ގޮދަން ފުށް ބަސްތާތަކެްގެ ތެޜޭގައި ފޮރުވައިގެން ސައޫދީ އަރަބިއްޔާ އަށް އެތެރެ ކުރި، މަސްތުވާ އެއްޗެއް ކަމަށްވާ އެމްފެޓަމީން ގުޅަތަކާއި އެތަކެތި ސައޫދީ އަށް އެތެރެކުރުމުގެ ކުށުގައި ހައްޔަތުކުރި މީހުން.
01 ސެޕްޓެމްބަރ 2022 - 11:38
26 comments
ސައޫދީ އަރަބިއްޔާގައި މިހާތަނަށް އެއްފަހަރާ އަތުލައިގަތް އެންމެ ގިނަ އަދަދެއްގެ މަސްތުވާތަކެއްޗާ އެކު އަށް ބިދޭސީން މި ހަފުތާގެ ކުރީކޮޅު ހައްޔަރުކޮށް، އެމީހުންގެ މައްސަލަ ތަހުގީގު ކުރަން ފަށައިފި އެވެ.
ސައޫދީ ނާކޮޓިކްސް ކޮންޓްރޯލްގެ ތަރުޖަމާނު މޭޖާ މުހައްމަދު އައްނަޖްދީ ވިދާޅުވި ގޮތުގައި ސައޫދީ އަށް އެތެރެކުރުމުގެ މަރުހަލާގެ ތެރޭގައި ވަނިކޮށް، އަތުލައިގަތް މަސްތުވާތަކެތީގެ މަގުމަތީ އަގު އެއް ބިލިއަން ޑޮލަރަށް އަރަ އެވެ. މަސްތުވާތަކެތި އެތެރެ ކުރާ ކަމުގެ ޖާސޫސީ މައުލޫމާލެއް ލިބިގެން، ރިޔާޒްގައި ހުރި ގުދަނެއް ބަލައި ފާސްކުރި އިރު، އެތަނުގެ ތެރެއިން އެމްފެޓަމީންގެ 47 މިލިއަން ގުޅަ ފެނުނެވެ.
އެމްފެޓަމީން ގުޅަތައް ސައޫދީ އަށް އެތެރެ ކުރީ، ބޭރު ގައުމަކުން އެ ގައުމަށް އެތެރެ ކުރި ގޮދަން ފުށް ބަސްތާތަކެއްގެ ތެރޭގައި ފޮރުވައިގެންނެވެ. ގުދަނުގެ ތެރެއިން އެ ގުޅަތައް ފެނުނީ ވެސް، ފުށް ބަސްތާތަކުގެ ތެރޭގައި ފޮރުވާފައި ހުއްޓަ އެވެ.
ގޮދަން ފުށް ބަސްތާތަކެްގެ ތެރޭގައި ފޮރުވައިގެން ސައޫދީ އަރަބިއްޔާ އަށް އެތެރެ ކުރި، މަސްތުވާ އެއްޗެއް ކަމަށްވާ އެމްފެޓަމީން ގުޅަތައް، ސައޫދީ ސަރުކާރުގެ އޮފިޝަލަކު ދައްކައިލަނީ
މި މައްސަލައިގައި ހައްޔަރުކޮށްފައިވަނީ ސީރިޔާގެ ހަ މީހަކާއި ޕާކިސްތާނުގެ ދެ މީހެކެވެ. އެމީހުންގެ މައްސަލަ ސައޫދީ ސަރުކާރުގެ ކަމާ ބެހޭ އިދާރާތައް ގުޅިގެން މިހާރު އަންނަނީ ތަހުގީގު ކުރަމުން ކަމަށް ސައޫދީ ނާކޮޓިކްސް ކޮންޓްރޯލްގެ ތަރުޖަމާނު ވިދާޅުވި އެވެ.
ސައޫދީ އަރަބިއްޔާގެ އަލް ޔައުމް ދުވަހު ނޫހުގެ ކޮލަމިސްޓް އިބްރާހީމް ބަހްތީގް ބުނާ ގޮތުގައި ސައޫދީގެ ކުށްވެރިންނާއި ގޭންގުތަކުގެ މެންބަރުންގެ މެދުގައި މިހާރު އަންނަނީ މަސްތުވާތަކެތި އެތެރެ ކުރުމާއި އޭގެ ވަގު ވިޔަފާރި ކުރުން ފުޅާވަމުންނެވެ. އެކަމުގެ ސަބަބުން މުޖްތަމައުގައި ހަމަނުޖެހުން އުފެދި އަނިޔާވެރި އަމަލުތައް ވެސް އަންނަނީ އިތުރުވަމުންނެވެ.
