ޑްރަގްސް އެތެރެކުރުމުގެ ދައުވާއެއް ސާބިތެއް ނުވި

ފުލުހުންގެ ބެލުމުގެ ދަށުގައި ހުރި މަސްތުވާއެއްޗެހިތަކެއް: ފަސް ކިލޯއަށް ވުރެ ގިނަ މަސްތުވާތަކެތި އެތެރެކުރުމުގެ ދައުވާލިބުނު މީހަކު ވަނީ ސަލާމަތްވެފައި --- ފޮޓޯ/މިހާރު

މުއިއްޒު އިބްރާހިމް، މިހާރު

07 ފެބުރުއަރީ 2022 - 11:41

23 comments

ރާއްޖެއަށް 600 ގްރާމަށް ވުރެ ގިނަ މަސްތުވާތަކެތި އެތެރެކުރި މައްސަލައެއްގައި، އަތުލައިގަތް މަސްތުވާތަކެތި ފުލުހުންގެ ލެބޯރެޓަރީއާ ހަމައަށް ގެންދިޔަ ގޮތް އެނގެން ނެތުމުން، އެ މައްސަލައިގައި ދައުވާ ލިބުނު މީހާގެ މައްޗަށް ކުށް ސާބިތުނުވެ، އިއްޔެ ސަލާމަތްވެއްޖެ އެވެ.

މޭ 2016 ގައި ދިވެހި އަންހެނަކު ވައިގެ މަގުން ރާއްޖެ އައިއިރު ލަގެޖުން 600 ގްރާމަށް ވުރެ ގިނަ މަސްތުވާތަކެތި ފެނުނު މައްސަލައިގައި ދައުލަތުން ކްރިމިނަލް ކޯޓުގައި ކުރީ ޖަދުވަލު 1 ގައިވާ މަސްތުވާއެއްޗެއް އެތެރެ ކުރުމުގެ ދައުވާ އެވެ.

އެ މައްސަލައިގައި އެ ކޯޓުން ކުރި ހުކުމުގައި ވަނީ މަސްތުވާތަކެތީގެ ތަހުލީލު ރިޕޯޓާއި ޗެއިން އޮފް ކަސްޓަޑީ ފޯމުތަކަށް ބަލާއިރު، އަތުލައިގަތް މަސްތުވާތަކެތި ތަހުލީލުކުރި މީހާއާ ހަމައަށް އެ ތަކެތި ގެންދިޔައީ ކާކުކަން އެނގެން ނެތް ކަމަށެވެ. އަދި މަސްތުވާތަކެތި އަތުލައިގަތުމަށް ފަހު، ފުލުހުންގެ އެކަކު އަތުން އަނެކަކު އަތަށް އެ ތަކެތި ދައުރުވި ގޮތް ވެސް ލިޔުންތަކުން ސާފުނުވާ ކަމަށް ގާޒީ ހުސައިން ފާއިޒް ރަޝާދު އިއްވެވި ހުކުމުގައިވެ އެވެ.

ހުކުމުގައި ވަނީ ފުލުހުން ލެބޯރެޓަރީން ތަހުލީލުކުރި މަސްތުވާތަކެއްޗަކީ ދައުވާ ލިބޭ މީހާގެ ލަގެޖުން ފެނުނު ތަކެތިކަން ސާބިތު ކުރުމަށް ހެކި ހުށަހެޅުމަކީ ދައުލަތުން ކުރަންޖެހޭ ކަމަކަށް ވާއިރު، މައްސަލަ ނިންމުމާ ހަމައަށް ވެސް އެކަން ސާބިތު ކުރެވޭނެ ލިޔުމެއް ދައުލަތުން ހުށަހަޅާފައި ނުވާ ކަމަށެވެ. އެހެންވެ، މަސްތުވާތަކެތި އެތެރެކުރުމުގެ ދައުވާ އެކަށީގެންވާ ޝައްކެއް ނެތް މިންވަރަށް ސާބިތުނުވާ ކަމަށް އެ ހުކުމުގައިވެ އެވެ.

