މާލޭގައި ބަހަކާއި ކާރެއް ޖެހި އެކްސިޑެންޓުވެފައި. ފޮޓޯ: ޝަފްރާޒް/ ފޭސްބުކް
04 ޖުލައި 2022 - 18:54
101 comments
އާންމުވެފައިވާ ވީޑިއޯ އަށް ބަލާއިރު ބަސް އަދި ބަހުގައި ޖެހުނު ރަތްކުލައިގެ ކާރު ވެސް ދަތުރުކުރީ މަގުގެ ރަނގަޅު ލޭނުން. އެކަމަކު، ރަތްކުލައިގެ އެ ކާރުގައި އެހެން ކާރެއް ޖެހުމުން ކޮންޓްރޯލުން ނެއްޓި ގޮސް ބަހުގެ ކުރީކޮޅުގައި ކާރުން ޖެހުނީކަން ވީޑިއޯ އިން އެނގޭ. ރަތްކުލައިގެ ކާރުގައި އެހެން ކާރަކުން ޖެހުމުން އެ ކާރު ގޮސް ބަހުގައި ޖެހުނީ "އެނބުރެމުން، އެނބުރެމުން" ކަހަލަ ގޮތަކަށް.
އަނިޔާވި މީހުންގެ ތެރޭގައި އުމުރުން 17 އަހަރުގެ ކުއްޖަކު ވެސް ހިމެނޭ. މިހާތަނަށް ލިބިފައިވާ މައުލޫމާތުތަކަށް ބަލާއިރު އަނިޔާވި މީހުންގެ ތެރެއިން އެކަކު އަދި ހެއެއް ނާރާ. އެކްސިޑެންޓުގައި އަންހެނަކު މަރުވެފައިވާއިރު، އެހެން އަންހެނަކު ވަނީ ސާޖަރީއަކަށް ވައްދާފައި. އެހެން އަންހެނަކު ސީޓީ ސްކޭން ހަދަނީ. މިހާތަނަށް ބަލާއިރު ބޮޑެތި ޒަހަމްތައް ވެފައި ވަނީ ކާރުގައި ތިބި އަންހެނުންނަށް. މަރުވީ ވެސް ކާރުގައި އިން އަންހެނެއް.
އެކްސިޑެންޓުގައި އަނިޔާވި މީހުންގެ ތެރެއިން ބަސް ޑްރައިވަރާއި ބަހުގައި ތިބި ދެ އެހީތެރިންނަށް ފަރުވާދެނީ އޭޑީކޭގައި. އެ މީހުންގެ ހާލު ސީރިއަސްއެއް ނޫން.
އެކްސިޑެންޓުގައި މަރުވި އަންހެންމީހާއާ ގުޅޭ މައުލޫމާތެއް އަދި ނުލިބޭ.
މިހާތަނަށް ލިބުނު މައުލޫމާތުތަކާ ހަވާލާދީ ފުލުހުން ބުނީ، އެކްސިޑެންޓް ހިނގަން މެދުވެރިވީ، އެކުވެނި ދަނޑު ކައިރިން ބޭރުމަގުން ދުއްވާފައި ދިޔަ ކާރެއް، އެހެން ކާރެއްގައި ޖެހި ކޮންޓްރޯލް ނުވެ ގޮސް ބަހުގައި ޖެހުމުން ކަމަށް.
ފުލުހުން ދެންމެ ބުނީ އެކްސިޑެންޓުގައި ހަ މީހަކަށް އަނިޔާވި ކަމަށް. އޭގެ ތެރޭގައި ހިމެނެނީ ހަތަރު އަންހެނަކާއި ދެ ފިރިހެނުން.
މި އެކްސިޑެންޓުގައި އަނިޔާވި އަންހެނަކަށް ފަރުވާދެނިކޮށް މަރުވެއްޖެ.
މާލޭގެ އެކުވެނި ޓްރެކް ސަރަހައްދުން ބޭރު މަގުން ދުއްވާފައި ދިޔަ އެމްޓީސީސީގެ ބަހެއްގައި ކާރެއް ޖެހި ނުރައްކާތެރި އެކްސިޑެންޓެއް މީގެ އިރުކޮޅެއް ކުރިން ހިނގައިފި އެވެ.
