޫކުރީ ފުލުހުން ހެކި ހުށަހަޅާފައި ނެތުމުން. ބޮޑުންގެ މައްސަލަތަކުގެ އިޖުރާއަތު ފުލުހުން ގަސްދުގައި އޮޅުވައިލާ ކޯޓު ބޮލުގައި އަޅުވާ ނިންމާލަނީ.
ހާސަރު
16 October 2021
ފުލުހުން ހައްޔަރު ކުރުމާއި އެކު އަބަދުވެސް އިސް މީހުން ކޯޓުން ދޫކޮށްލަނީ!؟
ކޯޑިނޭޓަރ
16 October 2021
މި ލިޔާ ކޮމެންޓް ތައް ރައީސް އިބްރާހީމް މުހައްމަދު ޞާލިހު ކިޔުއްވާނެތަ.. ރައްޔިތުންގެ ކަން ބޮޑުވުން މިހާވަރަށްް ހެކި ހޯދުމުގެ މައްސަލައިގައި ހުރި އިރު، ރައީސް އިސް ނަންގަވައިގެން ކަމާ ގުޅޭ ހުރިހާ މުއައްސަސާ އެއް އެއް މޭޒެއްގެ ދަށަށް ގެނެސްދެއްވިއްޔާ ވަރަށް ރަނގަޅު. މިކަން ހައްލު ނުވެ ކުށްވެރިންނަށް މުޖްތަމައު އަށް ދޫވެ ޤައުމު މިހެރަ ހަލާކުވެ ދަނީ.
ވަތުއޮޑި
16 October 2021
މީހަކު މަރާލަން މީހަކު ހުއްޓާ ފެނިގެން ހައްޔަރުކުރިޔަސް ޗެއިން އޮފް ކަސްޓަޑީ ނުބައިވެގެން ނުވަތަ ލައިގެން ހުރި ހެދުމުގެ ކުލަ ގޯސްވެގެން ނުވަތަ އެތަން ފެނުނު މީހާ އަވިއައިނެއް އަޅައިގެން ހުރެގެން މިހެން ގޮސް އެތައް ބަހަނާއަކުން ކުށްވެރިޔާ ސަލާމަތްވާނެ ގޮތަށް ގާނޫނު ހެދި މީހުން މިކަންކަމުގެ ޒިންމާ އުފުލަންޖެހޭނީ. ހެކި ހޯދިގޮތް ނުބަލައި އެއީ އެމީހާ ކުރި ކަމެއްކަން ސާބިތުވާނެ ހެއްކެއްތޯ ބަލާނެ ގާނޫނުތައް އައިސްގެން މިކަން ހައްލުވާނީ.
މަރުދޮޅި
16 October 2021
މަރުދޮޅިން މަޖިލީހަށް ހޮވައިގެން އަމިއްލަ އެދުމަށް ހަދާ ގާނޫނުތަކުން ކުރެވޭނެ ކަމެއް ނެތް. ރައްޔިތުންގެ ކުރިމަތީގައި ކުށްވެރި މިވަނީ ފުލުހުންނާއި ގާޒީން. ގާނޫނުގައި ނެތް ގޮތަކަށް ކަމެއް ކުރާނީ ކިހިނެތް؟
ޙަބީބު
16 October 2021
ފަނޑިޔާރުން ތިހާ ދޯދިޔާވެގެން ސިންގަޕޫރައް ވެވޭނީ ކިހިނެއްް ހުރިހާ މީހުންގެ މައްޗައް މަރުގެ އަދަބު ދީބަލަ މިކަމާހެދި ކިތައް އާއިލާ ބިކާރީވެ މީހުންގެ ފުރާނަ އެދަނީ ވަޅުވަލާ ޖަންޖަލިތަކާ ކަނޑު އަޑިން
ކިޔު
16 October 2021
ހަބީބޫ! ގާނޫނުގައި ނެތް އަދަބެއް ކިހިނެތް ކޯޓުން ދޭނީ. ޑްރަގް ޓްރެފިކް ކުރާ މީހުންނަށް މަރުގެ އަދަބު ގާނޫނުގައި އޮތް ނަމަ ތިކަން ތިހެން ވާނީ. މެމްބަރު ހޮވާއިރު، ކޮންމެ މީހަކުވެސް ބަލަނީ އެހްނކަމެއް.
ޝަފީރު
16 October 2021
ޤާނޫނުގައި ލޯވަޅުއަޅައި ހަލާކުކުރަނީ ވަކީލުމްނާ ފަނޑިޔާރުން ގުޅިގެން.
ހަނުހުންނަ މީހާ1
16 October 2021
ރާއްޖޭގަ ކުށްސާބިތުކުރެވޭނީ އަލަށް ވައްކަން ކުރާ މީހުންނާއި ބައްތި ނެތި ބައިސްކަލް ދުއްވާ މީހުންނާއި ސިޔާސީ މީހުންނަށް އިންޒާރު ދޭ މީހުން
އާދޭސް
16 October 2021
ރައްޔިތުންގެ އަނގަގޮއްވަންނޫނީ މިކަހަލަކަންތަކުގެވާހަކަ ލިޔާނެކަމެއްނެތް. މިކަން ހުއްޓުވަން މުވައްސަސާތައްހަދައި، ރައްޔިތުންގެ ޓެކުހުގެލާރިން ދައުލަތަށް ޚަރަދުއެބަކުރެވޭ. ވާކަމެއް ޙަރާމް! ރައްޔިތުންގެ މަޖިލީހެއްއެބައޮވޭ! ވެރިއަކު އެބަހުންވާ! އުއްތަމަ ފަނޑިޔާރަކު އެބަހުންނަވާ! އެމީހުނަށްވެސް ޚަރަދު އެބަކުރެވޭ. ދައުލަތުގެ ތިންބާރަށްވުރެ މިކަންތަކުގެ ވެރިންގަދަ! މިއިވެނީ ކަމުގެ އިސްފަރާތްތައް ދޫކޮށްލެވޭވާހަކަ. އަނގަގޮއްވަން މިކަހަލަވާހަކަ ނުލިއޭ!