ސްޓެލްކޯގެ މައި އޮފީސް: މާލެ އާއި ހުޅުމާލޭގެ ބައެއް ތަންތަނުން ކަރަންޓް ކެނޑުނީ ހުޅުމާލޭގެ މަގުތައް ހެދުމުގެ މަސައްކަތް އެޗްޑީސީން ކުރަމުން ދަނިކޮށް، ސްޓެލްކޯގެ މައި ޑިސްޓްރިބިއުޝަން ކޭބަލަކަށް ގެއްލުންވުމުން.---ފޮޓޯ: މިހާރު
14 އެޕްރީލް 2022 - 12:17
3 comments
މާލެ އާއި ހުޅުމާލޭގެ ބައެއް ސަރަހައްދުތަކުން މިއަދު ހެނދުނު 9:30 ހާއިރު ކަރަންޓް ކެނޑިފައިވާއިރު، އަދިވެސް އެއްކޮށް މައްސަލަ ހައްލު ނުކުރެވޭ ކަމަށް ސްޓެލްކޯ އިން ބުނެފި އެވެ.
ބައެއް ސަރަހައްދުތަކުން ހެނދުނު ކަރަންޓް ކެނޑުުނަސް ބައެއް ގެތައް ކުޑައިރުކޮޅެއްގެ ތެރޭގައި ކަރަންޓްގެ ހިދުމަތް ދޭން ފެށި އެވެ.
ސްޓެލްކޯ އިން ބުނީ، މައްސަލަ ދިމާވީ ހުޅުމާލޭގެ މަގުތައް ހެދުމުގެ މަސައްކަތް އެޗްޑީސީން ކުރަމުން ދަނިކޮށް، ސްޓެލްކޯގެ މައި ޑިސްޓްރިބިއުޝަން ކޭބަލަކަށް ގެއްލުންވުމުން ކަަމަށެވެ.
"މިހާރު މާލޭގެ ބައެއް ސަރަހައްދުތަކަށް ކަރަންޓް ދެމުން ގެންދަނީ އިންޓަކަނެކްޝަން މެދުވެރިކޮށް ހުޅުމާލެ އިން ކަމަށް ވާތީ، އިންޓަކަނެކްޝަން އޮޕަރޭޝަނަށް ގެނެވެންދެން މާލޭގެ ބައެއް ސަރަހައްދުތަކުން ކަރަންޓުގެ ހިދުމަތް ވަނީ މެދުކެނޑިފައި،" ސްޓެލްކޯ އިން މީޑިއާ އަށް ފޮނުވި މެސެޖެއްގައި ވެ އެވެ.
"ދިމާވާނެ ދަތިތަކަށް މާފަށް އެދެން."
ސްޓެލްކޯ އިން ބުނީ، ވީ އެންމެ އަވަހަކަށް އިންޓަކަނެކްޝަން އޮޕަރޭޝަނަށް ގެނައުމަށް ކުރަންޖެހޭ ކަންކަން ކުރަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
14 April 2022
ސިޔާސީ ފައިދާއެެއް ހޯދުމަށް ގާބިލުނޫން މީހުން މަގާމުތަކަށް ލުމުން ހާލުގައި ޖެހޭނީ ރައްޔިތުން
ސީޒަން ޖެކުހަން
14 April 2022
އީސީ ސަރީފު އިސްތިއުފާ!
މޮޑަފްް
14 April 2022
ތިކަމާ ގުޅިގެންބާ ބީއެމްއެލްގެ ނެޓްވޯރކް ޑައުންވެ މުޅި ރާއްޖެއިން ޚިދުމަތްކެނޑިގެން އުޅެނީ؟ އެވަރުގެ ތަނެއްގަ އެކަށީގެންވާ ބެކަޕެއްވެސް ހުންނަންޖެހޭނެދޯ.