ބައެއް ރަށްރަށުގެ ކުދިންނަށް އަދި ފޮތްތައް ނުލިބޭ!

ފުލުހުންގެ އެހީތެރިކަމާ އެކު ދެކުނު އަތޮޅެއްގެ ރަށަކަށް ސްކޫލު ކުދިންގެ ޓެކްސްޓް ފޮތްތައް ފޮނުވައިފައި -- ފޮޓޯ: ޕޮލިސް

އިފްރާޒް އަލީ، މިހާރު

07 އޯގަސްޓް 2022 - 11:26

ދިރާސީ އާ އަހަރުގެ ކިޔެވުން މިއަދު ފެށިއިރު ސްކޫލު ކުދިންގެ ޓެކްސްޓް ފޮތްތައް ހުރިހާ ރަށަކަށް ފޮނުވައި ނިމިފައިވާ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ. އެކަމަކު، ތައުލީމީ އާ އަހަރު ފެށިއިރު އަދި ހުރިހާ ރަށެއްގެ ކުދިންނަށް ފޮތްތައް ފޯރުކޮށް ނުދެވެ އެވެ.

އެޑިއުކޭޝަން މިނިސްޓްރީން ބުނީ، ހުރިހާ ކުދިންނަށް މިއަދުގެ ނިޔަލަށް ފޮތްތައް ހަވާލުކުރަން މަސައްކަތް ކުރަމުން އަންނަ ކަމަށެވެ.

އެ މިނިސްޓްރީން ކުރިން ބުނިގޮތުގައި ރަށްރަށުގެ ސްކޫލުތަކަށް ފޮތްތައް ނުފޮނުވި ލަސްވީ މޫސުން ގޯސްވުމުގެ ސަބަބުންނެވެ. އެކަމަކު ކިޔެވުން ފެށުމުގެ ކުރިން ހުރިހާ ކުދިންނަށް ފޮތްތައް ލިބޭނެ ކަމަށް އޭރު ބުނެފައި ވެ އެވެ.

School hulhuven vaa irah foiythah libeyne: Ministry

The most trusted news source in the Maldives

Mihaaru

ފޮތްތައް ނުފޮނުވި ލަސްވުމާ ގުޅިގެން އެންމެ ފަހުން ފުލުހުންގެ އުޅަނދުތަކުގައި ވެސް ކަނޑުމަގުން ރަށްރަށް ފޮތްތައް ފޮނުވި އެވެ.

ޕޮލިސް ކޮމިޝަނަރު މުހައްމަދު ހަމީދު އިއްޔެ ކުރެއްވި ޓުވީޓެއްގައި ވިދާޅުވީ ފުލުހުންގެ އެހީތެރިކަމާ އެކު، ދެކުނުގެ އަތޮޅުތަކުގެ ހުރިހާ ރަށަކަށް މިހާރު ފޮތްތައް ފޮނުވައި ނިމިފައިވާ ކަމަށެވެ.

އެނގިފައިވާ ގޮތުގައި ގިނަ ރަށްރަށަށް ފޮތްތައް ލިބުނީ އިއްޔެ އެވެ. މިނިސްޓްރީން އާންމުކޮށް ފޮތްތައް ފޮނުވަނީ ރަށްރަށަށް ދަތުރުކުރާ ބޯޓުފަހަރުގަ އެވެ. އެކަމަކު މިދިޔަ މަހު މޫސުން ވަރަށް ބޮޑަށް ގޯސްވެ، ވަރަށް ގިނަ ބޯޓުތައް ދަތުރުނުކުރެވި އޮތެވެ.

Marine Police teams of @PoliceMv have successfully accomplished the task of transporting school text books to all the islands of southern atolls. A true display of our duty to the nation and one among our many roles for shaping a better society. I am so proud of our officers! pic.twitter.com/YCX0Jmi0VM
— Mohamed Hameed (@M_Hameedh) August 6, 2022

ރ. އަތޮޅު ސްކޫލެއްގެ އިސްވެރިއަކު "މިހާރު" އަށް މިއަދު ވިދާޅުވީ އެ ސްކޫލަށް ފޮތްތައް ލިބުނީ އިއްޔެ ކަމަށެވެ. އެ ސްކޫލަށް ފޮތްތައް ގެންދިޔައީ އެ ރަށަށް ދަތުރުކުރާ ބޯޓަކުން ކަމަށާއި މިނިސްޓްރީން އެ ބޯޓަށް ފޮތްތައް އަރުވާފައި ހުންނަތާ މިހާރު ގިނަ ދުވަސްތަކެއް ވެސް ވެއްޖެ ކަމަށް ވިދާޅުވި އެވެ.