ތަހުގީގުގައި ހުރި އެހެން ބައެއް ގޯސްތައް ހުކުމުގައި ފާހަގަ ކޮށްފައިވެ އެވެ.

މަސްތުވާތަކެއްޗާ ހަވާލުވާން ދާ މީހަކު ހޯދަން ދައުވާ ލިބޭ މީހާ ބައިވެރިކޮށްގެން ހިންގި ކޮންޓްރޯލް ޑެލިވަރީ އޮޕަރޭޝަންގައި، ދައުވާ ލިބުނު އަންހެން މީހާގެ ގެސްޓް ހައުސްއަކަށް ގެންދިޔައިރު، އެ ތަނުގައި އަންހެން ފުލުހަކު ނެތުމަކީ މައްސަލައެއް ކަމަށް ހުކުމުގައި ވެ އެވެ. އަދި އޭނާއާއެކު އިތުރު މީހަކު ރާއްޖެ އަޔަސް، ދެވަނަ މީހާ ހައްޔަރު ނުކޮށް އޮޕަރޭޝަން ކުރިއަށް ގެންދިޔަކަން ހުކުމުގައި ފާހަގަކުރި އެވެ.

ކުށްކުރުން ފުލުހުން ކްރިމިނަލް ކޯޓް މަސްތުވާތަކެތި މަސްތުވާތަކެތީގެ ގާނޫނު

23 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިކިލީކުސް

08 February 2022

އަތުން ނުފެނި، ގެއިން ނުފެނި، މުޅި ސަރަހައްދުގަ ކެމެރާ ހުއްޓާ އޭގެއިންވެސް ނުފެނުނުއެއްޗަކަށް 2012 ވަނަ އަހަރު ހުކުމްކުރި. ގުޅިގެން ރޭވިގެންނޭ ކިޔާފަ 1 ލައްކަ ރުފިޔާއިން ޖުރިމަނާކޮށް އުމުރަށް ޖަލަށް. ހަމަ އެގާނޫނު ތިއީ.ދައުލަތުމް ބޭނުންވީމަ އުންސުރު ނެތަސް އެއަށް ރިއާޔަތް ނުކޮށް ހުކުމް ކޮށްލަނީ ޕީޖީ އަށާ ގާޒީއަށް ކޮންކަހަލަ ހިނިތުންވުމެއް ދީގެންބާ؟ އެހެންޏާ ޖަހައިގެން ހުންނަ ޕެޑުން ނެގީމަވެސް ފަންސުރާ ދެންހުރި ސުރެއް ހަމަނުވޭ ޕީޖީ ޝަމީމޫ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

07 February 2022

މިހާރުދެން އެތެރެކުރުމުގެ ދައުވާނުކޮއް، ބޭރު ކުރިކަމުގެ ދައުވާ ކުރަންވީނުން؟؟ ޕީޖީ މީޑިޔާއަ އަރާފަ ބުނީކަމެެއް ބުނެވުނީކަމެއް ނޭގެ، ކޯޓަށް މައްސަލަ ފޮނުވާނީ އުންސަރާ ފަންސުރު ފުރިހަމަ ކޮއްފާއޭ، އެކަމް މައްސަލަ ނިމޭ އިރު ފަންސުރާ އުންސަރާ އަންސަރާ މިއޮންނަނީ ފުރިހަމަ ނުވެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންސު

07 February 2022

މިކަހަލަ ހިތަށް ފިނިވާ ޒާތުގެ ހަބަރު ފަހުން ފަހުންއައިސް އެބަ ގިނަވޭ. ބައި އިލެކްޝަންއަށްފަހު ހީވޭ މާގިނަވާހެންއަދި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަގަރޭ

07 February 2022

ކޮ ފީ ޕެކެޓް ނެގިމީހާ ޖަލުގަ... ލޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުސްތާން

07 February 2022

ނުވާނެ.. .މި ފަހަރު ފަންސުރުގަ ރަބަރު ނެތިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޮސްބެ

07 February 2022

މިއޮތީވާ ގައުމެއް، ސަދޫމް ފަނޑިޔާރުގެޔަކާ ތަފާތެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަޙުމަދު.

