ގޭޓްވޭ އިންޓަނޭޝަނަލް ސްކޫލް: ހުޅުމާލޭގައި އެ ސްކޫލު ހިންގަނީ ރަނގަޅަށް ކަމަށް އޭސީސީން ވަނީ ނިންމާފައި-- ފޮޓޯ: ގޭޓްވޭ އިންޓަނޭޝަނަލް ސްކޫލް
11 ޖެނުއަރީ 2017 - 10:28
19 comments
ހުޅުމާލޭގެ ފަރީދިއްޔާ ސްކޫލުގެ ބިމުގައި ސްކޫލެއް ހިންގުމަށް ކޮލިޓޭޓް އެޑިއުކޭޝަނާ ހަވާލުކުރުމުގައި ކޮރަޕްޝަނަށް މަގުފަހިވާ ކަމެއް ނެތް ކަމަށް ބަލައި، އެންޓި ކޮރަޕްޝަން ކޮމިޝަނުން އެ މައްސަލަ ނިންމައިފި އެވެ.
ގޭޓްވޭ އިންޓަނޭޝަނަލް ސްކޫލް ހިންގުމަށް، އެޑިއުކޭޝަން މިނިސްޓްރީން ފަރީދިއްޔާ ސްކޫލުގެ ބިން ކޮލިޓޭޓްއާ ހަވާލު ކުރީ މިދިޔަ ނޮވެމްބަރު މަހުގެ ތެރޭގަ އެވެ. އޭރު ވެސް އޭސީސީން ދިޔައީ އެ މައްސަލަ ބަލަމުންނެވެ.
އެކަމަކު އެކަމުގެ މަޝްރޫއުގެ އެއްބަސްވުމުގައި ސޮއި ކުރުމާއެކު އޭސީސީން ވަނީ އެކަން ކުރީ އެ ބިމުގައި ސްކޫލެއް ހިންގާނެ ބަޔަކު ހޯދަން އަލުން ބިޑް ކުރަން ލަފާ ދީފައިވަނިކޮށް ކަމަށް ބުނެފަ އެވެ.
ކުރިން އެ ބިމުގައި ހިންގި ލާލޭ ޔޫތު އިންޓަނޭޝަނަލް ސްކޫލަށް ދީފައިވާ މުއްދަތު ހަމަވުމުން އެ ސްކޫލު އަލުން ހިންގާނެ ބަޔަކު ހޯދަން އިއުލާން ކުރުމާ އެކު، ޖެހުނު މައްސަލަތަކެއްގެ ތެރޭގައި މި މައްސަލަ އޭސީސީން ބެލުމަށް ފަހު އެޑިއުކޭޝަން މިނިސްޓްރީ އަށް ދީފައިވާ ލަފާގައި މައިގަނޑު ނުވަ ކަމެއް ވަނީ ފާހަގަކޮށްފަ އެވެ.
އެ ކޮމިޝަންގެ ނައިބު ރައީސް މުއައްވިޒު ރަޝީދު ވިދާޅުވީ އޭސީސީގެ ލަފައާ ހިލާފަށް ކޮލިޓޭޓާ ބިން ހަވާލުކުރުމުން އެކަން ކުރި ސަބަބު ބަޔާން ކުރުމަށް އެޑިއުކޭޝަން މިނިސްޓްރީ އަށް އެންގި ކަމަށެވެ. އަދި ފަހުން މިނިސްޓްރީން އެ ސަބަބުތައް ބަޔާން ކުރުމުން، އެ އަށް ބަލައި އެއީ އެންމެ ރަނގަޅު ނިންމުމެއް ކަމަށް ކަނޑައަޅާފައިވާ ކަމަށް އޭނާ ވިދާޅުވި އެވެ.
"އެ ސަބަބުތަކުގެ ތެރޭގައި ހުރި އަޅުގަނޑުމެންނަށް ލިބިފައިވާ މައުލޫމާތުތައް ރަނގަޅު ނޫން ކަމަށް ބަޔާންކޮށް އެކަންތައްތައް ސާފުކޮށްދީފައި. އެހެންވެ، ފަހުން އެ ކަންތައްތަކަށް ބަލައި އަޅުގަނޑުމެން ނިންމީ އެކަމުގައި ކޮރަޕްޝަން ނެތް ކަމަށް،" މުއައްވިޒު ވިދާޅުވި އެވެ.
