އަމީރު: ރާއްޖޭގެ މާލީ ހާލަތު އޮތް ގޮސް މެމްބަރުންނަށް ސާފު ކޮށްދެއްވި--ފައިލް ފޮޓޯ: މަޖިލިސް
07 ސެޕްޓެމްބަރ 2022 - 13:51
20 comments
ދުނިޔޭގެ އިގްތިސާދީ ހާލަތު އޮތް ގޮތުން ބޭރުން ދަރަންޏަށް ފައިސާ ހޯދަން މިހާރު އުނދަގޫ ކަމަށާއި ޕީއެސްއައިޕީގައި ހިމެނޭ ބައެއް މަޝްރޫއުތައް މަޑުޖައްސާލާފައިވާ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
އއ. ތޮއްޑު އާއި އުކުޅަހުގެ ހެލްތު ސެންޓަރު އިމާރާތް ކުރާނެ ބަޔަކު ހޯދަން އިއުލާން ކުރާނެ ތާރީހާއި އެއްބަސްވުމުގައި ސޮއި ކުރެވޭނެ އިރަކާ ގުޅޭ ގޮތުން ތޮއްޑޫ ދާއިރާގެ އެމްޑީޕީގެ މެމްބަރު ހަސަން ޝިޔާން ކުރެއްވި ސުވާލުގެ ޖަވާބުގައި އަމީރު ވިދާޅުވީ، ޔުކްރެއިންގެ ހަނގުރާމަ އާއި އެމެރިކާ އާއި ޔޫރަޕިއަން ޔޫނިއަންގެ ގައުމުތަކުން އިންޓަރެސްޓް ރޭޓް ބޮޑުކުރަމުން ދާއިރު، މި ދަނޑިވަޅުގައި ބޭރުގެ މާކެޓަށް ބޮންޑާއި ސުކޫކް ވިއްކައިގެން ފައިނޭންސް ހޯދުމަށް ދަތިތަކެއް ހުރި ކަމަށެވެ.
އެހެންކަމުން މިހާރު މުސާރަ ދިނުމާއި ދަރަނި ދެއްކުން ފަދަ ކަންކަމަށް ފޯކަސް ކޮށްފައިވާ ކަމަށް އަމީރު ވިދާޅުވި އެވެ.
"މި ދުވަސްވަރަށް ޕީއެސްއައިޕީ ޕްރޮޖެކްޓުތައް ޓެންޑާކޮށް، ކުރިއަށް ގެންދިއުމުގައި އަޅުގަނޑުމެން ލަސްކޮށްގެން ކުރިއަށް ގެންދަނީ. އަދި ކޭޝްފްލޯ މެނޭޖް ކުރުމަށް ކުރެވެން ހުރި ކަންކަން ވީހާ ވެސް ކައިރިން ބަލައިގެން ކުރިއަށް ގެންދަން،" މާލީ ވަޒީރު ވިދާޅުވި އެވެ.
މަޝްރޫއުތަކުގެ ބީލަމުގެ ކަންކަން ބަޖެޓާއި ކޭޝްފްލޯ އަށް ހަމަޖެހުން ލިބުމުން ވީހާ ވެސް އަވަހަކަށް ފަަށާނެ ކަމަށް ވެސް އޭނާ ވިދާޅުވި އެވެ.
ދަރަނީގެ ސުވާލަށް ސާފު ޖަވާބެއް ނުދެއްވި
ހުޅުދޫ ދާއިރާގެ އެމްޑީޕީގެ މެމްބަރު އިލްޔާސް ލަބީބު މިއަދުގެ ޖަލްސާގައި ވަނީ މި އަހަރު ނިމޭއިރު ދައުލަތުގެ ރިޒާވަށް އިތުރު ވާނީ ކިހާ ވަރެއްތޯ އާއި އެއީ ކިހިނެއް ހޯދާނެ ފައިސާއެއްތޯ ސުވާލު ކުރައްވައިފަ އެވެ. އަދި ކުރިއަށް އޮތް ހަތަރު މަހު ދައުލަތުގެ ދަރަނި އަދާކުރުމަށް ދައުލަތުން ހަރަދުކުރާ ވަރު ހާމަކުރެއްވުމަށް ވެސް އިލްޔާސް އެދިވަޑައިގަތެވެ.
އަމީރު ވިދާޅުވީ، ރައްޔިތުންގެ މަޖިލީހުން ފާސްކޮށްފައި ބަޖެޓުގެ ޕްލޭނާ އެއްގޮތަށް ދައުލަތުގެ ރިޒާވް މި އަހަރު ނިމެންވާއިރަށް ހުންނާނެ ކަމުގެ ޔަގީން ކަން މެމްބަރުންނަށް އަރުވާ ކަމަށެވެ.
