ބޫޓެއްގައި ފޮރުވައިގެން ކުރިން އެތެރެކުރި ޑްރަގްތަކެއް: އެފަދަ ގޮތަކަށް ޑްރަގް އެތެރެކުރި މައްސަލައެއްގައި ދައުވާލިބުނު މީހުން ވަނީ ސަލާމަތްވެފައި
22 ސެޕްޓެމްބަރ 2022 - 17:42
57 comments
އަރައިގެން ހުރި ބޫޓު ތެރެއިން ބައި ކިލޯގެ މަސްތުވާތަކެތި ފެނުނު މައްސަލައެއްގައި މުހިންމު ލިޔުމެއް ދައުލަތުން ހުށަހަޅާފައި ނެތުމުން، ދައުވާ ލިބުނު ދެ މީހުންގެ މައްޗަށް ކުށް ސާބިތު ނުވެ، އިއްޔެ ސަލާމަތްވެއްޖެ އެވެ.
ދެ ދިވެއްސެއްގެ މައްޗަށް ރާއްޖެ އަށް މަސްތުވާތަކެތި އެތެރެކުރުމުގެ ދައުވާ ދައުލަތުން ކުރީ 2013 ވަނަ އަހަރު އިންޑިއާ އިން ރާއްޖެ އައުމުން އެ މީހުން ފާސްކުރިއިރު، އޭގެ ތެރެއިން އެކަކު އަރައިގެން ހުރި ބޫޓުގެ ދެ ކިބައިގެ ތެރެއިން ބައި ކިލޯއެއްހާ މަސްތުވާތަކެތި ފެނުނު މައްސަލައެއްގަ އެވެ. ދެވަނަ މީހާ އަށް ދައުވާކުރީ އެކަމަށް އެހީތެރިވި ކަމަށް ބުނެ އެވެ.
ކްރިމިނަލް ކޯޓުން އިއްޔެ ކުރި ހުކުމުގައި ވަނީ ލައިގެން ހުންނަ އަންނައުނު ތެރެއިން މަސްތުވާތަކެތި ފެނިއްޖެ ނަމަ އެއީ އެ މީހަކު ގެންގުޅުނު އެއްޗެއް ކަމަށް ބެލެވޭނެ ކަމަށް ގާނޫނުގައި އޮންނާތީ ބޫޓުގެ ތެރެއިން ފެނުނަސް އެއީ އެ މީހެއްގެ އެއްޗެއް ކަމަށް ބެލެވޭނެ ކަމަށެވެ.
ހުކުމުގައިވާ ގޮތުން މަސްތުވާތަކެތި ފެނުނީ އެ މީހާގެ ބޫޓު ތެރެއިންކަން ކަށަވަރު ވާނީ އޭގެ ޗެއިން އޮފް ކަސްޓަޑީ ފޯމް އޮވެގެންނެވެ. އެއީ މަސްތުވާތަކެތި ނެގުމަށް ފަހު އެތަކެތި ނެގި ތަނާއި ވަގުތާއި އަދި ނެގި މީހާ އާއި އޭގެ ފަހުން ފުލުހުންގެ ތެރޭގައި އެކަކު އަތުން އަނެކަކު އަތަށް އޭތި ބަދަލުވަމުންދާ ގޮތް އެނގޭ ލިޔުމެވެ.
އެ މައްސަލާގައި ޗެއިން އޮފް ކަސްޓަޑީގެ އަސްލު ދައުލަތުން ހުށަހަޅާފައި ނުވާ ކަމަށާއި ހަމައެކަނި ހުށަހެޅީ ތަހުގީގު މަރުހަލާގައި މާ ފަހުން ފުރާފައިވާ ފޯމެއް ކަމަށް ހުކުމުގައިވެ އެވެ. އެހެންވެ، އެއީ ދައުވާ ލިބުނު މީހެއްގެ ބޫޓު ތެރެއިން ފެނުނު މަސްތުވާތަކެތިކަން ކަށަވަރުވާނެ ގޮތެއް ނެތް ކަމަށް ހުކުމުގައިވެ އެވެ.
"އަރައިގެން ހުރި ބޫޓުގެ ދެ ކިބައިން ފެނުނު ތަކެތި ކަމާ މެދު ޝަރީއަތުގެ ކުރިމަތީގައި ސުވާލު އުފެދިފައިވެ އެވެ." ހުކުމުގައިވެ އެވެ.
