އާންމުކޮށް ރަށްރަށުގައި ހިދުމަތްދޭ ހުރިހާ ރަށެއްގެ ގެސްޓްހައުސްތަކުގެ އަގުތައް އުޅެނީ 70 ޑޮލަރާއި 200 ޑޮލަރާ ދެމެދުގައި
މ. ދިއްގަރުގެ ހޯމް ސްޓޭއަށް ދިޔަ ގެސްޓުންތައް--ފޮޓޯ:މިހާރު
03 ޖެނުއަރީ 2022 - 10:12
25 comments
އާ އަހަރާ އެެކު އެންމެ ގިނަ ބައެއްގެ ސަމާލުކަން ލިބުނު އެއް ކަމަކީ ޓޫރިޒަމްގެ މުޅިން އާ ޕްރޮޑަކްޓެއް ކަމުގައިވާ "ހޯމްސްޓޭ" ގެ ހިދުމަތަށެވެ. މ. ދިއްގަރުގައި، ތިން ކޮޓަރީގެ "މޫރިތި" ގެ އިން މި ހިދުމަތް ފެށީ ރެޔަކަށް 40 ޑޮލަރު (617 ރުފިޔާ) ގެ ރޭޓުންނެވެ.
މި ވަގުތު ރާއްޖޭގެ އެކި ހިސާބުތަކުގައި އެކި ފެންވަރުގެ ގެސްޓްހައުސްތައް އެބަ ހިންގަ އެވެ. ގެސްޓްހައުސްތަކުން މިހާރު އެވްރެޖްކޮށް ހިދުމަތްދެނީ އެންމެ މަތީ ފަންތީގެ ހިދުމަތްތަކާ އެކު އެވެ. އާންމުކޮށް ރަށްރަށުގައި ހިދުމަތްދޭ ހުރިހާ ރަށެއްގެ ގެސްޓްހައުސްތަކުގެ އަގުތައް އުޅެނީ 70 ޑޮލަރާއި 200 ޑޮލަރާ ދެމެދުގަ އެވެ.
ހޯމްސްޓޭގެ އެންމެ ހާއްސަ ކަމަކީ ގެސްޓުންނަށް ހިދުމަތް ދިނުމުގައި ހުންނަ ހަރުކަށި އުސޫލުތައް ކުޑަކޮށް އެއްފަރާތްކޮށް އަދި އާންމު ރޭޓްތަކަށް ވުރެ ދަށް އަގުތަކެއްގައި ހިދުމަތް ދެވުމެވެ.
އެންމެ ފުރަތަމަ ހޯމްސްޓޭ ފެށި ދިއްގަރުގެ މޫރިތި ގޭގެ ވެރިޔާ މުހައްމަދު އަހުމަދު ވިދާޅުވީ، އަގު ކަނޑައެޅީ ކައުންސިލްގެ މަޝްވަރާއާ އެކު ކަމަށެވެ. އެތަން މާކެޓްކުރުމުގެ ކަންކަން ވެސް ކުރިއަށް ގެންދަނީ ކައުންސިލާ ގުޅިގެން ކަމަށް އޭނާ ވިދާޅުވި އެވެ.
"އަދި މާބޮޑު ގޮތްތަކެއް ކަނޑައެއް ނާޅަން. އެކަމަކު މާކެޓު ކުރުމުގެ ކަންކަން ވެސް ކުރާނީ ކައުންސިލާ ގުޅިގެން،" އޭނާ ވިދާޅުވި އެވެ.
މިއަށްވުރެ ވެސް ހެޔޮކޮށް ނުވަތަ ބޮޑުކޮށް ވެސް ހޯމްސްޓޭ ގެސްޓްހައުސްތައް ހިންގުމުގެ ފުރުސަތު އެބަ އޮތެވެ. އެކަން ބިނާވާނީ ހިދުމަތް ދޭ ތަނުގެ ފެންވަރަށެވެ.
ޓޫރިޒަމް މިނިސްޓަރު ޑރ. އަބްދުﷲ މައުސޫމު ވިދާޅުވީ، 30 ޑޮލަރު، 40 ޑޮލަރުން ފެށިގެން 2،000 ޑޮލަރާ ހަމައަށް ވެސް އަގު ކިޔުމުގެ ފުރުސަތު ގެސްޓްހައުސް ވެރިންނަށް އެބަ އޮތް ކަމަށެވެ.
