އެމްޑީޕީގެ ގައުމީ މަޖިލީހުގެ ޖަލްސާއެއްގައި ނަޝީދު ބައިވެރިވެ ވަޑައިގަންނަވަނީ: އެމަނިކުފާނަށް ދިން ހަމަލާއަށް ފަންޑުކުރި މީހުން ނުހޯދޭތީ އެމްޑީޕީން ވަނީ ކަންބޮޑުވުން ފާޅުކޮށްފައި -- ފޮޓޯ/މިހާރު
06 މެއި 2022 - 14:59
23 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް ދިން ހަމަލާއަށް ފަންޑުކުރި މީހުން ނުހޯދޭތީ އެކަމާ ކަންބޮޑުވާ ކަމަށް އެމްޑީޕީން ބުނެފި އެވެ.
ނަޝީދަށް އަމާޒުކޮށް މިދިޔަ އަހަރު ދިން ޓެރަރިސްޓް ހަމަލާއާ ގުޅިގެން އެމްޑީޕީން މިއަދު ނެރުނު ބަޔާނެއްގައިވަނީ އެ ހަމަލާއަކީ ބަޔަކު ދުރާލާ ރާވައިގެން ދިން ހަމަލާއެއް ކަމަށް ވާއިރު، އެކަމަށް ހަރަދުކުރި ބަޔަކު މިއަދާ ހަމައަށް ވެސް ނުހޯދުމަކީ އެ ޕާޓީން ކަންބޮޑުވާ ކަމެއް ކަމަށެވެ. އަދި ހަރަދުުކުރި މީހުންނާއި އެކަމަށް އެހީތެރިވި މީހުންނާ ހަމައަށް ތަހުގީގު ފުޅާކޮށް، އަވަހަށް ނަތީޖާތަކެއް ނެރެންޖެހޭ ކަމަށް އެ ބަޔާނުގައިވެ އެވެ.
މީގެ އިތުރުން ޝަރީއަތްތައް އަވަސްކޮށް، އެފަދަ ކަމެއް ދެން ތަކުރާރު ނުވާނެ ގޮތަކަށް ފިޔަވަޅުތައް އަޅަންޖެހޭ ކަމަށް އެ ބަޔާނުގައިވެ އެވެ.
މަޖިލީހުގެ ނައިބު ރައީސް އީވާ އަބްދުﷲ މިއަދު އެކަމާ ގުޅިގެން ނެރުއްވި ބަޔާނެއްގައި ވެސް، ފަންޑުކުރި މީހުން ނުހޯދޭތީ އެކަމުގެ ކަންބޮޑުވުން ފާޅު ކުރައްވާފައިވެ އެވެ. އީވާގެ ބަޔާނުގައިވަނީ އަމަލީ ގޮތުން ބައިވެރިވި މީހުން ފިޔަވައި އިތުރު ބަޔަކު ހޯދިފައި ނެތް ކަމަށެވެ. އަދި ތަހުގީގުގައި އެކަން ނުބެލި ލަސްވާ ކޮންމެ ދުވަހަކީ އެފަދަ ކަންކަން އިތުރަށް ތަކުރާރުވާން ދެވޭ ފުރުސަތެއް ކަމަށް އެ ބަޔާނުގައިވެ އެވެ.
އީވާގެ ބަޔާނުގައިވާ ގޮތުން އެ ހަމަލާއާ ގުޅިގެން މަޖިލީހުން ހެދި އިންކުއަރީގައި ހުށަހެޅި ކަންކަން ފުރިހަމައަށް ތަންފީޒެއް ނުކުރެ އެވެ. އެއީ އެއްވެސް ގޮތަކަށް ބަލައިގަނެވޭނެ ކަމެއް ނޫން ކަމަށް އޭނާގެ ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަތޭލި
07 May 2022
ނަޝީދަށް ތާއީދު ނުކުރާ އެންމެންނަކީ ތިހަމަލާއަށް ފަންޑުކުރި މީހުންކަމަށް ނިންމީމަ ކެރަފާގޭ ކުދިން ހިތްހަމަޖެހޭނެ. ދެން އެއެންމެން ޖަލަށްލާނީ. މީހާ ހިތުން ވަރަށް ބޮޑު ތާއީދެއް އޮންނަ މީހެކޯ މިއީ. އެކަމަކު މަޖުލީހަށްވެސް ކިރިޔަ ކިރިޔާ ހޮވުނީ.
ގައުމުއެދިރޮނީ
07 May 2022
ޢަނިޔާވެރި ހަމަލާތަކުގެ ޝިކާރައަކަށްވެފައިވާ ރައްޔިތުންނަށް އިންސާފު ހޯދައިދިނުމަށް ނުކުޅެދިފައި ހުރެމެ ރާއްޖޭގެ ރައީސަކު ދަތުރުކުރަމުން ދިޔަ ލޯނޗް ގޮއްވާލުމުގު މޭސްތިރިން އިންސާފުން ރެކެން ފުރުސަތު ފަހިވެފައި ވާތީއާއި އާއިލާއިން އެދޭ ފަދައިން، ނަޝީދަށް ދެވުނު ހަމަލާއަށް ފުރިހަމަ އިންސާފެއް ހޯދާ ދެވިފައިނުވާތީ ، ރާއްޖެގެ ގާނޫނު ހަދާ މަޖްލިސްގެ ރައީސް އާއި އެހައިސިއްޔަތުން ޖުޑިޝަލް ސާރވިސްގައި ހުންނަވާ ނުފޫޒުގަދަ އިސްތިއުފާ ދިނުމަށް ގޮވާލަން!
