04 ޖުލައި 2022 - 11:29
14 comments
ޔޫކްރޭނުން ވަގަށް ނެގި ގޮވާންތަކެއް ހިފައިގެން އެހެން ގައުމަކަށް ވިއްކައިލުމަށްޓަކައި ދަތުރުކުރި ރަޝިޔާގެ އާގުބޯޓެއް ހިފަހައްޓާފައިވާ ކަމަށް ތުރުކީ ވިލާތުގައި ހުންނަ ޔޫކްރޭންގެ އެމްބަސީން އިއްޔެ ބުނެފި އެވެ.
އެ އެމްބަސީން ބުނި ގޮތުގައި ތުރުކީގެ ކަސްޓަމުން ރަޝިޔާގެ އާގުބޯޓު ހިފެހެއްޓީ، އެ ބޯޓުގައި ހުރީ ޔޫކްރޭންގެ ގޮވާންތަކެއް ކަން ޔޫކްރޭނަށް ޔަގީންވާތީ، އެ ބޯޓު ހިފަހައްޓައިދޭން ޔޫކްރޭނުން އެދުމުންނެވެ. އަދި އެ ބޯޓާ މެދު ގޮތެއް ނިންމޭނީ، ތަހުގީގު ކުރާ ފަރާތްތަކުން މިއަދު ބާއްވާ ބައްދަލުވުމަށް ފަހުގައި ކަމަށް ވެސް އެމްބަސީން ބުނެ އެވެ.
މިދިޔަ ފެބްރުއަރީ މަހުގެ 24 ވަނަ ދުވަހު ރަޝިޔާ ސިފައިން ޔޫކްރޭނާ ދެކޮޅަށް ހަނގުރާމަ ފެށުމަށް ފަހު، އެންމެ ފުރަތަމަ ރަޝިޔާ ސިފައިންގެ ބާރުގެ ދަށަށް ގެންދިޔަ ސަރަހައްދުތަކުގެ ތެރޭގައި، ކަޅު ކަނޑުގެ އައްސޭރީގައި އޮންނަ ޔޫކްރޭންގެ ބަނދަރުތައް ހިމެނެ އެވެ. އޭރު އެބަނދަރުތަކުގައި، ޔޫކްރޭނުން އެހެން ގައުމުތަކަށް އެކްސޕޯޓްކުރަން ތައްޔާރުކޮށްފައި ހުރި އެތައް ހާސް ޓަނެއްގެ ގޮވާން ހުއްޓެވެ.
ޔޫކްރޭނުން ބުނާ ގޮތުގައި، ޒިބެކް ޒޯލީގެ ނަން ދީފައިވާ، ރަޝިޔާގެ ބޯޓަށް އެންމެ ފުރަތަމަ ބަރުކުރީ، މިހާރު ރަޝިޔާ ސިފައިންގެ ބާރުގެ ދަށުގައި އޮތް ޔޫކްރޭންގެ ދެކުނު ބަނދަރެއް ކަމަށްވާ ބެރްޑީންސްކްގައި ހުރި 4500 ޓަނުގެ ގޮވާމެވެ.
ތުރުކީގެ ކަސްޓަމުން އެ ބޯޓު ހިފެހެއްޓުމަށް ފަހު، މިހާރު ނަގިލި ލާފައި އޮތީ ތުރުކީ ވިލާތުގެ ކަރަސޫ ބަނދަރުގެ ބޭރު ސަރަހައްދުގަ އެވެ. މި ބޯޓު ހިފެހެއްޓުމާ ގުޅޭ ގޮތުން ރަޝިޔާ އިން ވެސް އަދި ތުރުކީ ވިލާތުން ވެސް މިހާތަނަށް ވަކި އެއްޗެއް ނުބުނެ އެވެ.
ޔޫކްރޭންގެ ބަނދަރުތަކުގައި ހުރި ގޮވާމުގެ ބާވަތްތައް ރަޝިޔާ އިން ވަގަށް ނަގައިގެން އެކްސްޕޯޓް ކުރާ ކަމަށް ޔޫކްރޭނުން ތުހުމަތު ކުރި ނަމަވެސް، ރަޝިޔާ އިން ވަނީ އެކަމަށް އިންކާރު ކޮށްފަ އެވެ.
ރަޝިޔާ ސިފައިން ޔޫކްރޭންގެ ބަނދަރުތައް ހިފުމާ ގުޅިގެން، ގޮވާމުގެ ބައިނަލްއަގުވާމީ ވިޔަފާރި އަށް ވަނީ ވަރަށް ބޮޑަށް ހުރަސް އެޅިފަ އެވެ. އެހެންކަމުން، ބައެއް ގައުމުތަކުގައި މިހާރު ވަނީ ގޮވާމުގެ ބާވަތްތައްކުގެ އަގު ބޮޑުވެ، އެހެނިހެން ކާބޯތަކެތީގެ އަގުތައް ވެސް އުފުލެން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަނަވަރު
07 July 2022
މިއީ ޒެލެންސްކީ އާއި ބައިޑަން ގެ ހަތިޔާރު ގެ ވިޔަފރިއެއް. އެމެރިކާގެ ހަތިޔާރު ވިއްކާ ކުންފުނިތަކަށް ބިލިއަން ޑޮލާސް ގެ ފައިދާ . ކަޓު އަޅަނީ ޒެލެންސްކީ އަށާއި ބައިޑަން އަށް. އެމެރިކާގެ ރައިސަކަށް އަނނަ ކޮންމެ މީހަކު މިކަހަލަ ގަނޑެއް ގަނެގެން މުއްސަދި ވޭ.......
