މަޓީގެ ނައިބު ރައީސް އަފީފު ވާހަކަ ދައްކަވަނީ. އޭނާ ވިދާޅުވީ، ރަށްފުށުގެ ދިރިއުޅުމުގެ އުސޫލުތަކުގައި ހިފަހައްޓަން ޖެހޭ ކަމަށް--ފޮޓޯ:މަޓީ
18 ޖުލައި 2022 - 08:28
27 comments
ރާއްޖޭގެ ޓޫރިޒަމްގައި ފެންނަނީ އުންމީދުން ފުރިގެންވާ މުސްތަގްބަލެއް ކަމަށާއި މި ދާއިރާ ކުރިއަށް ގެންދިއުމަށް ރަށްފުށުގެ އުސޫލުތައް ދޫކޮށް ނުލުމަށް ޓޫރިޒަމް ދާއިރާގެ ވިޔަފާރިވެރިޔާ އަދި މަޓީގެ ނައިބު ރައީސް ހުސައިން އަފީފު ވިދާޅުވެއްޖެ އެވެ.
ރާއްޖޭގެ ޓޫރިޒަމަށް 50 އަހަރު ފުރުމާ ގުޅިގެން މަޓީން އިއްޔެ ކުރުނބާ މޯލްޑިވްސްގައި ބޭއްވި އެވޯޑް ދިނުމުގެ ހަފްލާގައި އަފީފު ވިދާޅުވީ، އެއިރަކު ހުރި ވަސީލަތެއް ބޭނުން ކޮށްގެން ކަންކަން ކުރިއަށް ގެންދިއުމުގެ އުސޫލަކީ ޒަމާނުއްސުރެ ދިވެހިންގެ ކިބައިން ފެންނަ ސިފައެއް ކަމަށެވެ. އެ އުސޫލުގައި ހިފަހައްޓައިފި ނަމަ، ކޮންމެ ފަދަ އުނދަގުލަކުން ވެސް ސަލާމަތް ވެވޭނެ ކަމަށް އޭނާ ވިދާޅުވި އެވެ.
"ޓޫރިޒަމް ދާއިރާ ފެށީ ވެސް އެ އުސޫލުން. ހުރި ވަސީލަތްތައް ބޭނުން ކޮށްގެން އެކަން ކުރެވޭނެ އެންމެ ފުރިހަމައަކަށް ކޮށްގެން. މިއީ މި ދާއިރާ އިތުރަށް ކުރިއަށް ގެންދިއުމަށް ވެސް ބޭނުންވާ އެއް ސިފަ،" އޭނާ ވިދާޅުވި އެވެ.
މަޓީއިން ބޭއްވި ހާއްސަ ރަސްމިއްޔާތުގެ ބައިވެރިން. މި ހަފްލާގައި 57 އެވޯޑެއް ދީފައިވޭ--ފޮޓޯ:މަޓީ
އަފީފު ވިދާޅުވީ، އާ ޖީލުގެ މަސައްކަތްތަކާ ދޭތެރޭ މިހާރުވެސް ވަރަށް ހިތްހަމަ ޖެހިވަޑައިގަންނަވާ ކަމަށެވެ. މި ދާއިރާގައި މަސައްކަތް ކުރާ ޒުވާނުންގެ ފަރާތުން، ކުޅާދާނަ، މަސައްކަތްތައް ފެންނަމުން ދިއުމަކީ ލިބިވަޑައިގަންނަވާ ވަރަށް ބޮޑު އުފަލެއް ކަމަށެވެ. ޓޫރިޒަމް ދާއިރާގައި މިހާރު މަސައްކަތް ކުރަމުން އަންނަ ފަރާތްތަކަކީ އެކަމަށް ބޭނުންވާ މަތީ ތައުލީމު ލިބިފައިވާ ފަރާތްތައް ކަމުން، އެ މީހުންގެ މަސައްކަތްތަކުން "ޕްރޮފެޝަނަލް" އުސޫލުތައް ފެންނަ ކަމަށް އޭނާ ވިދާޅުވި އެވެ.
