އަތުލައިގެންފައިވާ މަސްތުވާއެއްޗެހިތަކެއް: ފޮށިގަނޑެއްގައި ޑްރަގް އެތެރެކުރި މީހަކު އުމުރަށް ޖަލަށްލާން ވަނީ ހުކުމްކޮށްފައި --- ފޮޓޯ/ކަސްޓަމްސް
30 މާޗް 2022 - 12:00
12 comments
ފޮށިގަނޑެއްގައި ތިން ކިލޯއަށް ވުރެ ގިނަ މަސްތުވާތަކެތި އެތެރެކުރި މައްސަލައެއްގައި، ފޮށިގަނޑުގައި މަސްތުވާތަކެތި ހުރިކަން އެ މީހާއަށް އެނގުން ލާޒިމްނުވާ ކަމަށް ނިންމައި، އެ ތަކެތި ގެނައި މީހާ އުމުރަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.
މީހެއްގެ ބެލުމުގެ ދަށުގައި ހުރި އެއްޗަކުން ނުވަތަ ތަނަކުން މަސްތުވާތަކެތި ފެނިއްޖެ ނަމަ އެ މީހަކު ކުށްވެރިވާ ގޮތަށް ކޯޓުތަކުން ބަލަމުންދިޔަ އުސޫލު 2020 ވަނަ އަހަރު ސުޕްރީމް ކޯޓުން ނިމުމަކަށް ގެނަ އެވެ. ސުޕްރީމް ކޯޓުން ނިންމާފައި ވަނީ މަސްތުވާތަކެތި ފެނުނަސް، އޭގައި މަސްތުވާތަކެތި ހުރިކަން އެ މީހަކަށް އެނގޭ ކަމުގެ ހެކި ހުންނަން ޖެހޭނެ ކަމަށެވެ. އެކަމަކު އެފަދަ އެހެން މައްސަލައެއްގައި ސުޕްރީމް ކޯޓުން ފަހުން ނިންމާފައި ވަނީ އޭގައި މަސްތުވާތަކެތި ހުރިކަން އެ މީހާއަށް އެނގިފައި އޮތުން ލާޒިމްނުވާ ކަމަށެވެ.
ސެޕްޓެމްބަރު، 2020 ގައި ރާއްޖެ އައި ބަންގްލަދޭޝްގެ މީހަކު ގެނައި ފޮށިގަނޑެއްގެ ތެރެއިން 3.7 ކިލޯގެ މަސްތުވާތަކެތި ފެނުމުން އޭނާ ބުނީ އެއީ އެހެން މީހަކާ ހަވާލުކުރަން އޭނާގެ ބޭބެ ދިން މަސް ފޮށިގަނޑެއް ކަމަށާއި އޭގައި މަސްތުވާތަކެތި ހުރިކަން ނޭނގޭ ކަމަށެވެ.
ކްރިމިނަލް ކޯޓުން އިއްޔެ ކުރި ހުކުމުގައިވަނީ ސުޕްރީމް ކޯޓުގެ ފަހުގެ ނިންމުން އޮތް ގޮތުން އެ ފޮށިގަނޑުގައި މަސްތުވާތަކެތި ހުރިކަން އެ ބިދޭސީ މީހާއަށް އެނގުން ލާޒިމްނުވާ ކަމަށެވެ. އަދި އޭނާއަށް އެނގިގެން އެ ފޮށިގަނޑު އެތެރުކުރިކަން ސާބިތުވުމުން ފުދޭނެ ކަމަށާއި އެކަން އޭނާގެ އަމިއްލަ އިއުތިރާފުން އެނގޭ ކަމަށް ހުކުމުގައިވެ އެވެ. ހުކުމުގައިވާ ގޮތުން، އެއީ އެހެން މީހަކު ދިން ފޮށިގަނޑެއް ކަމަށް ބުނާ ނަމަ، އެކަން ސާބިތުކޮށްދޭން ޖެހޭނީ ވެސް އޭނާ އަމިއްލައަށެވެ.
