ޚަބަރު / ރައީސް އިބްރާހިމް މުހައްމަދު ސޯލިހް

ޓޫރިޒަމްގައި ދިވެހިން އުފެއްދީ ދުނިޔެއަށް އާ ކޮންސެޕްޓެއް، އެކަން ދަމަހައްޓަންޖެހޭ: ރައީސް

ުމިރޭގެ ޖަލްސާގައި ރައީސް ވާހަކަ ދައްކަވަނީ: ރާއްޖެއިން ފެށި ޓޫރިޒަމްގެ ކޮންސެޕްޓް އޭރު ދުނިޔޭގައި ނެތް ކަމަށާއި މިއީ އެންމެ މަގްބޫލު އެއް ކޮންސެޕްޓް ކަމަށް ރައީސް ވިދާޅުވި --- ފޮޓޯ/ރައީސް އޮފީސް

މުއިއްޒު އިބްރާހިމް، މިހާރު

30 ސެޕްޓެމްބަރ 2022 - 00:09

13 comments

ޓޫރިޒަމްގައި ރާއްޖެއިން ގެންގުޅޭ "ވަން އައިލެންޑް، ވަން ރިސޯޓް" ކޮންސެޕްޓަކީ ދިވެހިން އުފެއްދި އަދި ދުނިޔެއަށް ވެސް އާ ކޮންސެޕްޓެއް ކަމަށާއި އެ ކޮންސެޕްޓް ދަމަހައްޓަންޖެހޭ ކަމަށް ރައީސް އިބްރާހިމް މުހައްމަދު ސޯލިހް މިރޭ ވިދާޅުވެއްޖެ އެވެ.

ރާއްޖޭގެ ޓޫރިޒަމަށް 50 އަހަރު ފުރުން ފާހަގަކުރަން މިރޭ ބޭއްވި ރަސްމިއްޔާތުގައި ރައީސް ވިދާޅުވި ގޮތުގައި ރާއްޖެއާ މެދު ޓޫރިސްޓުން ގަޔާވާ ސިފައަކީ މެހެމާންދާރީ އާއި ރާއްޖޭގެ އަމާންކަމެވެ. ޓޫރިޒަމްގައި އެކަން ދެމެހެއްޓޭނީ "ވަން އައިލެންޑް، ވަން ރިސޯޓް" ކޮންސެޕްޓް ދަމަހައްޓައިގެން ކަމަށް ވެސް ރައީސް ވިދާޅުވި އެވެ.

"މި ސިފަތައް ދިވެހި ފަތުރުވެރިކަމުގައި ދެމެހެއްޓޭނީ އަޅުގަނޑުމެން މި ގެންގުޅޭ ވަން އައިލެންޑް، ވަން ރިސޯޓް ކޮންސެޕްޓް އެގޮތުގައި ދަމަހައްޓައިގެން. އެ ކޮންސެޕްޓާއެކު، ފަތުރުވެރިންނަށް ދޭ ހިދުމަތުގެ ފެންވަރު ރަނގަޅުކުރުމަށް އަބަދުވެސް މަސައްކަތް ކުރަންޖެހޭ." ރައީސް ވިދާޅުވި އެވެ.

ރައީސް ވިދާޅުވި ގޮތުގައި އެ ކޮންސެޕްޓަކީ ދިވެހިން އަމިއްލައަށް ގެނެސް، އުފަންކުރި ކޮންސެޕްޓެކެވެ.

"ރާއްޖޭގައި ފަތުރުވެރިކަން ތަރައްގީވުމުގެ ކުރިން، ދިވެހިންގެ މި ކޮންސެޕްޓް ފަތުރުވެރިކަމުގެ ޚިދުމަތްދޭ އެހެން އެއްވެސް ގައުމެއް ދުނިޔެއަކު ނެތް." ރައީސް ވިދާޅުވި އެވެ.

ޓޫރިޒަމް ދާއިރާއަށް ޚިދުމަތް ކުރެއްވި ކްރައުން ކުންފުނީގެ ހިއްސާދާރު ނަޒީރުއަށް އެވޯޑް ހަވާލުކޮށްދެއްވަނީ --- ފޮޓޯ/ރައީސް އޮފީސް

ޓޫރިޒަމްގައި ރާއްޖެއަކީ ނަން މަޝްހޫރު ބްރޭންޑަކަށް ވެފައި ވިޔަސް، އެ މަޝްހޫރު ކަމަކީ ކާމިޔާބެއް ކަމުގައި ދެކިގެން އަބަދު ނުތިބެވޭނެ ކަމަށެވެ. އަދި ވާދަވެރި މާހައުލުގައި ބްރޭންޑް ދެމެހެއްޓުމަށް ގިނަ މަސައްކަތްތަކެއް ކުރަންޖެހޭ ކަމަށް ރައީސް ވިދާޅުވި އެވެ.

