ޕެސްޓުގެ އަމިއްލަ އަލްބަމެއްގެ މަސައްކަތް ދަނީ ކުރިއަށް.
07 އޯގަސްޓް 2022 - 19:51
17 comments
މަސްތުވާތަކެތީގެ ބޮޑެތި ދައުވާތަކެއް ލިބޭ ރެޕް ލަވަކިޔުންތެރިޔާ އިސްމާއިލް އިފްހާމް މުހައްމަދު (ޕެސްޓް) އާއި އެ މައްސަލައިގައި ދެން ހިމެނޭ ހަތަރު މީހެއްގެ ބޭންކް ސްޓޭޓްމަންޓް ނަގާފައިވަނީ ގާނޫނާ އެއްގޮތަށް ކަމަށާއި އެ މައްސަލަ ހައި ކޯޓުގައި އިސްތިއުނާފު ކުރާނެ ކަމަށް ޕްރޮސެކިއުޓާ ޖެނެރަލް ހުސެއިން ޝަމީމް މިއަދު ވިދާޅުވެއްޖެ އެވެ.
މިދިޔަ އަހަރުގެ ފެބްރުއަރީ މަހު މަސްތުވާތަކެތީގެ މައްސަލައެއްގައި ޕެސްޓާއި އިތުރު ބަޔަކު ހައްޔަރުކޮށް، ޕެސްޓްގެ މައްޗަށް ގިނަ ދައުވާތަކެއް ދައުލަތުން ކުރެ އެވެ. ޕެސްޓާއި އެ މައްސަލައިގައި ދައުވާ ލިބޭ މީހުންގެ ފަރާތުން ޝަރީއަތުގެ ކުރީގެ ހުށަހެޅުމެއް ހުށަހެޅީ އެ މީހުންގެ އެކައުންޓްތަކުގެ މައުލޫމާތު ހޯދީ ގާނޫނާ ހިލާފަށް ކަމަށް ބުނެ އެވެ.
އެކަމާ ގުޅިގެން ކްރިމިނަލް ކޯޓުން މިދިޔަ ބުރާސްފަތި ދުވަހު ނިންމި ނިންމުމުގައި ވަނީ ޕެސްޓާއި އެ މައްސަލައިގައި ދެން ދައުވާ ލިބޭ މީހުންގެ ބޭންކް ސްޓޭޓްމަންޓްތައް ހޯދީ މަސްތުވާތަކެއްޗާ ބެހޭ ގާނޫނާ ހަވާލާދީ ކަމަށް ވިޔަސް، އެ ގާނޫނުގައި އެ ގޮތަށް ބޭންކް ސްޓޭޓްމަންޓް ދިނުމަށް އެންގުމުގެ ބާރު ފުލުހުންނަށް ލިބިގެން ނުވާ ކަމަށެވެ.
ބޭންކިންގެ ގާނޫނުގައި ވެސް އެ ގޮތަށް ބަޔާންކޮށްފައި ނުވާ ކަމަށާއި އެހެންވެ، އެ ބޭންކް ސްޓޭޓްމަންޓްތައް ފުލުހުން ހޯދި ގޮތެއް އެނގެން ނެތް ކަމަށް ވެސް އެ ނިންމުމުގައިވެ އެވެ.
ނަމަވެސް ޝަމީމް މިއަދު "މިހާރު" އަށް ވިދާޅުވީ ބޭންކް ސްޓޭޓްމަންޓް ނެގީ ގާނޫނުގެ ތެރެއިން ކަމަށެވެ. އެ މައްސަލަ މަތީ ކޯޓުގައި އިސްތިއުނާފު ކުރާނެ ކަމަށް އޭނާ ވިދާޅުވި އެވެ.
