ކިންގްސް އިން މިދިޔަ ހަފްތާގައި ބޭއްވި ޕްރެސް ކޮންފަރެންސްގައި އެ ކުންފުނީގެ ޗެއާމަން އަލްހާން (މ) ވާހަކަދައްކަވަނީ.-- ފޮޓޯ: ފަޔާޒު މޫސާ/ މިހާރު
21 މާޗް 2022 - 21:08
17 comments
ރައްޔިތުންގެ މަޖިލީހުގެ ކުރީގެ މެމްބަރު އަލްހާން ފަހުމީ އިސްކޮށް ހުންނަވައިގެން ހިންގަވާ އިންވެސްޓްމަންޓު ފަންޑުގައި ޖިނާއީ ތަހުގީގެއް ކުރިއަށްގެންދަން ޖެހޭފަދަ ކަންތައްތަކެއް ފާހަގަކުރެވިފައިވާތީ އެކަން ތަހުގީގު ކުރަން ފުލުހުން ފަށައިފި އެވެ.
އެއްވެސް ބައެއްގެ ނަމެއް ހާމަނުކޮށް ފުލުހުން ނެރުނު ބަޔާނެއްގައި ބުނީ ރާއްޖޭގެ އަމިއްލަ ކުންފުންޏަކުން ގިނަ ބައެއްގެ މާލީ މަސްލަހަތަށް ބުރޫއަރާ ގޮތަށް ޕޮންޒީ ސްކީމަކާ އެއްގޮތްވާ ގޮތަށް މުއާމަލާތްތަކެއް ހިންގާ ކަމަށް ކަމާ ބެހޭ އިދާރާތަކުން ސަމާލުކަމަށް ގެނެސްފައިވާ ކަމަށެވެ.
އެކަމާ ގުޅިގެން ބެލި ބެލުމުން، ޖިނާއީ ތަހުގީގެއް ގެންދަން ޖެހޭފަދަ ކަންތައްތަކެއް ފާހަގަކުރެވިފައިވާތީ އެ ތަހުގީގު ކުރިއަށްގެންދާ ކަމަށް ބަޔާނުގައި ބުންޏެވެ.
ފުލުހުން ވަނީ ސްކީމްތަކުގައި އިންވެސްޓްކުރުމާއި އެ ބާވަތުގެ ކަންކަމާގުޅޭ ފަންނީ މައުލޫމާތާއި މާކެޓް ރިސްކުތަކަށް ފަރުވާތެރިވުމަށް އެދިފަ އެވެ.
"ކަމާބެހޭ ގާނޫނީ އޮނިގަނޑުތަކާ އެއްގޮތަށް ރަޖިސްޓްރީކުރެވި ލައިސަންސް ނުވަތަ އެކަށީގެންވާ ހުއްދަ އޮންނަ އިތުބާރުކުރެވޭ ފަރާތްތަކުގައި ނޫނީ ފައިސާ އިންވެސްޓު ނުކުރުމަށް ވެސް ދަންނަަވަމެވެ. އެހެން ނޫންނަމަ މިފަދަ ކަންކަމުގެ ސަބަބުން މާލީ ގެއްލުންތަކެއް ކުރިމަތިވެދާނެ ކަމުގަައިވެސް މި ފުރުސަތުގައި ދަންނަވަމެވެ،" ބަޔާނުގައި ވެ އެވެ.
"ކިންގްސް ފޮރެކްސް ޓްރޭޑިން" ގެ ނަމުގައި ހިންގާ ފަންޑުގައި ޝައްކުކުރެވޭ ކަންތައްތަކެއް ހުރުމުން ބީއެމްއެލް އިން ވަނީ އަލްހާންގެ ކުންފުނީގެ އެކައުންޓް ފްރީޒް ކޮށްފަ އެވެ.
އެމްއެމްއޭއިން މީގެ ކުރިން ބުނިގޮތުގައި ކިންގްސް ފޮރެކްސް ޓްރޭޑުން މިހާތަނަށް 30 މިލިއަނަށް ވުރެ ގިނަ ފައިސާ އެ ކުންފުނިން ދައުރުކޮށްފައިވެ އެވެ.
އެ ސްކީމުގައި ކުރީކޮޅު ފައިސާ ނަގާ މީހުންނަށް އަނބުރާ ފައިސާ ދެނީ އޭގެ ފަހުން ބައިވެރިވާ މީހުން ދޭ ފައިސާއިން ކަމަށްވާތީ އެފަދަ ސްކީމްތަކަކީ ދެމެހެއްޓޭނެ ސްކީމްތަކެއް ނޫން ކަމަށާއި އެ ސްކީމް ރޫޅޭއިރު، ބައިވެރިވި ގިނަ މީހުންނަށް ފައިސާ ވެސް އަނބުރާ ނުލިބޭނެ ކަމަށް އެމްއެމްއޭ އިން އެ ބަޔާނުގައި ބުނެފައި ވެ އެވެ.