"އެތަނެއްގެ އަގު ބިނާ ވަނީ އެތަނެއްގެ ފެންވަރަށް. އަޅުގަނޑުމެންނަށް ފެނޭ ބޭރު ގައުމުތަކުން ވެސް އަގު ބޮޑެތި ގެތަށް މިހުންނަނީ އެންމެ އަގު ބޮޑުކޮށް. އެހެންވީމަ އެގޮތަށް ރާއްޖޭގެ އަގުތައް ހުންނާނެ ކަމަށް މި ބަލަނީ،" އެނާ ވިދާޅުވި އެވެ.
މޫރިތިގެއިން ކޮޓަރި ދޭން ފެށި އަގުން ބެލި ނަމަވެސް ރަނގަޅު ޑިމާންޑެއް އޮންނަ ނަމަ މިއީ ބޮޑު އާމްދަނީއެއް ހޯދޭނެ ކަމެކެވެ. އެކަމަކު އާމްދަނީއަށްވުރެ ބޮޑަށް، މިކަމާ ގުޅުވައިގެން އެހެން ކަންބޮޑުވުންތަކެއް ވެސް އެބަ ފާޅުކުރެ އެވެ.
މޮނިޓަކުރެވޭނެތޯ އުފައްދާ ސުވާލު
މިއީ ދިވެހިންގެ އިޖްތިމާއީ ފޭރާން އިތުރަށް ހަލާކުވާނެ ކަމެއްގެ ގޮތުގައި ސިފަކޮށްފަކޮށް ކަންބޮޑުވުން ވެސް އެބަ ފާޅުކުރެ އެވެ. އެކަމަކު މީހުން ދިރިއުޅޭ ރަށްރަށުގައި ޓޫރިސްޓުން ތިބެން ފެށިތާ އެތައް އަހަރެއް ވެއްޖެ އެވެ. ޓޫރިސްޓުން އާންމުން ދިރިއުޅޭ ރަށްރަށުގައި އުޅެންޖެހޭނެ ގޮތްތަކާއި އެ މީހުން ހެދުން އަޅަންޖެހޭ ގޮތް ވެސް އަންގައިދީ އިޖުތިމާއީ ކަންކަމާ ގުޅުންހުރި ކަންކަން ބެލެހެއްޓުމުގެ ޒިންމާ ކައުންސިލްގެ އިތުރުން ގެސްޓް ހައުސްތައް ހިންގާ ފަރާތްތަކުގެ ވެސް ޒިންމާއެކެވެ.
ގެސްޓް ހައުސް ހިންގާ މީހުން ބުނާ ގޮތުގައި ޓޫރިސްޓުންނަކީ އެ މީހުން އުޅެންޖެހޭ ގޮތް ކިޔައިދިނުމުން އެ ކަންކަމަށް ބޯލަނބައި ކިޔަމަންވާ މީހުންނެވެ.
ހޯމް ސްޓޭ އަކީ ވަކި ގަވައިދެއް ނޫނެވެ. އެއީ ގެސްޓްހައުސް ހިންގުމާ ގުޅޭ ގަވައިދަށް ގެނައި ހަތަރު ވަނަ އިސްލާހެވެ. އެހެންވެ ގެސްޓް ހައުސް ހިންގުމާ ގުޅޭ އެހެން ހުރިހާ ކަމެއް ހޯމް ސްޓޭ ހިންގުމުގައި ވެސް ހިމެނޭނެ އެވެ. ހުންނަނީ ގެސްޓުން ތިބޭ ތަނުގައި ހުންނަންޖެހޭ ފެންވަރާ ބެހޭ ތަފާތުތަކެކެވެ.
ގެސްޓް ހައުސްތަކާ ހިލާފަށް، މީހުން އުޅޭ ގޭގޭގައި ކަނޑައަޅާ ސަރަހައްދެއްގައި ހުންނަ ހުސް ކޮޓަރިއެއް ޓޫރިސްޓުންނަށް ދުވަހު ކުއްޔަށް ދޫކުރެވޭނެ އެވެ. ގެސްޓްހައުސްތަކުގައި ޓޫރިސްޓުންނަށް ކެވޭނެ އިންތިޒާމުތައް ފަހިކޮށް ދިނުމަށް ރެންޓޯރެންޓެއް ހުންނަން ޖެހޭ އިރު ހޯމްސްޓޭގެ ދަށުން ޓޫރިސްޓުން ބަހައްޓާ ނަމަ އެތަނެއްގައި ރެސްޓޯރެންޓެއް ކޮންމެހެން ހުންނާކަށް ނުޖެހެ އެވެ.
