އޯކިޑް މަގުގައި ހުންނަ މީޑިއާނެޓް ސޭލްސް ސެންޓަރު: އެ ތަނުގެ ތެރެއަށް ވަދެ އެ ކުންފުނީގެ މުވައްޒަފަކަށް މިދިޔަ ބުރާސްފަތި ދުވަހު ވަނީ ހަމަލަދީފައި.
22 އޯގަސްޓް 2022 - 21:44
1 comments
މީޑިއާ ނެޓްގެ އޮފީހަށް މިދިޔަ ބުރާސްފަތި ދުވަހު ބަޔަކު ވަދެގަނެ އެ ތަނުގައި މަސައްކަތްކުރާ މުވައްޒަފަކަށް ހަމަލަދީ، ޒަހަމްކުރި މައްސަލައިގެ ތުހުމަތަށް ދެ މީހަކު މިއަދު ހައްޔަރުކޮށްފި އެވެ.
ފުލުހުން ބުނީ، އެ މައްސަލައިގައި ތަހުގީގަށް ހައްޔަރުކުރީ އުމުރުން 19 އަހަރާއި 22 އަހަރުގެ ދެ މީހަކު ކަމަށެވެ.
އެ މީހުންގެ ބަންދާ މެދު ގޮތެއް ނިންމަން ކޯޓަށް މިއަދު ހާޒިރުކުރުމުން 19 އަހަރުގެ މީހާގެ ތަހުގީގު ނިމެންދެން ބަންދުގައި ބަހައްޓަން އަމުރު ކޮށްފައިވާ ކަމަށް ފުލުހުން ބުންޏެވެ. އަދި 22 އަހަރުގެ މީހާ ޝަރީއަތް ނިމެންދެން ބަންދުގައި ބަހައްޓަން ކޯޓުން އަމުރުކުރި ކަމަށް ފުލުހުން ބުނެ އެވެ.
އެ ތަހުގީގާ ގުޅޭ އިތުރު މައުލޫމާތެއް ފުލުހުން އަދި ހާމައެއް ނުކުރެ އެވެ.
އެ ހަމަލައިގައި ޒަހަމްވި މީހާ މީޑިއާ ނެޓްގެ ޔުނީފޯމްގައި ހުރި އިރު، އެ މީހާ އޭޑީކޭ ހޮސްޕިޓަލަށް ގެންދިޔައިރު އޮތީ ބޮލުގައި ފޮތިގަނޑެއް އޮޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
22 August 2022
19 އަހަރުގެ މީހާ 19 އަހަރަށް 22 އަހަރުގެ މީހާ 22 އަހަރަށް ގޮޅިއަކަށް ލާ ބަލަ. އެއްޗެއް ވިސްނި ޢާއްމުންގެ ތެރޭގައި ގަޔަށް ބޮލަށް ނާރައި އުޅެން އެނގޭނެ އެއިރުން.