އަފީފު ވިދާޅުވީ، ޓޫރިޒަމް ދާއިރާ ކުރިއަށް ގެންދިއުމުުގައި ސަރުކާރުތަކުން ވެސް ވަރަށް ބޮޑު އެހީތެރިކަމެއް ލިބެމުންދިޔަ ކަމަށެވެ. އަދި ކުރިއަށް އޮތްތަނުގައި ތިމާވެއްޓާ ރައްޓެހި އުސޫލުތައް ޓޫރިޒަމް ދާއިރާ ކުރިއަރުވަން ބޭނުން ކުރުން ވަރަށް މުހިއްމު ކަމަށް އޭނާ ވިދާޅުވި އެވެ.
ޓޫރިޒަމް ދާއިރާއަށް މިހާތަނަށް ކުރިމަތިވި އެންމެ ބޮޑު ކާރިސާ، ކޮވިޑްގެ ހާލަތުގައި ޓޫރިޒަމް ދާއިރާ ކުރިއަށް ގެންދިއުމަށް ރައީސް އިބްރާހިމް މުހައްމަދު ސޯލިހު ނިންމެވި ނިންމެވުންތަކަށް އަފީފު ވަނީ ތައުރީފު ކުރައްވައިފަ އެވެ.
އެވޯޑް ހަަފްލާގައި ޓޫރިޒަމް ދާއިރާ ކުުރިއަރުވަން ކުރީގެ ރައީސް އިބްރާހިމް ނާސިރު އަދި ކުރީގެ ރައީސް މައުމޫން އަބްދުލް ގައްޔޫމު ކުރެއްވި މަސައްކަތްތައް ފާހަގަކޮށް ހާއްސަ އެވޯޑެއް ވެސް ދިނެވެ. އަދި ޓޫރިޒަމްގެ ހަތަރު ޕައިނިއަރުންނަށް އެވޯޑު ދީފައިވެ އެވެ. ޓޫރިޒަމް ދާއިރާގެ އިންވެސްޓަރުންނާއި ޓުއާ އޮޕަރޭޓަރުންނާއި އެއާލައިންތައް ހިމެނޭ ގޮތަށް ޖުމްލަ 57 އެވޯޑެއް ދީފައިވެ އެވެ.
އެވޯޑުތައް ކަނޑައެޅީ ޓޫރިޒަމް ދާއިރާގެ ތަޖުރިބާކާރުންގެ ކޮމިޓީއަކުންނެވެ. ރާއްޖޭގެ ޓޫރިޒަމް ދާއިރާގެ އެންމެ ކުރީ ސަފުގައި މަސައްކަތްކުރައްވާ ބޭފުޅުން ހިންގަވާ މަޓީން، ރާއްޖޭގެ ޓޫރިޒަމްގެ ރަން ޔޫބީލާ ގުޅުވައިގެން ގިނަ ކަންތައްތަކެއް ކުރަން ވަނީ ނިންމައިފަ އެވެ. އެކަމާ ގުޅިގެން އެވޯޑު ދިނުމުގެ އިތުރުން ސެލެބްރިޓީން ބައިވެރިވެރިކޮށްގެން ހަރަކާތްތަކެއް ބޭއްވުމާއި ޗެވެނިން/ސްކޮލާޝިޕް ޕާޓްނަޝިޕް ޕްރޮގްރާމެއް ހިންގުމަށް ވެސް ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައި
18 July 2022
މި އޮނަރަބަލް އަފީފް ދީދީ އޭ ކިޔައިގެން މިލިޔާ ބޯގަޅި ކަލޭގެ މިނޫހަށް ކޮމެންޓް ލިޔުން ނޫން ކަމެއް ނޯވޭ ހެން ހާދަ ހީވެޔޭ. އަޅެ ވަޒީފާގަނޑެއް އަދާކޮށް ބަލަ. އޭރުންތާ އައްޑުއަށް ވެރިކަން ބަދަލުވާއިރު މަގާމްގަނޑެއްވެސް ލިބޭނީ.
