ހަ ކުދިންނާ ބެހުނު މީހާ މިފަހަރު ޝަރީއަތް ނިމެންދެން ބަންދަށް!

ރޭޕްގެ މައްސަލަތައް އިތުރުވެ، 2020 ވަނަ އަހަރު މާލޭގައި ކުރި މުޒާހަރާއެއްގެ ތެރެއިން: ހަ ކުދިންނާ ބެހުނު ކަމަށް ތުހުމަތުވާ މީހާ އަނެއްކާ ވެސް ޝަރީއަތް ނިމެންދެން ބަންދުކުރަން ވަނީ އަމުރުކޮށްފައި -- ފޮޓޯ: މިހާރު

އިފްރާޒް އަލީ، މިހާރު

11 މެއި 2022 - 19:41

7 comments

ހަ ކުއްޖަކަށް ޖިންސީ ގޯނާ ކުރުމުގެ ތުހުމަތު ކުރެވޭ މީހާ ޝަރީއަތް ނިމެންދެން ބަންދުކުރަން މިއަދު އަމުރުކޮށްފި އެވެ.

ފުލުހުން ބުނީ، އިތުބާރުކުރެވޭ މަގާމެއްގައި ހުރި މީހަކު ކުޑަކުދިންތަކަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައިގައި ހައްޔަރުކުރި 55 އަހަރުގެ މީހާ ޝަރީއަތް ނިމެންދެން ބަންދުކުރަން މިއަދު ކޯޓުން އަމަރުކޮށްފައިވާ ކަމަށެވެ.

މާލޭގައި އެއް އާއިލާގެ ހަ ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި އެ މީހާ ހައްޔަރުކުރުމަށް ފަހު، މިދިޔަ ހޯމަ ދުވަހު އޭނާ ބަންދުން ދޫކޮށްލީ ޝަރުތުތަކެއް ކުރުމަށް ފަހު އެވެ. އެ މީހާ އަކީ އަނިޔާ ލިބުނު ކުދިންނާ އާއިލީ ގޮތުން ގުޅުން ވެސް އޮންނަ މީހެކެވެ.

އޭނާ ބަންދުން ދޫކޮށްލި މައްސަލައިގައި، ކުދިންގެ އާއިލާގެ ކަންބޮޑުވުމާއި އާންމުންގެ ނުރުހުން އަމާޒުވެފައި ވަނިކޮށް ފުލުހުން ވަނީ އިއްޔެ އަލުން ހައްޔަރުކޮށްފަ އެވެ.

ކްރިމިނަލް ކޯޓުން އެ މީހާ ބަންދުން ދޫކޮށްލީ ތަހުގީގަށް އެއްބާރުލުން ދިނުން ފަދަ ކަންކަމަށް ޝަރުތުކޮށްފަ އެވެ. އެ މައްސަލަ ހައި ކޯޓްގައި ޕީޖީން ވަނީ އިސްތިއުނާފް ވެސް ކޮށްފަ އެވެ.

އަނިޔާ ލިބުނު ކުއްޖާގެ އާއިލާއިން ބުނާ ގޮތުން، އެ މީހާ ދޫކޮށްލީ ގިނަ ހެކިތަކެއް ފުލުހުން ކޯޓަށް ހުށަހަޅާފައި ވަނިކޮށެވެ. އަނިޔާ ލިބުނު ކުދިންނަށް 2017 ވަނަ އަހަރާ ހަމަ އަށް ޖިންސީ ގޯނާކުރި ކަމަށް އާއިލާއިން ބުންޏެވެ. އަދި ތަހުގީގުގައި އެ ކުދިން ބަޔާން ދީފައިވާ ކަމަށް ވެސް ބުންޏެވެ.

ކުށްކުރުން ފުލުހުން ކުޑަކުދިންނަށް އަނިޔާކުރުން ޖިންސީ އަނިޔާ ކުދިންނަށް ޖިންސީ ގޯނާކުރުން

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ ފާސިރު

12 May 2022

ތި ވާނީ ޔެލޯ ބޭފުޅަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޔާޒު

12 May 2022

ޝަރީއަތްނިމެންދެން ބަނދު، ޝަރީއަތްނިމޭއިރު ކުށް ސާބިތުނުވެފަ އޮންނާނި. ދެންދޫކޮށްލާނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

12 May 2022

އަދި ކުޑަ ބަދަލެއްވެސް ދިނީމައި ހުރިހައި ކަމެއް ހަމަ ވާނީ. ފެންނަ ފެނުމަށް ދެ ބޭފުޅުންނާ ވެސް ވަރަށް ގާތް ބޭފުޅެއްކަމަށް ވަނީ. ލޯންޗުގައި ތިއްބަވާ ފޮޓޯ ގަނޑެއްވެސް ދައުރު ވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންތި ސިންގް

12 May 2022

ތިވާނީ އެއްކަލަ ގްރޫޕް ގެ މީހަކައް. 4 އަނބިންނާ ޖާރިޔާ މަތިން ހަނދާންވާވަރުން ކަންނޭގެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން ކުރުސީ

12 May 2022

ވަރަށް އަސަރުކުރޭ ދޯ ތިޔަ ކިޔާ ޒާތުގެ މީހުންދެކެ؟ ޢަސްލު އެކަމަކު މިފަހަރު މިވީ މޑޕ މީހަކަށް. ދެރަދުން ދޭތެރޭ އިންނަވައިގެން ނަގާފަ ހުރި ފޮޓޯ އެބަ ދައުރުވޭ ޓުވިޓާ ގައި. ޙަމަ އަނެއް ހޯރަ އަށް މިވީ.