ނަމަވެސް އެއީ ކޮން ބައެއްކަމެއް ނުބުނެ އެވެ.
އެކަމާ ގުޅިގެން ކިންގްސް އިން ބޭއްވި ޕްރެސް ކޮންފަރެންސްގައި އެ ކުންފުނީގެ ޗެއާމަން އަލްހާން ވިދާޅުވީ އޭގެ ސަބަބުން ލިބުނު ގެއްލުންތަކުގެ ބަދަލު ހޯދަން ކުރާ ދައުވާ އަންނަ ހަފުތާގެ ތެރޭގައި ކޯޓަށް ހުށަހަޅުއްވާނެ ކަމަށެވެ. ބީއެމްއެލްއާ ދެކޮޅަށް ދައުވާ ކުރަނީ، އެ ކުންފުނީގެ އެކައުންޓްތައް ޑީއެކްޓިވޭޓް ކުރި މައްސަލައިގައި ލިބުނު ގެއްލުމަށް ބަދަލު ހޯދުމަށް ކަމަށް އަލްހާން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯޑަން
22 March 2022
ވަގުތުން ޕާސްޕޯޓު ހިފަހައްޓަންވީ. ފިލައިގެން ދިއުން ވަރަށް ގާތް. އެތައް ބައެއްގެ ފައިސާ އޭނަ އަތުގަވޭ.
ބިންގްސް ބޮކެޕް
22 March 2022
އަލްހާން ފަހުމީ - އަހަރުމެންގެ ބާރނީ މޭޑޯފް.
ރޗގތ
22 March 2022
ޖަލުންނާ ވަލުން ސުކޭމް ކޯލްކުރާ މީހުން ނުހުއްޓުވޭ ބަޔަކު ކޮންމެހެން މާ ކަންކަން ވާ ކަން ދައްކާނެ ކަމެއްނެތް
ބޮޑުމީހާ
22 March 2022
މިނެޓަކުން 1000 ޑޮލަރު ހަދާމީހަކު މީހުން އަތުން ފައިސާ މިނަގަނީ ކީއްކުރަންބާ؟ ވަގުތު އޮއްވާ އިންވެސްޓަރުން އަވަހަށް ފައިސާ ހޯދަން އުޅެންވީ. ތިކިޔާ ޕްރޮފިޓެއް އެއީ ލިބޭނެ އެއްޗެއް ނޫން.
ހަސަން32423ދ
22 March 2022
ސެޕްޓެންބަރ މަހު އަލްހާން ނަގާފައި ހުރި ލޯނުތައް ދަންކަން ކޯޓުން އެންގީމަ އެ ފައިސާ ދައްކާފަ އަލްހާން އެހެންކަން ކޮއްފައި މިބުނަނީ ފޮރެކްސް އޭ .. ޕޮންޒީ ސީކްމްއެއް ކަމަކީ .. އަލްހާން ޓްރޭޑްވެސް ކުރޭ ނަމަވެސް އޭގެން ތި ހީކުރާ ވަރަށް ނުލިބޭނެ .. ލިބޭނަމަ މިހާރު އަލްހާން ހުންނާނީ ދުނިޔޭގެ އެންމެ މުއްސަދިންގެ ލިސްޓުގައި .. ރިއަލިސްޓިކް ވާން އެބަ ޖެހޭ !
ރައްޔިތުންގެ މަޖްލީސް އެލާރޓް ބޮކި ނުދިއްލޭ!
22 March 2022
މައްސަލަ ފެށެނީ، ދިވެހިރާއްޖޭގެ ސެންޓްރަލް ބޭންކް މިފަދަ ކަންކަމަށް ދުރާލާ ތައްޔާރުވެފަ ނެތުމުން. ގާނޫނީ އޮނިގަނޑެއް މިންގަނޑެއް ނެތުން. މަދުރަސީ ދައުރުގައި ފައިނޭންޝަލް ލިޓްރަސީ މަތިކުރުމަށް ޕްލޭނެއް ނެތުން. ދިވެހީންގެ ފައިނޭންޝަލް ސެކްޓަރ އޮތީ ހަމައެކަނި 2 މަހުޖަނެއްގެ ދަރިކޮޅަށް މަންފާ ވާނެގޮތަށް އަތުރާފަ. ދިވެހީންގެ ގުދްރަތީ ވަސީލަތުން ނިކުންނަ ޑޮލަރު ދަނީ އެމީހުންގެ ބިންގަރާސްތަކަށް ނުވަތަ ގައުމުން ބޭރަށް. މައްސަލަ ބޮޑު ނިޒާމެއް.
