އެވޯޑް ހަފުލާ ހޯސްޓްކޮށްދޭނީ ސަލްމާން
އައިފާ.
16 ޑިސެމްބަރ 2021 - 05:57
އިންޑިއާގެ ފިލްމުތަކަށް ދޭ އިންޓަނޭޝަނަލް އިންޑިއަން ފިލްމު އެކެޑެމީ އެވޯޑްސް (އައިފާ) ކޮވިޑް-19 އާ ހެދި ނުބާއްވާތާ ދެ އަހަރު ފަހުން އަންނަ އަހަރު އަބޫދާބީގައި ބާއްވާ ގޮތަށް ނިންމައި އެކަން އިއުލާންކޮށްފި އެވެ.
އަންނަ އަހަރު ބާއްވާ 21 ވަނަ އެވޯޑް ހަފުލާ އޮންނާނީ އަންނަ އަހަރުގެ މާޗް 18-19 ގަ އެވެ. އައިފާ ހޯސްޓްކޮށްދޭނީ ސަލްމާން ޚާނެވެ. މިދިޔަ އަހަރު ކޮވިޑާ ހެދި އައިފާ އެވޯޑްސް ކެންސަލްކުރީ މާޗް މަހުގެ 21-29 އަށް މަދިޔަ ޕްރަދޭޝްގެ އިންދޯރުގައި ހަފުލާ ބާއްވަން ތާވަލުކޮށްފައި ވަނިކޮށެވެ. ކޮވިޑާ ހެދި މިދިޔަ އަހަރު އެވޯޑް ހަފުލާ ނުބޭއްވުމުގެ އިތުރަށް މި އަހަރު ވެސް އެވޯޑް ހަފުލާ ބާއްވާނެ ފަދަ މާހައުލެއް ތަނަވަސްނުވުމުން އަންނަ އަހަރު އެވޯޑް ހަފުލާ ބާއްވަން ނިންމީ އެވެ.
Important Announcement 🗣📣
— IIFA (@IIFA) December 14, 2021
The 22nd edition of the biggest celebration of Indian cinema - IIFA Awards 2022 - is all set to be held on Yas Island, Abu Dhabi on March 18th and 19th, 2022! ✨🤩
We are ready...are you?#IIFA2022 #YasIsland #InAbuDhabi #NEXA #CreateInspire pic.twitter.com/ZnzVJR4FdG
އައިފާ އަންނަ އަހަރު ދުބާއީގައި ބާއްވަން ނިންމި އިރު، މި އެވޯޑް ހަފުލާ 2019 އާ ހަމައަށް މުޅިން ވެސް ބާއްވަމުން އައީ ބޭރު ގައުމުތަކުގެ މަޝްހޫރު އެކި ސިޓީތަކުގަ އެވެ. އައިފާ އެންމެ ފުރަތަމަ އިންޑިއާގައި 2019 ގައި ބޭއްވި ހަފުލާ އޮތީ މުމްބާއީގަ އެވެ.
Excitement level 💯
— IIFA (@IIFA) December 14, 2021
Everyone’s favourite Bhai from Bollywood is coming to Yas Island to host IIFA 2022! 🤩#IIFA2022 #YasIsland #InAbuDhabi #NEXA #CreateInspire pic.twitter.com/Sd7zcbuOmF
އަންނަ އަހަރުގެ އެވޯށް ހަފުލާ ޔޫއޭއީގެ ވެރިރަށް އަބޫދާބީގައި ބާއްވަން ނިންމި އިރު، އެ ގައުމުގެ ދުބާއީގައި 7 ވަނަ އައިފާ އެވޯޑްސް 2006 ގައި ބޭއްވި އެވެ.
ދެހާސް ވަނަ އަހަރުން ފެށިގެން ބާއްވަމުން އަންނަ އައިފާ އެންމެ ފުރަތަމަ ބޭއްވީ އިނގިރޭސިވިލާތުގެ ލަންޑަނުގަ އެވެ. އޭގެ ފަހުން ސައުތު އެފްރިކާ، މެލޭޝިއާ، ކޮލޮމްބޯ، ސްޕެއިން، އެމެރިކާ، ސިންގަޕޫރް، ނެދަލެންޑްސް، ކެނެޑާ، ޔޫއޭއީ އަދި މަކާކޯގައި ބާއްވާފައިވެ އެވެ. އަދި ބައެއް ސިޓީތަކުގައި ތަކުރާރުކޮށް ވެސް އެވޯޑް ހަފުލާ ބާއްވާފައިވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
2021
16 December 2021
މޯޑިސްގަ ކޮން އިރަކުން ބާއްވާނީ...