އޭނާ ބުނި ގޮތުގައި މަސްތުވާތަކެތީގެ ވަގު ވިޔަފާރި ކުރާ މީހުންގެ މައިގަނޑު އަމާޒަކަށް ހަދާފައިވަނީ ސައޫދީ އަރަބިއްޔާގެ ޒުވާނުންނާއި ކުޑަކުދިންނެވެ. ވަކިން ޚާއްސަކޮށް ވަޒީފާއެއް ނެތި އުޅެމުންދާ ޒުވާނުން މަސްތުވާތަކެތީގެ ވަބާގައި ޖެއްސުމަށް، މަސްތުވާތަކެތި ބޭނުންކުރާ މީހުންނާއި އޭގެ ވިޔަފާރި ކުރާ މީހުން ދަނީ ވަރަށް ގިނަ މަސައްކަތްތަކެއް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންކަބިލި
02 September 2022
އަފްޢާނިސްތާނުގައި އޮންނަނީ އަފިހުން (އޯޕިއަމް) ގެ ކުޅިގަނޑު.
ދުންދަނޑި
02 September 2022
އިނގިރޭސިންގެ އަތެއް ތިކަމުގަ ވުން ގާތީ.
ނިތްކުރި ކަޅުކުރާ ބޭސް.
03 September 2022
ތިއީ ތެދެއް. އަރަބިންނަކައް ނޭގެނެވިއްޔަ ޑްރަގްގުޅައެއް ކީއްކުރަން ބޭސް މަލަން ކޮޅެއްވެސް ހަދާކައް!
ބީރުބޮލު ވަޒީރު.
03 September 2022
އިސްލާމީ ގައުމުތަކުން ފެންނަ ހުރިހާ ނުބައިކަމެއް ޔަހޫދީންގެ ބޮލަށް ނޫނީ ނަސާރާއިންގެ ބޮލަށް ކަނޑާލާ. ގިޔާމަތް ދުވަހުންވެސް ކަލޭމެން ކުށްވެރި ނުވާނެކަމަށް ހީކޮށްގެންތޯ ތިއަކަހަލަ އެއްޗެހި ކިއަނީ.
އޮ ނޯނޯ ނޯ
01 September 2022
މިއޮތީ އިސްލާމީ ޝަރީޢަތް ހިންގާ ގައުމުގެވެސް ޙާލަތު. މީހުން ކުށްކުރަނީ ވަކި ދީނެއް ވަކިވައްތަރެއްގެ ޝަރީޢަތެއް އޮންނާތީކީއެއް ނޫން. ތަންކޮޅެއް ލޯހުޅުވައިގެން ވިސްނަބަލަ.
1828
02 September 2022
ކާފަރުގައުމަކަށް މިތަކެތި ވަދުމަށްފަހުވެސް ދެން އެބަޔަކު ކުޅެލާނީ ސަރުކާރުގެ މަތީ ފަޑީގައި ތިބި މީހުންނާއި ޖުޑީޝަރީއާއި. އޭރުން އެމީހުންގެ ބާރު މުޅި ޤައުމުގައި އޮންނާނެ. މަސްތުވާތަކެތީގެ ވިޔަފާރިއަކީ މަލްޑިބިލިއަން ޑޮލަރުގެ ވިޔަފާރިއެއް. އިސްލާމީ ޤައުމަކަށް އެތަކެތި އެތެރެކުރިޔަސް އެކަން ހިނގާދާނީ ކުރިން މިބުނި ބީދައިން. އެކަން އެންމެ ރަނގަޅަށް ފެންނާނެ އެއް ޤައުމަށް މި ކުޑަކުޑަ ދިވެހިރާއްޖެވާނެ. ކިލޯއިން އެތެރެކުރީމައި ސާބިތެއްނުވާނެ.
މޮހިތު
01 September 2022
ތުނބުޅި ޖުއްބާ ލައިގެން މިކަންދޯ މިކުރަނީ...!
ށަވިޔަނި
01 September 2022
ޗީޑި އެވެ. ވަކިމީހަކަށްވީމަ ތަފާތުކުރުން ވަރަށްބޮޑުތަނެއް. ތަފާތުކުރުން ނެތްކަމަށް ހީވަނީ ޚަބަރު ފަތުރާ ވަސީލަތް ވަގުތުން ގަނެ ސިއްރުކުރުމުގައި ޝާހީ އާއިލާ ހޯދާފައިވާ ކުރިއެރުން.
