ޖީބުން ޑްރަގް ފެނުނަސް، ކުށް ސާބިތު ނުވި: މިފަހަރު ވެސް ޗެއިންގެ މައްސަލަ

ފުލުހުން މީހަކު ފާސްކުރަނީ: ޖީބުން ޑްރަގް ފެނުނު ކަމަށް ބުނާ މައްސަލައެއް ވެސް ސާބިތުނުވާ ކަމަށް ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

26 ސެޕްޓެމްބަރ 2022 - 20:46

19 comments

ލައިގެން ހުރި ޖިންސުގެ ޖީބުން ޑްރަގް ފެނިގެން ދައުލަތުން ދައުވާކުރި މައްސަލައެއްގައި ވެސް، މަސްތުވާތަކެތި ނެގުމަށްފަހު އެ ތަކެއްޗާ މެދު ފުލުހުން އަމަލުކުރި ގޮތާ މެދު ސުވާލު އުފެދުމުން، ދައުވާލިބުނު މީހާ ސަލާމަތްވެއްޖެ އެވެ.

މާލެއިން ވިލިމާލެއަށް ދިޔަ މީހަކު ހުއްޓުވައި، ފާސްކުރިއިރު އޭނާ ލައިގެން ހުރި ޖިންސުގެ ކުރިމަތީ ޖީބުން އެއް ގްރާމްގެ އެމްޑީއެމްއޭ ފެނުނު ކަމަށް ބުނެ ދައުލަތުން ކުރި ޖަދުވަލު 1 ގައިވާ މަސްތުވާއެއްޗެއް ޓްރެފިކް ކުރުމުގެ ދައުވާ ސާބިތުނުވާ ކަމަށް ކްރިމިނަލް ކޯޓުން އިއްޔެ ނިންމީ އެ މަސްތުވާތަކެތި ނެގުމަށްފަހު ފުލުހުން އެ ތަކެއްޗާ އަމަލުކުރި ގޮތާ މެދު ސުވާލު އުފެދުމުންނެވެ.

މަސްތުވާތަކެތި ނެގުމަށްފަހު ލެބޯޓްރީއާ ހަމައަށް ގެންދެވެންދެން އެކަކު އަތުން އަނެކަކު އަތަށް އެތަކެތި ނަގުލުވަމުންދާ ގޮތް ކޮންމެ އެއްޗެއްގެ ޗެއިން އޮފް ކަސްޓަޑީގައި ވަކިވަކިން ލިޔަންޖެހެ އެވެ. އެ ތަކެއްޗާ ހަވާލުވި ތާރީހާއި ގަޑި ވެސް ލިޔަންޖެހެ އެވެ.

އެ މައްސަލާގައި ކޯޓުން ސުވާލު އުފެއްދީ ޗެއިންގައި އެއް ފުލުހަކު އެ މަސްތުވާތަކެއްޗާ ހަވާލުވި ކަމަށް ބުނާ ގަޑި އާއި ތާރީހު ލިޔުމަށްފަހު ދެ ފަހަރެއްގެ މަތިން ތާރީހާއި ގަޑިއަށް ބަދަލު ގެނެސްފައިވާތީ އެވެ. އެގޮތަށް ތާރީހާއި ގަޑިއަށް ބަދަލު ގެނައި ސަބަބެއް އެނގެން ނެތުމުން އެއީ ހަގީގަތުގައި ވެސް ދައުވާލިބުނު މީހާގެ ޖީބުން ފެނުނު މަސްތުވާތަކެތި ކަމާ މެދު ސުވާލު އުފެދޭ ކަމަށް ހުކުމުގައިވެ އެވެ.

ހުކުމުގައިވާ ގޮތުން ޗެއިންގައި ޝައްކު ކުރެވޭ ކަމެއް އޮވެއްޖެނަމަ، ދައުވާލިބޭ މީހާއާ މަސްތުވާތަކެއްޗާ ނުގުޅުވޭނެ ކަމަށް ހައިކޯޓުން ކުރިން ނިންމާފައިވެ އެވެ. އަދި މި މައްސަލާގައި ޗެއިންއާ މެދު އުފެދުނު ޝައްކު ފިލުވާލެވޭނެ ހެއްކެއް ދައުލަތަށް ނުދެއްކޭތީ ކުށް ސާބިތުނުވާ ކަމަށް ހުކުމްކުރީ ކަމަށް ގާޒީ ހުސައިން ފާއިޒް ރަޝާދު އިއްވެވި އެ ހުކުމުގައިވެ އެވެ.

