17 އެޕްރީލް 2022 - 21:02
15 comments
ރާއްޖޭގެ ބައެއް ސަރަހައްދުތަކަށް މިއަދު އިހުސާސް ކުރެވުނު ފިނި ހޫނުމިން 40 ޑިގްރީ ސެލްސިއަސް އަށް ވުރެ މައްޗަށް އަރާފައިވާ ކަމަށް މީޓިއޮރޮލޮޖީ ޑިޕާޓްމަންޓް (މެޓް) އިން ބުނެފި އެވެ.
މެޓް އޮފީހުން އާންމު ކުރި މައުލޫމާތުތަކުން ދައްކާ ގޮތުގައި މިއަދު އެންމެ ހޫނުގަދަވެފައި ވަނީ ހުޅުލެ އާއި ހދ. ހަނިމާދޫ އަށެވެ. ހުޅުލޭގެ ފިނިހޫނުމިން 33.5 ޑިގްރީ ސެލްސިއަސްގައި ހުރި ނަމަވެސް އިހުސާސްވާ ފިނިހޫނު މިން ހުރީ 43.3 ޑިގްރީ ސެލްސިއަަސްގަ އެވެ.
ހަނިމާދޫގެ ފިނިހޫނުމިން 32 ޑިގްރީ ސެލްސިއަސްގައި ހުރި އިރު އިހުސާސް ކުރެވޭ ފިނިހޫނުމިން ހުރީ 41.9 ޑިގްރީ ސެލްސިއަސްގައި ކަމަށް މެޓުގެ ރެކޯޑުތަކުން ދައްކަ އެވެ.
ދެކުނުގެ ކައްދޫ، ކާޑެއްދޫ އަދި ގަން ސަރަހައްދުގައި އިހުސާސް ކުރެވޭ ފިނިހޫނުމިން ވެސް 40 ޑިގްރީ ސެލްސިއަސް އާ ކައިރި ކުރެ އެވެ.
މެޓް އޮފީހުން ބުނީ އުތުރުގެ ބައެއް ރަށްތަކަށް ކޮންމެވެސް މިންވަރަކަށް ވާރޭ ވެހޭނެ ކަމަށާއި ނަމަވެސް ޖުމްލަަކޮށް ހުރިހާ ސަރަހައްދެއްގެ މޫސުން ރަނގަޅުވާނެ ކަމަށެވެ.
މިއީ ކޮންމެ އަހަރަކު ވެސް ރާއްޖެ އަށް އެންމެ ހޫނު ގަދަ ދުވަސްވަރެވެ. މެޓް އޮފީހުން ކުރިން އާންމުކޮށްފައިވާ ބައެއް މައުލޫމާތުތަކުން އެނގޭ ގޮތުގައި އޭޕްރިލް މަސް ތެރޭގައި ކޮންމެ އަހަރަކު ރާއްޖޭގެ ފިނިހޫނުމިން އެވްރެޖްކޮށް 29.7 ޑިގްރީ ސެލްސިއަސް އަށް އަރަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަލިކު ނެރު
18 April 2022
އަދިވެސް ގަސްތައް ކަނޑާ ބިމާ ހަމަކޮށްފަ އެއަރކޮމިސް ހަރުކޮށް އުޅެވޭތޯ ބަލާ
ރާއްޖެ
18 April 2022
މެންދުރު އަވީގަ ބާއްވާލީމާ ބިސްގަނޑު އެޅޭހާ ހޫނު އެކަމަކު ޖުމްލަކޮށް މޫސުން "ރަގަޅު". ވާރޭ ވެހުނީމަ އެކަނިތަ މޫސުން ގޯސް ވަނީ؟
ގަސް
18 April 2022
ގަސް ގިނަކުރޭ. ގަސްތައް ގިނަކުރާ ވަރަކަށް ހޫނުމިން ކޮންޓްރޯލް ކުރެވޭނެ.
ހާމަ333
18 April 2022
ހޫނު ގަދަވާ ވަރަކަށް އެއީތަ މޫސުން ރަނގަޅުވުމަކީ? ވިއްސާރަ ވެއްޖިއްޔާ މޫސުން ގޯސް? ކިހިނެތްތަ މި މޫސުން މި ބަލަނީ...?
ށަވިޔަނި
18 April 2022
މިދުވަސްވަރު ވަރަށްހޫނު. އިއްޔެ ބޮޑަށް އިހްސާސްވި. އެއީ މެންދުރު އެކަކާއި ތިނެކާ ދޭތެރޭ ހުޅުމާލެ މާލެ ހުޅުލެ ހުޅުމާލެ ދާންޖެހިގެން ސައިކަލުގަ ދިޔުމުން. އެހެން ދުވަސްތަކުގަ ބޭރަށް ނުނިކުންނާތީ އެވަރު އިހްސާސްނުވޭ.
ޢިހުސާސް
18 April 2022
ބަލަގަ އިހުސާސްވާ ހޫނުމިނުގެ ސެންޓިގްރޭޑް ބޭނުންކޮށްފައި އެއީ ރިކޯޑެކޭ ތި ބުނަނީ ހަމަ ނުވުސްނިގެންތަ؟ އެ ހޫނުމިން އެހެން އަހަރުތަކާ އަޅާ ކިޔާއިރު އެހެން އަހަރުތަކުގަ އަސްލު ހޫނުމިން ބޭނުންކުރީމާ ކޯއްޗަކަށްތަ އެވަނީ؟
ކޮރަލް
18 April 2022
މޫސުމާ ޓޫރިޒަމާ ވަނީ ގުޅި ލާ މެހިފަ އެވެ. ޓޫތިޒަމް އަށް އަސަރު ނުކުރާނެ ގޮތަކަށް މޫސުން ކިޔާލަ ދޭނެ އެވެ.
ވިކިލީކްސް
17 April 2022
ގައުމުގެ ފިނިހޫނުމިން 90 ގެ އަހަރުތަކުގަ ރޭޑިއޯއިން ގޮވާއިރު އާންމުކޮށް ހުންނަނީ 28 ޑިގްރީގަ.
ދގދސެފ×
17 April 2022
ހަމަ ކުއްލިއަކާ މިހާމައްޗަށް އެރީ؟
ރަޔާން
17 April 2022
ޖުމްލަަކޮށް ހުރިހާ ސަރަހައްދެއްގެ "މޫސުން ރަނގަޅު" ވާނެ ކަމަށެވެ. ހޫނު ގަދަވެގެންގޮސް ދިރޭތަކެތި މަރުވާ އިރުވެސް "މޫސުން ރަނގަޅު"......؟ ރަހުމަތުގެ ވާރޭ ވެހުނީމަ "މޫސުން ގޯސް"...؟؟؟؟؟