މީގެ ކުރިން ވެސް، ޗެއިން އޮފް ކަސްޓަޑީ ފުރިހަމަނުވާ މައްސަލަތަކުގައި ކުށް ސާބިތުނުވާ ކަމަށް ހައި ކޯޓުން ހުކުމް ކޮށްފައިވާކަން އެ ހުކުމުގައި ފާހަގަކޮށްފައިވެ އެވެ. އެހެންވެ، މި މައްސަލާގައި ވެސް ދެ މީހުންގެ މައްޗަށް ކުށް ސާބިތުނުވާ ކަމަށް ހުކުމްކުރީ ކަމަށް އެ ހުކުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
24 September 2022
އެހާ ސީދާ ސާދާކޮށް އޮތް ކަމެއް ނިމުނީ މައްސަލައަށް 10 ވަނަ އަހަރު؟ ފުލުހުންގެ އިޙުމާލުވެސް އެބަ އޮތް!
ބބބވވ
23 September 2022
ހަގީގަތަކީ ޗެއިން އޮފް ކަސްޓޮޑީ ފުލުހުންގެ އަތުގަ ނޯންނަނީ ކީ ނޫން ހެން ހީވަނީ. އަބަދު ޗެއިން އޮފް ކަސްޓޮޑީ ނެތިގެން ޑްރަގްމީހުން ދޫވާއިރު، އެއީ އޮޅުމަކުން ވާކަމެއްނޫންކަން އެނގޭދޯ. ފުހުހުން ތިބެނީ ޑްރަގް ލޯޑުންނާ އަޑިއަޑިން ގުޅިފައޭ ކިޔާ އަޑު އަހަން.
ތެދެކޭތީ
23 September 2022
މިއީ އަހަރުން ގޭ ކައިރީ އުޅޭ ސޮރެއްގެ ވާހަކަ. މީނަ ދުވަހަކުވެސް އަތުން ފައިން މަސައްކަތެއް ކޮށްފައެއް ނުވާނެ. ހުރިހާ ވެސް މަސައްކަތަކީ ތަނަކުން އަންހެނެއް، އަންހެން ކުއްޖެއް ފެނިއްޖެނަމަ ފޮށުން. މީނަ ދުއްވާ ކާރުގެ އަގުވެސް އަހަރެމެންނަށް 10 އަހަރު ތެރޭ ލިބޭ މުސާރައަށް ވުރެން ބޮޑު. އެތައްދުވަހެއްގެ މަތިން ފުލުހުން އެގޭގެ ދޮރު ވައްޓާލާފަ އެގެއަށް ވަދެ މަސްތުވާ ތަކެތި ގެންދޭ. މި ސޮރަކީ މި ވިޔަފާރި ކުރާ ބޮޑު މީހާކަންވެސް އެންމެންނަށް އެނގޭ.
ހަސަނުލް
23 September 2022
ހިހިހީހީހީ ހުހުހުހޫ ހޭހޭހޭ ދެން އެޖެންޑާ 19 ގަހިމެނޭ ކަންތަކަކީމީބާ
އެކަލޯ
23 September 2022
ހިތާމަ ހުރި ކަޑައެޅިގެން ގާޒީއަށްވެސް ދެންތިބި މީހުނަށްވެސް އެއީ އެމީހާ ކުރި ކަމެއްކަން ޝައްކެއް ނެތް މިންވަރަށް އެނގޭ އިރު ލިޔުމެއްގެ ބަހަނާ ދައްކާފަ ދޫކުރުމަކީ ބުއްދީގެ ހަމަތަކުންވެސް ގަބޫލު ކުރެވޭނެ ކަމެއްނޫން.
އެމްސް
24 September 2022
2013 ގަ މައްސަލަ ލީ، ޙުކުމް 2022 ގަ!
ކިހާބޮޑުކަމެއް
27 September 2022
ގަމާރުންނަކީ ބުއްދި ބޭނުންކުރާ ބައެއްނޫން. އެމީހުންނަށް އެގޭނީ ފޮތުގައި ލިޔެފައިވާގޮތަށް ކޮޕީކުރުން.
ބަންޑާއާޗޭ
23 September 2022
މިސާލުނަގަން ސަދޫމް ޖަސްޓިސް އޭ ބުނީމަ ކަމަކު ނުދާނެ. މިހާރު ބުނެވިދާނެ، ބަންޑައާޗޭ ޖަސްޓިސްއޭ! ނޫނީ ޕާކިސްތާން ޖަސްޓިސްއޭ! އެހެނީ އެއްތަނަކީ 2004 އ ސުނާމީގައި ޣަރަގުވެ މާގިނަމީހުން ނިކަމެތިވެ ހަލާކުވެ ނެތިދިޔަތަނެއް. ދެން އަނެއްތަނަކީ މިހާރު ފެނުއަޑީގަ ބޮޑުބައި އޮތް ތަން. ޢެހެންކަމުން ސަދޫމްއޭ ނުބުނޭ! މިސާލުޖަހާއިރު، ތަފާސް ހިސާބުން އެއްކަހަލަ ކަންކަން ރަގަޅުވާނީ.