މަޓީ-ދި-މާފިއާ
18 July 2022
ކަލޭމެންގެ ގޮއްމުށު ތެރޭން ފަތުރުވެރިކަމުގެ ސިނާޢަތް މިނިވަންކުރަންޖެހޭ
ސަލީމު އިދުރީސް
18 July 2022
މާނަފުން ވާހަކަޔެއް ނުސީދާގޮތުން ތިބުނީ ރައްފުށުގަ ގެސްޓުހައުސްތައް ހެދުން ހުޓަލާށޭތޯ؟ އަދި އެހެންނޫން ކަމުގަވެސް ވެދާނެ
އޮނަރަބްލް އަފީފު ދީދީ
18 July 2022
ޕެސެންޖަރ އަދި ފްލީ އިކްއިޕްޑް ކާގޯ ޓްރާންސިޓް ޓާމިނަލަކާއި، ޖެޓްފިއުލް ސްޓޯރޭޖާއި، އިންފްލައިޓް ކޭޓަރިންގ ހިދުމަތާއިއެކުގައި (މޫދު ފެންނަ ހިސާބުގައި) ހަދާފައިވާ އެއަރޕޯޓް ޓްރާންސިޓް ހޮޓަލަކާއި އަދި އެއަރކްރާފޓް މެއިންޓަނަންސްގެ ހިދުމަތްވެސް ލިބޭގޮތަށް ގޭން އެއަރޕޯޓް ފުލްފުލޭޖްގައި ހިންގަން ތަރައްޤީކޮށްފިނަމަ ދުވަހަކު ފަތުރުވެރިއަކު މިތަނަށް ނައިކަމުގައިވިޔަސް ތިޔަ ޕައިނީއަރުން އަތުން ލިބޭ "އެތިކޮޅަށްވުރެން" ދައުލަތަށް ލިބޭ އާމްދަނީ އިތުރުވާނެ.
ބ ގ އަފީފު ދީދީ
18 July 2022
ކަލޯ ކަމެއްވެގެންދޯ ތި ކަމަށް ބަޔަކު އިންވެސްޓުނުކޮށްގެން ތިއުޅެނީ.. ކަލޭ އަދި ދެފައިތަޅާފައި މާލޭ މީހުން އައްޗިއޭ ކިޔާފަ މިތާގަ ބޮޑު އެއަޕޯޓް އަޅާށޭ ބުންޏަކަސް އިގްތިސާދީ ސެންސް މޭކް ނުކުރާކަންކަމެއް ބަޔަކު ނުކުރާނެދޯ؟ ތިހެން މޮޅުވާހަކަ ދައްކާފައި ލަންކާގައި ރާޖަޕަކްސާ އޭނަ ހަމްބަންޓޯޓާގައި ބޮޑު ބަދަރަކާ އެއްޕޯޓެއްވެސް ހެދި.
ބިލް ކުލިންޓަން
18 July 2022
ބަނދަރުތަކާ ބުރިޖުތައް އަޅައިގެން ޖަޒީރާވާނެބާ؟
ޝެލަރީ
18 July 2022
ކިހާދުވަހަކު މިހެންތިބެވިދާނެބާ އަތޮޅުތަކުން ލިބޭހާ ފައިސާއެއް ސަރުކާރަށާ އައުވާނުނައް ބޮޑުތަނުން ވައްކުރާ މީހާ އާ ހިޔާނާތުގެ ބޭފުޅުން ދަނޑި ޝޯވގެ އަހުލުވެރީހަމަޖެފާ ޤައުމުގެ އިއްޒަތުލް އުސްތާޒުންނޯ
އަޙްމަދު ޢަލީ
18 July 2022
ތެދެއް ރަށް ފުށުގެ އާދަތައް ބަހައްޓާފައި ކިރިޔާ ވެސް ފޯރާ ބަޔަކު މާލެ ސަރަޙައްދަށް ބަދަލުވާން ވީ ރަށްފުށަކަށް ތަރައްޤީ އެއް ހައްގެއްނޫން.
އޮނަރަބްލް އަފީފު ދީދީ
18 July 2022
އެބުނާފަދަ "ހިތްހެޔޮ ލަފާދާރު މީހެއްނަމަ" ރާއްޖޭގެ ދެކުނުގެ ފަތުރުވެރިކަމުގައި އަޅުވާފައިއޮތް "މަރުގެ ތަޅު" ނައްޓާލަން ހީލަތްތެރި މަޤުސަދެއްގެތެރެއިން KASA HOLDING ގެނަމުގައި އަމިއްލަކޮށްފައިއޮތް %30 ޙިއްސާ ވިއްކާލުމަށް އިއުލާންކުރަންވީ ނޫންތޯ؟! ގޭން ޙިއްސާ ގަނެފައިވަނީ މިބޭޅާމެން ކ.އަތޮޅު މާލެ ވަށައިގެން ހިންގާ ވިޔަފާރިއަށް ހުރަސް އެޅިދާނެ ކަމުގެ ބިރަށްޓަކާ ވާދަވެރި ވިޔަފާރީގެ މަގަށް ފުރުސަތުނުދިނުމަށްކަން އިގޭ. މިހިރީ ހީލަތްތެރިކަން ހުރިވަރު.
