ޚަބަރު / ރައީސް އިބްރާހިމް މުހައްމަދު ސޯލިހް

މަދަނީ އިޖްރައާތުގެ ބިލް ތަސްދީގު ކުރައްވައިފި

ރައީސް ލިޔުމެއްގައި ސޮއިކުރައްވަނީ: މަދަނީ އިޖްރައާތުގެ ބިލް އެމަނިކުފާނު ވަނީ ތަސްދީގު ކުރައްވާފައި --- ފޮޓޯ/ރައީސް އޮފީސް

މުއިއްޒު އިބްރާހިމް، މިހާރު

18 ޑިސެމްބަރ 2021 - 12:29

4 comments

މަދަނީ އިޖްރައާތުގެ ބިލް ތަސްދީގު ކުރެއްވުމާ އެކު، ރާއްޖޭގައި ފުރަތަމަ ފަހަރަށް މަދަނީ އިޖްރައާތުގެ ގާނޫނެއް ވުޖޫދަށް އަތުވެއްޖެ އެވެ.

ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅައި، ފާސްކުރި މަދަނީ އިޖްރައާތުގެ ބިލަކީ މަދަނީ މައްސަލަތަކުގައި ދައުވާ ކުރުމާއި ޝަރީއަތްތައް ހިންގުމާ ބެހޭ އުސޫލުތައް ބަޔާންކުރާ ބިލެކެވެ. ދެ އަހަރަށް ވުރެ ގިނަ ދުވަހުގެ މަސައްކަތަށް ފަހު އެ ބިލް މަޖިލީހުން ފާސްކުރީ ދާދިފަހުންނެވެ.

ރައީސް އިބްރާހިމް މުހައްމަދު ސޯލިހް މިދިޔަ ބުރާސްފަތި ދުވަހު އެ ބިލް ތަސްދީގު ކުރެއްވުމާ އެކު، މަދަނީ އިޖްރައާތުގެ ގާނޫނު ވަނީ ވުޖޫދަށް އައިސްފަ އެވެ. އެކަމަކު އެ ގާނޫނު ބުނާގޮތުން އެ ގާނޫނަށް އަމަލު ކުރަން ފަށާނީ ތަސްދީގު ކުރާތާ ހަ މަސް ފަހުންނެވެ.

މަދަނީ އިޖްރައާތުގެ ގާނޫނަކީ ރާއްޖޭގައި ފަހުގެ ތާރީހެއްގައި ހެދި އެންމެ ދިގު އެއް ގާނޫނެވެ. އެ ގާނޫނަށް އަމަލުކުރަން ފެށުމާ އެކު، ކުރީގެ ބައެއް ގާނޫނުތައް އުވިގެންދާނެ އެވެ.

މަދަނީ އިޖްރައާތުގެ ގާނޫނު ވުޖޫދަށް އައިއިރު، ޖިނާއީ އިޖްރައާތުގެ ގާނޫނެއް ވުޖޫދަށް އައީ މީގެ ފަސް އަހަރު ކުރިން، 2016 ވަނަ އަހަރު އެވެ.

ސިވިލް ކޯޓް ރައްޔިތުންގެ މަޖިލިސް ފަނޑިޔާރުން ޖުޑީޝަރީ ރައީސް އިބްރާހިމް މުހައްމަދު ސޯލިހް

4 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓިނު

19 December 2021

ކިތެއްމެ ވަރަކަށް ވެސް ބިލްތަސްދީގު ކުރެވިދާނެ، އެކަމު ތިއަށް ޢަމަލުކުރާނެ ބަޔަކުނެތިއްޔާ ތީގެ ކޮންބޭނުމެއްއޮތީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބެ ފްލެޓް

18 December 2021

މަތާރންފިލާ މައްޗަށް ހިރަފުސްއަރުވާލން ހަރުގަނޑަށް އަނެއްކާ ވެސް ބޮޅެއް އިތުރުވީ ގާނޫނު ހަދާފަ ތަޞްދީޤު ކޮށްފަ ބަހައްޓަނީ މަތާރަން ފިލާ މަތީގަ ތަންފީޒު ކުރުމެއް ނެތް ކިރާނެ ބަޔަކު ނެތް މަރުކަޒީ އިދާރާތައް ފޫހިވެފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 December 2021

ކަޅާއިހުދުން ކަރުދާސްކުރެވޭ ތިފަދަ ޤާނޫނުތަކުން ރައްޔިތުނަށްލިބޭ އުފާވެރިކަމެއްނެތްނަމަ ތިކަމުގެބޭނުމަކީ ކޮބާ؟ އެހެނެއްނޫން ތިއީ "ވެރިކަމުގައި ހުންނަމީހާ" އދ އާންމު ޖަލްސާއާއި ބޭރު ދައުލަތްތަކަށް ކުރައްވަވާ ދަތުރުފުޅާއި، މީޑިއާ ތަކުގައި "ބައިސާ ކަޑަން" ހަދާ އެއްޗެއްނަމަ ތިކަމުގައި ގޯހެއްނެތް. # ޤާނޫނުއަސާސީގައި ސާފު ބޯފެނާއި ނަރުދަމާގެ ހިދުމަތް ލާޒިމް ކޮށްފައިވިޔަސް ތުރާކުނުން އައްޑުއަށް ހިމެނޭ ގިނަ ރަށްރަށުގެ ރައްޔިތުން އަދިވެސް ބޮނީ ނަޖިސްފެން.