ހޯމް ސްޓޭގެ ފުރަތަމަ ގޭގެ ކުރިމަތީ އެ ގޭގެ ވެރިމީހާ ހުއްޓިލައިގެން: މި ގޭގައި ތިން ރޫމް ހުރޭ. -ފޮޓޯ:މިހާރު
ހޯމްސްޓޭގައި ދޫކުރާ ރޫމްގައި ފާހާނާ ހުންނަން ޖެހޭނެ އެވެ. މިގޮތަށް ހިންގާ ގެސްޓްހައުސްތަކުގައި އެންމެ ގިނަވެގެން ހުންނަން ޖެހޭނީ ފަސް ކޮޓަރި އެވެ. އަދި މިގޮތަށް ކުއްޔަށްދޭ ކޮންމެ ކޮޓަރިއެއްގައި ދެ އެނދު ހުންނަން ޖެހޭނެ ކަމަށް ބުނެފައިވެ އެެވެ. އެތަނަށް އަންނަ ޓޫރިސްޓަށް ހޯމްސްޓޭ ގެސްޓްހައުސް ހިންގާ ފަރާތާ އަބަދުވެސް ގުޅޭނެ އިންތިޒާމުތައް ފަހިވެފައި އޮޮންނަން ޖެހޭނެ އެވެ.
ރަށުގައި ގެސްޓުންނަށް ގަވައިދު ހަދާނީ ކައުންސިލުން
ހޯމް ސްޓޭ ގަވައިދުގައިވާ ގޮތުން އެ ރަށެއްގައި އުޅޭ ޓޫރިސްޓުންގެ ހަރަކާތްތައް ރާވައި ހިންގާނެ ގޮތާއި، އާންމު ތަންތަނުގައި ހިފަހައްޓަންޖެހޭ މިންގަނޑުތައް ބަޔާންކޮށް ޓޫރިޒަމާބެހޭ މިނިސްޓްރީން ކަނޑައަޅާ އުސޫލުތަކާ އެއްގޮތަށް ރަށުގައި އަމަލުކުރާނެ އުސޫލެއް ކައުންސިލުން އެކުލަވައިލަންޖެހެ އެވެ.
ހޯމް ސްޓޭ ހިންގާ ރަށްރަށުގައި ޓޫރިޒަމް ޑެސްކުގެ ވެރިއެއްގެ ގޮތުގައި އައިލެންޑް ޖެނެރަލް މެނޭޖަރަށް ކައުންސިލުން ކަނޑައަޅާ މީހަކު ހަމަޖައްސަންޖެހެ އެވެ.
މިތަންތަނަކީ މާ ބޮޑެތި ތަންތަން ނޫން ނަމަވެސް، ޓޫރިޒަމް މިނިސްޓްރީގައި ރަޖިސްޓާކޮށްފައިވާ ތަންތަނަށް ވާންޖެހެ އެވެ. މިކަމުގެ ސަބަބުން އެތަންތަނުގެ ފެންވަރު ބަލައި މޮނިޓާ ކުރުމުގެ މަސައްކަތްތައް ވެސް ޓޫރިޒަމް މިނިސްޓްރީން ކުރިއަށް ގެންދާނެ އެވެ.