ސަރުކާރުގެ އެޕްރޫވްޑް ބަޖެޓުގެ ފައިނޭންސިން ޕްލޭން ގޮތުން ބޭރުން 200 މިލިއަން ޑޮލަރު (3.08 މިލިއަން ރުފިޔާ) ހޯދަން ޖެހޭ ކަމަށާއި އޭގެ ތެރެއިން 100 މިލިއަން ޑޮލަރު ލިބިފައިވާ ކަމަށް ފިނޭންސް މިނިސްޓަރު ވިދާޅުވި އެވެ. ބާކީ ހޯދުމުގެ މަސައްކަތް ވެސް އެކި ގޮތް ގޮތަށް ކުރައްވާނެ ކަމަށް ވިދާޅުވި އެވެ.
ނަމަވެސް ބޭރުގެ ދަރަނި އަދާކުރުމަށް ހަރަދު ކުރާނީ ކިހާ ވަރެއްތޯ އަމީރު ވިދާޅެއް ނުވެ އެވެ.
މިއަދުގެ ޖަލްސާގެ ރިޔާސަތުގައި އިންނެވި ރައްޔިތުންގެ މަޖިލިހުގެ ރައީސް މުހައްމަދު ނަޝީދު ވެސް އެ ސުވާލު ތަކުރާރު ކުރައްވައި ޖަވާބު ދެއްވުމަށް އަމީރުގެ ކިބައިން އެދިވަޑައިގަތެވެ.
ނަމަވެސް ވިދާޅުވީ "އެ މައުލޫމާތު ވަކިން މެމްބަރަށް އަރުވާނެ" ކަމަށެވެ.
.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުމައިން
08 September 2022
ފުވައްމުލަކު މީހުން އެތިބީ މިސަރުކާރުން އެޅި 10 ބުރީގެ ފުލެޓުތަކުގަ. އެމީހުން އަދިވެސް ފުލެޓުއަޅަން ފަށާނޭ ކަމަށް. ދައުލަތުން ޕްރޮޖެކްޓު މޮޑެލް ބަދަލުކުރުމަށް ކުރިން ކޮންޓްރެކްޓަރުން ހޯދަންކުރި އިއުލާނަށް ލިބުނު ބިޑުތަށް އޮޅާލާފަ ޑަސްބިނަށް. މިހާރު ކިޔަނީ ފަންޑު ގެންނަބަޔަކު އެކަން ކުރާގޮތަށޯ. ޗައިނާ ކުންފުނިތަކުން އޮފާކުރީމަ ދައއުލަތް ހެވުނު.. ނަމަވެސް! އާހްހްހް. މާޔޫސްކަން މިވަށާލީ އަވައްޓެެރި ބިޔަ ގައުމު އެކަމާ ނުރުހުންވިލެއް ބޮޑުކަމުންނެވެ.
ބޮއިމަނިކު
08 September 2022
އަހަރުމެންވެސް މިތިބެނީ ލާރި ހޯދަން ދަތިކަމުން ކުރަންޖެހޭ ގިނަ ކަންތައް ނުކޮށް ލިބުނު ދުވަހަކުން ކުރަން ފސަކޮށްފަ. އެކަމަކު ސަރުކާރަަަކުން ވަރަށް ހެއްވާ އުޒުރެއް މިދައްކަނީ
ބޮޑުމީހާ
07 September 2022
ޔާމީން ވައްކަން ކުރިޔަސް ގައުމު ތަރައްގީކޮށް ރައްޔިތުން ފުދުންތެރިކުރުވައި އުމްރާނީ އެތަައް ކަމެއް ހިންގި. ސްލޯލިހްއަށް މިގައުމަށް ވާނުވާއެއް ނޭގެ. ލިޔެފަ އޮތް ސްޕީޗެއް ދިނީމަ ޚިތާނު ޕާޓީއަކަސް ކިޔާލާފަ ސެލްފީއެއް ނަގައިގެން ގައުމު އެބަހިންގާ. ދަށުންތިބި މީހުން ހިތުހުރިގޮތަކަށް ބަޖެޓް ދަވަނީ. ވައްކަމާއި ކޮރަޕްޝަން އިންތިހާއަށް. މީ ޒީރޯޓޯލަރެންސްގަ ވާ ވަރަކީ. ޒީރޯޓޯލަރެންސް ނޫންނަމަ ކިހާވަރެއްވާނެބާ!
