ހުޅުމާލެ ދެ ވަނަ ފިޔަވަހީގެ މަތިން ނަގާފައިވާ ފޮޓޯއެއް: އެ ސަރަހައްދުގައި ސްކޫލްތައް އެޅުމުގެ މަސައްކަތް އަންނަނީ ކުރަމުން.-- ފޮޓޯ: ފަޔާޒު މޫސާ/ މިހާރު
16 ޖޫން 2022 - 11:09
13 comments
ހުޅުމާލޭގެ ދެވަނަ ފިޔަވަހީގައި އަންނަ އަހަރު ތިން ސްކޫލް ހުޅުވާނެ ކަމަށް ރައީސް އިބްރާހިމް މުހައްމަދު ސޯލިހު ރޭ ވިދާޅުވެއްޖެ އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ތަރައްގީ ކުރަން ފެށި ހުޅުމާލޭގެ ދެވަނަ ފިޔަވަހިން ސީދާ ބަސް ދަތުރުތައް ފެށުމަށް ބޭއްވި ރަސްމިއްޔާތުގައި ރައީސް ވިދާޅުވީ އެ ސަރަހައްދުގައި ދިރިއުޅޭ މީހުންނަށް ބޭނުންވާ ކަންތައްތައް ކޮށްދިނުމުގެ މަސައްކަތް ކުރަމުން އަންނަ ކަމަށެވެ.
އޭގެ ތެރޭގައި ސްކޫލާއި މިސްކިތާއި ސިއްހީ ހިދުމަތާއި މަގުތައް ހެދުން އަދި ދަތުރުފަތުރުގެ ނިޒާމަށް އޮތީ ބޭނުންޖެހިފައި ކަމަށް އެ މަނިކުފާނު ވިދާޅުވި އެވެ.
ރައީސް ވިދާޅުވިގޮތުގައި، ދެވަނަ ފިޔަވަހީގައި އަށް ސްކޫލަކާއި އިތުރު ދެ ޕްރީ ސްކޫލެއް އިމާރާތް ކުރަން ވަނީ ނިންމައިފަ އެވެ. އޭގެ ތެރެއިން ސަލާހުއްދީން ސްކޫލްގެ މަސައްކަތް ނިންމައި، ދެ ވަނަ ފިޔަވަހީގެ ފުރަތަމަ ސްކޫލް އަންނަ އަހަރުގެ ޖެނުއަރީ މަހު ހުޅުވާނެ އެވެ.
ދެ ޕްރީ ސްކޫލް އަންނަ އަހަރުގެ އޮގަސްޓް މަހަށް ނިންމައި ކިޔަވައިދޭން ފަށާނެ ކަމަށް ރައީސް ވިދާޅުވި އެވެ.
ސަލާހުއްދީން ސްކޫލް އިމާރާތްކުރުމުގެ މަސައްކަތް މިދިޔަ އަހަރުގެ ފެބްރުއަރީ މަހު އަމިން ކޮންސްޓްރަކްޝަނާ ހަވާލުކުރީ، މިދިޔަ މާޗު މަހަށް ނިންމާ ގޮތަށް 118 މިލިއަން ރުފިޔާ އަށެވެ. އެކަމަކު، އެކި ސަބަބުތަކާ ހެދި މަސައްކަތް ލަސްވީ އެވެ.
ހިޔާ ފްލެޓުތަކުގައި މީހުން ދިރިއުޅެން ފެށުމާ އެކު، ހުޅުމާލޭގެ އާބާދީ އެތައް ގުނައެއް އިތުރުވެފައިވެ އެވެ. ދެ ވަނަ ފިޔަވަހީގައި އެކަނި ވެސް 20،000 މީހުން ދިރިއުޅެ އެވެ. ނަމަވެސް، އެ މީހުންގެ ކަންބޮޑުވުމަކީ ކައިރި ހިސާބެއްގައި ސްކޫލެއް ނެތުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަނީ
16 June 2022
ހުޅުވަނީ، ފަށަނީ...މިހެން ކިޔަމުން 5 އަހަރުގެ ދައުރެއް ސޯލިހު އެނިންމާލަނީ. އެހެންނުވާނީ ސޯލިހަކީ ހަމަ ބުދެއް ބަހައްޓާފައި ހުރި. ވެރިކަން ހިންގަނީ ފައްޔާޒާ ފަޒުނާމެން އަޑީގައި ތިބެގެން ބޯގަންވިލާއާ ސިއްކަގޭތެރެއިން.
