ސަރުކާރުން ވަކި ގޮތެއް ނުނިންމާ ނަމަ ޓެކްސީ ދަތުރުތައް ހުއްޓާލަނީ

މާލޭގެ މަގެއްމަތިން ޓެކްސީއެއް ދަތުރުކުރަނީ.-- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

08 މާޗް 2022 - 16:18

ރާއްޖޭގެ ބާޒާރުގައި ވެސް ތެލުގެ އަގު ބޮޑުވެފައިވާތީ، މާލޭ ސަރަހައްދުގެ ޓެކްސީ ދަތުރުތަކުގެ އަގު ބޮޑުކުރަން ޓެކްސީ ސެންޓަރުތަކުން ޓްރާންސްޕޯޓް މިނިސްޓްރީ އަށް ހުށަހަޅާފައިވާއިރު، އަންނަ ބުރާސްފަތި ދުވަހާ ހަމައަށް ވަކި ޖަވާބެއް ނުލިބިއްޖެ ނަމަ، ޓެކްސީ ދަތުރުތައް ހުއްޓާލަން ސެންޓަރުތަކުން ނިންމައިފި އެވެ.

މާލޭ ސަރަހައްދުގައި ޓެކްސީގެ ހިދުމަތް ދެމުން އަންނަ ޓެކްސީ ސެންޓަރުތަކުގެ ފަރާތުން ޓްރާންސްޕޯޓް މިނިސްޓަރު އައިޝަތު ނަހުލާއަށް އިއްޔެ ފޮނުވި ސިޓީއެއްގައި ވަނީ ޓެކްސީގެ އަގަށް ބަދަލު ގެނެސްދޭން އެދިފަ އެވެ. އަދި ފަސް ދުވަހުގެ ތެރޭގައި ވަކި ގޮތެއް ނުނިންމައިފި ނަމަ، ދަތުރުތަކުގެއަގު ބޮޑުކުރާނެ ކަމުގެ އިންޒާރު ޓެކްސީ ސެންޓަރުތަކުން ދިނެވެ. އެއާއެކު، މިނިސްޓްރީން ވަނީ މިހާރު ކަނޑައަޅާފައިވާ އަގުތަކަށް ވުރެ ބޮޑު އަގު ނަގާ ނަމަ، ޓެކްސީ ސެންޓަރުތަކަށް ފިޔަވަޅު އަޅާނެ ކަމުގެ އިންޒާރު ދީފަ އެވެ.

އެހެންވެ، ޓެކްސީ ސެންޓަރުތަކުން މިހާރު ނިންމާފައި ވަނީ ދަތުރުތައް މެދުކަނޑައިލުމަށެވެ.

އެކަމުގައި އިސްކޮށް އުޅޭ ޑްރައިވަރަކު "މިހާރު" އަށް ބުނީ ޓެކްސީ ސެންޓަރުތަކުން މިހާރު ނިންމާފައި ވަނީ މި ހަފުތާގެ ބުރާސްފަތި ދުވަހުގެ ވަކި ވަގުތެއްގެ ކުރިން ދަތުރުތަކުގެ އަގާ މެދު ވަކި ގޮތެއް ނުނިންމައިފި ނަމަ، ޓެކްސީ ދަތުރުތައް ހުއްޓާލަން ކަމަށެވެ.

މާލޭ ސަރަހައްދުގެ ހުރިހާ ސެންޓަރަކުން ދަތުރުތައް ހުއްޓާލާނެ ކަމަށް އޭނާ ބުންޏެެވެ.

Taxi dhathuru thakuge aguthah muraajaa kohdheyn ministry in edhijje

The most trusted news source in the Maldives

Mihaaru

މާލޭ ސަރަހައްދުގައި ޓެކްސީގެ ހިދުމަތް ދެމުން އަންނަ ހުރިހާ ޓެކްސީ ސެންޓަރުތަކުގެ ފަރާތުން އިއްޔެ މިނިސްޓްރީއަށް ފޮނުވި ސިޓީގައި ވެސް ވަނީ ޓެކްސީ ހިދުމަތުގެ އަގު ނެގުމާއި އެ ހިދުމަތުގައި އުޅޭ ހުރިހާ ކާރުތަކެއްގައި މީޓަރު ހަރުކޮށްގެން އަގު ނެގުމުގެ އިންތިޒާމު ވީ އެންމެ އަވަހަކަށް ތަންފީޒު ކުރުމަށް ހުރިހާ ޓެކްސީ ސެންޓަރުތަކުގެ އިއްތިފާގުން ފާސްކޮށްފައިވާ ކަމަށެވެ.

