އީރާނުގައި އުފައްދާފައިވާ ޝާހިދު-129 މަރުކާގެ ޑްރޯން މަތިންދާބޯޓެއް، ތެހެރާންގައި އޮތް އަސްކަރީ މައުރަޒެއްގައި ދައްކާލަނީ. --އޭއެފްޕީ
17 ޖުލައި 2022 - 09:40
35 comments
ރަޝިޔާ އިން ޔޫކްރޭނާ ދެކޮޅަށް މިހާރު ކުރަމުންދާ ހަނގުރާމައިގައި ބޭނުންކުރުމަށް، އީރާނުން ރަޝިޔާ އަށް އަސްކަރީ ޑްރޯންތައް ވިއްކުމަށް މަސައްކަތް ކުރަމުންދާ ކަމަށް، އެމެރިކާ ސަރުކާރުން ތުހުމަތުކޮށްފި އެވެ.
މިދިޔަ ހަފުތާގައި ހުޅަނގުގެ ބައެއް މީޑިއާތަކުން ބުނެފައިވާ ގޮތުގައި، ރަޝިޔާގެ އަސްކަރީ ތަޖުރިބާކާރުންތަކެއް ދާދި ފަހުން އީރާނަށް ޒިޔާރަތްކޮށް، އީރާނުގައި އުފައްދާފައިވާ އަސްކަރީ ޑްރޯންތައް ބަލައި، އެ ތަކެތީގެ ގާބިލުކަން ވަނީ ދެނެގަނެފަ އެވެ. އޭގެ ތެރޭގައި މިސައިލާއި ރޮކެޓާއި ބޮން އުފުލުމުގެ ގާބިލުކަން ލިބިގެންވާ އަސްކަރީ ޑްރޯންތަކާއި، ޖާސޫސީ މައުލޫމާތު އެއްކުރުމަށް ބޭނުންކުރާ ޒާތުގެ ޑްރޯންތައް ވެސް ހިމެނެ އެވެ.
އެ ތުހުމަތުތަކަށް އީރާނުން އިންކާރު ކޮށްފައި ވަނިކޮށް، އެމެރިކާގެ ގައުމީ ސަލާމަތާ ބެހޭ މުޝީރު ޖެކް ސުލީވާން އިއްޔެ ވިދާޅުވީ ހަތިޔާރު އުފުލުމުގެ ގާބިލުކަން ލިބިގެންވާ އެތައް ސަތޭކަ ޑްރޯނެއް ރަޝިޔާ އަށް ވިއްކުމަށް އީރާނުން މަސައްކަތް ކުރަމުންދާ ކަމަށެވެ. އެވިޔަފާރިއާ ބެހޭ ގޮތުން އީރާނަށް ޒިޔާރަތްކުރި ރަޝިޔާގެ ވަފްދުގެ ބޭފުޅުން، އީރާންގެ ކަހްޝާން އަސްކަރީ މަރުކަޒަށް ވަޑައިގެން އުޅުއްވާ މަންޒަރު ދައްކައިދޭ ސެޓެލައިޓް ފޮޓޯތަކެއް ވެސް އޭނާ ވަނީ، ސީއެންއެންއާ ހިއްސާ ކުރައްވައިފަ އެވެ.
އީރާނުގައި އުފައްދާފައިވާ ޝާހިދު މަރުކާގެ އެންމެ ޒަމާނީ އަސްކަރީ ޑްރޯން
ރަޝިޔާ ވަފްދުގެ ބޭފުޅުން އީރާނަށް ވަޑައިގެން މައުލޫމާތު ހޯއްދަވައި ބެއްލެވި ކަމަށްވަނީ، އީރާންގައި އުފައްދާފައިވާ ޝާހިދު-191 އާއި ޝާހިދު-129 މަރުކާގެ އަސްކަރީ ޑްރޯންތަކެވެ. މިއީ ސެޓެލައިޓްގެ ޒަރީއާއިން، އޭގެ މިސްރާބާއި އަމާޒު ދެނެގަންނަ ޒާތުގެ މިސައިލް އުފުލުމުގެ ގާބިލުކަން ލިބިފައިވާ ޑްރޯން އެވެ.
މިދިޔަ ހަފުތާގައި ސުލީވާން ވިދާޅުވެފައިވަނީ އީރާންގައި އުފައްދާފައިވާ އަސްކަރީ ޑްރޯންތައް ބޭނުންކުރާނެ ގޮތުގެ ތަމްރީންތައް ވެސް، ރަޝިޔާ ސިފައިން އީރާންގައި ފުރިހަމަ ކުރަމުން އަންނަ ކަމަށެވެ. އެހެން ނަމަވެސް، ދެ ގައުމުގެ ދެމެދުގައި މިހާރު ކުރަމުންދާ މުއާމަލާތްތަކުގެ ތެރެއިން، މިހާތަނަށް އީރާންގެ އަސްކަރީ އެއްވެސް ޑްރޯނެއް ރަޝިޔާ އަށް ވިއްކާފައިވާކަން ޔަގީންނުވާ ކަމަށް ވެސް ސުލީވާން ވިދާޅުވި އެވެ.