ހޯމްސްޓޭގެ އުސޫލާ އެކު ރަށްރަށުގައި ގެސްޓްހައުސްތައް ހިންގަން މާބޮޑަށް ވެސް މިވަނީ ފަސޭހަވެފަ އެވެ. ތިން ހަތަރު މިލިއަން ރުފިޔާ ހޭދަކޮށްގެން ގެސްޓްހައުސްއެއް އެޅުމުގެ ބަދަލުގައި ރަނގަޅު ފެންވަރެއްގެ ކޮޓަރިއެއް ހެދުމަށް ފަހު ވެސް ޓޫރިސްޓުން ގެނެސް ބައިތިއްވަންވީ އެވެ. މިކަމުން އާންމުންނަށް އާމްދަނީއެއް ހޯދުމުގެ ދޮރު އިތުރަށް ތަނަވަސްވީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެރީ
05 January 2022
މާލޭގައި ހޯމްސްޓޭ ޖެއްސިދާނެތަ؟ ކިހިނެތް ހުއްދަ ހޯދާނީ؟
އިމަނާ
04 January 2022
ރާއްޖޭގެ ގެސްޓްހައުސް ވިޔަފާރިކުރާ ނަންކިޔާ އެއްރަށުގައި (މފށ) ތިޔައަގަށް ގެސްޓްހައުސްތައް އެބަހުރި ބައިވަރު. ދެން ހޯމްސްޓޭއަށް ދާނެތަ. ތިޔަގޮތަށް ބައިވަރު ކަންތައްތަކެއް ފުރީކުރީމާ ގޮސްފާނެ. އެހެންނޫނީ ތިޔައަގަށް ތިޔަ ރަށްރަށަށް ދާނެ ހަމައެއްގޮތެއްވެސް ނޯންނާނެ. ތިޔައީ ތިޔަކަން މޮޅޭ ބުނަން ދައްކާލާ ވާހަކައެއްވިއްޔާ، ތިޔަ ވާހަކަ މުޅިން ބަރާބަރު.
ކަޑަ
05 January 2022
މަފުއްޓަކީ މީހުން އެހެން ހުރެލާ ޗުއްޓީ ހަދާލަން ދާވަރު ތަނެއްނޫން! ތޮއްޖެހި ފުރިފަ އެއްވެސް ޤުދުރަތީ ކަމެއްނެތް ތަނެއް.. ދެން ޕާޓީކޮއްލަންދާމީހުން ގިނަވީމަ ހީވެދާނެ ވަރަށް މީހުންދެޔޭ...
މަހިންދަ
04 January 2022
ރިހާކުރު ކެއްކުން ތި ދިޔައީ ދޯނި ހަރުގެއަށް ލާފަ ދެން އުޅޭނީ ކުކުޅު ފަހަތުގަ
ޕޭޖު އާމިރު
04 January 2022
ތިޔައީ ޖޯކުޖެހޭ ވަރުގެ ކަމެއްނޫނެވެ.
އަބްޑޫޅް
04 January 2022
މިއީ ވަރަށް ފައިދާ ހުރި، އެއް ގޮތަށްވުރެން ގިނަގޮތުން، ރަނގަޅު ކޮންސެޕްޓެއް. ދިވެހިން މިހާރު މި އުޅެނީ 7 ވަނަ ގަރުނުން، ޢަޞުރުލް ބުރުންޒީ (ރަތުލޮއިގެ ޒަމާނު) ގެ ސަގާފަތަކަށް. ހޯމުޝުޓޭ ގެ ސަބުބުން، ދޮޅަހަކަށް އަހަރު ތެރޭ، 21 ވަނަ ގަރުނާ އަޅާ ފައިހަމަކުރާނެ. ފިކުރުގެ މިނިވަންކަމާއި، ގަބޫލުކުރުމުގެ މިނިވަނަކަން ވެސް މިރާއްޖެއަށް އަންނާނެ. ވަރަށް އުފައު ހުށި! މާތުރަ.
ހުއްޖަތު
04 January 2022
ނުސީދާކޮށް 7ވަނަ ޤަރުނޭ ކިޔަސް، މާތް ﷲގެ ނިޔާފުޅު ނޫން ގޮތަކަށް 'ތިބޭފުޅުންނަށް' ތިކުރަން އުޅޭ ކަމެއް ނުވާނެ. އެ ވަގުތު އަތުވެއްޖެނަމަ އެކަމެއްވެސް ހިނގާދާނެ. އެހެނަސް ކޮންމެ މީހަކީވެސް މަރުވާނެ މީހެއްކަމާ، ޤިޔާމަތް ދުވަހުން ހިސާބު ބެއްލެވޭނެކަން އަހަރުމެން ދަންނަންވާނެ. އެކަލާނގެ ހަޒުރަތުގައި ދީނަކީ ހަމައެކަނި އިސްލާމްދީން ކަން ދަންނާތި. ދެން ފަހެ ތިބުނާ 'މިނިވަން' ފިކުރުން އެއޮށްގޮސް އެތަންތަން ހަލާކުވާތަން ނުފެންނަނީ ކާކަށްތޯ.