މިހާރު މާލެތެރޭގައި 25ރ. އަށް ޓެކްސީ ދަތުރެއް ކޮށްދިން ނަމަވެސް ޑްރައިވަރުން އެދުނީ މާލޭގެ އެތެރޭގެ ދަތުރެއް 30ރ. އަށް ބޮޑުކުރާށެެވެ. އަދި މާލެ އިން ހުޅުމާލެ އަށް 100ރ. އާއި މާލެ އާއި ހުޅުމާލެ އިން އެއާޕޯޓަށް 80ރ. ނަގާ ގޮތަށް ބަދަލުކުރާށެވެ. ހުޅުމާލޭގެ ފޭސް ދެއަކުން މާލެ އަށް 120ރ. އަށް އަގު ބޮޑުކޮށްދޭން އެދުނުއިރު ހުޅުމާލޭގެ ފޭސް އެކަކުން ހުޅުމާލޭގެ ފޭސް ދެއަކަށް 40ރ. އަދި މާލެ އާއި ހުޅުމާލެ އިން ސީޕްލޭން ޓާމިނަލަށް 100ރ. ނެގުމަށާއި ހުޅުމާލޭގެ ފޭސް ދެއަކުން ސީޕްލޭން ޓާމިނަލަށް 120ރ. އަށް ބަދަލުކޮށްދޭން އެދުނެވެ. ނަމަވެސް މިހާތަނަށް މިނިސްޓްރީން ވަކި ގޮތެއް ނުނިންމަ އެވެ.

މާލެ ސަރަހައްދުގައި މިހާރު ދަތުރުކުރާ އަގުތައް:

- މާލެ - ހުޅުމާލެ ފުރަތަމަ ފިޔަވަހި، 75ރ. - މާލެ - ހުޅުލެ، 60ރ. - މާލެ - ހުޅުމާލެ ދެވަނަ ފިޔަވަހި، 90ރ.

މިހާރު ކަނޑައަޅާފައިވާ އަގުތަކާ ހިލާފަށް ޓެކްސީ ދަތުރުކުރާ ނަމަ ޖޫރިމަނާ ކުރުމުގެ ބާރާއި ޓެކްސީ ސެންޓަރުގެ ލައިސަންސް ބާތިލުކުރުމުގެ ބާރު ވެސް ޓްރާންސްޕޯޓް މިނިސްޓްރީ އަށް އޮވެ އެވެ.

ޓްރާންސްޕޯޓް މިނިސްޓްރީ ޓެކްސީ ޑްރައިވަރުން ޓެކްސީ ހިދުމަތް ޓެކްސީ ސެންޓަރު ޓެކްސީ އަގު މުޒާހަރާ

131 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖަހަންގީރު

12 March 2022

ޙުއްޓާލާ. ބަސް ދަތުރު ފަށާ. ބަހުގަ ނުދެވޭ މީހުން ހިނގާފަ އުޅޭނީ. ބައިސްކަލު މާ ރަނގަޅު ސިއްހަތަށްވެސް. އަވަހަށް ދާން ބޭނުންނަމަ ސައިކަލު ނޫނީ ސައިކަލު ޓެކްސީ މާރަނގަޅުވާނެ. މާލޭގެ މަގުތައް ތޮއްޖެހުން ވެސް ކުޑަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނބޫ

11 March 2022

ހުއްޓާލާ! މާ ރަނގަޅު. ހެޔޮ ގޮތުގައި ރައްޔިތުންނަށް ޚިދުމަތެއް ދޭ ބައެއް ނޫން. ތިޖަހަލަ ބަޔަކު ތިބިކަމަށް ބަލައިގެން އުޅެން ޖެހުމަކީ ވޭނެއްފަދަ ކަމެއް. ދެން ނުފަށާތިި އޭރުން އެހެން ގޮތެއް ހޯދާނެ. ތިކަހަލަ ބަޔަކަށް ބަރޯސާވެގެން ތިބެން ހެޔޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުލްމަތު

10 March 2022

ޑްރައިވަރުންނަށް މިހާރު މާގިނައިން ފައިސާ ލިބޭ، އެއީ ތަކުރާރުކަޮށް މާލޭގެ ހުރިހާ ސެންތަރުތަކަށް ގުޅައިގެންވެސް ޓެކްސީ ނުލިބި 30-40 މިނިޓް ހޭދަކުރަން އެބަޖެހޭ. ޓެކްސީ ތައް ގިނައިން ހުންނަނީ ޕާރކް ކޮށްފަ، ފުދޭ އާމުދަނީއެއް ލިބޭތީ ނޫންތޯ މިހެން ތުބެވެނީ. ރަނގަޅު ޚިދުމަތެއް ދީފާ ބޮޑު ކުރިޔަސް އެންމެ ރަނގަޅު. މިއަށްވުރެ އިތުރަށް ބޮޑުކޮށްފިއްޔާ ދެން އަމުދުން ރެސްޓް ގިނަވެ ޓެކްސީ ނުލިބޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަހްޒީބް މުޖްތަމައު

10 March 2022

ޓޭކްސީ ދަތުރުތަކަކީ އެހެން ކުރިއަރާފައިވާ ގަުމުތަކުގައި ވެސް އަގުބޮޑު ހިދުމަތެއް، އެހެންވެ އެގައުމުތަކުގައި ބަސް ތަކުގައި ދަތުރުކުރާ މީހުން ގިނަވެ، ބަހުގެ ނިޒާމް ރަނގަޅުކޮށްފައި ހުންނަނީ، ހިލޭ ބޭސްފަރުވާ އަދި ކިޔެވުމާއި ޑިގްރީ ހެދުން އޮންނަހެން ކޮންމެ ކަމެއް ހިލޭ ވާން ދިވެހިން ބޭނުންވާން ވެއްޖެނަމް އެކީ ތަހުޒީބުވުމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނބޫ

09 March 2022

މަ ބުނަން، ޓެކްސީތައް ހުއްޓާލައިފިއްޔާ ރައްޔިތުންނަށް މާ ފައިދާ. އެ ކީއްވެ؟ މަގުމަތީގަ ހިނގާ ބިނގާ އުޅެން ފަސޭހަވެ، އަހަރެމެންގެ ޖީބަށްލުއިވެ، ޓެކްސީ ނޫން ގޮތްތަކެއް ހޯދުމަށް މަގުފަހިވޭ. ކޮންމެހެން ރައްޔިތުން ބްލެކްމެއިލް ކޮށްގެން ފައިސާ ފޭރެން އުޅޭނެ ކަމެއްނެތް! ޓެކްސީގަ ދަތުރުކޮށްގެނެއް ނޫން އަހަރެމެން ބޮލުން ނުރަޖެހީ، ޓެކްސީ ނެތަސް ޤައުމު ހިނގާނެ އަދި އަހަރެމެންވެސް ދާނީ ކުރިއަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބެ

09 March 2022

ދައުލަތެއް މެނޭޖްކުރަން ނޭގުނީމަ މިކަހަލަ ކަންކަން ގިނަވާނެ.. ދެން އުފުލޭނީ ތަކެތީގެ ، ޙިދުމަތުގެ އަގު ، އެއިރުން މުސާރަ ކިހިނެއްބާ ހަދާނީ... މިސުވާލުގެ ޖަވާބު ކިހިނެއްބާ ދޭނީ.. މިނިމަމްވޭޖް ، ދިވެހިރާއްޖޭގެ އެކިހިސާބުތަކުގަ ލިވިންގ ކޯސްޓް ތަފާތުވެދާނެ ކެޕިޓަލް އިކޮނޮމިކް ހަބެއްގަ ކިހިނަކުންބާ މިކަންކުރާނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަބްލިކް

09 March 2022

ޓެކްސީ މަދުކޮށް ބަސް ދަތުރު ގިނަ ކުރަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

09 March 2022

ސަރުކާރެއްވިއްޔާ ގަޓެއް ހުންނާނެ. ސަރުކާރު ޕްރެޝަކަށް ތިޔަކަހަލަ ކަމަކުން ގޮސްގެންނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ!

09 March 2022

ޓެކްސީނުކުރިއަސްއޯކޭ،،، މިހާރު އެޕުން ކާރުލިބޭ. އަގުވެސް ހެޔޮ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހޮދޭބެ

09 March 2022

ރޭ 12 ގެ ފަހުން މާލޭން ހުޅުމާލެ ފޭސް2 އަށް ދާންވެގެން ޓެކްސީއެއްގައި އަހާލިމާ ޑުރައިވަރު ބުނީ 190 ރުފިޔާއަށޭ ދަތުރު ކުރެވޭނީ. ނުދާނަމޭ ބުނެފަ، ވަގުތުން ފުރެންޑަކަށް ގުޅީ. އޭނާގެ ސައިކުގަ ފޭސް 2 އަށް. 190 ރުފިޔާއަށް ވަރަށް ސަލާމް