"އެކަމަކު، ކަނޑުގަދަވުމުގެ ސަބަބުން އެ ބޯޓަށް ދަތުރު ނުކުރެވި އޮންނަތާ ވަރަށް ގިނަ ދުވަސްވެއްޖެ،" އޭނާ ވިދާޅުވި އެވެ.

"މިނިސްޓްރީން ފަހުން އުޅުނީ ބޯޓުން ފޮތްތައް ނަގައިގެން އެމްޓީސީސީގެ ލޯންޗުތަކުގައި ފޮތްތައް މިކޮޅަށް ފޮނުވަން. އެކަމަކު އިއްޔެ ބޯޓު ރަށަށް އަންނާނެ ކަމުގެ ޔަގީންކަން ދިނުމުން ބޯޓުގައި ފޮނުވީ."

ޗާޕުކޮށްފައިވާ ފޮތް ބޭނުންކުރާނީ ގްރޭޑު 9 އިން ދަށުގެ ދަރިވަރުންނެވެ. މަތީ ގްރޭޑުތަކުގެ ކުދިންގެ ފޮތްބައި ޑިޖިޓަލް ކުރުމުން މިިދިޔަ އަހަރުން ފެށިގެން އެ ދަރިވަރުން ކިޔަވަމުން އަންނަނީ ޓެބްލެޓް ކަހަލަ ޑިވައިސެއްގެ އެހީގަ އެވެ.

ޖޫން/ޖުލައި މަހަކީ އާންމުކޮށް ރާއްޖެ އަށް ވަރަށް ވިއްސާރަ ދުވަސްވަރެކެވެ. މޫސުން ގޯސް ދުވަސްވަރަކަށް ސްކޫލު ބޮޑު ޗުއްޓީ ބަދަލުކުރުމުން، ދަތުރުފަތުރު ކުރަން އުނދަގޫވެ، ބެލެނިވެރިންނާއި އާންމުން ވަނީ ޝަކުވާ ވެސް ކޮށްފަ އެވެ.

ސްކޫލް ފުލުހުން ތައުލީމް އެޑިއުކޭޝަން މިނިސްޓްރީ ޓެކްސްޓް ފޮތްތައް ދިރާސީ އާ އަހަރު

10 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުނާދު

07 August 2022

އައިސްތު އަލީ ދޮގު ހެދުމަށް ވަރަށް ކުޅަދާނަ ދަރިވަރުންނަށްވެސް އެނގޭނެ މީނައަކީ ވަރަށް ދޮގުހަދާ މީހެއްކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމާ

07 August 2022

މިފެންނަނީ ހިންގުމުގެ ދޯހަޅިކަން އެތެެއް ދުވަހެއް ވެފައި ސްކޫލްތައް ހުޅުވިއިރު ފޮތް އަދި ޓިޗަރުން ހަމަ ނުވުމަކީ ވަރައް ދެރަކަމެއް އަދި ސިފައިންނާއި ފުލުހުން ބޭނުންކޮށްގެން ފޮތައް ރަށްރަށަށް ސަޕްލައި ކުރުމަކީވެސް ބޮޑު ޚަރަދެއް އަދި އިސްރާފެއް،،، ރަށްރަށުގެ އޮޑިފަހަރުގައި އެކަށަށް ބޭނުންވާ ތަކެތި ނާލުދީފައި ފޮނުވޭނެ،،..... އެކަމަކު ދުރާލާައި ކަންކަން ރާވައިގެންވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީޒަން ޖެކުހަން

07 August 2022

ފޮތާ ޓީޗަރުން ހަމަނުވުން މުޅިއަކުން އެއީ މައްސަލައެއްނޫން. އަހަރު ފެށޭކޮޅު މިކަހަލަ ކަންކަންވެސް ކޮންމެސްވަރަކަށް ދިމާނުވެނުދާނެ. އެކަމަކު މައްސަލައަކީ ހިސާބަށްވުރެބޮޑަށް ދޮގުހަދާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯރުނުދޯރު

07 August 2022

މިކަހަލަ ވާހަކަ ދެއްކީމަ މަގޭ އަނގަ މާ ގަދައީއޭ ކަލޭމެން ބުނާނީ. ދޮގު ހެދުމާ އޮޅުވާލުމުން ނިކުންނަ ނަތީޖާ މާ ބޮޑުވެފަ ގެއްލުން ބޮޑު ތެދު ހަދައިގެން ނިކުންނަ ނުބައި ނަތީޖާއަށްވުރެ. ސްކޫލްތައް ހުޅުވަން އެންމެ އެކަށީގެންވާ ގޮތަށް ތައްޔާރު ނުވެވޭކަން ގަބޫލުކޮށް ތެދު ހަގީގަތް ރައްޔިތުންނަށް ހާމަކޮށްދިން ނަމަ ހިތްހަމަނުހެހުން ކުޑަވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

07 August 2022

ފޮތާއި ޓީޗަރުން ހަމަވެއްޖޯ ބުނީ، މިވަރަށް ދޮގު ހަދާކަށް ނުވާނެ، ގިނަ ސުކޫލުތަކުގަ ސެން ޓީޗަރުންވެސް ހަމަ ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްލާތޫން

07 August 2022

ކޮބާ! ކޮންތާކު މިޖެހުނީ؟ މީގެ ދެދުވަސްކުރިން މިނިސްޓަރު ވިދާޅުވީ ޓީޗަރުންނާ ފޮތްތައްވެސް ހަމަވެ ސްކޫލްތައް ހުޅުވަން ރެޑީއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާ

07 August 2022

އެހެންވީމާ، އެބަ އެނގޭތާ މިއީކީ ބޮޑު ޗުއްޓީ ހަދަން އެންމެ މުނާސަބު ދުވަސްވަރު ނޫންކަން. އާންމުކޮށް ޖޫންޖުލައި އަކީ ނޮވެމްބަރ ޑިސެމްބަރާއި އަޅައި ބަލާއިރު ވިއްސާރަ ދުވަސްތަކެއް. ޑިސެމްބަރު ބޮޑު ޗުއްޓީއެއް ނަމަ މިފަދަ ހާލަތްތައް ދިމާވުން މަދުވާނެ (އިންޝާ ﷲ)

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި

07 August 2022

ކަންކަން ކުރެވޭކަން ދައްކަންވެސް ކޮންމެވެސް އެއްޗެއް ކިޔަންވާނެ. އެވަރިހަމަ ބުނާކަމެއް ބުނާ ގޮތަށް ނުވިޔަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

07 August 2022

ފޮތްތަކާއި ޓީޗަރުން ހަމަވާނެ، ދިރާސީ އާ އަހަރަށް ތައްޔާރު: މިނިސްޓްރީ (އިއްޔެގެ ހެޑްލައިން) .މިއަދުގެ ހެޑްލައިން ތަފާތު އެހެން ނޫންތޯ.އަހަރެންގެ 03 ކުދިންނަށް (މާލޭގެ ސްކޫލް) ސްކޫލުން ލިބެންޖެހޭ ބައެއް ފޮތްތައް ނުލިބޭ. ބުނީ އަދި ފޮތްތައް ތައްޔާރު ނުކުރެވޭ ކަމަށް.އެހެންވީމަ މިނިސްޓްރީން ދޮގު ހެދީމަ ދެރަ.ވ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1206

07 August 2022

ފޮތްތަކާއި އެދުރުން ހަމަވާނެ ކަމަށް ބުނެ ތައުލީމީ ވުޒާރާ އިން ކޮންމެ ދިރާސީ އާ އަހަރެއް ފެށެންވާ އިރަށް ފޮނި ކަނޑާ ބަޔާން ނެރޭ. އެކަމަކު ހަމަ ވާނެ ކަމަށް ބުނާ ކަންކަން ހަމަ ވާ އެންމެ އަހަރެއްވެސް ފައިބައިގެން ނުދޭ. މި ވަނީ ކިހިނެތް؟ ސުވާލުކޮށް ޖަވާބު ހޯދާނެ މީހަކު ވެސް ނެތީތަ؟ ނުވަތަ ސޯޓު ބޭލޭނެ މީހުން އާދަޔާ ޚިލާފަށް ގިނަ ވެދޭނެތީ ނުދަންނަ ކަމަށް ހެދިގެން ތިބެނީތަ؟ ވ ވެދުމާއި ގ ގ ސަލާމެވެ.