ދިވެހިކާކުތޯ މެޓާނެގި ރަބަރުކޮޅު ޖީބައްލަނީ..
03 January 2022
ގެސްޓު ހައުސްތަކަށް އަަދި ހޯމްސްޓޭތަކަށްވެސް އާއްމުކޮށް އަންނާނީ ޔޫރަޕުގެ ކުރިއަރާފައިވާ ގައުމުތަކުން.. އެއިގެ 99% މީޙުނަކީ އިސްލާމުން ނޫންނަމަވެސް އެބައިމީހުންގެ އާދަކާދަތައް އެހުރީ (ނަމާދުކުރުން ފިޔަވައި) އިސްލާމުން އުޅެން އަންގަވާފައިވާ އެއްމެ މަތީ ދަރަޖައިގަ.. ދިވެޙީނގެ ކިބައިން ފެންނަ މަންޒަރުތަކުން ބޮޑަށްހީވަނީ ދިވެހީންގެ ފޭރަން ހަލާކުވުމުގެ ބަދަލުގަ އެބައިމީހުންގެ ފޭރާންހެން ދިވެހީން ހަލާކު ކުރާނީ..
ޙަސަން އަޙްމަދު
04 January 2022
ތިޔައީ މަވެސް ހިތަށް އަރާ އެއްޗެއް. ހަގީގަތުގަ ދިވެހިންނާ ޖެހި އެމީހުން ހަލާކުވާނީ. އަނެއްކާ އިސްލާ ދީން ނާންގަވާ ޣައިރު ދީނުގެ މީހުނާ ފިލައިގެން އުޅޭކަށް. ބޭރު މީހުނަށް ތައާރަފްވެ ފަރިތަވާން އެބަ ޖެހޭ ދިވެހިން.
މުލޭ
03 January 2022
ހޯމް ސްޓޭ އަކީ އޭގެ ޒާތުގައި މައްސަލައެއް އޮތް ކަމެއް ނޫން. ރާއްޖެކަހަލަ އަމާބުނީތީ ފަރަށްދާ އުސޫލުން ގާނޫނު ތަންފީޒު ކުރާ ގައުމެއްގައި ބިކިނީގައި ރަށުތއރޭގައި ވެސް އުޅޭނެ. ދަރިން ސިޓިން ރޫމުގައި ތިބޭއިރު ބިކިނީގައި ކޮޓަރިން ވެސް ނިކުންނާނެ. ދަރިން މޫދަށްް އެރެން ދާއިރު ބިކިނީގައި ބީޗުގައި ވެސް އުޅޭނެ. ގަވާއިދުތައް މިހާރުވެސް އޮތީ ހެދިފަައި. އެެކަމަކު ކަންހިނގަނީ މިބުނި ބީދައިން. ފުރަތަމަ ޔަގީންކުރަންވީ ގަވާއިދުތައް ތަންފީޒު ކުރެވޭނެކަން
ބިއްޖެހި
04 January 2022
މިކަހަލަ ރޯނުފިލާ މީހުން ގައުމު ފަހަތައް ދަމަނީ
ޖައިލަމް
03 January 2022
ހޯމްސުޓޭ ކިޔާފަ ނަމެއް ދިނަސް ތީ ހަމަ މިހާރު ވެސް ކުރާ ގެސްޓް ހައުސް ވިޔަފާރި ގޮތަށް ތި ހިނގަނީ. މޫރިތިގޭ ވެރިފަރާތާ އާއިލާ އުޅެނީ އެހެން ގެޔެއްގަ. ދެން ކޮބާތޯ ތީގަ ވަކި ހާއްސަކަމެއް.
ރޯޒަސް
03 January 2022
މި އޮތީ ވަރުގަދަ އިލޮށި ގަނޑެއް ފޭއްސާލާފައި.. ތި އެތި އަދި އަމިއްލަ ލޮލައް ވަދެ މުޅި ރާއްޖޭގޭ ބްރޭންޑް ޚަރާބު ކޮށްލާނެ. ހޯމް ސްޓޭގެ ވެސް ނިމިގެންދާނީ މުއްސަންދިންގެ ވިޔަފާރިއަކަށް. ގެސްޓްހައުސް ވެސް ނިމިގެންދިޔައީ އެހެން. ދެން ފެންނާނީ ރަޖިސްޓަރީ ނުކޮށް ޓެކްސް ނުދައްކައި ހޯމްސްޓޭގެ ނަމުގައި ހުރިހާ ގެސްޓްހައުސްތަކެއް ހިންގާތަން. އަހަރެމެންގެ ގެޔަށް މިގެެނެސް ވެއްދެނީ ކާކުކަން އިނގޭނެގޮތެއްވެސް ނޯންނާނެ. ތިވިޔަފާރިއަކާއި ހެދި އާއިލާތއްވެސް ރޫޅޭނެ.
