"ރަހުމަތްތެރިއެއްގެ ބައްޕަ ސަލާމަތްކުރަން" އުޅުނު މީހަކު އުމުރަށް ޖަލަށް

މަސްތުވާއެއްޗެހިތަކެއް: ރަހުމަތްތެރިއެއްގެ ބައްޕަ ސަލާމަތްކުރަން ކަމަށް ބުނެ ޑްރަގް ޓްރެފިކް ކުރުމުގެ ދައުވާއަށް އެއްބަސްވި މީހަކު ވަނީ ޖަލަށްލާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

05 ސެޕްޓެމްބަރ 2022 - 12:32

9 comments

ރަހުމަތްތެރިއެއްގެ ބައްޕަ ސަލާމަތްކުރަން ކަމަށް ބުނެ މަސްތުވާތަކެތި ޓްރެފިކް ކުރުމުގެ ދައުވާއަށް އިއުތިރާފްވި މީހަކު އުމުރަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.

އަޒުވަދު މުހައްމަދު ނަމަކަށް ކިޔާ އެ މީހާގެ މައްޗަށް އެ ހުކުމް އައީ ޑިސެމްބަރު، 2019 ގައި މާލެއިން ފުރަން އުޅުނު ލޯންޗެއްގައި ހުރި އެހެން މީހެއްގެ އަތުން 19 ގްރާމްގެ މަސްތުވާތަކެތި ފެނުނު މައްސަލާގަ އެވެ. އެތަކެއްޗަކީ އަޖުވަދުގެ މަސްތުވާތަކެތި ކަމަށް ބުނެ ތަހުގީގުގައި އޭނާ އެއްބަސްވި އެވެ.

ޑައިމޯފިން ޓްރެފިކް ކުރުމުގެ ދައުވާ އުފުލުމުން އިބްތިދާއީ މަރުހަލާގައި އޭނާ އެންމެ ފުރަތަމަ އެ ދައުވާއަށް އިންކާރުކުރި އެވެ. އަދި ތަހުގީގުގައި އިއުތިރާފްވީ ރަހުމަތްތެރިއެއްގެ ބައްޕަ ސަލާމަތްކޮށް ދިނުމުގެ ގޮތުން ކަމަށާއި އަދި އެ މަސްތުވާތަކެއްޗާ ގުޅުމެއް ނޯންނާނެ ކަމަށް އޭނާ ކޯޓުގައި ބުންޏެވެ.

އެކަމަކު ޝަރީއަތުގެ މަރުހަލާ ފެށުމުން އޭނާ އަނެއްކާވެސް ކުށަށް އިއުތިރާފްވި އެވެ. އޭނާގެ އިއުތިރާފުން އެ ކުށް ސާބިތުވާތީ އޭނާ އުމުރަށް ޖަލަށްލުމާ އެކު، ދެ ލައްކަ ރުފިޔާއިން ޖޫރިމަނާކުރަން ހުކުމްކުރީ ކަމަށް ގާޒީ ހަސަން ސައީދު އިއްވެވި އެ ހުކުމުގައިވެ އެވެ.

ޖޫރިމަނާ ފައިސާ އެއް އަހަރު ތެރޭގައި ދައްކަން ވެސް ހުކުމުގައި އަންގާފައިވެ އެވެ.

ކުށްކުރުން ފުލުހުން ކްރިމިނަލް ކޯޓް މަސްތުވާތަކެތި މަސްތުވާތަކެތީގެ ގާނޫނު

9 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަދީބު

06 September 2022

ވާ ގޮތަކީ މި ގޭންގު ތަކުގަ އޮންނާނެ ކަންބަޅި ގުރުބާން ކުރުމުގެ ސަގާފަތް ވަރަށް ގަދަޔަށް. ވަރަށް ލޯބިން ބާކީވެފަ ތިބޭ ކުދިން ގާތް ކުރާނެ. ދެން އެކުދިންގެ ކަމަކީ ޑުރަގު ވިއްކާ އަތުލައިގަންނަ ޑުރަގާ ހަވާލުވުން. ހަވާލު ނުވެއްޖެ ނަމަ އޭނަޔަށް ނޫނީ އާއިލާއަށް ހަމަލާ އަންނާނެ. މި ގޭންގު ތައް މައިތިރި ކުރަން އެބަ ޖެހޭ އެކަމަށް ހާއްސަ ސަރުކާރެއް ވެރިކަމަށް ގެންނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚސިސިިސ

06 September 2022

ވަކި ބަޔެކޭ ސާބިތު ވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންތަރީސ

06 September 2022

ސުބުޙާނަﷲ! މިޤައުމުގައި ޤާނޫނުތައް ހެދިމީހުންގެ މޮޅުކަމާހެދި އަހަރެން ބުނާނެ އެއްޗެއްނެތް. ތިބުނާ 19 ގުރާމުގެ އަގު ކިހާވަރެއްބާ؟ މިލިޔަން ޑޮލަރުބާ؟ ބަސްތާ ބަސްތާއަށް ޑޮރަގު އެރެތެކުރާމީހާ މިނިވަންކަމާއެކު މަގުމަތީގައި. 19 ގުރާމާހެދި އުމުރުގެ ޖަލު ޙުކުމަކާއެކު 2 ލައްކަ ރުފިޔާގެ ޖޫރިމަނާއެއް؟؟!! ޤާޒީގެ ތިޔަ ޙުކުމްކުރީ ކޮން ޤާނޫނެއްގެ ދަށުންބާ؟ އަހަރެން ހަމަ އަންތަރީސްވެއްޖެ. 19 ގުރާމްތަ؟ 19 ކިލޯތަ؟ ނޫނީ 19 ބަސްތާތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

05 September 2022

ފިލްމްހުސްކުރި ދަޅަކަށް ރިހާކުރު އަޅައިގެން އުޅެނިކޮށް ފުލުހުންނަށް ފެނިއްޖެއްޔާ ވާނީ ކިހިނެތްބާއޭ ހިތަށްއަރާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

05 September 2022

މާކަ ބޮޑު ކަމެއް ނުވާނެ. ފުލުސް އޮފީހުގައި އެބާވަތުގެ ތަކެތި ތަހުލީލު ކުރާނެ ލެބެއް ހުންނާނެ. މީހާ ހިފަހެއްޓިޔަސް އަދި ހައްޔަރު ކުރިއަސް އެއީ ރިހާހަކުރު ކަން އެނގޭ ހިސާބުން ދޫކޮށްލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާރީސް

05 September 2022

ހެހެ. ރަގަޅު އެއްޗެއް ތިހެދީ. އެހެންނޫނަސް މިގައުމުގަ އުމުރަށް ޖަލަށްލެވޭ މީހުން 3 މަސް ފަހުން އުޅޭނެ ކާރު ދުއްވަން. ޚަރަދު ކޮއްލާނެ ކޮޅެއް ބޭނުންވާނީ..