ކްރިމިނަލް ކޯޓުން މިދިޔަ ހަފުތާގައި ވެސް ވަނީ މިފަދަ މައްސަލައެއްގައި ޗެއިންގައި މައްސަލަ ދިމާވުމުން ކުށް ސާބިތުނުވާ ކަމަށް ހުކުމްކޮށްފަ އެވެ. އެއީ އަރައިގެން ހުރި ބޫޓު ތެރެއިން ބައި ކިލޯ ޑްރަގް ފެނުނު ކަމަށް ބުނާ މައްސަލަ އެކެވެ.

ކުށްކުރުން ފުލުހުން ކްރިމިނަލް ކޯޓް މަސްތުވާތަކެތި މަސްތުވާތަކެތީގެ ގާނޫނު

19 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންޗޭނު

28 September 2022

ކުށްވެރިންގެ ފޮޓޯ އާއްމުކުރުމަށްވުރެ ތިޔަ ޗެއިނަށް ފަރުވާ ނުބަހައްޓައިގެން ކުށްވެރިން ދޫވާން މެދުވެރިވި ހުރިހާ ފުލުހުންނާ ޕީޖީ މީހުންގެ ފޮޓޯ އާއްމުކުރުން މިހާރު މާ މުހިއްމުވެއްޖެ. އެއް ހަބަރެއްގަ އޮތް ޕީޖީން ޗޭނު ނުފޮނުވައިގެން ފަނޑިޔާރު ގޮތްހުސްވެގެން މީހަކު ދޫކޮށްލަންޖެހުނު ވާހަކަ. އެހެންވީމަ ޕީޖީމީހުންވެސް އެބަ ޒިންމާވާންޖެހޭ ތިޔަ ކަމަކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުންކިރު

28 September 2022

ބަލަ ތިޔަ ޗެއިންއެއް އުވާލާފައި މަސްތުވާތަކެތި ނަގާ މީހާ ސީދާ ލެބަށް އެ ތަކެތި ގެންދާނެ ގޮތަކަށް ތިޔަތަން ބައްޓަން ކުރަންވެއްޖެ ނޫންތޯ. އޭރުން ތިޔަ ކިޔާ ޗެއިން އެއް ނޯންނާނެތާ. އަބަދުވެސް އޮންނާނީ އެތަކެތި ނަގާ މީހާ އާއި ލެބުން އެއާއި ހަވާލުވާ މީހާތާ. ދެން އިތުރަށް ދައްކާނެ ވާހަކައެއް ނޯންނާނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މހލދބ

27 September 2022

ތި ޗޭން އޮޅުވާލި ފުލުހުން ކޮބާ ތޯ ؟؟ ހަމަ ހެވިފަ، ޤައުމީ ހިދުމަތުގަ ކުރިއަށް ދޯ. އަވަހަށް ފުލުހުންގެ ފްލެޓްތައް ނިންމާފަ ހަވާލުކުރަންވީ. އިނާޔަތްތައް ވެސް ބޮޑުކުރަން. މުޅި އާއިލާއަށް ދުނިޔޭގެ ކޮންމެ ހިސާބަކުންވެސް ވީއައިޕީ ހިދުމަތް ލިބޭނެގޮތް ވެސް ހަމަޖައްސާލަދޭންވީ … މި ފެންވަރުގަ ޤައުމަށް ހިދުމަތްކޮށްދޭ ބަޔަކަށް އެންމެ ފުރިހަމަ ހިދުމަތްތަކާއި އެންމެ ރަގަޅު މުސާރަ ލިބެންވާނެ. ޝުކުރިއްޔާ ޕްރޮޓެކްޓް އެންޑް ސާރވް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

27 September 2022

ވަރުގަދަ ޗެއިނެއްތާ. މިއީ ގަސްތުގައި ކުރާ ކަމެއްތޯ ސުވާލު އުފެދޭ ހިސާބަށް ހިނގައްޖެ. ޗެއިިނުގައި މައްސަލައެއް ހުއްޓަސް ޓެސްޓުކުރެވުނީ ޖީބުން ފެނުނު މަސްތުވާތަކެތިކަން ކަށަވަރުވަންޏާ ޗެއިން އޮފް ކަސްޓަޑީ ޤަބޫލުކުރަންޖެހޭ. ޗެއިން އޮފް ކަސްޓަޑީގައި އަބަދު މައްސަލަޖެހުމަކީ ޑްރަގް ލޯޑުންގެ ނުފޫޒު ފުލުހުންްގެ މައްޗަށް އޮތްވަރު ހާމަވާ ކަމެއްގެ ގޮތުގައި މާނަކުރުމުގެ ފުރުސަތު އެބައޮތް. އެެހެންނޫންނަމަ މިިހާރު މިކަން ރަނގަޅުކޔރެވުނީސްދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިސަނު

27 September 2022

އަޅެ މަ ބުނީމެއްނުން. ތިޔަ ކޮނމެ ޑުރަގު ގުރޫޕަކަށް ނިސްބަތްވާ މީހަކު ހުރެޔޭ ނޫ ޔުނީފޯމުގެ ތެރޭގަ. ޑުރަގު އަތުލަނީ ކުއްވެރި ކުރާކަށް ނޫން. އެއީ ބައި އެޅި ގޮތާމެދު ހިތްހަމަ ނުޖެހުނީމަ ކުރާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީހަމީދު

27 September 2022

ކޯޓުގަކުގަވެސް އޭގެ މީހުން ތިބޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑަމް

27 September 2022

ޑުރަގުހުއްޓުވަން ޤާނޫނުވެސް އިސްލާޙުކުރަންޖެހޭ,މީހާގެހަށިގަނޑުން, ހަށިގަނޑާގުޅިފައިވާ,އެއްޗަކުން,ހެދުން ބެލްޓު ބޫޓުމިއިންތަނަކުންޑުރަގުފެނިއްޖެނަމަ އެއީއެމީހާގެއެއްޗެއްކަމައްބެލެވޭގޮތައްޤާނޫނުބަދަލުކުރަންޖެހޭ,މިކަމަކައް,ޗޭނެއް,އިޖުރާއަތެއްބޭނުމެއްނުވޭ,ކޯޓުއަމުރެއްހޯދައިގެންފާސްކުރަންއުޅުމުންއެމީހާެނައްތާލަފާނެކަމައްސައްކުކުރެވޭނަމައެވަގުތަކުފެންނަޢާއްމުންގެދެމީހުންނުވަތަ,ހަތަރުމީހުންގެހާޒިރުގަފާސްކުރުނދަތުރުކުރާމީހެއްގެފޮށިތަންމަތިންފެނިގެންނޭގެއޭމީހަކުދިންއެއްޗެކޭބުނާނަނަމައެދިންމީހާ,ނުދެއްކުނުނަމަލަގެޖުގެވެރިމީހާޒިންމާވާންޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބައިތަ މައްސަލައަކީ؟؟

27 September 2022

ފުލުހުންނައް ނޭގެނީތަ ކަންކަން ކުރަންވީގޮތް؟ މުސާރަ ބޮޑުކޮއްފަ ޓްރެއިން ކުރަންވީނު ކޮންމެ ފުލުހަކު ކުރިޔައް އޮތް 15 އަހަރު ދުވަހު! އޭރުން ރިޓަޔަރ ކުރަންވާއިރައް އެއްފަހަރު ނަމަވެސް ކަންކަން ކުރަންވާގޮތައް އެންމެކަމެއް ނަމަވެސް ކުރެވޭނެނު، ބައެއް ފުލުހުންނައް!! ކިތަންމެވަރައް ޓްރެއިން ކުރިޔަސް ދަސްނުވާނެކަން ޔަގީން، ތިތާތިބި ގިނަ މީހުންނަކައް، އެކަމަކު އެކަކު ދެމީހަކު ކުޑަދުވަސްކޮޅަކައް ނަމަވެސް ހޭޖެހޭތޯ ބަލަން ވެއްޖެނު! ގައުމު ހަލާކުނުކޮއްބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

27 September 2022

މައްސައަކީ ކޮބައިތޯ؟ މައްސަލައަކީ ތަޢުލީމެއްނެތް މީހުން ފުލުހުންގެ ތެރޭގައި ގިނަވުން. އެފަދަ މީހުންނަށް ހަމައެކަނި ދަސްވެފައި އޮންނާނީ އަތް އިސްކުރުން. "ތައުލީމު ނެތަމަ ތާކު ޒަމާނާއެކުވެގެން. ތަންދާނެޔެ ބުއްދީގެ މަގުން އެއްކިބާވެގެން." ބުއްދިއޭ މިކިޔަނީ ބޮލުތެރޭގައި ސިކުނޑި އޮންނާތީ އެކަނި ނޫން. ބުއްދިއޭ ކިޔަނީ އެ ސިކުނޑިއަށް ވިސްނުމުގެ ގާބިލިއްޔަތު ލިބިފައި އޮންނަ އޮތުމުގެ މައްޗަށް. އެއިރުން އެބުއްދިއަށް ކަންހިނގާނެ ހިނގާފާނެ ކަންކަން ވިސްނޭނީ.