"އެކަމަކު މި ފަދަ ޕްރޮސެސްތައް ކުރިއަށް ގެންދިޔުމުގައި އިތުރަށް ބަލަން ޖެހޭނެ ކަންކަން ފާހަގަކޮށް، އިތުރު ލަފާތަކެއް އަޅުގަނޑުމެން ދިނިން،"
ސްރީލަންކާގެ ގޭޓްވޭ ކޮލެޖާ ގުޅިގެން ކޮލިޓޭޓުން މިހާރު އަންނަނީ ގޭޓްވޭ އިންޓަނޭޝަނަލް ސްކޫލުގެ ނަމުގައި ހުޅުމާލޭގައި ސްކޫލެއް ހިންގަމުންނެވެ. ދިރާސީ އާ އަހަރާއެކު ފެށި އެ ސްކޫލުގައި 800 އަށް ވުރެ ގިނަ ދަރިވަރުން ކިޔަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮހޮ
15 January 2017
މިހާރު މެންދުރު 12:00، މިއީ ރޭގަނޑު ކަމާމެދު އެއްވެސް ޝައްކެއް ނެތް. ރައްޔިތުންނަށް ހަރާމްކޯރު.
2ކޭ3
11 January 2017
ލުތުފީ އަށް މިސަރުކާރުގެ ކޮރަޕްޝަން އެއް ނުހޯދޭ.....
ނަޒޭހަތްތަރި.
11 January 2017
މިގަމުގައި އެންޓިކަރެޕްޝަން ކޮމިޝަނެއް ހުރޭތަ؟ ހުންނަނީ ކަރެޕްޝަން ކޮމިޝަނެއް.
ހާލަތު
11 January 2017
އޭސީސީގެ ޒިންމާއަކީ ސަރުކާރުން ހިންގާ މިބާވަތުގެ ހުރިހާކަމެއް ސައްހާ ކުރުންތޯ؟ ދުވާލުގެ އަލިކަން ފެނި އިރުގެ ހޫނުކަން އިހްސާސްވަމުންދަނިކޮށްވެސް ރޭގަނޑުކަމަށް ނިންމަށް ވަނީ މަޖުބޫރުވެފައެވެ. އެހެންނޫނީ މަގާމުން ބޭރު ކުރުމެވެ. ގައުމުން ބޭރުވުމެވެ. ހުރަގެއަށް ދިއުމެވެ.
މައެން
11 January 2017
މިގައުމުގައިވެސް ނެތް އެއްޗެއް ތިޔަބުނާ ކަރެޕްޝަނަކީ އެހެންވީމާ އެސްކޫލްދިނުމުގައިވެސް ނޯންނާނެނޫންތޯ މިގައުމުގައި އެންޓި ކަރެޕްޝަނާބެހޭ އޮފީހެއްވެސް ހުރެގެންނުވާނެ
ހަމަދު
11 January 2017
އޭސީސީން ޖަހާމަޅި ވަރަށް މޮޅުވާނެ..ފުރަތަމަ ސަރުކާރުގެ ކޮރަޕްޝަންގެ ކަމެއް ރައްޔިތުންގެ ތެރޭގައި ބާރަށް ދައްކަން ފެށީމަ ސިޓީ ފޮުނުވައިގެން ހުއްޓުވާނެ..ދެން އެކަންތައް ދެން ރައްޔިތުން ހަދާން ނެތޭހާ ދުވަސްވީމަ އެމައްސަލައިގައި ކޮރަޕްޝަނެއް ނެތްކަމަށް ބުނެ އެކަންކަން ނިންމާލާނެ..މިސަރުކާރުގެ މިހާތަނަށް ރައްޔިތުން ކަންބޮޑުވި ކަމެެއް އޭސީސީން ކޮރަޕްޝަން އޮތޭ ކިޔާ އެއްވެސް ރިޕޯޓެއް ނެރުނުތޯ..ކަނޑައެޅިގެން އިނގޭކަމަކީ ކޮންމެކަމެއް މިނިމެނީ ސަރުކާރުކޮޅަށޭ..ދައުލަތުން ލާރި މަދުވޭ..އެކަންކަން ފޫބައްދަން ރައްޔިތުންގެ އަތުން އެކިނަންނަމުގައި އެކި މުއައްސަސާތަކުން ފައިސާ އެބަނަގަޔޭ..އޭސީސީގެ މެންބަރުންވެސް ހަމަޖެހިލައިގެން ވަޒީފާއި އެބައުޅެޔޭ...