ރައްޒާގު
05 July 2022
ވައްކަންކުރުމާ ފޭރުން އެއީ ރަސިޔާގެ ތަބީޢީކަމެއް.
ސަލީމު އިދުރީސް
05 July 2022
ބުނަންތޯ ބީރުބޮލު އެމެރިކާ އެއީ މިލުޓުރީގޮތުން އެއްންމެ ވަރުގަދަ ގައުމު!އެމިހުން ތާލިބާނުންނާ ހަގުރާމަކޮއް އުސާމާ މަރާލި އަދި ބޭނުން ހާއިރަކު އެތަން ހިފައިގެންތިބި! ދެން ރޫސީންނޫންތޯ ހަފުގާނުގަ އެތައް އަހަރަކު ހަނގުރާމަ ކޮއް ބަލިވެގެން ފިލީ! ބުނަން އެމެރިކާ އެއީ މަހެހާ ގަޔާވާ ގައުމަކައް ނުވިއަސް މިއީ ހަގީގަތް! ޔޫރަފު ބައްރުގަ ހަނގުރާމަ ފެށިއްޖެނަމަ އެމެރިކާއަށް ރަންވަޅެއް ފެނުންކަހަލަ ކަމެއް ކަންއެގޭ ޔޫރަފު މީހުނައްވެސް އެކަމަކު،،،،
ބީރުބޮލު ވަޒީރު.
05 July 2022
ސަލީމު ބުނެބަލަ އެމެރިކާ ބަރުގަދަވި ގޮތެއް. ޖަޕާނަށް އެޓަމިކް ބޮން އެޅީމަ އެއީ މާ މޮޅުކަމެއްތަ؟ އެމީހުން މުޅިންވެސް ހަނގުރާމަކުރީ އަފްގާނިސްތާން އިރާގު ސޫރިޔާ މިކަހަލަ އެއްވެސް ބާރެއް ނެތް ގައުމުތަކުގާ. ބާރެއްހުރި ބަޔަކާ ޖެހުނީ މިފަހަރު. ވަރަށް ވަރުގަދައަށް އިންޒާރު ދިން ޕޫޓިންއަށް. ވަރުގަދަ ރައްދެއް ދޭނަމޭ ކިއައިގެން. ރަސިއާއިން ޔޫކުރޭނަށް ހަމަލާދިން ވާހަކަ ސިޓީއެއްގައި ލިއެފަ ޖޯ ބައިޑަން އަށް ވީ ފޮނުވާފަ. ސިޓީ އަދި ބައިޑަން އަށް ނުލިބެނީތޯއްޗެ
ޕިރްލޯ
05 July 2022
ޖަޕާނަަށް އެޅި ބޮމަކީ ހަނގުރާމައިގެ ނިމުން
އިދުރީސް އައްޕަ
07 July 2022
އެމެރިކާ ބާރުގަދަވެގެން އުޅުނު ދުވަސް ފަހަނަ އަޅައި ހިނގައްޖެ. ކުރިން އެމީހުން ބޭނުންކަމެއް ކުރިނަމަވެސް މިހާރު ނުވާނެ. އެންމެ ކުޑަމިނުން ރަޝިޔާ، ޗައިނާއިން ފޮނުވާ ސްޕަސޮނިކް މިސައިލަކުން ދިފާއުވާނެ ގޮތެއް ވެސް އަދި ނެތް. އެވަރުގެ މިސައިލެއްވެސް އެމީހުންގެ އަތަކު ނެތް. އެމެރިކާގެ ނުފޫޒު ބޮޑުތަނުން ކުޑަވެއްޖެ.
ސަލީމު އިދުރީސް
04 July 2022
މިސާލަކައް 20 މީހުނާ ދެހާސް މީހުން ކުރިމަތި ލައިގެން ކަމެއްނުވީމަ ލޫޓުވެން ހުރިތަނެއް ލޫޓުވުންއެއީ އަދި ވަކިކަމެއް! މިކަންމީ ލޫޓުވުންނޫން ކަމުގަ ބީރުބޮލުމެން ރަދީފުމެއް ސިކުނޑިން ވިސްނީމަ ގަބޫލު ކުރެވިދާނެ! ސަބަބަކީ އުދުހޭ އަސްދުއްވި ޒަމާނުގަވެސް މިގޮތައް ގަބީލާތަކާ ހަނގުރާމަކޮއް ލޫޓުވައިގެން ލިބޭމުދާ ވަކިނަމެއް ކިއަގެން ބަހައިގެން ބައެއް މީހުނައް ވާދީތައް ފުރޭދެން ބަކަށި ނުވަތަ ނާމުސޫފި ލިބުން ވާހަކަ ކިއާތި އަޑުއިވޭތި !