"ދައުލަތުން ސާބިތުކޮށްދޭ ކަމަކީ ބައިރަގީ ގެނައި ފޮށިގަނޑު އޭނާއަށް އެނގިހުރެ، އެތެރެކުރެވުނު ކަމެވެ. އޭގެ ތެރޭގައި ހުރީ މަސްތުވާތަކެތިކަން ނުވަތަ ނޫންކަން އެނގުން ލާޒިމެއް ނޫނެވެ." ގާޒީ ހުސައިން ފާއިޒް ރަޝާދު އިއްވެވި އެ ހުކުމުގައިވެ އެވެ.
މީގެ އިތުރުން ފޮށިގަނޑު ފާސްކުރަން ފެށުމުން ރުޅި އައިސްގެން އެއާޕޯޓުން ފިލަން އުޅުމާ އަދި އެ ފޮށިގަނޑުގައި ހުރި ކަރުދާސްތަކެއްގެ ތެރެއިން އޭނާގެ ފިންގަޕްރިންޓް ފެނިފައިވާތީ އެކަން ވެސް ހުކުމުގައި ފާހަގަކުރި އެވެ. މަސްތުވާތަކެތި ހުރިކަން ނޭނގޭ ކަމަށް ބުނާ ބުނުމާ ދިމާނުވާ ކަމަށް ހުކުމުގައިވެ އެވެ.
ކޯޓުގެ ހުކުމުގައިވަނީ އުމުރަށް ޖަލަށްލުމާ އެކު 100،000ރ. އިން ޖޫރިމަނާކުރަން ހުކުމްކުރާ ކަމަށެވެ. އެކަމަކު ބަންދުގައި ހޭދަކުރި މުއްދަތު އުނިކުރުމުން އޭނާ ތަންފީޒު ކުރަން ޖެހޭނީ 23 އަހަރުގެ ޖަލު ހުކުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަލާ
03 April 2022
ނިކަމެތިވީމަ ވާނީ ތިހެން. ތިމީހާ ޖަލުން ބޭރުނުވެ ދައުވާ ކުރަން ފޮނުވި ހުކުމް ކުރުން އެކަނި ފުދޭ އޭނަ ކުރި ކަމެއް ނޫންކަން ސާބިތުކުރަން. ސަބަބަކީ އެކަން ކުރާ މީހެއްނަމަ އޭނަ ނޯންނާނެ ގޮޅީގައި ތަގްޤީގެއް ނޯންނާނެ، ދައުވާއެއް ނުކުރާނެ، ހުކުމެއްނާނާނެ. އެއީ ފުރަތަމަ ސްޓޭޖެގަ ދޫވެފަ އޮންނާނީ. ނިކަން މިކަން މިނޫން ގޮތަކަށް ސާވިތު ކޮށްދީބަލަ. ޖަލުގަ މިހާރުވެސް އެބަތިބި ވިއްކިކަމަށް ހުކުމްކޮށްފަ ވަބާ ޖެހިފަތިބި ބޮޑު ޒުވާން ޖީލެއް. ޑީލަރ ފްރީ
ިި772ުހ
03 April 2022
ނިކަމެތި ސޮރެއްވީމާ ސާބިތު ވެދާނެ އިސާހިތަކު..
މީމުޝީން
01 April 2022
އިސްލާމީ ޝަރީއާއިން އޮންނަ ގޮތްތަ މީ. ވަރަށް ގަބޫލުނުކުރެވޭ. އެއް ގޮތަކަށްވެސް ކުށްކުރާ މީހުން ޑިފެންޑްކުރަނީކީ ނޫން. ކުށެއްނެއް މީހަކަށް ލިބިގެން ހިނގައިދާނެ އަދަބާ އަނިޔާ ހިތަށް އަރާފަ. ވެދާނެ ގޮތެއް ހަމަ. ޑިމޮކްރަސީ އަކީ ނިކަމެތިމީޙާ ސަލާމަތްކުރާނެ ނިޒާމެއް ނޫން.