ފުލުހުން ބުނީ އެކްސިޑެންޓުގައި ހަތަރު މީހަކަށް އަނިޔާވެ، ހޮސްޕިޓަލަށް ގެންދިޔަ ކަމަށެވެ. އައިޖީއެމްއެޗުގެ އޮފިޝަލަކު ވިދާޅުވީ، އެ ހަތަރު މީހުންނަށް އިމަޖެންސީ ރޫމުގައި މިހާރު ފަރުވާ ދެމުން އަންނަ ކަމަށެވެ. ތަފުސީލެއް އަދި ނުދެއްވަ އެވެ.
އެމްއެންޑީއެފުން ބުނިގޮތުގައި، އެކްސިޑެންޓްވި ކާރުގައި ތާށިވި މީހުން އެ ކާރުން ނެރެ، ސަލާމަތްކުރީ ފަޔާ ސާވިސްގެ ސިފައިންގެ އެހީތެރިކަމާއެކުގަ އެވެ.
"އެ މީހުން ވަނީ ފަރުވާ ދިނުމަށް އެމްބިއުލާންސްގައި ހޮސްޕިޓަލަށް މިހާރު ގެންގޮސްފައި،" އެމްއެންޑީއެފުން ކުރި ޓުވީޓެއްގައި ވެ އެވެ.
މިރޭ އިރުއޮއްސުނުހާއިރު ހިނގި އެ އެކްސިޑެންޓުގައި ޑަބަލް ޑެކާ ބަހާއި ކާރަށް ވެސް ބޮޑެތި ގެއްލުންތަކެއް ވި އެވެ. އެކްސިޑެންޓް ހިނގަން މެދުވެރިވި ސަބަބެއް އަދި ނޭނގެ އެވެ.
އެމްޓީސީސީގެ ބަހުގައި ޖެހުނު ޕްރައވެޓް ކާރު.
އާންމުވެފައިވާ ފޮޓޯތަކާއި ވީޑިއޯތަކުން ފެންނަ ގޮތުގައި އެމްޓީސީސީގެ ބަހުގެ ޖެހިފައި ވަނީ ރަތް ކުލައިގެ ޕްރައިވެޓް ކާރެކެވެ. ކާރު އެއްކޮށް ފުނޑުފުނޑުވެފައިވާއިރު އެ ޖެހުނު ބާރުގައި ބަހުގެ ކުރީކޮޅު އޮތީ ބަނޑިވެފަ އެވެ. އަދި ބިއްލޫރިގަނޑު އޮތީ އެއްކޮށް ތަޅައިގެން ގޮސްފަ އެވެ.
މާލޭގައި އެމްޓީސީސީގެ ބަހަކާއި ކާރެއް ޖެހި މިއަދު އިރުއޮއްސުނުއިރު ހިނގި އެކްސިޑެންޓް.-- ފޮޓޯ: އެމްވީ ކްރައިސިސް.
އެ އެކްސިޑެންޓުގައި އަނިޔާވި މީހުން ހޮސްޕިޓަލަށް ގެންދިޔައީ އެ ސަރަހައްދަށް އެއްވި މީހުންގެ އެހީގަ އެވެ.
އެކްސިޑެންޓަށް ފަހު އެމްޓީސީސީން މިހާރު ވަނީ ވެސްޓް ޕާކް ސަހަރައްދުގެ ބަސް ރޫޓް ކާނިވާ ސަރަހައްދަށް ޑައިވާޓް ކޮށްފަ އެވެ. އަދި ވެސްޓް ޕާކް ސަރަހައްދުން ފަށާ ބަސް ދަތުރުތައް ވަގުތީ ގޮތުން މެދުކަނޑާލާފައިވާ ކަމަށް އެ ކުންފުނިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑެބިއަން
07 July 2022
ސަޅިއެއް ކަނޑަން 180 އެއް ހަދަން އުޅެފަ އެހެރީ
ޕޮގުބާ
05 July 2022
މަސް ނުބޭނުނީމަ ކަނޑު ނުބައިވާ މީހުން ކޮމެން ނުކުރޭ ކާރު ބޮމަރެއްހެން އެނބުރެމުން އައިސް ބަހުގަ ޖެހުނުތަނެއް ނުފެނޭ ދޯ
ނޫރާ
05 July 2022
މިއޮތް ކުޑަ މާލޭގައި ކީއްކުރަން ދުއްވާ ކާރެއްތަ؟ މޮޓޯ ސައިކަލްވެސް މަނާ ކުރަންވީ. ބައިސިކަލާއި އެލެކުޓުރިކް ސުކޫޓަރ ތައާރަފު ކުރަންވީ
ނަޖޫ
05 July 2022
ބަސްތަށްވެސް ދުއްވަނީ މާބާރަށް.