ހަސަންދީ
01 September 2022
މަސްތުވާ ތަކެއްޗަކީ ހުރިހާ ނުބައި ކަމެއްގެ މަންމަ މިކަމަށް އަޅާ ނުލާފި ކޮންމެ ޤައުމެއް ދާނީ ހަލާކުވަމުން މިއަދު މިކުޑަކުޑަ ޤައުގެ ޙާލަތާމެދު ވިސްނަން ތިބި މަދު މީހަކުވެސް އަދި ދުވަސް ކޮޅަކުން ނުތިބޭނެ އޭރުން ޤައުގައި އޮންނާނީ ޖަންގަލީގެ އުސޫލް، ތަރަށްޤީގެ ހުރިހާ ޕޮރޮޖެޓެއް 5 އަހަރަށް ހުއްޓާލުމަށްފަހު ޖަލުތައް އަޅައި މަސްތުވާތަކެތި ބޭނުންކުރާމީހާ މަދުވެގެން 15 އަހަރުގެ ޙުކުމެއް އަދި އެތެރެ ކުރާމީހާއަށް މަރުގެ އަދަބު ދެވިގެންނޫނީ ސަލާމަތެއްނެތް
ޝަރިއަތް
01 September 2022
އަހަރެން ހީކުރަނީ ސައުދީގަ ތިބޭނުންކުރާނެ ބަޔަކު ނުތިބޭނެކަމަށް ގައިމު ތިބޭނުންކުރާނެ މިލިއަނުން މީހުންތިބެގެންތާ ތިވަރު އަރުވާލާނީ
1828
02 September 2022
ޒުވާނުންނަށާއި ކުޑަކުދިންނަށް ޓާގެޓްކޮށްގެން އެބައިމީހުން އެމަސައްކަތްކުރަނީ. އޭގެމާނައަކީ މިހާރު އެމީހުން ސައުދީގައި މާކެޓް ހޯދައިފިއޭ. މިއަތުލައިގަތް ތަކެތީގެ އަދަދުންވެސް ސައުދީގައި މަސްތުވާތަކެއްޗަށް އޮތް ޑިމާންޑް ހާމަވެގެން ދޭ.
ދަސްކުރޭ
03 September 2022
މުސްލިމުންގެ ތެރޭގައި ވެސް ކުށްކުރާ މީހުން ދިރިއުޅޭތީ އިންސާފު ޤާއިމު ކުރުމަށް އިސްލާމީ ޝަރީޢަތް ބާއްވާ ލެއްވީ.
ބީރުބޮލު ވަޒީރު.
01 September 2022
ސަޢުދީގައި މަސްތުވާތަކެތީގެ ވިއަފާރިކުރަނީ ސަޢުދީގެ ސާހީ ޢާއިލާގެ ޕުރިންސުން. އެމީހުންގެ އަމިއްލަ ޖެޓުތަކުގައި އެތަކެތި އުފުލަނީ. ދާދިފަހަކުން ލުބުނާނުގެ އެއާރޕޯޓަކުންވެސް ޕުރިންސެއްގެ ޖެޓެއް ހިފެހެއްޓި. އޭގެ އަގު އެތައް ބިލިއަން ޑޮލަރަކަށްއަރާ. ތިއަ އަތުލައިގަތް ތަކެއްޗަކީ ޕުރިންސުންނާ ނުގުޅި އެތެރެކޮށްފައިވާ ތަކެތި. އެހެންވީމަ ތިއަ ހަމީހުންގެ ބޯ ވަރަށް އަވަހަށް ބުރިކޮށްލާނެ.
ބުރުގާ
01 September 2022
އޭ މިހިރަ ބީރުބޮލު ވަޒީރު، ކަލޭ އަވަހައް އެންމެ ކައިރީހުރި މިސްކިތައް އަރާ ތައުބާވޭ.
އަލ ސައުދު
01 September 2022
ބިލިއަނުން އެތެރެކުރީމަ މޫނު ނުދައްކާ ފުރަގަހަށް ބައިތިއްބާފަ އެތިބީ!
މުންޖިޗޭ
01 September 2022
ޒަމާނީ ތަރަޤީ ދޮންވެ ފައްކާވަމުން އަންނަކަމުގެ ޢަލާމާތްތައް ތިޔަ ފެންނަނީ، ތިކަހަލަ ތަރައްޤީ ގެންނަން ކުރާމަސައްކަތުން އެތައްގުނައެއް ކުރިއަރިގޮސްފައިވާކަން ތިއެނގުނީ.