އީސީގެ މެމްބަރުން: އިންތިހާބު ފަސްކުރަން ކުރި ހުކުމް އިސްތިއުނާފް ނުކުރަން އެ ކޮމިޝަނުން ވަނީ ނިންމާފައި.-- ފައިލް ފޮޓޯ: މުހައްމަދު ޝަރުހާން/ މިހާރު
28 ޑިސެމްބަރ 2016 - 20:56
23 comments
ލޯކަލް ކައުންސިލްތަކުގެ އިންތިހާބު ބާއްވާނެ ތާރީހު އިއުލާން ކުރެވޭނީ ގާނޫނީ ގޮތުން ސާފުކުރަން ހުރި ކަންކަން ސާފު ކުރުމަށް ފަހު ކަމަށް އިލެކްޝަންސް ކޮމިޝަނުން މިއަދު ބުނެފި އެވެ.
ކައުންސިލްތަކުގެ އިންތިހާބު އަންނަ މަހުގެ 14 ގައި ބާއްވަން ނިންމާފައި ވަނިކޮށް ސިވިލް ކޯޓުން ވަނީ އިތުރު ދެ މަހަށް އިންތިހާބު ފަސްކުރަން އަމުރުކޮށްފަ އެވެ. ޕީޕީއެމުން ހުށަހެޅި މައްސަލައަކާ ގުޅިގެން ކުރި އެ ހުކުމް އިސްތިއުނާފް ކުރަން ހުށަހެޅުމަށް ފަހު، އިލެކްޝަންސް ކޮމިޝަނުން ވަނީ އިސްތިއުނާފް މައްސަލަ އަނބުރާ ގެންގޮސްފަ އެވެ.
އިންތިހާބު އަލުން ބާއްވާނެ ދުވަހެއް އިއުލާން ކުރެވޭނީ ކޯޓުގެ ހުކުމާ ގުޅިގެން ސާފުކުރަން ޖެހޭ ކަންކަން ސާފު ކުރުމަށް ފަހު ކަމަށް އިލެކްޝަންސް ކޮމިޝަނުން މި ބުނީ އިންތިހާބު ބާއްވާނެ ތާރީހު އިއުލާން ނުކުރާތީ އިދިކޮޅު ފަރާތްތަކުން ކަންބޮޑުވުން ފާޅުކޮށްފައި ވަނިކޮށެވެ.
"ސިވިލް ކޯޓުގެ ހުކުމާ ގުޅިގެން ގާނޫނީ ގޮތުން ސާފުކުރަން ހުރި ކަންތައްތައް ސާފު ކުރުމަށް ފަހު، އިންތިހާބުގެ ތާރީހު އަލުން އިއުލާން ކުރާނެ،" ކޮމިޝަންގެ އެދުމުގެ މަތިން "މިހާރު"ން ލިޔުމުން ފޮނުވި ސުވާލަށް އެ ކޮމިޝަނުން މިއަދު ފޮނުވި ޖަވާބުގައިވެ އެވެ.
އިސްތިއުނާފް މައްސަލަ އަނބުރާ ނެގިޔަސް، ހުކުމާ ގުޅިގެން ގާނޫނީ ގޮތުން ސާފުކުރަން ޖެހޭ ކަންކަން ސާފުކުރަން ކޯޓަށް ދާނެ ކަމަށް ކޮމިޝަނުން ކުރިން ވަނީ ބުނެފަ އެވެ.
އިންތިހާބު ފަސްކުރަން ކޯޓުން އަމުރު ކުރީ ޕީޕީއެމްގެ އެތެރޭގެ މައްސަލަތަކާ ހެދި ތައްޔާރުވެވިފައި ނުވާ ކަމަށް ބުނެ އިންތިހާބު ފަސްކުރަން ރައީސް އަބްދުﷲ ޔާމީންގެ ފެކްޝަނުން ހުށަހެޅުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާގެ ޒަކީ
29 December 2016
ތިޔަ ނުބާއްވާނެ ގޮތެއް ނެތްދޯ ހަދާލެވޭކަށް ސްލައިމާނޫ
ސާންސް
29 December 2016
އޭ ސަހަރޯ އެވެ. މިނިވަން މުއައްސަސާތަކުގެ ބާރު ނެތި އަޅުވެތި ވެއްޖެއެވެ. ވައްކަމާ ފަސާދައިގެ ސަބަބުން މި މުއްައްސަސާތަކުގެ ދޫ ބަންދުވެ ވާގިނެތިއްޖެއެވެ. ޢަދުލުވެރިކަން ގެއްލި ޤައުމުގައި ވަނީ އަޅުވެތިކަމާއި ގޮށްމުށުގެ ބާރު ފެތުރިފައެވެ.
ހުސައިންކާމިލް
29 December 2016
ބަލަ ގާނޫނަކު ނޯވޭތަ އިންތިހާބު ވަކިމުއްދަތެްގެ ތެރޭގައި ބާއްވާކަށް؟ 2018 ގެ ކުރިން ތި ގާނޫނުގެ ކަންކަމެއް ނުނިމޭނެ.