އަޙުމަދު.
31 March 2022
ޜާއްޖެ އަށް ޑްރަގު އެތެރެކުރާ މީހުން ސަލާމަތް ވާނަމޭ ހިތާ ދައްކާވާހަކައެްތީ. ޢެމީހެއްގެ ލަގެޖަކު ނުހުންނާނެ އެ މީހަކަށް ނެންގޭ އެއްޗެއް. ސަލާމަތްވާނެ ކަމަށް ހީކޮށްގެން ދައްކާ ބަހަނާއެއް ޢެއީ. އަނެއްކާ ކޯޓަޢްގެންދިއުން އެތަނުން ވެސް ސަލާމަތް ވަނީ ވަރަށް މޮޅަށްސެވެ. ޑުވަހަކުވެސް ފަނޑިޔާރުން ބޭނުންވާ ވަރަށް މައުލޫމާތު ފުރިހަމަ ވާކަމަކަށްވެސް ނުވެއެވެ. ޢެހާހިސާބުން އެސަލާމަތްވީ އެވެ.
ބޮޑުމީހާ
31 March 2022
ހުރިހާ އެންމެނާއިމެދު ވެސް ތިގޮތަށް ކަންތައްތައް ވާނަމަ!
ހުސްނުހީނާ
31 March 2022
ތިދަނީ ރަނގަޅަށް! ތިގޮތުގައި ހިފަހައްޓާލާ! އިންޝާﷲ ދާދިއަވަހަށް ޑުރަގުގެ ވަބާއިން މިގައުމު ސަލާމަތްވެދާނެ!
ޥަރަސް
31 March 2022
އެހެންވީމައި ސައިކަލު މަޑިއެއްގެ ދަށަށް އެއްޗެއް ކޮއްޕާލައިފައިވެސް އުމުރު ދުވަހު ގޮޅިއަށް ކޮށްޕާލަންވީދޯ. ސަދޫމު ޖަސްޓިސް.
ޔަން
01 April 2022
އަޅުގަނޑުގެ ސައިކަލު މަޑިދަށުން ޢުމުރު ދުވަހުގެ ޖަލު ޙުކުމެއް އަންނަވަރުގެ ބުރަދަން ހުރި 03 ޕެކެޓް ފެނުނު. 6 ގަޑި އިރުތެރޭ ދޫކޮށްލި.
ގާނޫނު
30 March 2022
ބިދޭސޯިއެއްވީމާ، ސާބިތުވީ ދިވެއްސެއްނަމަ ހުކުމްތަފާތުވީސް ދޯ
ގޯޕާލް
30 March 2022
ދެން ތިގޮލާއަށް އަހަރެމެންގެ ޓެކްސް ފައިސާއިން ކާންދީދީ ތިބެންވީ؟ އޭނަ އުޅޭނީ ހިއުމަން ރައިޓްސްގެ ބެލުމުގެދަށުން ރައީސުންގެ ފެންވަރުގަ. ތިކަހަލަ މީހުންލައްވާ ބުރަ މަސައްކަތްކުރެވޭނެގޮތެއް ނެތްތަ؟
އަޙުމަދު.
31 March 2022
ގޯޕާލް. ތީވަރަށް މޮޅު އައިޑިއާ އެއް. ހަމަ ބުރަމަސައްކަތް ކުރުވަންވީ.
މުގުލުގާ ސިޔާސީ މީހުން
30 March 2022
މީގަ ބުނަން ޖެހެނީ، ތި މީހާގެ ރައްޓެއްސެއްގެ ގޮތުގާ އާރުލާ ސިޔާސީ މީހަކު ނެތިއްޔޭ! މި ގައުމުގަ ކޮންމެ ފަދަ ކަމެއްކޮއްފަ ބެޗޭނެ، ސިޔާސީ އެހީއެއް ވާނަމަ.