އެ ނިންމުމުގައިވާ ގޮތުން ބޭންކް ސްޓޭޓްމަންޓް ހޯދީ ޖިނާއީ އިޖުރައާތުގެ ގާނޫނުގެ 72 ވަނަ މާއްދާގެ ދަށުން ފުލުހުން ސިޓީއަކުން އެދިގެން ކަމަށް ބުންޏަސް، އެ ސިޓީގައި އެގޮތަށް ބުނެފައެއް ނުވެ އެވެ. އަދި އާންމު ބޭންކް ސްޓޭޓްމަންޓްތައް ބޭންކްތަކުން ދޫކުރަނީ ބޭންކް ސިޓީއަކާ އެކު ކަމަށާއި އެކަމަކު އެ މައްސަލައިގައި އެފަދަ ސިޓީއެއް ވެސް އޮތްކަން އެނގެން ނެތް ކަމަށް އެ ނިންމުމުގައިވެ އެވެ. ބޭންކިން ގާނޫނުގެ ދަށުން ބައެއް މައުލޫމާތުތައް ދޭން އެންގުމުގެ ބާރު ފުލުހުންނާއި ޕްރޮސެކިއުޓާ ޖެނެރަލަށް އޮތަސް، އޭގެ ތެރޭގައި ބޭންކް ސްޓޭޓްމަންޓްތަކާއި އެކައުންޓްތަކުން ކޮށްފައިވާ މުއާމަލާތުތައް ނުބެލޭނެ ކަމަށް އެ ނިންމުމުގައިވެ އެވެ.
އެހެންވެ، ދައުލަތުން ޕެސްޓާ ދެކޮޅަށް ހުށަހެޅި އޭނާގެ ބޭންކް ސްޓޭޓްމަންޓްތައް ހެއްކެއްގެ ގޮތުގައި ބަލައިނުގަތުމަށް ނިންމީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުއްލިސާ
09 August 2022
ކްރިމިނަލްކޯޓުން ތިބޭފުޅުން ދޫނުވާނެގޮތަކަށް މައްސަލައެއް ހުށައެއް ނޭޅޭނެ ތީ ހަމަ ފަނޑިޔާރުން ގަސްތުގައި ތިމީހުން ދޫކޮށްލަން ދައްކާ ބަހަނާ ކަޓުލިބެންޔާ ކުއްވެރިޔެއް ނުވާނެ
އިންސެކްޓް ރެޕެލެންޓް
08 August 2022
މި ޤައުމުގަ ހުރިހާ ފައިދާއެއް އޮތީ ޑްރަގް ވިޔަފާރި ކުރާ މީހުންނަށާއި، ޓިކްޓޮކް މޮޔާންނަށާއި، ސިޔާސީ މީހުންނަށާއި މިކަހަލަ ސިކުނޑި ހަމަނުޖެހޭ ޕެސްޓުންނަށް. ކީއްކުރަން މީނަ ގެ ހަބަރު ޖަހައިގެން ޕްރޮމޯޓް ކުރަނި. ސެލްޓެކްސް ޖަހާ ބުރުވާލަންވީ. ޕެސްޓޯ.
ވިޒުޚަލީފާބިންތިޕެސްޓް
08 August 2022
ބަލަގަ ތިޔައީ ސިޔާސީ މީހުން މުނިފޫހި ފިލުވައިދޭ މީހުން އެމީހުން ތިބެންޖެހޭނީ ދޫވެފަ , ދިރިއުޅުމުގަ އެމީހުންނަށް ހުއްދވާނެ މުނިފޫހިފިލުވަން ސްޓޭޖްމަތީގައި ހުންނަ ވަގުތު ދެބަންދިހާރަވެފަ ހުންނަން .
ސަމިއްޔާ
08 August 2022
ޤާނޫނުތައް ނިކަމެތި ކަމަށްބުނެ ދެއަތް އުރާލައިގެން ތިބީ ތިމާމެންނަށް މިބޭ ބައިވަރު މަސުވާނެތީ. ބޭކާރު ވާހަކަ ނުދައްކަބަލާ
މަންމަ
08 August 2022
ގާނޫނު ގެ އެއްވެސް ބާރެއް ނެތް. ބޮޑެތި ކުށް ކުރާ މީހުން މިްައުުގަ މިތިބެނީ ގާނޫނަށްވުރެ މަތީގައި. ހުކުމްކޮށްފަ އަބަދުވެސް އެ ހުކުމް ދިފާއު ކުރަން ކޯޓުތަކުން ޖެހޭތަން ފެންނަނީ. އެކަމަކު ކުށްކުރާމީހުން ތިމަންން ކުށްނުކުރަމޭ ބުނުމުން އެއީދޮގުވިޔަސް އޭނާގެ ހައްގު މާމަތީގަ އޮންނަނީ. ވަރަށްވެސް ދެރަ. މިގައުމުގަ އުޅުމަކީ ޑިޕްރެޝަން އަށަ މަގު ފަހި ވާ ކަމަކަށް ވެއްޖެއެވެ.
