ގަން އެެއާޕޯޓް: ބޮމެއް އޮތް ކަމަށް ބުނެ އިންޒާރުދިން ބަޔަކު ވަނީ ހައްޔަރުކޮށްފައި
22 ސެޕްޓެމްބަރ 2022 - 19:24
6 comments
ބޮމެއް އޮތް ކަމަށް ބުނެ އިންޒާރުދިން މައްސަލައެއްގައި ދެ މީހަކު ސ. ގަން އިންޓަނޭޝަނަލް އެއާޕޯޓުން މިއަދު ހައްޔަރުކޮށްފި އެވެ.
ބޮމެއް ކަމަށް ބުނީ އެ އެއާޕޯޓަށް ފުރަން ދިޔަ ފަސިންޖަރެކެވެ. އޭނާ އެގޮތަށް ބުނުމުން އެއާޕޯޓް ކުއްލި ހާލަތަށް ގެނެސް، އެ މީހުން ގެނައި ތަކެތި ފާސްކުރިއިރު އެފަދަ އެއްޗެއް ފެނިފައެއް ނުވެ އެވެ.
އެ މައްސަލާގައި ދެ މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް ފުލުހުން ބުންޏެވެ. އެއީ އުމުރުން 58 އަހަރުގެ ދިވެހި އަންހެނަކާއި 61 އަހަރުގެ ދިވެހި ފިރިހެނެކެވެ.
މީގެ ކުރިން ވެސް މަޖަލަކަށް ހަދައިގެން ބޮމުގެ އިންޒާރު ދިނުމުގެ މައްސަލަތައް ދޭތެރެދޭތެރެއިން ރާއްޖޭގައި ހިނގަ އެވެ. އެފަދަ މައްސަލަތަކުގައި މިހާތަނަށް ޖިނާއީ ދައުވާއެއް ނުކުރެ އެވެ.
އެކަމަކު ޓެރަރިޒަމްގެ ގާނޫނު އޮންނަ ގޮތުން އެފަދަ ބިރުވެރިކަމެއް ފެތުރުމަކީ ވެސް ބޮޑު އަދަބު ލިބޭ ކުށެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުއްބީ
23 September 2022
މަޖާކުރަން ތިބެބަލަ ގޭ ބަދިގެ ތެރޭ. މަޖަލޯ. ގެންގޮސް އުލު ބައިންދާ.
ކަތްދައްތަ
22 September 2022
ތިޔައީ ސަމާސާއަކަށް ދެ ލޯބިވެރިޔަކު ހިންގާލީ ހޯކުސްގެ އަމަލެއް. ސުޕުރީމް ކޯޓުގެ ޙުކުމެއް އޮންނާނެ އައިއީޑީއެއް ހެދަން އުޅުނު ބަޔަކު އެއީ ސަމާސާއަކަށް ކުރިކަމެކޭ ބުނެގެން އެއީ ސަމާސާއެއް ނޫންކަން ދައުލަތަށް ސާބިތުކޮށް ނުދެވިގެން ދޫކޮށްލާފަ. ވީމާ މި ދެލޯބިވެރިން ކުޅަ ސަމާސާއެއްގައި ހިފައި ހައްޔަރު ނުކުރެވޭނެ. މަތީ ކޯޓުގެ ޙުކުމަށް ދައުލަތާއި ވަކި ފަރަޖުންވެސް ތަބާވެ ކިޔަމަންވާންވާނެ.
ހަމަގުޅުވާލީ
22 September 2022
https://mihaaru.com/report/111624
ސާމިހް
22 September 2022
މުސްކުޅިޔަސް ހަމަ ޖަލަށްލާ. އޭވިއޭޝަންގަ މަޖަލަކަށްވެސް ބޮމޭކިޔައިގެން ވާހަކަ ނުދެއްކޭނެ. ދެން ތިދެމީހުން ދުވަހަކުވެސް ފްލައިޓަކަށް ނާރުވަން މޯލްޑިވިއަން، ވިލާ އަދި މަންޓާއިން އެއްބަސްވާންވީ.
އާދިލް
22 September 2022
ބްރަދާ ސާމިހް އެވްރިތިންގް އަންޑާ ކޮންޓްރޯލް؟
ށަވިޔަނި
22 September 2022
މަޖަލަކަށް ކުރިއަސް ބޮޑުއަދަބު ނުދީ ދޫކުރުމަކީ އެއަށްވުރެ ބޮޑު ގޯހެއް.