ބ ގ އަފީފު ދީދީ
18 July 2022
70% ސަރުކާރުގައި އޮވެ ހުރިހާ ނިންމުމެއް އެމީހުންނަށް ނިންމޭއިރު ކީއްވެބާ %30 އާހެދި މަރުތަޅުއެޅުވެންވީ؟ ވެދާނެބާ އައްޑޫއަކީ ރާއްޖޭގައި މިހާރު ގެންގުޅޭ ޓޫރިޒަމާ ކޮމްޕެޓިބަލްނޫން އަތޮޅަކަށް. އައްޑޫ ތަރައްގީނުވެގެން އުޅެނެކީ ކާސާއާއި ހެދިއެއްނޫން. ކުރިންވެސް އިނގިރޭސިން އެތިކޮޅެއް ދިނީމައި ކާލައިގެން އުޅޭ ކަހަލަ މެންޓަލިޓީ ހުރި މަދުބަޔަކު އަދިވެސް އައްޑޫ ސިޓީ އިސް ސަފުގައި ތިބީމައި. ލިބިފައިއޮތް ރިޒުގުވެސް ތިއުޅެނީ ބިއްހއިްކައި ސުންނާފަތިކޮށްލަން.
އޮނަރަބްލް އަފީފު ދީދީ
18 July 2022
ސިންގަޕޯރު ވަށައިގެން ރާއްޖޭގައި އޮތަފަދަ ރަށްތަކާއި ބީޗް އޮވެގެންތޯ ދުނިޔޭގެ އެންމެ ކާރޫބާރޫބޮޑު ޕެސެންޖަރ އަދި ކާރގޯ ޓްރާންސިޓް ހަބުގެގޮތުގައި ޗަންގީ އެއަރޕޯޓް ވެގެންދިޔައީ؟! ޖިއޮގްރަފިކަލް އަދި ސްޓްރަޓެޖިކް ލޮކޭޝަނަށް ބަލާއިރު ގޭން އެއަރޕޯޓް އޮތީ މިފަދަ ވިޔަފާރިއަކަށް ފައްކާ ތަނެއްގަ. # އަހަރުމެން ނުބުނަން ކ.އަތޮޅު މާލޭގައި ކުރާ ވިޔަފާރި މިސިޓީގައި ހިންގާކަށް. ބިން ހިއްކުމަށް ތާއީދު ކޮށްގެންތިބީ "އިންޑިޔާ އާއި އެކުގައި" މުސްތަޤުބަލަށް އެދޭތީ.
ބ ގ އަފީފު ދީދީ
18 July 2022
ތިބުނަނީ ގަން އޮތީ ސިންގަޕޫރުއޮތްވަރުގެ ސްޓްރަޓެޖިކް ލޮކޭޝަނެއްގައޭތޯ؟ ގަން އެއަރބޭސް އިނގިރޭސިންހެދީ އެއީ އެކަހެރި ދުރުތަނަކަށްވެފަ އިންޑިއަންއޯޝަން ސަރަހައްދައް އެކްސެސް އޮތީމައި. ޑިއޭގޯގާސިއާވެސްހެދީ އެހެންވެ. އޭޝިއާއަށް އެކްސެސް ކުރަން ބޭނުންނަމަ އެމީހުންހެދީހީ އުތުރުގަ. ސިންގަޕޯރ ހަބްގަ ހުރޭ 15އަކަކިލޯމީޓަރު. ގަމުގައި ކިހާވަރެއްހުރޭތޯ؟ ދެކުނުއިންޑިއަން އޯޝަނަށްދާކަށް ތިވަރު ޓްރެފިކެއްނޯވޭ. ފޮނިވާހަކަ ދައްކާފަ މާލޭމީހުންދެކެ މިރުޅިއަންނަނީ.
