ބ. ފެހެންދޫ އާއި އެ އަތޮޅު ގޮއިދުއާ ދެމެދު ދަތުރުކުރި ޑިންގީއެއް ޖެހި މިއަދު ހިނގި އެކްސިޑެންޓެއްގައި ހަތަރު މީހަކަށް އަނިޔާވެއްޖެ އެވެ.
މި އެކްސިޑެންޓު ހިނގީ، ވެލި ނެގުމަށްޓަކައި ގޮއިދޫން ދަތުރުކުރި ޑިންގީއަކާއި ދެ ޓޫރިސްޓަކު ގޮވައިގެން ފެހެންދު އަށް ދިޔަ ޑިންގީއެއް ޖެހިގެންނެވެ.
ގޮއިދޫ ކައުންސިލްގެ މެމްބަރަކު ވިދާޅުވީ މި އެކްސިޑެންޓުގައި ޒަހަމްވީ ދެ ޑިންގީގައި ތިބި ހަތަރު ދިވެހިންނަށް އެކަނި ކަމަށެވެ.
ގޮއިދޫ ސިއްހީ މަރުކަޒުން ފަރުވާ ދިނުމަށް ފަހު، އިތުރު ފަރުވާ އަށް އެ ހަތަރު މީހުން މިހާރު މާލެ ފޮނުވާލާފައިވާ ކަމަށް އޭނާ ވިދާޅުވި އެވެ. ނަމަވެސް ސީރިއަސް އެއްވެސް ޒަހަމެއް ނެތް ކަމަށް ކައުންސިލް މެމްބަރު ވިދާޅުވި އެވެ.
"ސްކޭން ފަދަ ކަމެއް ކުރަން ޑޮކްޓަރުން ލަފާދެނީ،" ކައުންސިލް މެމްބަރު ވިދާޅުވި އެވެެ.