ވިޔަފާރި / އާސަންދަ

އާސަންދަ ބަޖެޓުގެ ބޮޑު ބައި ހުސްވެއްޖެ

ފިނޭންސްގެ ތަފާސްހިސާބުތަކުގައިވާ ގޮތުން މި އަހަރުގެ މިހާތަނަށް އާސަންދަ ބަޖެޓުން 365 މިލިއަން ރުފިޔާ ހޭދަކޮށްފި. އާސަންދަ މި އަހަރުގެ ބަޖެޓަކީ 730 މިލިއަން ރުފިޔާ.

އާސަންދަ ހިދުމަތްދޭ ފާމަސީއެއް. އާސަންދައަށް 365 މިލިއަން ރުފިޔާ ވަނީ ހޭދަކޮށްފައި--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

24 މާޗް 2022 - 12:11

30 comments

ރައްޔިތުންނަށް ހިލޭ ބޭސްފަރުވާ ކުރާ އާސަންދަ ސްކީމަށް މި އަހަރު ކަނޑައެޅި ބަޖެޓުގެ ބޮޑު ބައި ފުރަތަމަ ތިން މަހުގެ ތެރޭގައި ހުސްވެއްޖެ އެވެ.

ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތަކުގައިވާ ގޮތުން މި އަހަރުގެ މިހާތަނަށް އާސަންދަ ބަޖެޓުން 365 މިލިއަން ރުފިޔާ ވަނީ ހޭދަކޮށްފަ އެވެ. އާސަންދައަށް މި އަހަރަށް ކަނޑައަޅާފައިވާ ބަޖެޓުގެ ޖުމްލައަކީ 730 މިލިއަން ރުފިޔާ އެވެ.

އާސަންދައަށް ދައުލަތުން ކޮންމެ އަހަރަކު ވެސް ބޮޑު ހޭދައެއް ކުރެ އެވެ. އެއް އަހަރަށް ވުރެ އަނެއް އަހަރު މި ހޭދަ ދަނީ ބޮޑުވަމުންނެވެ.

އާސަންދައަށް ކަނޑައެޅި ބަޖެޓަށް ވުރެ ގާތްގަނޑަކަށް 40 ޕަސެންޓް އިތުރަށް މިދިޔަ އަހަރު ވެސް ހަރަދުކުރި އެވެ. މިދިޔަ އަހަރު އާސަންދައަށް 718 މިލިއަން ރުފިޔާ ބަޖެޓުން ކަނޑައެޅި އިރު އަހަރު ނިމުނު އިރު 1.7 ބިލިއަން ރުފިޔާ ހޭދަކޮށްފައިވެ އެވެ.

Aasandha ah 10 aharu: Faruvaa ah MVR 16 billion

The most trusted news source in the Maldives

އާސަންދައަށް ކުރި ހޭދަ އެހާ ބޮޑުވީ އާސަންދައިގެ ކަންކަން އިސްލާހުކޮށް ބޭކާރުވެގެންދާ ހަރަދުތައް ކުޑަކުރުމަށް ހުށަހެޅި ސިޔާސަތުތައް ތަންފީޒުކުރުން މިދިޔަ އަހަރު ލަސްވެގެން ދިއުމުން ކަމަށް ފިނޭންސް މިނިސްޓްރީން މިއަހަރުގެ ބަޖެޓު ފޮތުގައި ބުނެފައިވެ އެވެ.

އާސަންދަ ނިޒާމުގައި ހުރި ހަރަދު ބޮޑު ގޮތްތަކަށް ހައްލެއް ހޯދުމަށް މި އަހަރުގެ ތެރޭގައި މަސައްކަތް ކުރަން ރާވައިފައިވީ ނަމަވެސް މިހާތަނަށް އެފަދަ އެއްވެސް ފިޔަވަޅެއް ނާޅަ އެވެ.

އާސަންދައިން އެންމެ ބޮޑު ހޭދައެއް ކުރަނީ ބޭހަށެވެ.

މި އަހަރުގެ ބަޖެޓު ފޮތުގައިވާ ގޮތުން 2014 ގައި 251 މިލިއަން ރުފިޔާ ބޭހަށް ހަރަދުކުރިއިރު 2020 ގައި މި އަދަދު ވަނީ 752 މިލިއަން ރުފިޔާ އަށް އިތުރުވެފަ އެވެ. އަދި 2019 ވަނަ އަހަރު ބޭހަށް ކުރި ހަރަދު 58.4 އިންސައްތައިގައި ހުރިއިރު 2020 ވަނަ އަހަރު މި ނިސްބަތް ހުރީ 62.4 އިންސައްތައިގައި ކަމަށް ވެސް ބަޖެޓުގައިވެ އެވެ. މިގޮތަށް ހަރަދު އިތުރުވުމަކީ ބޭސް އިސްރާފުވާ މިންވަރު އިތުރުވާ ކަމެއް ކަމެއް ކަމަށް ވެސް ފިނޭންސުން ހުށަހެޅި މައުލޫމާތުގައިވެ އެވެ.

މި ހޭދަކުޑަކުރުމުގެ އެއް ފިޔަވަޅެއްގެ ގޮތުގައި ތަންފީޒުކުރަން ނިންމާފައި އޮތީ މި އަހަރުގެ ތެރޭގައި ބޭހަށް މެކްސިމަމް ރީޓެއިލް ޕްރައިސް ނުވަތަ އެންމެ މަތިން ވިއްކޭ އަގު ކަނޑައަޅައި ތަންފީޒުކުރަން ފެށުމެވެ. މިކަމަށް އަމަލުކުރަން އެންމެ ފުރަތަމަ ނިންމީ މި އަހަރުގެ ޖެނުއަރީ އެކަކުން ފެށިގެންނެވެ. އެއަށް ފަހު އެކަން ފަސްކުރީ މި މަހުގެ 1 ވަނަ ދުވަހަށެވެ. ނަމަވެސް އެ އުސޫލަށް އަމަލުކުރަން އަދިވެސް ނުފަށަ އެވެ.