ރަދުން
03 January 2022
ތަނެއް ދޮރެއް ދޮރު ކަންޏެއް ނޭނގުނަސް ކޮމެންޓް ކުރާތި.
ކަނޑުކޮސްރަދުން
03 January 2022
މިގައުމުގެ އާބާދީގެ ބޮޑު ބަޔަކީ ކިޔަވައިގެން ތިބި ވިސްނޭމީހުން . މޮޅު ނަމަކުން "ރަދުން"ކިޔާފަ ވިސްނުމުން "ކަނޑުކޮހުން" ނެއް ނޫން! ވަރަށް ވެދުން!
ބިއްޖެހި
04 January 2022
އަބަދު ކޮއްމެ ކަމަކުން ވެސް މުއްސަނދި ވަނީ ހީވާގި މަސައްކައްތެރިން. ތިކަހަލަ ކައްނެތް ރޯނުއެދުރުން ނިދާފަ ތިއްބާ ލާރި މަތިން ފައިބަންތަ ޖެހެނީ
ޤަދްޤާމް
03 January 2022
އޭ ކިހާވަރަކުން ދާނެބާ؟ ރަނގަޅުވެސް ވެދާނެ އިނގޭ. ދެން ހުންނާނެ އިނގޭ ކޮންމެސް ވަރަކަށް ކުދިކުދި ގޯސްތައް. ވަރި ގިނަވެދާނެހެން ހީވޭ. ދެން ކޮންމެ ކަމެއް ސިޔާސީ ނުކޮއްބަލަ ހެޔޮ ނުވާނެ. އިޖްތިމާއީ ފޭރާން އޮތީ ނުވީދިތަ މިހާރު؟ ކޮންމެހެން މިކަން ކުރާށެކޭ ނޫން. ނުކުރާށެކޭވެސް ނޫން. ކޮއްފަ ގޯހީޔާ ހުއްޓިވެސް ދާނެތާ. އަމިއްލަ ފަރުދުން ތަނަވަސް ވާނޭ މަގުތަކެއް އެބަޖެހޭ ފެންނަން ގައިމު. އެހެންނު.
އަލިބެހޮއްކޮ
03 January 2022
ތަހްޒީބުވެފައިވާ މީހުންނަކީ އެހެން މީހުންގެ އާދަ ކާދަތަކަށާއި ފިކުރަށް އިހްތިރާމް ކުރާ ބައެއް. ތަހްޒީބުވަނީ އެގޮތުގައި ތިބޭތީ. އެ މީހުންނަކީ އެމީހުން ގަބޫލު ކުރާ ސުވަރުގެ އަށް އެހެން މީހުން ގޮވައިގެން ދާން އެހެން މީހުންގެ ފިކުރު އެމީހުންގެ ފިކުރަށް ބަދަލު ކުރަން އުޅޭ ބައެއް ނޫން. އެމީހުންގެ ލަޝްކަރު ބޮޑު ކުރަން އުޅޭ ބައެއް ނޫން. ހޯމް ސްޓޭ އަށް ރާއްޖެ އަންނަ ގިނަ މީހުންވާނީ ބަޖެޓް ރޭޓެއްގައި ހޮލިޑޭ ހަދާލަން އަންނަ މީހުންނަށް.
ޖުހާނާ
03 January 2022
ސުބްޙާނަﷲ. މި ކަލޭގެއަށް މިކިޔޭ އެއްޗެއް އެނގޭބާ؟
ވަހީދުބޭ
03 January 2022
މީ ކިހާ ހިސާބަކުން އައިސް ފަ ހުރި ބޭޅޭއްތޯ؟ ކޮމެންޓް ކުރާއިރު ލިޔާ އެއްޗެއްވެސް ދޭހަވާނަމަ ދެއްތޯ؟