ޢިބޫގެ ދޫ އަލީގެ ބަސް
07 May 2022
ދިވެހި ރާއްޖެއަށް ބޭނުންވަނީ ވަކި އާއިލާއެއްގެ ވެރިކަމެއް ނޫން. ވަކި މީހަކު ވެރިކަމުގައި ހުރުމަކީ ކޮންމެހެން ލާޒިމްކަމެއް ނޫން. ބޭނުންވަނީ ހަރުދަނާ ވެރިކަމެއް. ދަތި، ގޮންޖެހުން ގިނަ ވަގުތުތަކުގައިވެސް ގާނޫނީ ތަރަހައިގެ ތެރެއިން ނިންމުންތަށް ނިންމާލެވޭ ފަދަ ، ތަފާތު ސިޔާސީ ފިކުރުތަކަށް ޖާގަ ދީގެން ވެރިކަން ކުރެވޭފަދަ ހަރުދަނާ ލީޑަރެއް!
ރިވެތި
07 May 2022
އަފްރާޝީމުގެ މަރާ ދެންހުރި މަރުތަކަށް ފަންޑުކުރި މީހުން ނުހޯދުމުގެ ނަތީޖާ މިއަދު ތިޔަ ލައިގަތީ ބޮޑެތިފަންތީގެ މީހުނަށް. ގައިގަ ރޯވީމަ ކަންބޮޑުވަނީ
ޖުލައި2021
07 May 2022
މީހަކު ނޫނީ ބަޔަކު ފަންޑުކޮށްގެން ކުރިކަމެއްކަމަށް މިހާތަނަށް އަދި ވެސް އެއްވެސް ލީޑެއް ނުހޯދޭކަމަށް ފުލުހުންކުރި ތަހްގީގުތަކުން ހާމަވާއިރު. ދެން އެ ބައެނގޭދޯ ބަޔަކު ކުރުވިކަމެއްނޫންކަން. އެކަމުވެސް ހަމަ ދޭތެރޖައްސާ ސައްކު އުފެއްދުން ދޯ މިމީހުންކަމަކީ. ދެން ނަސީދު އައް ފަންޑުކުރި ބަޔަކު އެނގޭނަމަ ހެއްކާއެކު ފުލުހުންނަށް މައުލޫމާތު ދޭންވީއެއްނު ތިހެން ނުކިޔާ
ށަވިޔަނި
07 May 2022
ފަންޑުކުރި މީހުންނަށް ކަމެއް ނުކުރެވޭނެ. އަދަބެއްވެސް ނުދެވޭނެ. އެހިތްވަރު ޚުދު ނަޝީދުގެ ކިބައިގައިވެސް ނެތް.
ބޮޑުމީހާ
07 May 2022
2018 އިން 2023 އަށް 20000 ފްލެޓް އަޅަން އައިބަޔަކަށް އެކައްޗެއްވެސް ނޭޅުނީމަ ކަންބޮޑެއްނުވޭތަ. 20000 ފްލެޓަކީ އެއްލައްކަ މީހުންގެ ބޯހިޔާވެހިކަން. އެއްލައްކަ ރައްޔިތުންނަށް ވުރެ އެކަކުގެ ހައްގުތައް މުހިންމުވެގެން މިއުޅެނީ
ފަޔާ
07 May 2022
ތީ އޯލްޑް އެމްޑީޕީ ތަ؟
ިހުސޭނިކުބޭ
06 May 2022
ބަޔަކު ހިތާވިއަސް ނުވިއަސް ދިވެހިރާއްޖޭ އާދައިގެ ރައްޔިތުންގެ ހައްގު ހޯދަދޭން އެންމެބޮޑު މަސައްކަތެއްކޮށް މިހާތަނަށް ހޯދިފައިވާއެއްޗެއް ހޯދަދިނީ އަންނިކިޔާމީހާ. މިހާރުވެސް މިމީހާ ކަމުނުގޮސްގެން މިއުޅެނީ ވައްކަމުގެ ވާހަކަ ދައްކާތީ. މީނަ ކަމުނުދާ ވާހަކަ ގިނައިން މިދައްކަނީ އެކިޔާ އެމްއެމްޕީއާރުސީއަކާ އެހެނިއެހެން ކަރަފުސަނާއި އެކު ގޮތްޖެހި މަޅިއަރާފަ ތިބިމީހުން.
ގައުމީދޫ 001
07 May 2022
ޙަގީގަތުގައި ރާްއްޖޭގައި އޮތީ މާ އަމާން މާހައުލެއް. ޢަދި ދިވެހި ފައިސާގެ އަގު މަތި. ރައްޔިތުންގެ އަތުން ޓެކްސް އެއް ނުނަގާ!ނެތީ ވެރިކަމާ ތޮޅުމުގެ ހައްގު. ދީނަށާއި މީހުންނަށާއި ގައުމަށާއި މުއައްސަސާތަކަށް ފުރައްސާރަކުރުމުގެ ހައްގު. ގައުމު އޮތީ މާ ފުދިގެން މާ ހަރުދަނާ މުސްތަގިއްލު ގޮތެއްގައި.
ޙަމީދުބެ
06 May 2022
ފުލުހުންގެ މުއައްސަސާގައި ތިވަރު ބޮޑު އޮޕަރޭޝަނެއް ހިންގޭވަރުގެ ޤާބިލް ކަމެއް ނެތް.