ފިނޭންސް މިނިސްޓްރީން ބުނެފައިވާ ގޮތުގައި އަގު ކޮންޓްރޯލްކޮށް ގެންނަ ބަދަލުން ބޭހަށް ކުރާ ހޭދައިން 205 މިލިއަން ކުޑަކުރެވޭނެ އެވެ.

ދައުލަތުގެ ބަޖެޓް ދައުލަތުގެ ހަރަދު އާސަންދަ

30 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްބެ

25 March 2022

ރާއްޖޭން ބޭރުން ފަރުވާ ހޯދާ މީހުންނަށް އިންޑިޔާ ހޮސްޕިޓަލްތަކުން ބޭކާރު ޓެސްޓުތަކާއި ކުރަންނުޖެހޭ އޮޕްރޭޝަންތައް ކުރުވައިގެން އާސަންދައިން ކުރާ ވައްކަންތައް ކޮބާތޯ؟ ރާއްޖޭން އެމްއާރުއައި، ލެބް ޓެސްޓުތައް ހަދައިގެން އިންޑިޔާ ހޮސްޕިޓަލަށް ދާތަނުން އެތަނުން އެމްއާރުއައި އެޓެސްޓުތައް ރިޕީޓްކުރޭ. ހިޔެއްނުވޭ ހަފްތާއެއްގެ ތެރޭގައި ކަކުލުހުޅުގެ އެމްއާރުއައި ޓެސްޓެއް ރިޕީޓްކުރަންޖެހޭފަދަ ސަބަބެއް ވާނެކަމަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމް68

25 March 2022

މިއީ ދައުލަތް ލޫޓުވާ ސްކީމެއް. މިކަމުގެ ނާޖާއިޒު ފައިދާ ނުހުއްޓުވައިފިނަނަ މުޅި ސްކީމް ހުއްޓުމަކައް އަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެއިލްބޭ

25 March 2022

އާސަންދަ ބޭނުން ނުކުރާ މީހުންނައް ތި ފައިސާ ލިބޭގޮތައް ހަދަން ފެނޭ. ގިނަ މީހުންނަކީ އެއްވެސް ފައިސާއެއް ތީގެން ބޭނުންކުރާބައެއްނޫން.އެމީހުންގެ ހައްގު ކޮބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫހު

25 March 2022

ދިރުވާލީ. އާސަންދައިގައި ބޮޑުންގެ ގޮތުގަ ތިބީ ހުސް މިބާވަތުގެ ވިޔަފާރިވެރިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދ32ދ3

25 March 2022

މީ އަސްލު ޕޮންޒީ...މިވާހަކަ ނުދައްކާނެތާ އެންމެން ގުޅިގެން ކަންޏާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

25 March 2022

ދުނިޔޭގެ ކޮންމެތާކުހުއްޓަސް އާސަންދަލިބެންޖެހޭތަ؟؟ ނުޖެހޭނެ! ތިމާމެނަށްވާނުވާ ނޭންގޭ ހިސާބުތަކަށް ކީއްކުރަންތޯ އާސަންދަދެނީ؟ އިންޑިޔާ އަދި ލަންކާގައި ދިރިއުޅޭމީހުނަށް އާސަންދަދޭންޖެހޭ ސަބަބެއްނުވިސްނޭ، ދިވެހިންވިޔަސް އެމީހުންގޮސް އެއުޅެނީ ދިވެހިރާއްޖޭންބޭރުގައި ރާއްޖޭގެ ގާނޫނު ނުފޯރާތަނެއްގައި، މިގޮތައް އާސަންދަދީގެން ތީގެންވައްކަންކުރުން ހުއްޓުވާކަށް ލާހިކެއްނޫން، އެނގިތިބެ ވައްކަންކުރަންވެގެން ރާވާފައިއޮތް އެއްޗެއް އާސަންދައަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސި

24 March 2022

މިދިޔަ އަހަރު ބިލިއަން އެރި އިރު މިއަހަރު ބަޖެޓް ހެދުމުގައި އެކަމަށް ވިސްނިތޯ؟ އަދަދު އެއަށް ވުރެ މަދު ކުރީ ކީއްވެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސ

24 March 2022

ތިއުޅެނީ ތި ހުއްޓާލާނެ ގޮތެއް ނޭނގިގެން.... ފެށީވެސް ތިމީހުން ތިކަން ސިޔާސީ ބޭނުމަކަށް ނެތް ލާރިއަކު ފެށިއިރުވެސް އިނގޭ ވަކި ހިސާބަކުން ކޮންމެވެސް އެއްޗެކޭ ކިޔައިގަނެގެން ހުއްޓާލެވޭތޯ އުޅޭނެކަން.. އާސަންދަ އިންޝުއަރެންސް ސްކީމެއް ގޮތަށް ހިންގަން ފެނޭ ، ކޮންމެ ދިވެހި ރައްޔިތެއްގެ ބޮލަކަށް 2000 ރުފިޔާގެ އެނުއަލް ޕްރިމިއަމެއް ނަގައިގެން ކޮންމެ ދިވެހި ރައްޔިތަކަށް 500000 ރުފިޔާގެ ކަވަރޭޖެއް ހަދަންވީ. ކޮންމެވެސް ލުއިކަމެއް ލިބޭނެ.