ޕީޖީ ޝަމީމް: އޭނާ އާ ގުޅޭ ޖިނާއީ ތަހުގީގެއް ނުހިންގާ ކަމަށް ފުލުހުން ބުނި -- ފައިލް ފޮޓޯ: މިހާރު
17 ޖޫން 2022 - 20:39
5 comments
ޕްރޮސެކިއުޓާ ޖެނަރަލް ހުސެއިން ޝަމީމާ ގުޅޭ ޖިނާއީ މައްސަލައެއް ތަހުގީގު ނުކުރާ ކަމަށް ފުލުހުން މިރޭ ބުނެފި އެވެ.
ފުލުހުން މިހެން ބުނީ ޝަމީމަށް ތުހުމަތުކޮށް، ކުއްޖަކަށް ޖިންސީ ގޯނާކުރި މައްސަލައެއް ފުލުހަށް ބަޔަކު ހުށަހަޅާފައިވާ ކަމަށް ބުނެ އަޑު ފެތުރުމުންނެވެ. މިދިޔަ ހަފްތާގައި އެ ވާހަކަ ފެތުރުނަސް ފުލުހުން މިހާތަނަށް އެކަމާ ބެހޭ ގޮތުން ވާހަކައެއް ނުދައްކަ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ ޝަމީމްގެ މައްޗަށް އެއްވެސް ޖިނާއީ ތުހުމަތެއްގެ ތަހުގީގު ހިންގަމުން ނުދާ ކަމަށެވެ. އިތުރު މައުލޫމާތެއް ނުދެ އެވެ.
ނަމަވެސް އެނގިފައިވާ ގޮތުގައި، ޝަމީމާ ދެކޮޅަށް މައްސަލަ ހުށަހެޅީ އާއިލީ މައްސަލައެއްގެ ތެރެއިންނެވެ. އެކަމަކު އެ މައްސަލާގައި ޖިނާއީ އަމަލެއްގެ ތުހުމަތެއް ނެތް ކަމަށް ވަނީ އެނގިފަ އެވެ. އާއިލީ މައްސަލަތަކާއި ކުޑަކުދިންނާ ގުޅުން ހުންނަ ކަންކަމުގައި ފުލުހުންނަށް ހުށަހަޅާ މައްސަލަތަކުގެ ތަފްސީލު ހާމަކުރުމަކީ ފުލުހުން ކުރާ ކަމަކަށް ނުވާތީ މިކަމުގައި ވެސް ތަފްސީލެއް ހާމައެއް ނުކުރެ އެވެ.
ޝަމީމާ ގުޅޭ ގޮތުން މިފަދަ ވާހަކަތަކެއް ފެތުރިފައި ވަނީ އޭނާ ޕީޖީގެ މަގާމުން ވަކި ކުރުމަށް އިތުބާރު ނެތް މައްސަލައެއް ރައްޔިތުންގެ މަޖިލީހަށް ހުށަހަޅަން ތައްޔާރުވެފައި ވަނިކޮށެވެ. އެ މައްސަލަ ހުށަހަޅަނީ ރައްޔިތުންގެ މަޖިލީހުގެ މެޖޯރިޓީ އޮތް އެމްޑީޕީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބެ
18 June 2022
ފުލުހުން ބަލަަނީ ނިކަމެތިންގެ މައްސަލަ ކޯޓުން ހުކުމްކުރާނީ ނިކަމެތިންނައް ޖަލުގަ ގިނަވާނީ ނިކަމެތިން މެއީ އަސްލު ހަޤީގަތަކީ…
ދޮންދަރީގެ ބައްޕަގެ ރަޓެއްސެއް
18 June 2022
ކޮންމެވެސް މައްސަލައެއްގަ ވަކިވަކި ފުލުހުންތަަކަށް ދައުވާ ކުރާނަމޭ އެކަން ނުހުއްޓުވޭނޭ ކިޔައިގެން މީނަ ފޮނު އަރުވާފަ އިހަށް ދުވަހު ނޫސްތަކުގެ ޙަބަރުކޮށްފަ އޮތް މިހާރު ވަކިވަކި ފުލުހުންނަށް ދައުވާ ނުކުރާނަމޭ ކިޔައިގެން. އެއީ ޑީލަކީ. ސާފުވެއްޖެ؟ މީނައާ ގުޅޭ ތި މައްސަލައިގެ ވަރަށް ގިނަ ތަފްސީލު އަހަންނަށް އެނގޭ. މިތަނުގަ ލިޔެފިއްޔާ ކޮމެންޓް ޕަބްލިޝް ނުކުރާނެ.
ސުރުޚީ
18 June 2022
އެއްކަމެއް ބަލާނެކަމެއްނެތް. ވަގުތުން ވަކިކުރަންޖެހިފަ. ޑުރަގުގެމައްސަލަތަކުގައި ދައުލަތުން ދަޢުވާކުރަންޖެހޭވަރށް އެކަމެއްނުކުރޭ. ޢަލީވަޙީދު ފިލައިގެންއުޅޭތީ އެކަމަށް ކަމެއްނުކުރޭ، ޑުރަގުގެމައްސަލަތަކުގައި ސުވާލުއުފައްދައި، ކުރަންވާވަރަކަށް މަސައްކަތެއްނުކުރޭ. ބޮޑުމުސާރަނަގައި، ބޮޑުޚަަރަދުތަކެއްހިންގައި އަޗާތަޅަން ބަހައްޓާފަހުންނަ ފަލަސުރުޚީއަށްލޯބިކުރާމީހެއް.
ލައުޑާ
18 June 2022
އަސްތާ. މިހެންވެޔޭ ދޯ ޝޫރާގަވެސް، ވަކި ޝަރުތުތަކެއް ހަމަވާ ބައެއް ބައިވެރިކޮށްގެން މަޝްވަރާ ކުރަންޖެހެނީ.
ދިއްދޫމީހާ
17 June 2022
ޝަހިންދާވެސް ރާއްޖެއިން ފުރާގެން ދަންދެން ހަމަ ތިޔަ ލަވަކީ، ފުރާގެން ދާތަކަށް ދިޔާމަ ބުނީ ތަހްގީގް ކުރާވަހަކަ، ޝަމީމްއަވެސް ހަދާނީ ހަމަ އެގޮތައް ބަލާތި، އަލީވަހީދުއަވެސް ހަމަ އެގޮތައްތާ ކަންތައް ކޮއްދިނީ..