ފޭކް ސްލިޕެއް ދީފައި އައިފޯން 11 ހޯދި މީހަކު 10 މަހަށް ޖަލަށް

ކްރިމިނަލް ކޯޓު: ފޯނެއް ހޯދަން ފޭކް ސްލިޕެއް ފޮނުވި މީހަކު 10 މަހަށް ޖަލަށްލާން ވަނީ ހުކުމް ކޮށްފައި

މުއިއްޒު އިބްރާހިމް، މިހާރު

09 އެޕްރީލް 2022 - 15:35

އޯޑަރުކޮށްގެން ގެނައި އައިފޯނަކަށް ފައިސާ ދެއްކިކަން ދެއްކުމަށްޓަކައި ފޭކް ސްލިޕެއް ފޮނުވި މީހަކު 10 މަސް ދުވަހަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.

މިދިޔަ އަހަރުގެ މާޗް މަހު، ރާއްޖޭގައި ފޯނު ގެނެސް ވިއްކާ ފިހާރަކަށް އޮންލައިންކޮށް އައިފޯން 11 އަށް މީހަކު އޯޑަރު ދިނުމަށްފަހު އެ ފޯނު ގެނައުމުން 13،500ރ. ގެ ފޭކް ސްލިޕެއް އެ ކުންފުންޏަށް އޭނާ ފޮނުވި އެވެ.

އޭނާގެ މައްޗަށް ކުރީ ސައްހަ ނޫން ލިޔުމުގެ ތެދުުކަން ދެއްކުމުގެ ދައުވާ އާއި އެހެން މީހެއްްގެ މުދަލެއްގެ މައްޗަށް ހުއްދަ ނޫން ގޮތުގައި ބާރު ހިންގުމުގެ ދައުވާ އެވެ.

އެ ދެ ދައުވާއަށް ވެސް އޭނާ ކޯޓުގައި އެއްބަސްވުމުން މިދިޔަ ބުދަ ދުވަހު ކޯޓުން ހުކުމްކުރީ ސައްހަ ނޫން ލިޔުމުގެ ތެދުކަން ދެއްކުމުގެ ކުށުގައި ތިން މަހާއި 18 ދުވަހަށް އަދި ހުއްދަ ނޫން ގޮތުގައި ބާރު ހިންގުމުގެ ކުށުގައި ހަތް މަހާއި ހަ ދުވަހަށް ޖަލަށްލުމަށެވެ.

އަގުހުރި މުދާ ހޯދުމަށްފަހު ފޭކް ސްލިޕް ފޮނުވި އެހެން މައްސަލައެއްގައި ދާދިފަހުން ވެސް އެހެން މީހަކު ޖަލަށްލާން ހުކުމްކުރި އެވެ. އެފަދަ މައްސަލަތައް ފަހަކަށް އައިސް ވަނީ އިތުރުވެފަ އެވެ.

ކުށްކުރުން އައިފޯން ފުލުހުން ކްރިމިނަލް ކޯޓް ޚިޔާނާތް

5 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާއިޒާ

09 April 2022

ފޯން އަބުރާ އަތުލި ތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

09 April 2022

ފޯނު ވެސް އޭނާއަށް ލިބުނީ 10 މަސްވަންދެން ހަބޭހަށް ޓެކްސް ފައިސާގަ ކާން ލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިފު

09 April 2022

ކޮބާ، ތިމީހާގެ ވަނަވަރަކީ. މައުލުޫމާތު ހާމަކުރަން ނުކުރެނެނީބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

09 April 2022

ފޭކް ސްލިޕް ހަދައިގެން ވެސް ޖީބުގަ ބާއްވަން ބޭނުންވަނީ އައިފޯނެއް.ކިހިނެއް ވެފަތަ އަހަރުމެންގެތެރެއިން ބައެއް މީހުން މިތިބީ؟؟!! ކީކޭ ހިތަށް އަރަނީ؟؟ ވ.ވެދުން ''ފައިސާ ނެތަސް ޖީބުގަ ބާއްވަން ބޭނުންވަނީ އައިއެއް ، ވަގު ސްލިޕް ހަދައިގެން ވެސް ހޯދަން ބޭނުންވަނީ އައިއެއް. ♪ ♫ ♪ ♫ ލަދު ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން32423ދދދދ

09 April 2022

މިއީ ވައްކަމެއް ! އޮޅުވާލުމެއް މަަކަރު ހެދުމެއް ! މިފަދަ ކަންކަމައް އެންމެ 10 މަސްދުވަހެއް ނޫން ހުކުމް ކުރަން ޖެހޭނީ .. މިއީ މަދުވެގެން 2 އަހަރާއި 5 އަހަރުގެ ހުކުމެއް އަންނަން ޖެހޭ ވަރު ކަމެއް .. 10 މަސްދުވަސް ހުކުމް ކުރި އިރު ކޮބާ އެ ގަންފަރާތައް ލިބުނު ގެއްލުން ! 13،000 ރުފިޔާ ދައްކާފަ 10 މަސް ދުވަސް ދެއްކުމައް ހުކުމް ކުރަންވެސް އޯކޭ ! މިއޮތީ ވާގައުމެއް ! ރިހާކުރުފުޅިއެއް ނަމަ ބޮޑު ހުކުމެއް އައިސް ދޯ !