ރަދީފްއޮފިޝަލް
08 August 2022
ކޮން ޕެސްޓެއް ތަ؟؟ މިދެން ކިހާ ދެރަކަމެއް؟؟
މަބުނީ
08 August 2022
ހަރާމެއް ހަލާލެއް ބަލާނެ ކަމެއްނެތް މަރެއް ނުވާނެ 75 އަހަރުވައްދެން މުސާރަ ތިވަނީ ކަށަވަރުވެފައި ދަތު ދަޑު ލެވުނުނަމަ ކުނި ހިކައެއްކަމަކު ދޫކުރާނެ ކަމެއްނެތް ކައިފަބަހައްޓާ!!!!!!!.
ޢެޑްމުންޑޯ
07 August 2022
މިކަހަލަ ކޮންމެވެސް ކޫސަނި ކަމެއް ވައްދާގެން މިޑްރަގު މީހުން ސަލާމަތްކުރަން ފަނޑިޔާރުންވެސް ހާދަ ފޯރިއެއް ހުރޭދޯ! އެއީ ބޭންކުން ދީފައިވާ ސައްހަ ސްޓޭޓްމެންޓެއް ކަމަށް ވާނަމަ އޭގެ ހުރި މައުލޫމާތު ސައްހަވާނެތާ ، ކޯޓަށް ބޭނުންވާނީ ސައްހަ މައުލޫމާތެއްނޫންބާ !
ދުންޔާ
08 August 2022
ކަލޯ މޮޔަވީ؟ ފަނޑިޔާރުން ހުކުމްކުރަނީ ގާނޫނުގައި ލިޔެފައިވާކަންކަމަށް ބަލައިގެން. ކަލޭމެން މަޖިލީހަށް ގެންނަ ބރނނތތ މެންބަރުން ހަދާ ދޯހަޅި ގާނޫނުތަކުގެ ސަބަބުންވާ ކަންކަން ހައްތަހާވެސް. ނުވިތާކަށް ކޮޕީކުރަން އުޅެނީ ޔޫރަޕް. އެވަރަށް ކުރި އެރީއެއްނޫން.
ދިއްދޫމީހާ
07 August 2022
މިބޭޅާއަ ވުރެން ޤާނޫން ދަންނަ މީހެއް މިއުޑު ބަޅުކުރި ހިސާބަކުނެތް، އެކަމް ހުރިހާ ބޮޑެތި މައްސަލަތައް ކޯޓުން ނިމޭއިރު އޮންނަނީ ގާނޫނީ އިމުން ބޭރުވެފާ ފުލުހުން ތަހްޤީގް ކޮއްފަ ޕީޖީއަ ދައުވާކުރަން ފޮނުވީމަ ޕީޖީން ކޯޓަށް ފޮނުވަނީ، ފުލުހުން މިއޮންނަނީ މައްސަލަ ހިނގާފައިވަނީ 2027 އަހަރުގެ ޖެނުއަރީ މަހުގެ 32 ވަނަ ދުވަހު ދަންވަރު ތީރިސް ހަތަރު ގަޑި ފަންސަވީސްގައި ދެންބަލާ ޤާޒީ ހުކުމް ކުރާނެ ގޮތް؟؟ މިވަރު ކަނޑުކޮހުން މިޖެހެނީ ގެންގުޅެން..
ޢަފްރާސިޔާބު
07 August 2022
ސްޓޭޓްމަންޓް ދޫކުރާއިރު ބޭންކުން ކޮންސިޓީއެއްތޯ ދޫކުރަނީ؟ ދެން ގާނޫނުގެ ދަށުން ބޭންކުން މައުލޫމާތު ސާފުކުރަންޖެހޭނަމަ ކޮން މައުލޫމާތެއްތޯ ސާފުކުރަންޖެހެނީ. ބޭންކުގައި އެކައުންޓެއް އޮތްތޯތަ؟ ނޫނީ ބޭންކަށް މީހުން ފައިސާޖަމާކޮށް ނަގާތޯތަ؟ މިކަހަލަ ކަނޑުކޮހުން ލައިގެން ކާކަށްތަ އިންސާފެއް ލިބޭނީ؟