ވިލިމާލެ ލޯކަލް މާރުކޭޓުގެ ގޮޅިތަކަށް ކުރިމަތިލާން މި މަހު ހުޅުވަލަނީ

މާލޭ ސިޓީ ކައުންސިލުން ވިލިމާލޭގައި ހަދަމުން އަންނަ ލޯކަލް މާރުކޭޓް -- ފޮޓޯ: މާލޭ ސިޓީ ކައުންސިލް

އިފްރާޒް އަލީ، މިހާރު

08 ޖުލައި 2022 - 17:22

ވިލިމާލޭގައި ހަދަމުން އަންނަ ދާއިމީ ލޯކަލް މާރުކޭޓްގެ ގޮޅިތަކަށް ކުރިމަތިލާން މި މަހު ހުޅުވަލާނެ ކަމަށް މާލޭ ސިޓީ ކައުންސިލުން ބުނެފި އެވެ.

މާލޭގެ މޭޔަރު ޑރ. މުހައްމަދު މުއިއްޒު އެ ކައުންސިލްގެ މީޑިއާ ވަޓްސްއެެޕް ގްރޫޕަށް އިއްޔެ ފޮނުއްވި މެސެޖެއްގައި ވިދާޅުވީ ވިލިމާލެ ލޯކަލް މާރުކޭޓްގެ ގޮޅިތައް ދޫކުރާނެ އުސޫލާއި ޝަރުތުތައް ވެސް މި މަހު އިއުނާންކުރާނެ ކަމަށެވެ.

"[ގޮޅި] ކުއްޔަށް ނަގަން އެދޭ ފަރާތްތަކުން ފޯމް ހުށަހެޅުމަށް ވެސް މި މަހުގެ ތެރޭގައި ހުޅުވާލާނެ،" މޭޔަރު ވިދާޅުވި އެވެ.

މާލޭ ސިޓީ ކައުންސިލުން ވިލިމާލޭގައި ހަދަމުން އަންނަ ލޯކަލް މާރުކޭޓް -- ފޮޓޯ: މާލޭ ސިޓީ ކައުންސިލް

މޭޔަރު ވިދާޅުވި ގޮތުގައި އެ މާރުކޭޓުގެ އަމަލީ މަސައްކަތް މިހާރު ވަނީ ނިމުމަކާ ގާތަށް ގޮސްފަ އެވެ.

މިދިޔަ ރޯދަމަހާ ދިމާކޮށް ވިލިމާލޭގައި ވަގުތީ ލޯކަލް މާރުކޭޓެއް ހުޅުވަން ކައުންސިލުން މަސައްކަތްކުރި އެވެ. އެ ވަގުތީ މާރުކޭޓުގެ 12 ގޮޅި އަށް ކުރިމަތިލާން ހުޅުވާލުމުން 60 އަށްވުރެ ގިނަ މީހުން ކުރިމަތިލި ކަމަށާއި ނަމަވެސް އެ މީހުން އެ ގޮޅިތަކަށް ހުށަހެޅީ ދާއިމީ މާރުކޭޓުތައް ކަމަށް ހީކޮށްގެން ކަމަށް އޭރު ކައުންސިލުން ބުންޏެވެ.

ވިލިމާލޭގައި ލޯކަލް މާރުކޭޓެއް ހަދަން ނިންމީ އެ އަވަށުގެ ރައްޔިތުން ކައުންސިލުގައި އެކަމަށް އެދުމުންނެވެ.

ވިލިމާލެ ލޯކަލް މާރުކޭޓް މާލެ ސިޓީ ކައުންސިލް

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިއްކާލާ

10 July 2022

މުއިއްޒުއާ ހަވަަލުކުރި ހުރިހާ އެއްޗެއް ވިއްކާލައިފި. މަގުތައް ވެސް ވިއްކާލައިފި. ގަދަ މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮޅިކާންބަހީ

09 July 2022

އަނެއްކާ މިފަހަރުވެސް ކުރީން މާލޭ މާރުކޭޓު ތަކަށް ހެދިގޮތަށް ވިއްކާ ނުލާނެބާ! މަލޭ މާރުކޭޓ ތަކުގެ ގޮޅިތަށް ގުރުއަތުލީ ވެސް 3 މީހުން 3 މީހުން ވަކީން ގެންގޮސްގެން. ވަރަށް ވާހަކަ މިއީ. މުއިއްޒު ނަހަދާނެ ތެދެއް