ކުޑަ ދެ ފިރިހެން ކުއްޖަކާ ފުލުހަކު ބެހުނު މައްސަލައެއް ފުލުހުން އަންނަނީ ބަލަމުން.
21 ނޮވެމްބަރ 2022 - 10:44
2 comments
އުތުރުގެެ ރަށެއްގެ ސްކޫލުގެ ދެ އަންހެންކުއްޖަކަށް ޖިންސީ ގޯނާކުރި ކަމުގެ ތުހުމަތަށް އެ ރަށުގެ ޓީޗަރަކު ހައްޔަރު ކޮށްފި އެވެެ.
އެނގިފައިވާ ގޮތުގައި، އެ މައްސަލައާ ގުޅިގެން ހައްޔަރުކުރީ އެ ރަށު އަތޮޅު މަދަރުސާގެ ދިވެހި ޓީޗަރަކެވެ.
ފުލުހުންގެެ މީޑިއާ އޮފިޝަލް "މިހާރު" އަށް މިއަދު ވިދާޅުވީ އުތުރުގެ ރަށެއްގައި އުމުރުން 12 އަހަރާއި 14 އަހަރުގެ ދެ ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއްގެ ރިޕޯޓެއް މިދިޔަ އަންގާރަ ދުވަހު ލިބިފައިވާ ކަމަށެވެ.
އެ މައްސަލައާ ގުޅިގެން އުމުރުން 49 އަހަރުގެ ދިވެހި ފިރިހެނަކު ކޯޓު އަމުރެއްގެ ދަށުން މިދިޔަ ބުރާސްފަތި ދުވަހުގެ ރޭ ހައްޔަރު ކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނިގޮތުގައި، އޭނާގެ ބަންދާ މެދު ގޮތެއް ނިންމަން ކޯޓަށް ގެންދިއުމުން ޝަރީއަތް ނިމެންދެން ބަންދުގައި ބަހައްޓަން އަމުރުކުރި އެވެ.
އެ މައްސަލާގައި އެ ޓީޗަރާ މެދު ފިޔަވަޅު އެޅިތޯ ބަލަން އެޑިއުކޭޝަން މިނިސްޓްރީ އަށް ގުޅި ނަމަވެސް އިސްބޭފުޅެއްގެ ބަހެއް ލިބޭ ގޮތެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި ޓީޗަރު
21 November 2022
އެ ރަށަކީ ހއ.ހޯރަފުށި. ސުކޫލު ކުދިން ބުނާގޮތުން އޭނާއަކީ ވަރަށް އާންމުކޮށް އަންހެންކުދިންނާ މާ ގާތުގަ އުޅޭ މީހެއް.
ގެދާނޯމޮސް
21 November 2022
މިފަދަ އެތަކެއް ހާސް ކަމެއް އެބަހިނގައެވެ. މަދުބަޔަކަށް ކެރެނީ އަންގާލަން އެހެނީ ހެއްދެވި ފަރާތަށް ވުރެން ބިރުގަންނަ ފަރާތްތަށް ގިނަވެ ޖެހިލުން ވާތީވެއެވެ. ނޫނީ ދަރިއަކު ވެދާނެ ބޭޒާރަކަށެވެ. ކަމަކީ ކުޑަކަމެއް ގެ ގޮތުގަ ގިނައާއިލާ ތަކުން ދެކި ތިބެނީއެވެ. އެއީ ކުދިންވެސް ފުރާވަރުގަ އުޅޭގޮތް އާއިލާތަކަށް އެނގޭތީވެއެވެ. ބައެއް ކުދިންގެ ފައިދާއައް އުޅޭކުދިންގެ ދަބަހައް ނުވަންނަ ގޮތަށް ކަމެއްވާނަ އެއީ އެމީހުންގެ ހައްގަކަށް އެރި ކަމުގެއެބަބެލެވެއެވެ.