އަލިފާނުގެ ހާދިސާ: ހާލުގައި ޖެހުނު މީހުންނަށް އެހީވާން މިހާތަނަށް 90،000 އަށް ވުރެ ރުފިޔާ ހޭދަކޮށްފި

އަލިފާނުގެ ހާދިސާ ހިނގި ސަރަހައްދުގައި ސިފައިން ހަރަކާތްތެރިވަނީ: ހާލުގައި ޖެހުނު މީހުންނަށް އެހީވާން މިހާތަނަށް 90،000 އަށް ވުރެ ގިނަ ރުފިޔާ ވަނީ ހަރަދުކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

10 ނޮވެމްބަރ 2022 - 18:21

10 comments

ރޭ މާލޭގައި ހިނގި އަލިފާނުގެ ހާދިސާއާ ގުޅިގެން ހާލުގައި ޖެހުނު މީހުންނަށް އެހީވުމަށް މިހާތަނަށް 90،000 އަށް ވުރެ ގިނަ ރުފިޔާ ހޭދަކޮށްފައިވާ ކަމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.

ރޭ މ. ސެންޑްރޯސްގެ އާއި ޖެހިގެން ހުރި ނިރުފެހިގޭގައި ހިނގި އަލިފާނުގެ ހާދިސާގައި 10 މީހަކު މަރުވެ، އެތައް ބަޔަކު ވަނީ ހާލުގައި ޖެހިފަ އެވެ. އެ ދެ ގެ އާއި އެ ސަރަހައްދުގައި ހުރި އެހެން ގެތަކުގައި އުޅުނު މީހުން ވަގުތީ ހިޔާތަކަށް ވަނީ ބަދަލުކޮށްފަ އެވެ.

އެންޑީއެމްއޭއިން ބުނީ އެ ހާދިސާގައި އަލިފާނުގެ އަސަރުކޮށްގެން ހަ ގެއަކުން 29 މީހުންނަށް ގެސްޓްހައުސްތަކުގައި ވަގުތީ ބޯހިޔާވަހިކަން ފޯރުކޮށްދެމުންދާ ކަމަށާއި އޭގެ ތެރޭގައި ހިމެނެނީ 15 ދިވެހިންނާއި 14 ބިދޭސީން ކަމަށެވެ. އަދި އެ ހާދިސާގައި އިތުރު 19 ބިދޭސީއެއްގެ ބޯހިޔާވަހިކަން ގެއްލިފައި ވަނިކޮށް އެ ފަރާތްތަކުގެ ބަދަލުވެރިން އެ މީހުންނަށް ބޯހިޔާވަހިކަން ހަމަޖައްސަައިދީފައިވާ ކަމަށް ވެސް އެންޑީއެމްއޭ އިން ބުންޏެވެ.

އެންޑީއެމްއޭއިން ބުނީ އެ މީހުން ބޯހިޔާވަހި ކަމަށް 33،500ރ. އާއި އަންނައުނަށް 19،000ރ. އާއި ކެއިންބުއިމަށް 29،000ރ. އިތުރަށް އެހެނިހެން ހަރަދުތަކާ އެކު، 90،000 އަށް ވުރެ ގިނަ ރުފިޔާ މިހާތަނަށް ހަރަދު ކޮށްފައިވާ ކަމަށެވެ. އަދި އެ މީހުންނަށް ނަފްސާނީ ފަރުވާ ދިނުމުގެ މަސައްކަތް ވެސް މިހާރު ކުރަމުންދާ ކަމަށާއި އަދި އެ މީހުންނަށް ބޭނުންވާ އިތުރު އެހީތައް ވެސް ފޯރުކޮށްދޭނެ ކަމަށް އެންޑީއެމްއޭއިން ބުންޏެވެ.

އެ ހާދިސާގައި މަރުވެފައިވަނީ 10 ބިދޭސީންނެވެ. އެތަނަކީ ގިނަ އަދަދެއްގެ ބިދޭސީން ދިރިއުޅޭ އިމާރާތެކެވެ.

އަލިފާނުގެ ހާދިސާ ކާރިސާ ފަޔާ ޕްރިވެންޝަން އެންޑް ޕްރޮޓެކްޝަން ފަޔާ އެންޑް ރެސްކިއު މ. ނިރުފެހިގޭގެ އަލިފާނުގެ ހާދިސާ