ޢަހްމަދުހަސަން
05 July 2022
ކޮން ތާކު؟ ރަތްކުލައިގެ އެ ކާރުގައި އެހެން ކާރެއް ނުޖެހެވެ. ޙަގީގަތް އޮޅުވާ ނުލާ. ދުއްވިލެ ބާރު ކަމުން ހަމަ ކޮންޓްރޯލުން ނެެއްޓިގެން ވީ ކަމެއްމީ!
ސާޑް
05 July 2022
ތީގަ އެހެން މީހުން ކުއްވެރި ކުރާނެ ޖާގައެއްނެތް ތީގަ ތިހުރިހާ ކަމެއްވެސް ތިހިނގީ ރަތްކާރުގެ ޑުރައިވަރުގެ ސަބަބުން
ނޫސްވެރިންނޯ
05 July 2022
އަދި އެއްފަހަރު އެ ވީދިޔޯ ބަލާލަބަލަ. ރަތް ކާރުގަ އެހެން ކާރެއް ޖެހެނީތަ ނޫނީ ރަތް ކާރު ފުރަތަމަ ކޮންޓުރޯލުން ނެއްޓިގެން ގޮސް ހުދު ކާރުގަ ޖެހިފަ އެނބުރެމުން ގޮސް ބަހުގަ ޖެހެނީތޯ. ހޭބަލިވެދާނެ.
މަރިޔަމް ޖަމީލާ
04 July 2022
ދެންވެސް މަގުމަތީގެ ރައްކާރެރިކަމަށް ކުރެވޭނެ ހަމަ އެއްވެސް ކަމެއް ނެތީތޯ؟؟ ބޭރުމަގުގައި ޓްރއފިކް ޕޮލިހުން ނުތި ބެނީ ކީއްވެ؟؟؟ މާލޭގެ މަގިތަކުގައި ދުއްވާއިރުވެސް ސީތުބެލްޓް އެޅުން މަޖުބޫރު ކުރުމާ ހެލްމެޓު އެޅުން މަޖުބޫރުކުރާ ހިސާބަށް އަދިވެސް ނުދޭތަ؟؟؟
ސީސީ ކެމެރާ..
05 July 2022
މަގުމެދުން ޖޮގިންކުރާ މީހުން ވެސް ހުށްތުވަަން ޖެހޭހެން ހީވަނީ..
ނިކަމެތިރައްޔިތުމީހާ
04 July 2022
މިހާރުގެ ކުދިންނަށް މި ފެނުނީ ކޮން ވީޑިއޯއެއްބާ؟ ގައިމު އަހަންނަށް ފެނުނު ވީޑިއޯއިން ފެންނަނީ އާދަޔާ ހިލާފު ބާރު މިނުގަ ދުއްވާފަ އައި މި ރަތް ކާރު ކޮންޓުރޯލް ނުވެގެން ގޮސް ކާރެއްގަ ވެސް ޖެހިފަ ގޮސް ބަހުގަ ޖެހޭތަން
ނިކަމެތިރައްޔިތުމީހާ
04 July 2022
ރައްޓެއްސަކު ބުނީ މިއަދު ވެސް ހޭބަލިވެގެން އެއަރޕޯޓު މަގުގަ ތި ކާރު ދުއްވިތަން ދެކުނީމޯ! ކިހާ ދެރަ! މައުސޫމު ފުރާނައެއް ވިއްޔާ އެ ދުއްވާލީ!