އެމްއެމްޕީއާރުސީގެ މައްސަލަ ތަހުގީގުކުރަން ބޭރުގެ ބަޔަކާ ހަވާލުކުރަން ވަރަށް އެދުނިން: ނަޝީދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު: އެމްއެމްޕީއާރްސީ މައްސަލަ ބޭރުގެ ފޮރެންސިކް އޮޑިޓަރުންނަށް ކޮންޓްރެކްޓް ކުރަން އެދުނު ކަމަށް ވިދާޅުވި---ފޮޓޯ: މިހާރު

މޫސާ ރަޝީދު، މިހާރު

24 ފެބުރުއަރީ 2022 - 09:45

17 comments

ރާއްޖޭގައި ފަހުގެ ތާރީހެއްގައި ހިނގާފައިވާ އެންމެ ބޮޑު ހިޔާނާތް، އެމްއެމްޕީއާރްސީގެ މައްސަލަ ތަހުގީގު ކުރުމަށް ބޭރުގެ ފޮރެންސިކް އޮޑިޓަރުންނާ ހަވާލު ކުރުމަށް އެދިވަޑައިގަތް ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ނަޝީދު މިއަދު ކުރެއްވި ޓުވީޓެއްގައި ވިދާޅުވީ އެމްއެމްޕީއާރްސީގެ ތަހުގީގު ބޭރުގެ ބަޔަކަށް ކޮންޓްރެކްޓު ކުރަން އެމަނިކުފާނު ވަރަށް ބޮޑަށް އެދިވަޑައިގަތް ކަމަށެވެ. އެ މައްސަލަތައް ދެން ވެސް ރަނގަޅަށް ތަހުގީގު ކުރެވި އެކަށީގެންވާ ދައުވާ ނުއުފުލޭ ނަމަ ދައުލަތް ފެއިލް ވާނެ ކަމަށް އެމަނިކުފާނު ވިދާޅުވި އެވެ.

ޓޫރިޒަމަށް ރަށްތައް ދޫކޮށްގެން އެމްއެމްޕީއާރުސީ މެދުވެރިކޮށް ހިންގި ބޮޑު ހިޔާނާތާއި ސަރުކާރުގެ ކުންފުނިތަކުން ހިންގި އެތައް ބިލިއަން ރުފިޔާގެ ހިޔާނާތުގެ މައްސަލަތައް ބަލައި ފިޔަވަޅު އަޅަން ރައީސް އިބްރާހިމް މުހައްމަދު ސޯލިހު އެ ކޮމިޝަން އުފެއްދެވީ ނޮވެމްބަރު 2018، ގަ އެވެ.

އެ ކޮމިޝަނަށް ފަސް މެމްބަރުން އައްޔަންކުރައްވައި ރައީސް ހަވާލުކުރެއްވީ، ޖެނުއަރީ 1، 2012 އިން ފެށިގެން ނޮވެމްބަރު، 17، 2018 ވަނަ ދުވަހާ ހަމައަށް ހިނގާފައިވާ ހިޔާނާތާއި ދައުލަތުގެ ފައިސާ ނަހަމަ ގޮތުގައި ބޭނުން ކުރުމުގެ ގިނަ މައްސަލަތައް އެކިއެކި ސަބަބުތަކާ ހެދި ރަނގަޅަށް ނުބެލި އޮތުމުން އެފަދަ މައްސަލަތައް ބެލުމެވެ. ތަހުގީގީ ބޮޑެތި ބާރުތަކާއި ދައުވާކުރުމުގެ ބާރު ގާނޫނަކުން އެ ކޮމިޝަނަށް ދިނެވެ.

ނަމަވެސް ހިޔާނާތުން މަންފާވި 281 މީހުންގެ ލިސްޓެއް މަޖިލީހުން މިދިޔަ މެއި މަހު އާއްމުކުރިއިރު، އޭގައި 63 ޕަސެންޓް މީހުންގެ ތަހުގީގެއް ނުފަށަ އެވެ. ގިނަ މީހުންގެ މައުލޫމާތު ދިޔައީ އޭރު ވެސް އެއްކުރަމުންނެވެ.

