އަމިއްލަ ފަރާތަކުން ހިންގާ ލެބްއެއްގައި ކޮވިޑް-19 އަށް ޓެސްޓްކުރަނީ-- ފޮޓޯ: ނިޝާން އަލީ/ މިހާރު
18 ޖެނުއަރީ 2022 - 12:54
24 comments
މާލެ ފިޔަވައި މި ވަގުތު ރާއްޖެ އިން ކޮވިޑް-19 އަަށް ޓެސްޓް ކުރުމަށް ޕީސީއާރު ހެދެނީ ހަތަރު އަތޮޅަކުން ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިއަދު ބުނެފި އެވެ. އެއީ ހދ. ކުޅުދުއްފުއްޓާއި ބ. ދަރަވަންދު އާއި ދ. ކުޑަހުވަދޫ އަދި އައްޑޫ އިކުއިޓޯރިއަލް ހޮސްޕިޓަލެވެ.
އެޗްއީއޯސީގެ އޮފިޝަލަކު، "މިހާރު" އަށް ވިދާޅުވީ މި ވަގުތު އެ ހަތަރު އަތޮޅުން އެކަނި ޕީސީއާރު ޓެސްޓު ހެދުނަސް ށ، ރ، ބ، ޅ، ތ، ލ، ގއ. އަދި ގދ އާއި ފުވައްމުލަކު ހޮސްޕިޓަލުގައި ޖީން އެކްސްޕާޓް މެޝިން ހުންނާނެ ކަމަށެވެ. އޭނާ ވިދާޅުވީ، މި މެޝިންތަކުން ދުވާލަކު 40 ސާމްޕަލް ޓެސްޓް ކުރެވޭނެ ކަމަށާއި އެހެންވެ ކޮވިޑްގެ އަލާމާތް ހުންނަ މީހުންގެ ސާމްޕަލް ރަށްރަށުން ޓެސްޓް ކުރެވޭނެ ކަމަށެވެ.
އޭނާ ވިިދާޅުވިގޮތުގައި، ކޮމިއުނިޓީ ސްޕްރެޑް އޮންނަ ރަށްރަށުގައި ތިބޭ ކޮވިޑްގެ އަލާމާތް ހުންނަ މީހުންގެ ޓެސްޓް ކުރުމަށް އެންޓިޖެން ޓެސްޓް ވެސް ފޯރުކޮށްދެ އެވެ. އެޗްއީއޯސީން އެ ޓެސްޓުތައް އަތޮޅުތަކާއި ރަށްތަކަށް ވެސް ފޯރުކޮށްދެ އެވެ.
އެކަމަކު ކަރަންޓީނު ނިމޭ މީހުންގެ ސާމްޕަލާއި ބަލީގެ އަލާމާތް ނުހުންނަ މީހުންގެ ސާމްޕަލް ނެގުމަށް ފަހު، ޓެސްޓުކުރުމަށް އާންމުކޮށް ފޮނުވަނީ ކައިރި އަތޮޅުތަކަށް ނުވަތަ މާލެ އަށް ކަމަށް އޮފިޝަލް ވިދާޅުވެ އެވެ.
ރާއްޖޭގައި ކޮވިޑް ފެތުރޭތާ ދެ އަހަރަށް ވުރެ ގިނަ ދުވަސް ވިޔަސް އަދިވެސް ގިނަ ރަށްރަށުގައި ކޮވިޑަށް ޓެސްޓްކޮށް ފަސޭހައިން ނަތީޖާ ލިބޭނެ އިންތިޒާމެއް ނެތުމުގެ ސަބަބުން އާންމުން ކަންބޮޑުވެ އެވެ. ބައެއް ރަށްރަށުގައި ކަރަންޓީނުގައި ތިބި މީހުންގެ ސާމްޕަލްގެ ނަތީޖާ ނުލިބި 3-4 ދުވަސްވާ ކަަމަށް އެ މީހުން ބުނެ އެވެ.
ރާއްޖޭގައި އަލަށް ކޮވިޑް-19 އަށް ޓެސްޓުކުރަން ފަށާފައި ވަނީ މާޗް 2020 ގަ އެވެ. ރާއްޖެ އިން އެ ބައްޔަށް ޝައްކުވާ މީހަކު މާޗް 7، 2020 ގައި ފުރަތަމަ ފަހަރަށް ފެނުމާއެކު، ޓެސްޓު ހަދަން ފޮނުވީ އިންޑިއާގެ ޕޫނޭ އަށެވެ. އޭގެ ފަހުން ވެސް ޝައްކުވި ބައެއް މީހުންގެ ޓެސްޓުތައް ޕޫނޭގެ ލެބޯރެޓަރީއަކަށް ފޮނުވައިގެން ހެދިޔަސް ދުނިޔޭގެ ސިއްހަތު ޖަމިއްޔާގެ އެހީތެރިކަމާއެކު، އެ އަހަރުގެ މާޗު މަހުގެ ފަހުކޮޅު އައިޖީއެމްއެޗުގައި ކޮވިޑް-19 އަށް ޓެސްޓު ކުރަން ސަރުކާރުން ފެށި އެވެ.