އައްޔަ
29 December 2016
އިންތިޚާބާ ބެހޭ ގާނޫނު ތިޔަބޭފުޅުންނަށް އޮޅުންނުފިލާއޮތުމަކީ އަޅުގަޑުމެން ކުރި ކަމެއްނޫން ތިޔަވަޒީފާއާއި މަސްއޫލިއްޔަތާއި ހަވާލުވީ ކާކުބުނެގެންތޯ؟ ބަރާބަރަށް މުސާރަލިބޭތޯ؟ އިސްތިއުފާގެ ދޮރު ހަމައޮތީ ހުޅުވިފަ .. މީހަކު ހަތަރެސްކަނެއް ނުވާނެތަ؟
މަޖްލިސް
29 December 2016
މަޖްލިސް ހުޅުވުނީމަ ގޮތެއްނިންމާނެ. ގާނޫނު އުވާލަާނެ
ހަޑިގިއްލާ
29 December 2016
ރަނގަޅު ގޮތަކީ 'އިންތިހާބުގެ ތާރީޚް އިއުލާން ކުރެވޭނީ ޕީޕީއެމްގެ އެތެރޭގެ ކަންކަން ހުރިގޮތް ސާފުކޮށްފަ' މިއެވެ!
މުޙައްމަދު
29 December 2016
ސެލޭމާނު، މާ މޫނުމަތި ސާފު މީހެއްކަމަށް ދެއްކިގެން އިންނާނެކަމެއްނެތް. ތީ ވަރަށް ކަމުނުދާ މީހެއް.
މީދާކޭއުނބު
28 December 2016
ޤާނޫނީގޮތުން ސާފުކުރަން ބޭނުންވާކަމަކީ ޔާމީން ބޭނުންވެއްޖެނަމަ މިހުކުމުގެދަށުން 2018 ގެ ރިޔާސީ އިންތިޚާބު ބޭނުންދުވަހަކަށް ލަސްކުރެވިދާނެތޯ. ނުވަންޏާ މައްސަލަ އަލުން އިސްތިއުނާފުކޮށް ސުޕްރިމްކޯޓާހަމައިން މިހުކުމުގަ ސީލްޖެހުން. އޭރުން 2018ގަ އަނެއްކާވެސް ކޮންމެވެސް ސަބަބަކާހުރެ ޕީޕީއަށް ތައްޔާރުނުވެވުނޭކިޔާފަ ސިވިލްކޯޓަށްދާއިރަށް މިހުކުމަށް ރިއާޔަތްކޮށް އެމީހުން ބޭނުންމުއްދަތަކަށް ރިޔާސީ އިންތިޚާބު ފަސްކުރަންވީ.
ޑރ. ޅިންކަން
28 December 2016
ޢިލެކްޝަން ކޮމިޝަން މަހަށް ދާންވީނު.
GAN Island
28 December 2016
ސްލައިމާނު މެން ބާއްވާނެ ދުވަހަކުން އިންތިހާބު ބާއްވާ. ތިޔަ އިންތިހާބަކުން އަހަރުމެން ރައްޔިތުންނަށް އޮތީ ކޮންކަމެއް ؟؟!! . . . . ކުރިޔަށް އޮތް ދެ އަހަރަށް ފަހު 2018 ވަނަ އަހަރު އަހަރުމެން ދިވެހި ރައްޔިތުންނަށް އަބުރާ ''ޤައުމު ހޯދާދިނުމަށް'' އަހަރުމެން ރައްޔިތުން ނިކުމެ ވޯޓް ދޭނަން. އެކަން ކުރުމަށް އަހަރުމެން ނިކުންނާނީ ''ދުނިޔޭގެ ދައުލަތް ތަކުގެ'' އެހީތެރިކަމާއި އެކުގައި ސަލާމަތުގެ އައްސޭރި ޔަޤީންކޮށްގެން ބިރުވެރިކަމެއްނެތި. . . . .ވޭތުވެދިޔަ މަދު އަހަރު ތަކެއްގައި ''ކުއްލިއަކަށް'' ބައެއްމީހުންގެ ދިރިއުޅުމަށް އައި ބަދަލު ފެންފައިވާން ދޫކޮށް އޮފް އަރާ ބޫޓް ތުރުކުރެއްވެވިގޮތް ، ސައިބިކަލާއި ސައިކަލް ގަނޑެއްނެތް މީހުން Mercedes-Benz އަށާއި BMW ތަކުގެ ސީޓް ތަކަށް ވެޑިވިގަތް ގޮތް ކުލީ ކޮޓަރި ތަކުގައި ''ފައިސާ ބޮޑީވަރު ޖަހާލާފައި'' Luxury Flat އަމިއްލަ ކޮށްލެއްވިގޮތް ފަދަ ކަންކަންވެސް ބަލާ ، އެކަންކަން ކޮށްފައިވަނީ ''ޤާނޫނާއި އެއްގޮތަށްތޯ'' ކަށަވަރު ކުރާނަން.