އެމެރިކާ ސަރުކާރުން ކުރާ މި ތުހުމަތުތަކާ ގުޅިގެން، އީރާންގެ ޚާރިޖީ ވަޒީރު ހުސައިން އަމީރު އަބްދުއްލަހްޔާން، މިދިޔަ ހުކުރު ދުވަހު ޔޫކްރޭންގެ ހާރިޖީ ވަޒީރު ޑިމިޓްރީ ކުލޭބާއާ ފޯނުން ގުޅުއްވައި މަޝްވަރާ ކުރެއްވި އެވެ. މި މަޝްވަރާތަކުގައި އީރާންގެ ވަޒީރު ވިދާޅުވީ ޔޫކްރޭންގައި މިހާރު ކުރަމުންދާ ހަނގުރާމަ އިތުރަށް ދެމިގެންދާނެ ފަދަ ކަމެއް އީރާނުން ނުކުރާނެ ކަމަށެވެ.
އޭނާ ވިދާޅުވި ގޮތުގައި އީރާންގެ ބޮލުގައި އެމެރިކާ އިން ދޮގު އިލްޒާމުތަކެއް އަޅުވަނީ، އެމެރިކާގެ ރައީސް ޖޯ ބައިޑެން ސައޫދީ އަރަބިއްޔާ އަށް ކުރައްވާ ދަތުރުފުޅުގައި، އީރާންގެ ނުރައްކާތެރިކަން ސައޫދީގެ ވެރިންނަށް ވިސްނައި ދިނުމަށް ކުރައްވާ މަސައްކަތްތަކަށް ބާރު ހޯދުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަރަމް މަސާލާ
21 July 2022
ރަސިޔާއަތުގަ ފެންވަރު ރަގަޅު ޑްރޯންގަޑެއް ވެސް ނެތީތަ؟ އަދިވެސް ފުއްޕާތި.
ރަދީފްއޮފިޝަލް
18 July 2022
`. @ރަދީފްއޮފިޝިއަލް މިނަން ނަހަމަ ގޮތުގެ ބޭނުން ނުކުރުމަށް އިލްތިމާސްކުރަން. @ބީރުބޮލްވަޒީރު. އެއީ އަހަރެން ދަންނަ މީހެއް ނޫން.އަދި އެނަމުގަ އަހަރެން ކޮމެންޓެއް ވެސް ނުކުރަން.އަހަރުމެން މިއީ މިތާ ކޮމެންޓްކުރަން އުޅޭ ތަފާތު 02 މީހުން.އެހެންނަމަވެސް އަހަރުމެންގެ ދެމީހުންގެ ފިކުރު އެއްގޮތްވީމަ ކިޔުންތެރިންނަށް ހީވަނީ މިއީ އެކަކުކަމަށް.ކޮންމެ ހީއެއް އެއީ ފާފައެއް.ހުރިހާ މީހުންނަށް ހެޔޮދުޢާ އާއި ސަލާމް. ވ.ވެދުން
ބީރުބޮލު ވަޒީރު
18 July 2022
ބްރޯ ކެތްގަދަ، މަނަމަ މިހާރު މޮޔަވެދާނެ.
ގުލްކަނދު
21 July 2022
ރަދީފް، ހެޔޮނުވާނެ މޮޔަވެބަލަ.
ވަލްރަސްރަދީފް
22 July 2022
އޮފިޝަލް ނަމެއް އެހެން މީހަކަށް ބޭނުމެއް ނުކުރެވޭނެ. ތި މީހާ ޕްރޮމޯޓްވާން ކޮމެންޓްކުރުން ހުއްޓާލާފަ ތަންކޮޅެއް ބިނާކުރަނިވި ޚިޔާލްތަކެއް ހާމަކޮއްބަލަ. ޑިޝްޓްރަކްޝަނަށް ތާއީދު ނުކޮއްބަލަ. ހަގުރާމަޔަކީ އެއްވެސް ބަޔަކަށް ފައިދާހުރި ކަމެއްނޫން. ޕުޓިން މާ މޮޅުމީހަކަށް ހަދައިގެން އުޅޭއިރު، ބޭކާރު ހަގުރާމަޔަކުން އެދަނީ ގައުމެއް ފަނާކުރަމުން.