އެހެންވެ، ރާއްޖެ ހިމެނެނީ ކޮވިޑް-19 ދުނިޔެ އިން ފެނުނު ފުރަތަމަ ދުވަސްކޮޅު އެންމެ ފުރަތަމަ އެ ބައްޔަށް ޓެސްޓު ކުރަން ފެށި ގައުމުތަކުގެ ތެރޭގަ އެވެ. އެކަމަކު ކޮވިޑްގެ ބަލި ފެތުރެމުންދާތާ އެތައް ދުވަހެއް ވީއިރު ވެސް ރަނގަޅު އިންތިޒާމެއް ނެތް ކަމުގެ ޝަކުވާ ބޮޑެވެ. ނަމަވެސް ކޮވިޑަށް މިހާތަނަށް ދެ ބިލިއަން ރުފިޔާ ރާއްޖެ އިން ހޭދަކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށްއިތުމީހާ
18 January 2022
65 ގޮނޑި ނަގާގެން ތިބި އެމްޑީފީ މެންބަރުން ލަދުކޮބާ? ކީއްވެ އެބޭފުޅުންނާ ސުވާލު ނުކުރެވޭންވީ ހާލަތު މިހާދަށްވާއިރު. ޓެސްޓް ހަދާ ނުލެވޭ އަތޮޅުތެރެއިން. މުޅި ރާއްޖެއަށް ކޮވިޑް ފެތުރިއްޖެ. ހުރިހާ ސާންފަލު މާލެގެނެސް ނަތީޖާ ލިބޭނި މީހާ ރަގަޅުވާ ފަހުން. ލަދުކޮބާހޭ?
ސަނާ
18 January 2022
ރަށްއިތުން ފެލަށްވެގެން ހިންގާ ޖަރީމާ. އެޗްފީއޭއަކުން ނޫޅެ އަދަދު ތައް މަށްޗަށް ދާތީއޭ ކިޔާފަ ކޮންޓްރޯލު ކުރާކަށް އެއްވެސް ކަމެއް. ދެއަހަރު ވެގެން ދިޔައިރު މި މީހުންނަށް ދަސްވީ މި މީހުންގެ ޖީބުތައް ފުރާލާނެ ގޮތް. އިސްތިއުފާ ދީބަލަ. ކަން ކަން ނުވަންޏާ.
ހޯރަބޭ
18 January 2022
އެ އޮތް ބޮނޑް ހއ އަތޮޅުގަ ނެތޭ ކޮވިޑަށް ޓެސްޓް ހަދާލެވޭގޮތެއް. ދެ އަހަރާ ބައިވީއިރު އެޗްފީއޭގަ އުޅޭ ވަކިބައެއްގެ މާލީމަންފާއަށް ގަސްތުގަ އަތޮޅުތެރޭ ކޮވިޑް ޓެސްޓް ހެދޭގޮތް ނުހަދަނި. ދާއިރާގެ 5 ގޮނޑި އެމްޑީފީއަށް ދިނީމަ މީީތޯ ތިބޭފުޅުން ރަށްއިތުންނަށް ދިން ހަދިޔާއަކީ. ތިބޭފުޅުން ކީއްވެތޯ މިވާހަކަ ނުދަށްކަނި. ސައްލެމެން ކީންތޯ ތި ކުރަނި? މުޅިއަތޮޅުގަ ކޮވިޑް ފެތުރޭއިރު ނެތޭ ޓެސްޓް ހަދާލެވެން.
