ސިފައިންގެ ހިޔާ ފްލެޓްތައް ރޯދަމަހަށް ނިންމައި ހަވާލުކުރެވޭނެ: ސިވެކް

ހިޔާ ފްލެޓްގެ މަސައްކަތްތަށް ބޭނުންވާ ސާމާނު އެ ސަރަހައްދަށް ގެންގޮސްފައި- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

31 މާޗް 2022 - 12:50

"ހިޔާ" ފްލެޓްތަކުން ސިފައިންނަށް ލިބުނު އެޕާޓްމަންޓްތަކުގެ އެތެރޭގެ މަސައްކަތް ރޯދަމަހަށް ނިންމައި ހަވާލުކުރާނެ ކަމަށް ސިފައިންގެ ވެލްފެއާ ކުންފުނި (ސިވެކް) އިން މިއަދު ބުނެފި އެވެ.

ހިޔާ މަޝްރޫއުގެ ދަށުން އިމާރާތްކުރި ފްލެޓްތަކުގެ އެތެރޭގެ މަސައްކަތް ނުނިންމާ ހަވާލުކުރުމުން ފްލެޓް ލިބުނު ގިނަ ބަޔަކު ވަނީ އަމިއްލަ ކުންފުނިތަކާ އެ މަސައްކަތް ހަވާލުކޮށްފަ އެވެ. އެތަނުން، ސިފައިންނަށް ލިބުނު ފްލެޓްތައް ނިންމަން ސިވެކްއާ ހަވާލުކުރިޔަސް އެ ތަންތަން ވެސް މުއްދަތަށް ނުނިމި، ޝަކުވާ ބޮޑުވި އެވެ.

ސިވެކްގެ ސީއީއޯ އަހުމަދު ޒުބައިރު "މިހާރު" އަށް ވިދާޅުވީ އެއްބަސްވުމުގައިވާ މުއްދަތަށް ފްލެޓްގެ މަސައްކަތް ނިންމައި ނުލެވުނު ކަމަށް ގަބޫލު ކުރައްވާ ކަމަށެވެ. އެކަމަކު، މި ހަފުތާ ބަންދުގައި ފަށާ މި އަހަރުގެ ރޯދަމަހުގެ ކުރިން ފްލެޓްތަކުގެ ހުރިހާ މަސައްކަތެއް ނިންމައި އެ ތަން ފްލެޓް ލިބުނު މީހުންނާ ހަވާލުކުރާނެ ކަމަށް ވިދާޅުވި އެވެ.

"ރޯދައިގެ ކުރިން [މާދަމާ] އިރާދަކުރެއްވިއްޔާ ފްލެޓްތަކުގެ މަސައްކަތްތައް ނިންމައި ހަވާލުކުރާނަން،" ޒުބައިރު ވިދާޅުވި އެވެ.

އޭނާ ވިދާޅުވި ގޮތުގައި ފްލެޓްތަކުގެ މަސައްކަތް ލަސްވީ ރާއްޖެ އިން ބޭރުން ގެންނަންޖެހޭ މުދާ ގެނައުމުގައި އޭރު ލަސްތަކެއް ވުމުންނެވެ.

"އަޅުގަނޑުމެން ފްލެޓްތަކުގެ މަސައްކަތް މި ކުރަނީ ވަރަށް ފެންވަރު ރަނގަޅުކޮށް ވަރަށް ލޯ ކޮސްޓެއްގައި. އެކަމަކު މާކެޓް ޕްރައިޒަށް ވުރެ ލޯ ކޮސްޓެއްގައި މިކަން ކުރެވެނީ ރާއްޖެ އިން ބޭރުން މުދާ ގެނެސްގެން. އެހެންވީމާ މެޓީރިއަލް ގެނައުމުގައި ޑިލޭވީ،" އޭނާ ވިދާޅުވި އެވެ.