ފަހީމު
18 July 2022
ކޮންމެމީހަކު ކޮންމެއެއްޗެއްކިޔަސް އެމެރިކާ އީރާނާއި ޖައްސާލައިގެން ދަތިކުރުމުގެ ފިޔަވަޅުއަޅަނީ މިހެންވެ. އެމެރިކާ ހަތިޔާރުއުފެއްދުމުގެ މާރުކޭޓުން ވައްޓާލައި ބަނޑަށް ޖައްސަފާނެތީ.
ރަދީފްއޮފިޝަލް
18 July 2022
ރަސިޔާގަ ފެންވަރު ރަގަޅު ޑްރޯންގަޑެއްވެސް ނެތީތަ، އަދިވެސް މިއުޅޭ ބީރުބޮލު ވަޒީރު އުޅޭނެ ރަސިޔާ ވަރު ތަނެއް ނެތިގެން. ވަޒީރު ދަންވީނު ޕުޓިންގެ ގައިމޮޑެދޭން.
ސަލީމު އިދުރީސް
18 July 2022
ތިއީ އެމެރިކާގެ ދޫހޮޅިކަމުން ވީކަމެއް ކަމައް ގަބޫލު ކުރަން ދަތި ސަބަކީ އެމިހުން ރާޑަރާ ޖީއެސްފީއާ އަދި އިންސާނުން ދިރިއުޅުން ފަސޭހަކުރަން ގެންގުޅޭ ގިނަ އާލާތްތައް އުފަންކުރީ އެހެންވެ އެމިހުން ތިކަމައް ވަރައް ފަރިތަ ވާނެނޫންތޯ! މިހާރުވެސް ފެނުންމަތީގަ ހުންނަ އެއްޗެތި ދެނެގަތުމައް ބޭނުންކުރަނީ ރާޑަރު އެޔައްވުރެ މޮޅު އެއްޗެއް ތިއޮއް މޮޅެތި މީހުންއުޅޭ އުޅޭ ދުހޭ އަސްދުއްވި ބައްރުގެ މީހަކައް ވެސްނުހޯދުނު
ބީރުބޮލު ވަޒީރު.
18 July 2022
ސަލީމް ދެން ބުނެދީބަލަ އެމެރިކާ ކީއްވެ 290 ފަސިންޖަރުން ގޮވައިގެން ދަތުރުކުރި އީރާނުގެ އެއާބަސް އަށް ހަމަލާދީ އެބޯޓު ވައްޓާލާ އެހުރިހާ އެންމެން މަރާލީ. ؟ ގަބޫކުރަންދަތި. ގަބޫލުކުރެވޭ މިހެން ބުނީމަ ވަރަށް ކަޑަ . އެއީ ފެކްޓެއް ނޫން. އެމެރިކަން ސިންޑްރޯމް ޖެހުނަސް ތިވަރު ބޮޑު. އިރާގުގެ ތިޖޫރީގަ ހުރި ގޯލްޑް ބިސްކަޓުތަކާ ތެއުވަޅުތައްވެސް އެމެރިކާގެ ސެޓްލައިޓް ތަކުން ދައްކަނީ ދުނިޔޭގެ އެންމެން ފަނާކޮށްލާވަރު ނުރައްކާތެރި ހަތިޔާރުގެ ސިފައިގާ.
ރަދީފްއޮފިޝަލް
18 July 2022
ތިކަމުގަ އަހަރެންވެސް ބްރޯ އަށް ތާއީދުކުރަން، އެކަމަކު މިއުޅޭ ބީރުބޮލު ވަޒީރު ހުންނަނީ ޕުޓިންނަކާ ހިތާވެފަ.ވ .ވެދުން
ބީރުބޮލު ވަޒީރު.
17 July 2022
މިސައިލެއްކަމަށް ހީކޮށް އީރާނުން ޔޫކުރޭނުގެ ފުލައިޓެއް ވައްޓާލިވާހަކަ ސަލީމް އިދުރީސް ތިއަދައްކަނީ އަޅުގަނޑުމެން ލަދުގަންނަވަންތޯ؟ ޕާސިއަން ގަލްފުގަ ދުބާއީއަށް ދަނިކޮށް އީރާނުގެ އެއާބަސް އޭ 300 މަރުކާގެ ބޯޓެއް 290 ފަސިންޖަރުންނާއެކު 3 ޖުލައި 1988 ގައި ވައްޓާލީ ތިއަބުނާ މޮޅު އެމެރިކާ. އެމެރިކާގެ ރާޑަރު ސިސްޓަމަށް އެ ބޯޓު ފެނުނީ ފެމުނު މިޔަރެއްހެން. ދެން އިރާގުގައި ހުރި ބިޔަ ހަތިއާރުތައް ނައްތާލަން ދިއައިރު ހުރީ ހުސް ރަން ބިސްކަޓު. ގެޓުވޭތަ؟
މީޝް
17 July 2022
ރަދީފު ކިޔާ ނަމެއް އަދި ބީރުބޮލު ވަޒީރު ކިޔާނަމެއް. އެކަމަކު ހަމަ އެކަކު 3 ނަމެއްގަ ކޮމެންޓު ކުރަނީ
ށޮކިންގް ނިއުސް
17 July 2022
އަސްލުތަ މަގޭހީކުރީ އެއީ ވާދަވެރިކަން އޮތްބަޔެއްކަމަށް ދުނިޔޭގެ މަސްރަހިގައި
ބީރުބޮލު ވަޒީރު
17 July 2022
ހުސް ދޮގު. ނޭނގޭ ވާހަކަ ނުދައްކާ.