މޯޑް
18 January 2022
ތީ ރާވާގެން ވަކިބަޔަކުގެ ނޫފޫޒުން ކުރާކަމެއް. އަތޮޅު ތެރެއިން ކޮވިޑް ޓެސްޓް ހެދޭކަމަށް ވާނަމަ އެމީހުންގެ ކުލިނިކުތަކަށް އާމްދަނީ ދަށްވާނެ އެތީ
ދިއްދޫމީހާ
18 January 2022
ވިޔަފާރީގަ އިންނާނީ ސަޕްލައި އެންޑް ޑިމާންޑް، ގިނަ އަތޮޅުތަކުން ކޮވިޑް ޓެސްޓް ހެދެންޔާ ވާނި ގޮތަކީ ކޮވިޑް މާފިޔާ ޑޮން ހެދުމުގެ ފުރުސަތު ބަޔަކު މީހުންއަ ގެއްލޭ…
1828
19 January 2022
އެގްޒެކްޓްލީ
ޚޮވިޑްޓޫރިޒަމް
18 January 2022
(2) ކުރާ މަސައްކަތް ބޮޑެތި ބޭބޭފުޅުންނަށް އެނގޭހެނެއް ހިއެއްނުވޭ. ބައެއްފަހަރު މާލެދާނެ ލޯންޗެއް ނެތިއްޔާ ކުއްޔަށް އެހެން ލޯންޗެއް ނަގައިގެން ރިސޯޓެއް ނުވަތަ ކައިރީ އެހެން ރަށަކަށް ފޮނުވައިގެންވެސް ބޮޑު މާލެއަށް ފޮނުވަންޖެހޭ. 2 އަހަރާބައި ވީއިރުވެސް މިކަމަކަށް ބަދަލެއް ނައި. މިހާރުމީ މީސުން ސަކަރާތް ދުވަސްވަރެއް. މިއަދުވެސް ގިނަ ލޯންޗު ދަތުރުތައް ކެންސަލް… ބެސްޓް ޓޫރިޒަމް ޑެސްޓިނޭޝަން.. އަސަރުން ފުރިފަ..
ކޮވިޑްޓޫރިޒަމް
18 January 2022
(1) ޜަށްރަށުގަ ހުންނަ ގެސްޓްހައުސް ތަކުން މީރާއަށް ޓުކްސް ދެއްކީމަ އޭގަ ވަރަށް ބާރަށް ހިފައިގެން އުފަލުން މަހުން މަހަށް ތަފާސްހިސާުބު ނެރެގެން އަތްޖަހަން ތިބޭއިރު، ފުރާމީހުންގެ ސާމްޕަލް ސިއްހީމަރުކަޒު މީހުންލައްވާ ނަގައިގެން، ގެސްޓްހައުސްގެ ސްޓާފުން އެއަތަށް ލައިގެން ކާތަކެތިލާ ފުރިޖުގަ ބައިންދާފަ އައިސްބޮކްސްއެއްގަ ފުރާލޯންޗެއްގަ މާލޭގެ ކޮންމެވެސް ވަރަށްބޮޑު މީހެއްގެ ލެބަކަށް ފޮނުވައިގެން ނަތީޖާ ހޯދައިގެން މިކަން މިދަތިހާލުގަ ކުރުމަށް..(2)
އިބުރާހީމް ކޮބާ
18 January 2022
ތިޔަ ބުނާ ޓެސްޓް ހަދަން ޖެހޭކަން ހެލްތު މިނިސްޓަރަށް ނޭގެންޏާ ވެސް އެހާ ސަމާލުކަން ނުދީފާނެ އަތޮޅު ތެރޭގަ ތިކަން ހަމަޖައްސަން.
އައްޑޫމީހެއް.
18 January 2022
ކ.އަތޮޅު މާލެއަށް އިސްރާފުގެ ގޮތުގައި އެތައްމިލިޔަން ޑޮލަރު ހޭދަކުރާއިރު ކޮވިޑް ފަދާ ވަބާތަކުން މިރަށްރަށުގެ މީހުން ރައްކާތެރިކުރުމަށްވެސް ސަރުކާރުން މަސައްކަތެއް ނުކުރޭ.
ކުޑަހުވަދޫ މީހާ
18 January 2022
ކުޑަހުވަދޫން ވަރަށް ފަސޭހައިން ތިކަން ވޭ. މެންދުރު ހެދިޔަސް ރެޔަށް ނަތީޖާ ލިބޭ.
އިނގޭތަ
19 January 2022
ކުޑަހުވަދޫގައި ކޮވިޑް ޓެސްޓް ހެދުމަށްޓަކައި މެޝިނުދިނީ ރިސޯޓް މަހުޖަނަކު. އެއީއެމީހުންނަށް ފަސޭހަކުރުމަށްޓަކައި. ސަރުކާރުން އެމަހުޖަނުކައިރީގައި ބުނީ އެމެޝިނު ކުޅުދުފުއްޓަށް ފޮނުވަން. އެކަމަކު މަހުޖަނު ދެކޮޅުހެދުމުގެ ސަބަބުން، ކުޑަހުވަދޫގައި ކޮވިޑް ޓެސްޓްކުރާ މެޝިން ބަހައްޓާ ޚިދުމަތް ދިނުމަށްކުރަން ޖެހުނުކަންކަމަށް ސަރުކާރުން އެއްބާރުލުމެއް ނުދިން. މަހުޖަނުގެ ފަރާތުން މީހަކު 03މަސްވަންދެން ގުޅީމައިވެސް އެ ހޮސްޕިޓަސްގެ މެނޭޖަރ ފޯނަށް ޖަވާބެއް ނުދޭ