ހިޔާނާތް ބަލަން ހަވާލުކުރި ކޮމިޝަނަށް ނަތީޖާ ނުނެރެވޭ ކަމަށް ދޭތެރެއަކުން ރައްޔިތުންގެ މަޖިލީހުގެ މެމްބަރުން ވެސް ގެންދަވަނީ އެސެޓް ރިކަވަރީ ކޮމިޝަނަށް ފާޑުވިދާޅުވަމުންނެވެ. އެމްއެމްޕީއާރްސީ މައްސަލާގައި ދައުލަތް ފެއިލްވެފައިވާ ކަމަށް ބައެއް މެމްބަރުން ވެސް ވަނީ ވިދާޅުވެފަ އެވެ.

އެ މައްސަލާގައި މިހާތަނަށް ދައުވާކޮށް ދަށު ކޯޓުން ސާބިތު ކޮށްފައި ވަނީ ކުރީގެ ރައީސް އަބްދުﷲ ޔާމީންގެ މައްޗަށް އުފުލާފައިވާ މަނީ ލޯންޑަރިންގެ މައްސަލަ އެވެ. އެ މައްސަލަ ވެސް ވަނީ ސުޕްރީމް ކޯޓާ ހަމައިން ސާބިތު ނުވާ ކަމަށް ނިންމައިފަ އެވެ.

އޭގެ އިތުރުން ކުރީގެ މަޖިލީހުގެ މެޖޯރިޓީ ލީޑަރު އަހުމަދު ނިހާން އާއި އޭސީސީގެ އިންވެސްޓިގޭޓަރަކަށް އުޅުނު އަބްދުﷲ އާޒިމް އަދި މި ސަރުކާރުގެ ޔޫތު މިނިސްޓަރު އަހުމަދު މަހުލޫފްގެ މައްޗަށް ވެސް އެމްއެމްޕީއާރްސީ ކޮރަޕްޝަންގެ މައްސަލާގައި ވަނީ ދައުވާ އުފުލައިފަ އެވެ. އެ މައްސަލަތައް ވެސް ރަނގަޅަށް ނުހިނގާ ކަމުގެ ޝަކުވާ އެބައޮތެވެ.

ރައީސް މުހައްމަދު ނަޝީދު ކޮރަޕްޝަން އެމްއެމްޕީއާރްސީގެ ކޮރަޕްޝަން މަނީ ލޯންޑްރިން

17 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޫނިމާދޯނި

24 February 2022

ނަޝީދުގެ ވެރިކަމުގައި ބޭރުބަޔަކަށް ދީގެން 800 މިލިޔަން ޑޮލަރުގެ ތެލުގެ ވިޔަފާރިވެސް އޮޑިޓް ކުރިހަދާނެއްވޭ. އޭގެންވެސް ލިބުނު ނަތީޖާއެއް ހާސިލްވީ ކަމެއްނެތް. 2 މިލިއަނެއްހާ ޑޮލަރ ކޮންމެވެސް ބޭރުބަޔަކަށް ދިނުންނޫން. އެހެންވީމާ މިހާރު މިކުރާގޮތް މާރަގަޅުކަމަށް ފެންނަނީ.. ހަމަގައިމުވެސް ލިބޭ ލާރިއެއް ވިއްޔާވެސް ލިބެނީ ދިވެހި ރައްޔިތުންނަށްތާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަދުނުގަންނަ މަރިޔަނބު

24 February 2022

މިގައުމުގަ ހިންގާފަވާ އެންމެ ބޮޑު ޙިޔާނާތަކީ ޖީއެމް އާރް އައް އެއަރ ޕޯޓް ދިނުމާއި ޓާޓާމީހުން ލައްވާ އެޅި ފުލެޓްތައް މިގައުމުގަ އެންމެ ފުރަތަމައިންވެސް ތިޔަ ރައްތައް ބައިކުދިންނައް ބަހާހެދީ ވެސް ތިޔަމީހަގެ ސަރުކާރުން މިއަދު އަނެއްކާ ވޯޓް ކައިރިވީމަ ޙިޔާނާތޭ ތިޔަގޮވާނަގަނީ ތިޔަ ޙިޮޔާނާތުގަވެސް އެންމެގިނަ ރުފިޔާ ނެގީ ޕާޓީކުދިންނޯ އެޔޮއްގޮވަނީ ލަދުން ބޯހަލާކް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމަނާ

24 February 2022

އިނގިރޭސި ވިލާތުގެ ގާނޫނީވަކީލަކަށް (ރައްޓެއްސަކަށް/ވެރިކަން ހޯދައިދިނުމުގައި އެހީވީމީހަކަށް) ތީގެންވެސް ބައެއްއަޅާ ތިނިމުނީ. ތިޔައީ ޔަގީނުންވެސް ނިމިފައިވާކަމެއް. ތިޔައީ ތިމީހުން އަބަދުވެސް ކަންކުރާގޮތް. އަގު ދެނީ ހަމަ ތިފާޑަށް. ނަތީޖާއަކީ އަހަރުމެން ހަވާލުކުރާ ޓެކްސްފައިސާކޮޅު ބޭކާރުގޮތުގައި ނަގާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަބައްޑި

24 February 2022

ދޮގު ހަދަން މިވަރެއް ނެތް. ބޮޑު ޚިޔާނާތުން ބައި ރުފިޔާއެއް ނުހޯދުނު. ލިބުނު މީހުންގެ ތެރޭގައި އެމްޑީޕީ މީހުންވެސް ހިމެނޭ. ދެނޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލެކުސް

24 February 2022

ކިޔާތީ އިވޭ ކުރުސީ އަށް ވެސް އަޑުބައެއް ލިބުނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަރޯގާ

24 February 2022

ސޯލިހު ވެސް ކެއީ ނަށީދުވެސް ކެއީ، ޔާމިނު ކެއީ އެއްމެންނަ ބައިއަޅައިގެން ދެންކިހިނެއްތޯ މައްސަލަބަލާނީ މީހާރު ބާރުގެ ތިތިބީ ތިބޭފުޅުން!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަވަހުތާން

24 February 2022

އެއީ ބާރު ގަދަ އަޑުގަދަ އެންމެން ބަހާލައިގެން ބައި އަޅައިގެން ކައި ހުުސްކުރި ފައިސާއެއް! އެހެން ނޫނިއްޔާ ކީއްވެތޯ އެކަން ނުބެލެންވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

24 February 2022

އިންޑިޔާގެ ކުންފުނިތަށް މަތިމައްޗަށް ގުނަގުނައަށް ފައިދާވާގޮތަށް ޕްރޮޖެކްޓްތަށް ދިން މައްސަލަ ބަލަން އުޅެން މަނިކުފާނަށް ކެރޭނެތަ؟ އެކަމަށް ގޮވާނުލީ ކީއްވެތަ؟ އެޖަރިމާ ކުޑައީތަ؟ ނުވަތަ އޭގެ މޭސްތިރިއަކީ މަނިކުފާނަށްވީމާ ފަސްޖެހެނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

48343

24 February 2022

ކަލޭހީކުރަނީތަ ބޭރުމީހުން އަހަރެމެންނަށް ހެވެއްއެދޭނޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަމްހާޖު

24 February 2022

ބޮޑު ޖޯކެއް! ވަރަށް މަޖާ! ރައީސް ނަޝީދަކީ އަމިއްލަ ސިޔާސީ މަންފާއަށް ކަރަޕްޓު އަދި ކުޑަކުދީން ނާބެހޭ މީހުން ކަހަލަ ޖިނައީ ކުށް ކުރާ މީހުން ހިމާޔަތް ކޮށް އެމީހުން ކައިރީގައި ގެންގުޅޭ ލަދެއްނެތް މީހެއް! ލަދެއް ނުގަނޭތަ ނަޝީދު ވަަހަކަ ދައްކަން؟ ލަދު ކޮބާތޯ؟ ފިތުނަވެރި ނަޝީދު