ކޮވިޑް-19 ގެ ހާލަތު ނިމުނަސް، އޮންލައިންކޮށް ޝަރީއަތް ކުރިއަށް ގެންދެވޭނެ: ސުޕްރީމް ކޯޓް

އުއްތަމަ ފަނޑިޔާރު މުއުތަސިމް: ކޮވިޑް-19 ގެ ހާލަތު ނިމުނަސް އޮންލައިންކޮށް ޝަރީއަތް ކުރެވޭ ގޮތަށް ވަނީ ހަމަޖައްސާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

15 މާޗް 2022 - 15:17

4 comments

ކޮވިޑް-19 އާ ގުޅިގެން އިއުލާންކުރި ސިއްހީ ކުއްލި ނުރައްކަލުގެ ހާލަތު އުވާލިޔަސް، އޮންލައިންކޮށް ޝަރީއަތްތައް ކުރެވޭ ގޮތަށް ސުޕްރީމް ކޯޓުން ހަމަޖައްސައިފި އެވެ.

ރާއްޖޭގައި ފުރަތަމަ ފަހަރަށް އޮންލައިންކޮށް ޝަރީއަތްތައް ކުރަން ފެށީ ސިއްހީ ކުއްލި ނުރައްކަލުގެ ހާލަތު 2020 ވަނަ އަހަރު އިއުލާން ކުރުމުންނެވެ. އެ ބަދަލާ އެކު ގިނަ ވަގުތުތަކެއް ސަލާމަތްވެ، ގިނަ ޚަރަދުތަކެއް ސަލާމަތް ކުރެވުނެވެ. ސިއްހީ ކުއްލި ނުރައްކަލުގެ ހާލަތު މި ހަފުތާގައި ވަނީ ނިމުމަކަށް ގެނެސްފަ އެވެ.

ސުޕްރީމް ކޯޓުން މިއަދު ނެރުނު ޕްރެކްޓިސް ޑައިރެކްޝަންގައި ވަނީ ވީޑިއޯ އަދި އޯޑިއޯ މެދުވެރިކޮށް ޝަރީއަތްތައް ކުރިއަށް ގެންދިއުމުން މައްސަލަތައް އަވަހަށް ނިންމަން މަގުފަހިވެފައިވާ ކަމަށެވެ. އެހެންވެ، އެގޮތަށް ޝަރީއަތް ކުރިއަށް ނުގެންދެވޭނެ ކަމަށް ގާނޫނުގައި ބުނާ ހާލަތްތައް ފިޔަވައި އެހެން ހާލަތްތަކުގައި ވީޑިއޯ އަދި އޯޑިއޯ މެދުވެރިކޮށް ޝަރީއަތް ކުރިއަަށް ގެންދިއުމުގެ ބާރު ފަނޑިޔާރުންނަށް އޮންނާނެ ކަމަށް އުއްތަމަ ފަނޑިޔާރު އަހުމަދު މުއުތަސިމް އަދުނާން ސޮއިކުރައްވައި، ނެރުއްވި ޑައިރެކްޝަންގައިވެ އެވެ.

ވީޑިއޯ އަދި އޯޑިއޯކޮށް ކުރިއަށް ނުގެންދެވޭނީ ޖިނާއީ މައްސަލަތަކުގައި ކުށަށް އިއުތިރާފްވާ މީހުންގެ މައްސަލަތަކެވެ.

އޮންލައިންކޮށް ޝަރީއަތް ކުރަން ފެށުމާ އެކު، ސުޕްރީމް ކޯޓުން ފުރަތަމަ ފަހަރަށް ޝަރީއަތްތައް ލައިވްކޮށް ދައްކަން ފެށި އެވެ. ސުޕްރީމް ކޯޓުގެ ޓްވިޓާ އާއި ޔޫޓިއުބް މެދުވެރިކޮށް އެ ކޯޓުގެ ހުރިހާ ޝަރީއަތްތަކެއް މިހާރު ލައިވްކޮށް ދައްކަ އެވެ. ހައި ކޯޓުން ވެސް މުހިންމު ޝަރީއަތްތައް ލައިވްކޮށް ދައްކަ އެވެ.

ސުޕްރީމް ކޯޓް ކޯޓް ކޯޓް މައްސަލަތައް ސިއްހީ ކުއްލި ނުރައްކަލުގެ ހާލަތު

4 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދެއާދެ

16 March 2022

ވާން އޮތް ގޮތަކަށް މައްސަލަތައް އަވަހަށް ނިމޭނެ ގޮތެއް ވަރަށް މުހިއްމު. އަސްލު ކުށްވެރިނުވާ މީހުން ހުކުމެއް ނެތި އެމީހުންގެ ހަޔާތުގެ އެތައް އަހަރެއް އެބަ ވޭތުކުރޭ ބަންދުގައި. ކުށެއްނެތި މިނިވަންވިއަސް އެމީހުންނަށް އެ ފާއިތުވި ދުވަސްތަކުގެ ބަދަލެއްވެސް ނުލިބޭ. އެކަމަށް ޒިންމާ ނަގާނެ ބަޔަކު ނުތިބޭ.