13 March 2022

ޜަނގަނޅު ވާހަކައެއް. ޕޮލިހުން ކިތަންމެ ބުރަމަސަހކަތެއް ކޮށްގެން އަތުލައިގަންނަ ބޮޑެތި ޑުރަގު މައްސަލަތަށް ތަޙުގީގުކޮށް ޝަރިއަތަށް ފޮނުވިއަސް ފަނޑިޔާރުން ތިބޭނި މައްސަލަ އަވަހަށް ނިންމާ އެކޭސް ފައިލުކުރަން ކެއްމަދުވެފަ. މައްސަލަ ސާބިތުކުރުމަށް ބޭނުންވާ މަންސޫރާ ފަންސޫރާ ދަންތޫރާ ފުރިހަމަ ނުވާތީ ސާބިތުނުވާކަށް ނިންމާލަނީ ކިހާއަވަސް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑީއީއޭ

07 February 2022

ދިވެހި ރާއްޖެ އަކީ ވަރަށް ފަހަތުގަ އުޅޭ ޤައުމެއް. މިޒަމާނުގަ ޑުރަގު ފަސިންޖަރެއްގެ ލަގެޖުން ފެނިއްޖިއްޔާ އެއެތި ޓެސްކުރާނީ އެމީހެއްގެ ކުރިމަތީގަ. އެފަދަ އާލާތްތައް ދުނިޔޭން މިހާރުލިބޭން ހުރޭ. އޭގެން އިގޭނެ ކޮކައިން ޕޮޒިޓިވް ވެއްޖިޔާ. ދެންޖެހޭނީ ކޯޓުން ހުކުން ކުރަން. ކޮން ޤާޒީއޭކިޔާކަށް. މަޝްހޫރު ޖިއޮގްރަފިކަލް ޗެނެލުން ދައްކާނެ ކޮލަންބިޔާ އެއަރޕޯޓާއި އަދިވެސް މަޝްހޫރު އެއަރޕޯޓްތަކުގަ މިކަން ކުރާގޮތް. ޕޮލިހާއި ކަސްޓަމު ތިބެނީ ނީދާފަތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީލުބެ

07 February 2022

2016 ގަ ވައިގެމަގުން އައި މީހެކޭ؟ އަދި ކިރިޔާ ހުކުމާއި ހަމައަށް ދިޔައީ؟ ޖޭ. އެސް. ސީ. އަށް ސިޔާސީ މީހުންލައިގެން ކީއްތަ މިކުރަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

07 February 2022

ހީހީ ހަލާކު. ޖޭ.އެސް.ސީ އަށް މިކަހަލަ ހުކުން ކުރާ މީހުންގެ މައްސަލަ ބެލުން އެއީ ނެތް ކަމެއްތަ. " ލެބޯރެޓަރީއާ ހަމައަށް ގެންދިޔަ ގޮތް އެނގެން ނެތުމުން، " .... ކެކެކެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަމް77

07 February 2022

ކިތަންމެ ރުޅި އަޔަސް މިގޮތައް ހުކުމް އަންނަނީ މައުސޫމް މީހެއްގެ މައްޗައް ކުރެވޭ ދައުވާ އިން ސަލާމަތް ކުރަން. ކޯޓުން ހުކުމް ކުރަނީ ހެއްކާ ގަރީނާ އައް ބަލާފަ. ބަޔެއްގެ އިހްސާސްތަކައް ބަލާފައެއް ނޫމް.