10 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެރިކް

11 November 2022

ކޮބައިތޯ އިހައްދުވަހު ޖެހި ސަކަރާތް؟؟؟؟؟. ބޯހިމަނުން!!!!!!!! ތިޔަ ސަކަރާތެއް ޖެހި އިރުގަވެސް އެނގޭނެއެއް ނަޫންތޯ ތިޔަތަނުގައި ތިބި މީހުންްގެ އަދަދާއި އުޅެމުން ދިޔަ ހާލަތުވެސް ؟؟؟؟ އެކަމަށް ފަޔަވަޅެއް ނޭޅުންތާ އެކަހަލަ ތަަންތަނުގެ ހާލަތުވެސް ސަރުކޮރަށް ނޭނގުން؟؟؟؟ ދައުލަތުގެ ބަޖެޓުން ބޮޑުޙަރަދެއްކޮށްފަ ފައިދާކުރީ ވަކިބައެއްގެ ޖީބައް އެކަމުންވެސް!!!!! ނިކަމެތިން އަނދާހުލިވީ؟؟؟؟؟. ދެރަކަމެއްް ކިތަންމެހާވެސް !!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

11 November 2022

ރައްޔަތު މީހާއަށް ޚަރަދެއް ކޮށްފިއްޔާ ނޫސްތަކުގެ ފަލަ ސުރުޚީއަށް އެ ކުރި ޚަރަދުގެ ތަޕްސީލް އަރުވާ ގައުމެއް މި ނޫނީ މަ ނުދެކެން. ހަމަ ތި ބީދައިން އެކި ވަރުވަރުގެ ވެރިންނަށް ދައުލަތުން ކުރައްވާ ޚަރަދު ތަކުގެ ތަފްސީލްވެސް އެ އިދާރާ ތަކުން ނޫސްތަކަށް އަރުވާނަމަ ކިހާ ފުރިހަމަވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

10 November 2022

ބިދޭސީން ބައިތިއްބާ ތަންތަން ހުންނަވީ ގޮތުގެ ގަވާއިދެއް އޮވޭ، ބިލްޑިންގ ކޯޑެއް އޮވޭ، ވަޒީފާއާއި ގުޅިގެން ސްޕޮންސަރ ފޯރުކޮށްދޭންޖެހޭ ހިދުމަތްތަކެއް ހުރޭ، ވިސާ އަދި ކުރެވޭ މަސައްކަތް އިކޮނޮމިކް މިނިސްޓްރީއަށް އިގެންޖެހޭ. ފުރަތަމަ ފިޔަވަޅު އަޅަންވީ މިކަންތައްތައް ނުކޮށް އިހުމާލުވި ދައުލަތުގެ މުވައްޒަފުންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔުބެ

10 November 2022

އަދި މިއުޅެނީ 24 ގަޑިއިރު ނުވެ، އެހާ އަވަހަށް ކަލަ ގޮވަން ފެށީ، ސާބަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

10 November 2022

ސަރުކާރަކީ މާ ދީލަތި ބައެއްކަމަށް ހެދެންތޯ ވިޔައަކުރުތަކެއްގެ ވާހަކަ ދައްކަން ފެށީ..!! ތިއަށްވުރެން ބޮޑަށް އަހަރުމެން ކަންބޮޑުވަނީ ސަރުކާރާއި ކައުންސިލުން އުފުލާންޖެހޭ ޒިންމާތައް ނުއުފުލުމުގެ ސަބަބުން ދިރިހުރި 12 ފުރާނަ ވަކިވެދިއުމުންނާއި އެމީހުންގެ އާއިލާތަކަށް ލިބޭނެ ހިތްދަތިކަމާއި ނިކަމެތިކަމުގެ މައްޗަށް. # ތިޔަ 90 ޙަރަދު ކުރިވާހަކަ ބުނިފަދައިން ކަމާއިގުޅުންހުރި ސަރުކާރުގެ ކިތައް ވަޒީރުން އިސްތިއުފާދީފި ކަންވެސް ބުނެލަންވީ ނޫންތޯ..؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހިވެއްޖެ

10 November 2022

ޒިންމާ އުފުލާކަށް ނުކެރޭނެ. މަގަމުތައް ހަވާލުކުރިމަވެސް ކިޔާނީ އެވެނި މައްސަލައެއް މިވެނި މައްސަލައެއް އެބައޮތޭ. ދުވަހަކު ހައްލު ކުރާނެ ގޮތެއް ޕްލޭނެއް އަމަލީ މުރަލި ޱިންމާދާރު ސިފައެއް ނުފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

10 November 2022

29 މީހުންގެ ކެއުމަށް ދުވާލަކަށް 29،000 ރުފިޔާ؟ 4 އިރު ކަނީ އިހިތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމު މީ

10 November 2022

މިލިއަނުން ހަރަދުކުރަން ޖެހުނަސް އެކަން ކުރަން ޖެހޭނެ. ލަދު ހަޔާތެއް ވެސް ނެތިއްޔޭ މިހާ އަވަހަށް ހާލުގަ ޖެހުނު މީހުންނަށް ހަރަދު ކުރިވަރޭ ކިޔާފަ ހިސާބު ޖަހަށް ފެށީމި. މީ ވެސް މީހުންނަށް ދެއްކުމަށް ކުރާކަމެއް ތަ ؟