އޮނަރަބްލް އަފީފު ދީދީ
18 July 2022
ފަތުރުވެރިކަމުގެ ދާއިރާގައި ދިވެހިންނަށް ކުރިއަށްދިއުމަށް އެޅިފައިވާ އެންމެބޮޑު ހުރަހަކީ ވޭތުވެދިޔަ 50 އަހަރު އެބައެއްގެބާރާއި ނުފޫޒުން އެހެންބަޔަކަށް މިކަމުގެތެރެއަށް ވަނުމަށްޖާގަނުދިން ޕައިނީއަރުންގެ ކްލަބް މަޓީ. # ކިތަންމެވަރަކަށް ތިމާމެންގެ ޙަސީލަތްރަނގަޅުކަމަށް ދައްކަންވެގެން "ރަށްފުށުގެ އުސޫލުތަކޭ" ޒުވާން ޖީލޭ އަދި ތިމަންނާމެން އެދެނީ "ދިވެހިޒުވާނުން މިދާއިރާއަށް ނިކުތުމޭ" ބުންޏެއްކަމަކު ތިއީ ހިޔަޅު ދައްކާކަހަލަ ވާހަކަކަން އެންމެނަށް އިގޭ.
ހަސަންކާރި
18 July 2022
އެކަމަކު އެންމެގިނަ ދިވެހިން މަސައްކަތް ކުރަނީ ތިބުނާ ކުލަބުގެ މީހުންހިންގާ ރިސޯތްތަކުން. ދެން މިއުޅޭ ބޭރު އިންވެސްޓްމަންޓް ތަކުގެ ރިސޯޓްތައް ބަލާލަބަލަ ކިތައް ދިވެހިންތޯ އުޅެނީ. ކިތައް ދިވެހި ކުންފުނިންތޯ އެމީހުން އެއްޗެހިގަންނަނީ. ކިތައް ދިވެހި މެނޭޖަރުންތޯ ތިބީ. ދާއިރާގެ ތަނެއް ދޮރެއް ނޭންގޭ މީހަކަށް ތިހެން ބުނެލަން ވަރަށް ކޫލްވެފަ ފަސޭހަވާނެ. ޕައިނިއަރުން ހުރިހާކަމެއް ރަނގަޅަކަށް ކުރިއެކޭނޫން. އެކަމަކު ދެންތިބިމީހުންނަށްވުރެ އެމީހުން ރަނގަޅު
އޮނަރަބްލް އަފީފު ދީދީ
18 July 2022
ތިޔަވިދާޅުވާ "އެންމެ ގިނަ" ހަސަންކާރި މާނަ ކުރައްވަނީ ކޮންގޮތަކަށްތޯ؟! ހަމައެކަނި ބޯ ގުލާނުމުގެ ބޭނުމަށްޓަކާ މަހަކު 100 ޑޮލަރު ދީފައި ރަށުގެ ބީޗްގައި ކުނިކަަން ޖެހިގެން އޮތް ރަށުން ގެންދާ މީހާވެސް އެއީ "އެންމެ ގިނަ" ތެރޭގައި ހިމެނޭ މީހެއް ނޫންތޯ. # ޕައިނީއަރުންގެ ވޭޖަސްގެ ތެރެއިން ރާއްޖޭގެ މުވައްޒަފުންނަށް ލިބޭ % ބުނެލަން ކެރޭނެތޯ؟ ސޭވިސްޗާރޖްގެ ހާލަތުގެ ވާހަކަ ދައްކާ ހާމަކުރަން ޕައިނީއަރުން ޖެހިލުން ނުވޭތޯ؟ ދެން ކޮން ވާހަކައެއްތޯ ތިދައްކަނީ!
ރައްޔިތު މީހާ
18 July 2022
ރާއްޖޭގެ ފަޅުރަށްރަށަކީ ހުރިހާ ރައްޔިތުންގެ ހައްގެއް އެއިން ބޮޑުފައިދާ މިލިބެނީ މަދު ބަޔަކަށް
ފަރީދާ
18 July 2022
އޭގެން ލިބޭ ލާރިންނެއް ނޫންބާ ހިލޭ ކިޔެވުމާއި، ބޭސް ފަރުވާއާއި، ޑިގްރީ ކިޔެވުމާ، ހެޔޮއަގުގައި ފްލެޓާއި، އަގުހެޔޮކަރަންޓާ ފެނާ، ހިލޭ ނަރުދާމާއާއި މިދެނީ؟ މީކީ ހުރިހާ ރައްޔިތުންނަށް ދޭ މަންފާއެއް ނޫންބާ.. މަދުގައުމެއްގައި މިވަރު ފައިދާ ރައްޔިތުންނަށް ސީދާ ދެނީ.