ގުލްކަނދު
18 July 2022
ރަދީފްއޮފިޝަލް، އަދީ ބީރުބޮލު ވަޒީރު އެއީ އެކަކު، އެއްނަމުގަ ލިޔެފަ ހަމަ އެކޮމެންޓަށް ތާއީދުކޮށްވެސް ލިޔާނެ. އޮފިޝަލް ކިޔަސް އެއީ ފޭކް ނަމެއް. ރަދީފްނަމުގަ އެހެން މީހުންވެސް ލިޔޭ.
ރަދީފްއޮފިޝަލް
18 July 2022
`. @ރަދީފްއޮފިޝިއަލް މިނަން ނަހަމަ ގޮތުގެ ބޭނުން ނުކުރުމަށް އިލްތިމާސްކުރަން. @ބީރުބޮލްވަޒީރު. އެއީ އަހަރެން ދަންނަ މީހެއް ނޫން.އަދި އެނަމުގަ އަހަރެން ކޮމެންޓެއް ވެސް ނުކުރަން.އަހަރުމެން މިއީ މިތާ ކޮމެންޓްކުރަން އުޅޭ ތަފާތު 02 މީހުން.އެހެންނަމަވެސް އަހަރުމެންގެ ދެމީހުންގެ ފިކުރު އެއްގޮތްވީމަ ކިޔުންތެރިންނަށް ހީވަނީ މިއީ އެކަކުކަމަށް.ކޮންމެ ހީއެއް އެއީ ފާފައެއް.ހުރިހާ މީހުންނަށް ހެޔޮދުޢާ އާއި ސަލާމް. ވ.ވެދުން
ރަދީފްއޮފިޝަލް
18 July 2022
@ގުލްކަނދުގެ ތިޔަ ތުހުމަތުތަކުން އަހަރެން ބަރީއަވަން.ވެގެން އުޅޭ ގޮތަކީ ހަވީރު ނޫހުން ފަށައިގެން ފޭމަސްވެފަ އޮތް ނަމެއް @ރަދީފްއޮފިޝަލް މިނަން އެއީ.@ބީރުބޮލްވަޒީރު އެއީ އަހަރެން ދަންނަ މީހެއް ނޫން.ނަމަވެސް އޭނަގެ ފިކުރާއި އަހަރެންގެ ފިކުރު ވަރަށް އެއްގޮތް.ސާފްވެއްޖެކަމަށް އުއްމީދުކުރަން.ވ.ވެދުން
ހިތް
17 July 2022
ރަޝިޔާ ބަލިކުރައްވާނދޭ. އާމީން
މައުސޫދާ
17 July 2022
ރަޝިއާއަށް އެނގޭ އީރާނަކީ ވަރަށް ބާރުގަދަ ބައެއްކަން އެމީހުން ދަނޭ ގާސިމް ސުލައިމާނީ އައިއެސްޖަމާއަތް ފަނާކުރީ ގޮތް އަދި އެމަރިކާގެ މޮންސްޓަރ ޑްރޯން އާރްކިއު170 ހެކް ކުރިގޮތުން ރަޝިއާއަށްވެސް ސަޕްރައިސްވި އީރާން އަސްކަރީ ޑްރޯން ޓެކްނޮލޮޖީގައި ރަޝިއާއަށްވުރެ މާބާރުގަދަ
ނުރަބޯ
17 July 2022
ތިޔަހެން މީގެ ދުވަސްކޮޅެއް ކުރިން ޢިރާޤް ގައި ފަނާކުރަނިވި ހަތިޔާރު ހުރިކަމަށް ވެސް ސެޓެލައިޓް ފޮޓޯ ދެއްކި. އެކަމަކު ފަހުން ބިންގަނޑު ފުރޭނި އިރުވެސް އެބުނާހަތިޔާރެއް ނުފެނުނު. ނުފެނުނީމާ ބުނީ އެއީ އޮޅުމެކޭ.
އަހުމަދު މުހައްމަދު
17 July 2022
ފޭރިފަ އަނބުރާ ދީފިތަ؟؟؟؟؟