ސޭކުބެ
16 June 2022
ސޮކޫލް އެޅުމުގެ ކުރިން ގަޑިނުޖެހި ސްކޫލަށް ދެވޭނެގޮތް ހަމަޖައްސަވައި ދެއްވާ! އިމާރާތުގެ 3 ލިފްޓް ހުރިއްޔާ 1 ލިފްޓް ހުންނަނީ މައްސަލަ ޖެހިފަ. ޕީކް ގަޑިތަކުގަ މަތިން ތިރިއަށް ފައިބަން 30 މިނިޓް އަދި ތިރިން މައްޗަށް އަރަން އަނެއް 30 މިނިޓް. ކަމެއް ކޮއްދެއްވަންޏާ ކޮންމެ ތަނެއްގަ އަދި އިތުރު 3 ލިފްޓް ހަރުކޮއްދެއްވާ! މިކަމަކީ ހަމަ ކުރެވެން އޮތްކަމެއް
ishan
16 June 2022
ދައުރު ނިމޭއިރު ސްކޫލެއް ހެލްތް ސެންޓަރެއް މިސްކިތެއް މިތާކު ނެތް. ކަލޭ ހަމަ ގަސްދުގައި އަހަރުމެންނަށް ޖެއްސި ހާލޭ މީ ސޯލިހޫ. ކިތަންމެ ކަޑައެއް ވިޔަސް ހަގީގަތަކީ ޔާމީނުގެ މިންނެއް މަސައްކަތްމީ. ކަލޭގެ ދައުރުގައި ބިންގާ އަޅާ ނިންމި އެންމެ ފުލެޓެއްވެސް ނެތޭ ސޯލިހު. އެހެނޭ ކިޔާފައި އަހަރުމެންނަށް ކޮން ޖެއްސުމެއް ކުރަކައްތަ؟ އެއީ ކަލޭގެ ނާގާބިލުކަމޭ ސޯލިހޫ!
ދގދސެފ×
16 June 2022
އަޑިއަޑިންނަމްވެސް މިކުޅެނީ މާލެ ތޮއްޖެއްސުމުގެ ސިޔާސަތު.
ކަޑަޖަހާ ސަރުކާރު
16 June 2022
ނަންވާނީ މައުމޫނާ ޔާމީނު ދޯ. އެކަމަކު ސޯލިހު ވެސް އެކިޔަނީ ހަމަ އެހެން އެއް ސިޔާސަތެއް. ފަސޭހައެއްނު. އޭރަށް ދައުލަތުގެ މާލިއްޔަތުން އަތޮޅު ތެރެ ރައްތައް ތަރައްގީ ނުކޮށް އެފައިސާ މިމީހުން ތަޅާ ބުރުވަން ހުންނާނެއެއްނު.
އިބޫ ފެކުޝަން 1
16 June 2022
މަސް މާރުކޭޓާއި ބަށި ކުޅޭ ތަނުގެ ވާހަކަ ބުނަން މަ ހަނދާން ނެތުނީ! އެކަން ވެސް ކޮށްދޭ ނަން
އެޗް ސީ ޑީ
16 June 2022
ހުޅުމާލޭގެ 2 ވަނަ ފޭސްގައި އަލާ ޕްރީ ސްކޫލްތައް އަޅާމުންދަނީ ފޭސް 2 އަށް ދަތުރުކުރަން އޮންނަ މަގަށްވާގޮތަށް ވުމުން އެއީ ހައިވޭއެއް، ސްކޫލްތަކަށް އަންނަމީހުން ސައިކަލްތަކުގައި މަޑުކުރުމުން އެސަަރަހައްދުގެ ޓްރެފިކް އިތުރަށް ބޮޑުވެގެންދާނެ، މިއީ ވިސްނާލުން ރަގަޅުކަމެއް، އަދި ކުޑަ ކުދިންނަށް އެކަށީގެންވާ ރައްކާތެރިކަމެއް ހައިވޭއަކުން ލިބޭނެކަމަކަށް ނުދެކެން،
ބޮޑުމީހާ
16 June 2022
އިބޫ ސޯލިހު ކިރިޔާވެސް ލަދުގެ ކަންފުޅެއް ހުރި ނަމަވެސް ހިޔާ ފްލްޓް ސަރަހައްދުގަ ތިކަން ނުބޭއްވީސް. ވެރިކަމުގެ 4 އަހަރު ނިމޭއިރު ސްކޫލެއް ނޭޅިގެން އުޅެނިކޮށް 4 ސްކޫލް އަޅާ ވާހަކަ ތިކިޔަނީ. 4 އަހަރު ނިމުނު އިރު ނުދެވުނު ހިދުމަތެއް ނުދެވޭނެ
ފަޒުނާ
16 June 2022
2023 އަށް ކަޑަ ޖެހުން ފެށުނީ ކަލޭނޭ. މި ސީދާ ހަމަ މައުމޫނު ކައިރިން އެދުރުވެފައި ހުރި މީހެއް.
ހިޔާފުލެޓްއައްޔަ
16 June 2022
ބަލަގަ 3 އަހަރު ކަލެއަށް ލިބިއްޖޭ އެތަނުގައި ސްކޫލެއް އަޅަން. އެކަން ނުކުރީ ގަސްދުގައި. ދެން ކޮންމެހެން 2023 ގެ އިންތިހާބަށް ކަޑަ ޖަހަން އުޅޭނެ ކަމެއްނެތް. ކަލެއަށް މަގޭ ވޯޓު ހަރާމުން ހަރާން
ކޮންޓެ
16 June 2022
3 އަހަރުން 2 އަހަރު މުޅި ދުނިޔެ އޮތީ ލޮކްޑައުން ކޮށްފައި. ބޮޑުވަރު ތީ
އިބްރ
16 June 2022
އަނގައިން ރާއްޖެ ތަރަށްޤީކުރި ވެރިއެއް. އަބަދުވެސް އަންނަ އަހަރު.