ބައްލަވާ
08 September 2022
ބައްލަވާ ޔާމީން މާ މޮޅު އިކޮނޮމިސްޓަކަށްވެގެން، ދިވެހި ރާއްޖޭގެ އިގްތިސާދާ ނުބައްދަލު “ ތަރައްގީ ގެނައިމާ ވެގެން އުޅޭގޮތެއް މީ އިނގޭތޯ؟
ނުބައްލަވާ
08 September 2022
ޔާމީން ގެނައި ތަރައްގީއަކުން ނޫން މިހެން ވެގެން މިއުޅެނީ. ޔާމީނު ބާލުވާފަ އެރުވި މީހުންނަށް ކަންކުރާނެ ގޮތް ނޭނގިގެން މިހެންވެގެން މިއުޅެނީ. އިންތިހާއަށް ބޭކާރު ހަރަދު ކުރުމުގައި ދެމިތިބުން މައްސަލައަކީ. ޔާމީން ދަރުވަނީއޭ ގޮވި މީހުން އެއަށްވުރެ އިތުރަށް ދެރުވުން މައްސަލައަކީ.
ކަނބިލި
07 September 2022
އަޑުއިވޭ ގޮތުގައި މީނާއަކީ އެންމެ ކޮރަޕްޓް ވަޒީރު
ޕޯސްތީ
07 September 2022
ޑޮލަރު މާރުކޮއްފަ ލިބިފަހުރި ލާރި އެބަހުރި ، އަދި އެސްކޯ އެކައުންޓެއް ގަވެސް! ލާރި އެބަހުރި.
ޙަސަން ކުރުސީ
07 September 2022
ކޮއްކޯ އަދިވެސް ވާނޭ ކިޔާފަ ބޯކޮށްޕާލާތި ވަޒީފާގަޑެއް އޮތިއްޔާ! އިހައްދުވަހު ތިޔަ އެމް.ޑީ.ޕީގެ ކޮންގްރެސްގައި ދެއްކި މޮޅުވާހަކަ ކެންސަލްވީދޯ މިހާރު؟
ނުބުނާތި
07 September 2022
މިދިޔަ މަހުވެސް މުސާރަދޭން 3.5% އިންޓަރެސްޓް ރޭޓުގައި 28 ދުވަހުން އަނބުރާ ދައްކާ ގޮތަށް 2ބިލިޔަން ރުފިޔާ ހޯދަން އިއުލާންކުރީ ލޯލާރިއެއްވެސް ބަޖެޓްގައި ނެތިގެންނޭ ބުނަން ނުކެރުނަސް ގެޒެޓްގައި އިއުލާން ޖަހާފައިއޮތް.
ޙައްބޭ
07 September 2022
މަގާމުގައި 4 އަހަރުވީއިރު ސަފާރީތަކާއި ޔޮޓްތަކާއި ހޮޓެލާއި ރިސޯޓާއި ކޮންސްޓްރަކްޝަން ކުންފުނިތަކާއި އަގުބޮޑެތި ބިިންތައް އަމިއްލަ މިލްކިއްޔާތުގައި އެބަހުރި. މިފަދަ މީހުންނަށް ކޮން ދައްޗެއްވާނީ. ދަތިވާނީ ނިކަމެތި ރައްޔަތުންނަށް. ނުފުއްދޭނީ އެރައްޔަތުންގެ މުހުތާދުތައް. ފުނިފުނިވަރުން އޭރުވެސް ކެއީ. މިހާރުވެސް ހަމަ ކަނީ. ވަނީ ރައްޔަތުން ހަނާ
އުމުރު
07 September 2022
ގައުމުގެ ފިނޭންސް މިނިސްޓަރުކަން އަމީރަށް ދީގެން އުޅެނީ ކޮން ތަޖުރިބާއެއްގެ މައްޗަށް ބަލާފައިތަ؟ އަމީރަކީ އެފެންވަރު ހުރި މީހެއްތަ؟
އެމްސް
07 September 2022
ބޭރުފައިސާ ހޯދަން ދަތިވީމަ، ބޭރުފައިސާ ބޭރުވާ ވަރު މަދުކުރުންވެސް އެއީ އޮތްކަމެއް! މިޤައުމުގަ ބައިމިލިޔަން އާއި ގާތަށް އުޅޭ ބިދޭސީން މައްޗަށް މަހަކު 200 މިލިޔަން ޑޮލަރަށްވުރެ ގިނައިން މިޤައުމުން ބޭރުވާނެ! ކޮންމެހެން ތިބެންޖެހޭ ޢަދަދަކަށް ބިދޭސީން ލިމިޓްކޮށްފަ އިތުރުވާ އެންމެން ފޮނުވާލަންވީ ނޫންތޯ! ހަމަ ގައިމުވެސް މާލޭގަ މަގުތަކުގަ، ޕާކްތަކުގަ، އެކިއެކި ހުސްބިންތަކުގަ ސަލާމް ޖަހަންވެސް ބިދޭސީން އެބަތިބޭ! އެއްކޮޅުގަ ހިފައިގެން ދެކޮޅެއް ނުޖެއްސޭނެ!