ޒުބައިރު ވިދާޅުވީ، ސިފައިންގެ ބައެއް މީހުން ވަނީ މުއްދަތަށް ތަން ނިންމައި ހަވާލު ނުކުުރުމުން އެއްބަސްވުން ވެސް ބާތިލުކޮށްފައި ކަމަށެވެ. މި ވަގުތު 18 ފްލެޓެއްގެ މަސައްކަތް ސިވެކުން ކުރަމުން އަންނައިރު އެ މަސައްކަތްތައް މާދަމާ އަށް ނިމޭނެ ކަމުގެ ޔަގީންކަން އޭނާ ދެއްވި އެވެ.

ސިވެކްގެ އިތުރުން ވެސް ފްލެޓް ނިންމަން ހަވާލުކުރި ބައެއް ކުންފުނިތަކުން މުއްދަތަށް ނުނިންމައިގެން އެކަމުގެ ޝަކުވާ ފްލެޓް ލިބުނު މީހުން ކުރަމުން އެބަދެ އެވެ.

ފްލެޓް ލިބުނު މީހުންގެ ހައްގުގައި މަސައްކަތް ކުރާ "އާންމު އެކުވެރި ގުޅުން" (ކޮތަރުކޮށި) އިން މިފަހުން ކުރި ސާވޭއަކުން ދައްކާ ގޮތުގައި ވެސް ގިނަ ބައެއްގެ ފްލެޓްތަކެއްގެ މަސައްކަތް ނުނިންމާ އެބަހުއްޓެވެ. އެންމެ ގިނަ ބަޔަކު ޝަކުވާކުރީ "އެޕިކް ޝެލްޓާ" އިން ފްލެޓް ނުނިންމައިގެންނެވެ.

އެ ސާވޭގައި ބައިވެރިވި 35 މީހަކު ބުނެފައި ވަނީ އެޕިކުން އެ މީހުންގެ ފްލެޓް އަދިވެސް ނުނިންމާ ކަމަށާއި އެޑްވާންސަށް އެ އެންމެންގެ އަތުން 3.5 މިލިއަން ރުފިޔާ ނަގާފައިވާ ކަމަށެވެ. ބައެއް ކުންފުނިތަކުން މުއްދަތަށް ފްލެޓްގެ މަސައްކަތް ނުނިންމައިގެން ޝަކުވާ ކުރަމުންދާއިރު ކުންފުނިތަކުން ބުނަނީ ކޮވިޑަށް ފަހު ބޭރުން މުދާ ގެނައުމުގައި ދަތިވެފައިވާ ކަމަށެވެ.

ހުޅުމާލެ އެމްއެންޑީއެފް ހިޔާ ފްލެޓްތައް ބޯހިޔާވަހިކަން ދިވެހި ސިފައިން

20 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލުލު

02 April 2022

ފުލެޓް އެންމެ އަސާސީ ހިދުމަތައް ވާއިރު އެކަމުގާ ހުރިހާ ސަރުކާރަކަށް ވުރެ މާ ފަހަތުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަފާތު

01 April 2022

މިވެސް ދެން ބޮޑު ވެއްޖެ ކަމެއް..ހުޅުމާލެއިން ބޮޑު ބިމެއްދީފަ ފުލެޓު އަޅާފަ އަނެއްކާ ނިކަމެތިންނަށް ހެދި ހިޔާ ފުލެޓުންވެސް މިވެރިންނަށާ ފުލުހުންނަށް.. މައިންބަފައިންނާ މުޅި އާއިލާއަށް ރައްޔިތުންގެ ޓެކްސް ފައިސާއިން ހިލޭ ބޭސްކުރެވޭ، ހިލޭ ހުރިހާ ގަޑިއެއްގަ ކެއުން އޮވޭ މުސާރަ ބޮޑުކޮށް ލިބޭ.. މި މީހުން އެކަނި މި ރާއްޖޭގަ ވަޒީފާއެއް އަދާކޮށް ޤައުމަށް ޚިދުމަތެއް ކުރަނީ ދެއްތޯ؟ ޤާނޫނު އަސާސީގަ އޮވޭ އަދާކުރާ ވަޒީފާއަށް ބަލައި ތަފާތު ނުކުރެވޭނެކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިރެލެސް

01 April 2022

ބެންޗެއް ހުޅުވަން ބޮޑު ހަފްލާއެއް ބޭއްވިއްޖެ. ސަލްމާން މިސްކިތް ހުޅުވުން ފާހަގަ ނުކުރެވުނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

01 April 2022

ތިޔާ އަވަހަށް ތިޔަ މަސައްކަތް ނިންމާލާފަ ތިޔަ ތަންތަން ހަވާލު ކުރަން ނޫސް ތަކުގެ ސުރުހީ ގައި ޖަހާލުމުން ވަރަށް އުފަވެއްޖެ! ޥަރަށް ސަލާމް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަނިލް

01 April 2022

ޒުބައިރު ކަލޭ ބިރެއްވެސް ނުގަނޭތަ ދޮގުހަދަން... މިހާރުނޫހުންވެސް މިޖަހަނީ ޒުބެއިރު ބުނާވާހަކަ އެކަނި. ޒުބެއިރަކީ ހަމަ ހަގީގަތުހައިވެސް ހިޔާނާތް ތެރިއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯޕެކް

01 April 2022

ކޮމަންޓް ކުރާލެއްމަދީ މިރާއްޖެއަކީ ބޯހިޔާވަހިކަމުގައި ފުދުން ތެރިކަމާ އެކު އުޅެމުއް އައިބަޔެއް މިގައުމައް އައިމޮޅުވެރިކަމަކުން ރައްޔިތުމީހާޔައް ބިންކޮޅެއްނުދީ އެތައް އަހަރުތަކެއްކޮއްފައި ބޯހިޔާވަހިކަމުގެ ނަަމުގައި ފުލެޓް އަޅައިގެން ވިޔާފާރި މިކުރަނީ ނެތްފެންވަރުން ފާޑުފާޑުގެނަން ކިޔާ ކުންފުނިތަކެއް ހަދައިގެން ރައްޔިތުންގެ ފައިސާކޮޅުއަތުލާފައި ފުލެޓްވެސް ނުދެވޭ މީސީދާރޭވުމެއްގެ ދަށުންް ރައްޔިތުން އަޅުވެތިކުރަން ކުރާކަމެއް ޕާޓީތަކެއް ހަދައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޫދިފަ

01 April 2022

ބުހުތާނު ދޮގު ހުވާކޮއްފަ މިބުނީ… އަބަދުވެސް ކޮންމެވެސް ބޮޑެއް ހައްދައިންގެ އުޅޭ ބުރާންޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

31 March 2022

މިއީ މާލޭ ރައްޔިތުންނަށް ޖެހިފަ އޮތް އުނދަގުލެއް! ސިފައިން ނުވަތަ ޕޮލިހުން، ޑޮކްޓަރުން، ނަރުހަކަށް ވީތީ ސަރުކާރު ސްކީމުން އަޅާ ފުލެޓް ހައްޤުވޭތަ؟ އަދި އެމީހުންނަށް ސަރުކާރުން އަޅަމުންދާ ފުލެޓައް ވެސް ކޮންމެ މަހަކު ވަކިވަރެއް މުސާރައިން ކަނޑާފައި ވަނީ! އެތަން ނިމުނީމަވެސް އެމީހުންނަށް! މިތަންވެސް އެމީހުންނަށް! ފަރެސް މާތޮޑާ މީހުން ވަޒީރުކަމަށް އައިމާ ވާގޮތް މިއީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިފާ

31 March 2022

ސިފައިންނަށާ ފުލުހުންނަށާ އެހެން ކުންފުނި ތަކުގެ މީ ހުންނަށް ފުލެޓުއަޅާ ބަ ހާއިރު އެޗްޑީސީ މުވަށްޒަފުން ބޯ ހިޔާވަ ހި ކަމެތްނުލިބެ މަގުމަތި ވެފަ ތިބޭތާ އެތަށް އަ ހަރެތް ސުކުރިއްޔާ ސަރުކާރުތަށް އަދި އެތްޑީސީ ވެރިން މުވަށްޒަފުންނަށް ތި ހާ ހެޔޮފުޅުވީމަ