ދޯނި
11 January 2017
ތި ސްކޫލް އެހެން ބަޔަކާއި ހަވާލުކުރުމުގައި މައްސަލަތަކެއް ހުރިކަމަކަށް ފާހައެއް ނުކުރެވޭ. މައްސަލައަކަށް ވެގެން އުޅުނީ މިހާރު ތިތަން ހިންގާމީހުންނާމެދު އޭރު ތި ސްކޫލް ހިންގި ހިތުގައި އޮތް ހަސަދައެއްގެ ބޮޑުކަމުން! ބަލަ ބިޑް ކުރުމެއްނެތި ދެތިން ފަހަރު ކުރިން ހިންގި މީހުންނަށް މުއްދަތު އިތުރުކޮށްދިން އިރު އޭރު ކޮރަޕްޝަންނަކަށްނުވޭ. އަދި މުއްދަތު އިތުރުނުކޮށް އެމީހުން ހިންގި އެއްމަސްދުވަހު ވި ފައިދާ ކޮރަޕްޝަނަކަށް ނުވޭ. މިހާރު މިގައުމުގައި ގާނޫނަކީ އަދި ކޮރަޕްޝަނަކީ ކޯޗެއްކަން އަދުލު އިންސާފަކީ ކޯޗެއްކަން ނެއެނގޭ އެއްވެސްބަޔަކު ތިބެގެން ނުވާނެއެވެ. ކޮރަޕްޝަނަކީ އެމީހާ ކަނޑައަޅާ އެއްޗެއް. އަދުލު އިންސާފަކީ އެމީހާގެ ބަސް. ގާނޫނަކީ އެމީހާ އެދޭހާގޮތް. އެހެންކަމުން ކޮންމެ މީހަކު އެހެންބަޔެކޭ އެއްޗެކޭ ބުނާއިރު ދެކޮޅު ބަލާފައި ވާހަކަ ދެއްކުން ބުއްދިވެރި!
ކޮލަމާ
11 January 2017
އޭރުވެސް ކަރަޕްޝަނަށް މަގުފަހިވާގޮތަށޭ އަދި މިހާރުވެސް މަގުފަހިވާގޮތަށޭ ބުނެފިއްޔާ ދެން ކޮންޖަވާބެއްތޯ އަންނާނީ. ބަޔަކު ގޯސްކަން ކަންކުރީމަ އެކަން ދިފާޢުކުރުމަކީ ވަރަށް ދެރަ ހަމަ އެހާމެ ހުތުރު ކަމެއް. އެމީހުން ގެ ކަންކަން ކޮރަޕްޝަނަށް މަގުފަހިވުމަކީ ދެން އޮތް ފަރާތަށް ނިސްބަތްވިކަންތައް ސާފުވާންވީ ސަބަބެއްނޫން. ދެކަމުގައިވެސް މަގުފަހިވާގޮތަށް އޮތިއްޔާ ދެކަންވެސް ފެތޭނީ ހަމަ އެއް ބަޔަކަށް.
ޖައުފަރު އިބްރާހީމް
11 January 2017
މި މީހުން ބިރު ނުގަންނަކަން
މީމުހާ
11 January 2017
މިސަރުކާރުގެ އެއްވެސް މުއައްސަސާއަކުން ހިންގާ އެއްވެސް ހަރަކާތެއްގައި ކޮރަޕްޝަނެއް ނޯންނާނެ ކަމަށް އޭސީސީ އިން ނިންމަންވީނުން!!!
އަހައްމާ
11 January 2017
ކޮންމެވެސް ބޭފުޅަކު އޭސީސީ ކައިރިން އައްސަވަންވީ ނޫންތޯ، މިސަރުކާރުން އެއްވެސްކަމެއް ކޮރަޕްޝަން ހިމެނޭގޮތަށް އެއްވެސް ޙާލަތެއްގައި ކޮށްފިޔޭ ވިދާޅުވުމުގެ ކުޅަދާނަކަން އެބޭފުޅުންނަށް ލިބިގެންވޭތޯ..