ޫޓޯޓޯ
22 March 2022
ކަލޯގެޔާ އަލްހާންގެ ދުވަސްދޮޔައީ ތި. 15 އަހަރުގެ ޖަލު ހުކުމެށް ކަންނޭންގެ.
ތަކުރުބޭ
22 March 2022
ވ ހީވޭ ތިހެން ވެދާނެހެން. މިހާރު މި ރެޑީވަނީ ވ ވަރުގަދަ މުޒާހަރާ އެއް ޖައްސަން. އެއްމަސް ފަހުން އަހަރެމެން ދިން ލާރިކޮޅު ނުލިބިއްޖެޔާ އޭނަ އާ ދެކޮޅައް މަގުމައްޗަށް ނިކުންނާނަން.
ޜޯޒަސް
22 March 2022
އަލްހާނަކާ ނުކުޅެވޭނެ. އޭނައަކީ ދުނިޔޭގެ އެންމެ މޮޅު ފޮރެކްސް ޓްރޭޑަރު! މިނެޓަކު 1000 ހަދާލާ! އޭނަ މިގައުމުގެ ބައިތުލް މާލަށްވުރެ މުއްސަނދި! ރާއްޖޭގެ ފޮރިން އެކްޗްޗޭންޖެ ރޭޓްވެސް އޭނަ ކަނޑައަޅާ ހިސާބުގައި މިހާރު ހުރީ! އަލްހާނު ބޭނުންވެއްޖިއްޔާ ބޭނުން މީހަކު ގަނެލެވޭނެ! ބައެއް މީހުނަށް ހީވާނެ މަމިކަނޑަނީ ފޮންޏޭ!! އެމީހުންނަށް ބުނެލަން އޮތީ އެމީހުންނަށް އެ ހީވަނީ ރަނގަޅަށޭ!
އަލްހާން އަކީ ފުރިހަމަ ދިވެއްސެއް. ހަލާލުކޮއް ފޭރެނީ!
22 March 2022
ތިކަމެއް ކުރިއަކައް ނުދާނެ. އަލްހާން ގެ ކިރިޔާވެސް ތެއްކަމެއް ހުރިއްޔާ، ތި އިންވެސްޓް ކުރިމީހުންގެ ކޯޓު ރަގިސްޓްރީ ކޮއްފައިވާ އެގެރީމަންޓް އެއް ނުހަދާނެ. ފައިސާ ދިންކަންވެސް ރެކޯޑަކުން ނުފެންނާނެ. އަދިނުވީތާކައް ފައިސާ ނެގިއިރު، މިއަކީ އެއްވެސް ގެރެންޓީ އޮތް ކަމެއް ނޫނޭ ބުނެ އެބައި އޭނަ ރެކޯޑް ކޮއްފާ އޮންނާނެ. ފުލުހުންނަކައް ކުރެވޭނެ އެއްކަމެއްވެސް ނޯންނާނެ! އެހެންނޫނައް މާހަރުދަނާ ބަޔެއް ތިބޭތަނެއްވެސް ނޫން އެއީކީ!
ބޯލީރާޖާ
22 March 2022
ކިތައް އަހަރުތޯމިވަނީ ފޯނުކޯލެއް އައިސްގެން ކުރެޑިތް ވިސާކާޑް ތަކުގަ ހުންނަ ފައިސާކޮޅު އޭޓީއެމުންނާއި އެކި އެކައުންޓް ތަކައް ޓުރާންސް ފާކުރާއިރު ނުބެލެނީތޯ ވަކި މަސް އަލަޔެއް ބެލިފައި އަނެއްބަޔެއްގެ މަސް އަލަނުބެލޭ ދެންގޮވާނެ ބެންކްއޮފް މޯލްޑިވްސް އަކުން ކާޑުގެ މައުލޫމާތް އެއްނުހޯދާނޭ ޕެިޕެއިޑް ނަންބަރަކުންގުޅާ އެތައްބަޔެއްގެ އެކައުންޓް ހުސްކުރާއިރު ނުބެލޭ މީކޮންކަހަލަގެ ގައުމެއް މިޔޮއް އިންސާފެއްދެއްދޯ
މިސްޓަރ ޓިނޭ
22 March 2022
ފަހެރާ