ބީރުބޮލު ވަޒީރު.
04 July 2022
މިސާލަކަށް ސަލީމް އިދުރީސް ދިއައީޔޯ ބާ ޓޭންކްތައް ހިފައިގެން ދަބަރުޖަހާފަހުރި ބޮޑުބަޑިތަކާއި ދަތްމަރުތޭލާއި ހިފައިގެން. ދެން ސަލީމް އިދުރީސާ ހަނގުރާމަކުރަން އައީޔޯ ޒަމާނީ ހަތިޔާރު ހިފައިގެން އަލްގައިދާ ތާލިބާން ދެންވެސް ދުނިޔޭގައި އުޅޭ ނުބައި ހުރިހާ ޓެރަރިސްޓް ޖަމާއަތްތައް. ދެން އެމީހުން ބާ ދަގަނޑުފުނި ފެނިގެން ހޭ ނެތުނިއްޔޯ. މިހެންވީމާ ދޯ ޖޯ ބައިޑަން އެއޮތީ ވައިޓްހައުސްގަ ރަޖާ އަޅައިގެން ފިލާ. އަދިވެސް އެހެން މިސާލެއް ކިއައިދޭނަން.
ބީރުބޮލު ވަޒީރު.
04 July 2022
ސާބަހޭ ރަދީފު. ވާންކޮށްފަ ބަހައްޓާ. ސަލީމް ބުނިހެން މިއީ ޔަހޫދީ ޖޯކަރު ކުޅޭ ޑުރާމާއެއް. އެއީ ޔޫކުރޭނުގެ ގޮވާމެއްނޫން. ރަސިއާގެ ގޮވާން. ވައްކަންކުރުމާއި މީހުންގެ ބޮލުގައި ހުތުރު ބަދުނާމު އެޅުވުމަކީ ހުޅަނގުގެ ސަގާފަތެއް. ޖީ 7 ގެ ސަމިޓުގައި ވެސް އިނގިރޭސި ބޮޑުވަޒީރު ޕޫޓިން ހުސްގަޔާ ހުރެގެން ފޮޓޯ ނަގާތީ ޕޫޓިންގެ ފިޒިކަލް ބޮޑީއަށްވެސް ޖޯކު ޖެހި. އެހާ އަދަބެއް ސަދަބެއް ނެތް ބައެއް އިނގިރޭސިންނަކީ. ބޮރިސްގެ ބޮޑީއަށްވުރެ ޕޫޓިންގެ ބޮޑީ މާ ސަޅި.
ރަދީފްއޮފިޝަލް
04 July 2022
ސަލީމް އިދްރީސް މައިދާނަށް ނިކުތުމަށް ގޮވާލަން.ދަބަރު ހަތިޔާރު ހިފައިގެން ނިކުމެ އުޅޭ މީހުންނާ ކުރިމަތިލާން ސަލީމް ޖެހޭނެ.ވ.ވެދުން
ރަދީފްއޮފިޝަލް
04 July 2022
ޔުކްރެއިން އަޑީގަ އޮވެގެން ކައްކާ ގޭސްގަނޑެއްކަމަށް އަލްޖަޒީރާއިން ބުނަނީ.ވ.ވެދުން
ލެއްގިކޮމިޝަނަރ
04 July 2022
މިނިވަން ގައުމަކަށްއަރާ އެގައުމުގެ ދުވަސްދުއްވާލާފަ އެންމެފަހުން ވައްކަންވެސް ކުރަނީދޯ؟ މިވަރުގެ ބަޔަކުމީ މާމޮޅު ރަންގަޅުގައުމެއްކަމަށް މިއުޅޭ ރަދީފުއާ ބީރުބޮލު ވަޒީރު ސަޕޯޓްކުރަނީ.
ރަދީފްއޮފިޝަލް
04 July 2022
ރަޝިޔާއިން ވައްކަމެއް ނުކުރާނެ.ވައްކަން ކުރާނީ ޔުކްރެއިންގެ ޖޯކަރު.ސާފްވެއްޖެ ބާ؟؟
ރަދީފްއޮފިޝަލް
04 July 2022
ޔުކްރެއިންގެ ދުވަސް ދުއްވާ ލައިފިތަ؟؟ ތީޔާއި ހަމަ ތެދެއްތަ؟؟ އެއްކަލަ ދަބަރު ޖަހާފަ ހުރި ލޮރީ އާއި 1970ގެ ޓޭންކަރުތަކުގެ އެހީގަ!! އަހަރެން ހީކުރީ ދަތްދަގަނޑަކާއި މަރުތޭލެއް ހިފައިގެން ނިކުތް ރަޝިޔާ ސިފައިންނަށް ޔުކްރެއިން ފަސްގަނޑަށް ވެސް ނޭރޭނެކަމަށް.ލެއްގިކޮމިޝަނަރ ކަލޭ އެކި ދުވަހު އެކި ގޮތްގޮތަށް ވާހަކަ ނުދައްކަބަލަ.