ގެދާނޯމަސް
23 September 2022
ކަލޭ މަހަށްދާންވީނު. ސަދޫމް ޖަސްޓިސްއޭ ބުނަނީ އެތަނުގެ ޝަރީއަތްތައް ހިގާހެން މިތަނުގަވެސް އެކަންކުރާތީ.
ޗޭނު ކަސްޓަޑު
23 September 2022
ކިހާ ބޮޑުކަމެއް. ޗެއިން އޮފް ކަސްޓަޑީ އާބެހޭ ތަމްރީނު ނުލިބޭ ބައެއްތަ ފުލުހުންނަކީ؟ ފުލުހުންނަށް ނޫން އެއްމެނަށް އެގޭ އެއްޗެކަށް މީތި ވެއްޖެ. މިހާގިނައިން މިމައްސަލަ ޖެހެނެޏާ މިއި ގަސްދުގައި ނުހަދަނީކަމަށް ބެލެވެން ފަށާފާނެ!
ހަރާމްޒާދާ
23 September 2022
ތަމްރީނު ނުލިބެނީއެއްނޫން! ބައިއެޅިގެން ހިންގާ ޖަރީމާ!
އާދަމް ޒާހިރު
23 September 2022
ގާނޫނުތައް ހެދިއިރު މި ބައިގަނޑުގެ މީހުން ތިބެ ސަލާމަތްވާގޮތްތައް ގިނަކޮށްފައި މި ހުންނަނީ
ކޮރަލް
22 September 2022
އަލުން މައްސަލަ ކޯޓައް ވައްދަން ވީ އެވެ. ނޫނީ އިހްމާލްވި މީހުންނަށް އަދަބު ދޭން ވީ އެވެ.
އިހުމާލު1
23 September 2022
އިހުމާލުވީމީހުންނަށްވެސް އަދަބެއް ނުދެވޭނެ އެމީހުންގެ މައްސަލަ ބަލަން ތިބީ އިހުމާލުވާން ބުނާ ފަރާތްތައް
މުރާސިލް
22 September 2022
މީސީދާ ސަދޫމްއެވެ ކިޔުނު ޝަހަރެވެ. މިތަނުގެ ވެރިން ބޭރުޤައުމުތަކާއި ގުޅުން ގާތްކަމުން، މުޅި ދުނިޔޭގައި ބުރުޖަހަނީއެވެ. ޤައުމު ދަރާވިކެނީއެވެ. މަތިފަޑީގެ ބޭފުޅުން ލިވާތު ކުރުމުގައެވެ. ދެންތިބި ބޭފުޅުން ޝަރާބު ހިއްޕެވުމުގައެވެ. ޒުވާނުން މަސްތުގައި ޤަރަޤުވަނީއެވެ. ޤައުމުވެ މިނިވަންކަން ގެއްލި ނިމިއްޖެއެވެ. ކުއްވެރިން ރަސްކަމުގައެވެ. ސިޔާސީވެރީން ދައުލަތް ލޫޓުވުމުގައި އަވަދި ނެތިއެވެ. މުޖުރިމުން ފަޒާގައި އުދުހެނީއެވެ. ހޭހުރި ހިތާމައެއްގެ ބޮޑުކަމާއެވެ
ޢިންނު މުހައްމަދު
22 September 2022
ފުލުހުން ގަސްތުގައި ކުރާކަމެއް. ވަކިބައަކަށް ވަކިގޮތެއް.
1828
22 September 2022
ސަދޫމް ޖަސްޓިސް
އަލީހަމީދު
23 September 2022
ފުލުހުންތަ، ގާޒީތަ، ނޫނީ ޕީޖީތަ. ކޮންމެސް ފަރާތަކުން އެބަ ގޯސްހަދާ. ބޮޑަށް ހީވަނީ މީ ކޯޓުން ކުރާ ކަމެއްހެން. 3 ފަރާތް ބައިވެރިވާ ކަމެއްގަ ހަމަ އެކަނި އެއްފަރާތް ނެގުމަކީ އިންސާފުތަ؟