ރައީސް ވިދާޅުވީ އޭރު ޓޫރިޒަމް ފެށިގެން ދިޔައިރު ރާއްޖޭގެ އެކަށީގެންވާ ވަސީލަތްތަކެއް ނެތަސް، ވާދަވެރި މާކެޓެއްގައި ރާއްޖެއިން ކާމިޔާބު ހޯދީ ރިސޯޓްތަކުގެ ވެރިންނާއި ސަފާރީތަކާއި ޓުއާ އޮޕަރޭޓަރުންނާއި ޓޫރިޒަމް ދާއިރާގެ އެތައް މުވައްޒަފުންނެއްގެ މަސައްކަތުން ކަމަށެވެ.

"ފަތުރުވެރިކަމަކީ ދިވެހިންގެ ޝަރަފެއް ކަމުގައި ވެގެން ދިޔައީ އެތައް ހާސް ދިވެހިންނެއްގެ ބުރަ މަސައްކަތުން. އެތައް ބަޔަކު ރެޔާއި ދުވާލު އެތައް ދަލެއް އޮހޮރުވައިގެން ވެފައިވާ މަތިވެރި ގުރުބާނީގެ ސަބަބުން." ރައީސް ވިދާޅުވި އެވެ.

ރައީސް ވިދާޅުވި ގޮތުގައި ޓޫރިޒަމް ދެމެހެއްޓުމަށްޓަކައި ރާއްޖޭގެ ގުދުރަތީ މުއްސަނދިކަމާއި ތިމާވެށްޓަށް ވެސް ސަމާލުކަން ދޭންޖެހެ އެވެ. އެއީ ޓޫރިޒަމް ދާއިރާގެ ޒިންމާއެއް އެކަނި ކަމުގައި ނުދެކި، އާންމު ރައްޔިތުން ވެސް އެކަމުގައި ބައިވެރިވާން ޖެހޭ ކަމަށް އެމަނިކުފާނު ވިދާޅުވި އެވެ.

މިރޭގެ ރަސްމިއްޔާތުގައި ޓޫރިޒަމް ފެށުމުގައި އެންމެ މުހިންމު ރޯލު އަދާކުރެއްވި އިސް ބޭފުޅުންގެ އަގު ވަޒަންކޮށް، އެވޯޑް އަރުވާފައިވެ އެވެ.

ޓޫރިސްޓުން ޓޫރިޒަމް ރިސޯޓްތައް ޓޫރިޒަމް ޕްރޮމޯޝަން ރައީސް އިބްރާހިމް މުހައްމަދު ސޯލިހް ޓޫރިޒަމަށް 50 އަހަރު ފުރުމުގެ ހަރަކާތްތައް

13 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

20000

07 October 2022

އެމްޑީޕީ އަކީ ދިވެހިރާއްޖޭގެ ފަތުރު ވެރިކަން ހަލާކު ކުރިބައެއް. ރައީސްގެ ވާހަކައިގާ އެކަމަށް މަޢާފަށް އެދުނު ނަމަ ވަރަށް ރީތިވީސް. އެމްޑީޕީއަށް ވެރިކަމުން ދުރަށް ދާ ކޮންމެ ފަހަރަކު ރާއްޖެ ބަޑަށް ޖެއްސުމުގެ ސަގާފަތެއް ގެންގުޅޭ އެކަން ބޭރުމީހުން ބަލައި ނުގަންނަނީ. އަސްލު އެމްޑީ ޕީ އަކީ ހުރިހާ އޭންގަލަކުން ވިސްނިޔަސް ވަރަށް ނިޔަތް ނުބައި ބައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާސްމިން އާމިން

01 October 2022

ޓޫރިޒަމް އަކީ އަރަބި ވިސްނުމެއްނޫން! މި ގައުމުގަ ކޮއްގެން ނުވާނެ ތިކަމެއް! ލާހައުލަވަލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަައޯލްވޭސް

01 October 2022

އާ ކޮންސެޕްޓް އަކީ ފަޅު ހިއްކާ ގުދުރަތީ ރީތި ވެށި ހަލާކު ކުރުން. ހިއްކާގެން ހަދާ ރިސޯޓް ތައް ބޮއިކޮޓް ކުރަން ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

30 September 2022

ޓޫރިޒަމަށް އުފެއްދި ކޮންސެޕްޓަކީ 99 އަހަރަށް ރަށްތައް މިލްކުކުރުން، އެ ރަށްތަކަކީ ވާރުތަ މުދަލަށް ހެދުން، ޑޮލަރަށް ސަލާންޖަހާ ވަރުކުރުން، ދައުލަތުން ފެށި ޓޫރިޒަމް ވިޔަފާރި ފުނޑާލުން، ރަށްތައް ހެދުމުގެ ނަމުގައި ޑިއުޓީފްރީކޮށް އެތައް މުދަލެއް ގެނެސް ބޮޑެތި ހޯލްސޭލް ރީޓެއިލް ވިޔަފާރިކުރުން، ދޮން މީހުންނަށް ސީނިއަރ މަގާމްތައް ދީ، ދިވެހިންނަށް މޮޕާއި ފިހިގަނޑު، ވަޒީފާގެ ޤާނޫނަށް ބެލުމެއްނެތި އޯޓީ ނުދީ މަސައްކަތްކުރުވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމާރުލްގައުމު

30 September 2022

ޓުއަރިޒަމޭ ކިޔައިގެން ކަލޭ ލަދެއް ނުގަނޭތަ އަނގަ ހުޅުވަން. އިދިކޮޅުގަ ތިބޭ ކޮންމެ ފަހަރަކު މިތަން ބޮއިކޮޓް ކުރަން ގޮވާލާ ނުވިތާކަށް ފެއާތަކުގެ ރާއްޖޭގަ ސްޓޯލަށް ލީފްލެޓް އަޅަމުން ދުވާ ބައިގަނޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހާވިރާ

30 September 2022

ބަރެސްދޫއަކީ ނަމޫނާއެއްދޯ.. މި މީހުންނަށް ތަންތަނަށް އަރާ އަގަހުޅުވުނީމަ ހީވަނީ ލައްކައެކޭ. ކުރާ ކަމަކާ ކިޔާ އެއްޗަކާ ދިމާވަނީކީ ނޫން. ރަށު ގެސްޓްހައުސް އާއި ހޯމް ސްޓޭއާއި އަދި އިންޓަގްރޭޓެޑް މިވެސް ހަމަ ވަން އައިލެންޑް ވަން ރިސޯޓްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަދު

30 September 2022

ޔޭސް. އެކޮންސެޕްޓުގައި ދިވެހިން ޑޮލަރަށް ސަލާން ޖަހަން. ހުރިހާ ރަނގަޅު ވަޒީފާ ބޭރު މީހުންނަށް. 20 ދިވެހިން ދުނިޔޭގެ އެންމެ މުއްސަދިންގެ ގޮތުގައި. ކޮންސެޕްޓް ބަދަލު ވާކަށްވެސް ނެތް. ހުރިހާ ރަށް 100 އަހަރަށް ބޭރު މީހުންނަށް ކުއްޔައްދެވިފައި. އެއްވެސް ގޮތަކަށް ފަޚުރު ވެރިވާ ފަދަ ކޮންސެޕްޓެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފު ބިން ރަފައިދާ

30 September 2022

އެއީ ދިވެހިން އުފެއްދިގޮތެއްނޫން. އެއީ ގުދުރަތުން އޮތްގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

30 September 2022

ފަތުރުވެރިކަމުގަ އުފެއްދުންތެރި އެއްވެސް ދިވެހި ސިކުނޑިއަކަށް ރާއްޖޭގެ މަހުޖަނުން ފުރުސަތެއް ނުދިން! ނަތީޖާއަކީ ނަންހިނގާ އެއްވެސް ދިވެހި ބްރޭންޑެއް އަދި ކޮންސެޕްޓެއްވެސް އުފެދިފަ ނެތުން! އަސްލު މާނަ ނޭނގި ނަމަވެސް ރައީސް އެ ކިޔަނީ ކޮލި މޮހަދޭ ބުނި އެއްޗެއްގެ ވާހަކަ! އެއީ ކްރޮސްރޯޑް ފަދަ ބިޔަ އިންވެސްޓްމެންޓްތައް ރާއްޖެ ނުގެންނާނޭށޭ، ތިމަންނާމެންގެ މޮނޮޕޮލީގަ ޓްއަރިޒަމް ބާއްވާށޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފ‫ަޒޫގެވޮލީކުޅޭއިބޫ

30 September 2022

ވ‫ަރަށްވުރެން އަންހެންމީހާގެ ނުފޫޒު ގަދަވީމަ ދެން ޓޫއައިލެންޑް ކޮންސެޕްޓެއް ނުހެދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

30 September 2022

ތިބުނީ ރަނގަޅަށް. ޕަޔޮނިއަރުން 30 އަހަރުވަންދެން އުޅުނީ އެއްވެސް ޓެކްސްއެއް ނުދައްކާ. މައުމޫނު ފަކީރު ނިމިގެން ދިޔައީ އެހާލުގައި. އޭރު ރާއްޖޭގެ އެޅި ސްކޫލެއް ، ސޯޝަލް ސެންޓަރެން ވިޔަސް އަޅަނީ ބޭރު ކޮންމެވެސް ގައުމަކުން އެހީދީގެން. ޓެކްސް ނަގަންފެށީމަ އެހާ ދެކޮޅު ހެދި ...