މީހެއްގެ ހަށިގަނޑު ފާސްކުރަނީ: ޖިންސީ ގުނަވަނުގައި ޑްރަގް ހަރުކޮށްގެން އުޅުނު މީހަކު ވަނީ އުމުރަށް ޖަލަށްލާން ހުކުމް ކޮށްފައި --- ފޮޓޯ/މިހާރު
30 ނޮވެމްބަރ 2022 - 12:02
5 comments
ޖިންސީ ގުނަވަނުގައި މަސްތުވާތަކެތި ހަރުކޮށްގެން އުޅެނިކޮށް އަތުލައިގަތް މީހަކު އުމުރަށް ޖަލަށްލާން ކްރިމިނަލް ކޯޓުން އިއްޔެ ހުކުމްކޮށްފި އެވެ.
ކ. ދިއްފުށީ އެ މީހާ އުމުރަށް ޖަލަށްލުމާ އެކު، 100،000ރ. އިން ޖޫރިމަނާކޮށް އަދި އެ ފައިސާ އެއް އަހަރުގެ ތެރޭގައި ދައުލަތަށް ދައްކަން ހުކުމުގައި އެންގި އެވެ.
އެ މީހާގެ މައްޗަށް ހުކުމް އައީ 2019 ވަނަ އަހަރު އޭނާ މާލެއިން ފުރަން އުޅެނިކޮށް ހައްޔަރު ކުރިއިރު އޭނާގެ ކުރިމަތި ފަރާތުގައި ޓޭޕް އަޅައިގެން ހަތަރު ގްރާމް ޑްރަގް ހަރުކޮށްފައި ހުރުމުންނެވެ. އެކަމަކު ވެސް އޭނާ ކޯޓުގައި ދައުވާއަށް އިންކާރުކުރި އެވެ.
ކްރިމިނަލް ކޯޓުގެ ހުކުމުގައި ވަނީ އޭނާގެ ކުރިމަތި ފަރާތުގައި މަސްތުވާތަކެތި ހަރުކޮށްފައި ހުރީ އޭނާއަށް އެނގިގެން ކަމުގައި ބަލަން ޖެހޭނެ ކަމަށެވެ. އެ ނޫން ގޮތަކަށް އެކަން އޭނާއަށް ސާބިތުކޮށް ނުދެވޭ ކަމަށް ހުކުމުގައިވެ އެވެ.
ހުކުމުގައިވާ ގޮތުން މަސްތުވާތަކެތި ގެންގުޅުނީ އެނގި ހުރެ ކަން ސާބިތުވާން ޖެހުނަސް، ބައެއް ހާލަތްތަކުގައި މަސްތުވާތަކެތި ފެންނަ ތަނާއި ގޮތުން އިތުރު ހެއްކެއް އެކަމަށް ބޭނުމެއް ނުވާނެ އެވެ. ލައިގެން ހުންނަ ޖިންސާއި ހަށިގަނޑާ ދޭތެރެއަށް މަސްތުވާތަކެތި ޖަހާފައި ހުންނަ ހާލަތްތަކުގައި އެއީ އެނގި ހުރެ ކޮށްފައިވާ ކަމެއް ކަން ސާބިތުކުރަން އިތުރު ހެކި ބޭނުމެއް ނުވާނެ ކަމަށް ހުކުމުގައި ވެ އެވެ. އެ ނޫން ގޮތަކަށް އެކަން ސާބިތުކޮށް ދިނުމުގެ ބުރަ އޮންނާނީ ދައުވާ ލިބޭ މީހާއަށް ކަމަށް ވެސް ހުކުމުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޔަ
30 November 2022
ތިވާނީ ތަންކޮޅެއް އާދަައިގެ ސޮރަކައް އެހެންވީމާ ތިހެންތިވީ,
ޕީޖީ
30 November 2022
ކުރިމަތި ފަރާތުގަ ހުރީމަ ތިޔަ ސާބިތުވީ. ފުރަގަސް ފަރާތުގަ ހުރިނަމަ އުންސުރު ހަަމަނުވާނެ.
ސަދޫމްސިޓީ
30 November 2022
އެންމެ 4 ގްރާމް ވީމަ ތިޔަ ސަލާމަތްނުވީ. 400 ކިލޯ ނަމަ ކޮންމެވެސް އުންސުރެއް މަދުވެގެން ސަލާމަތްވީސް. މަސްތުވާ ތަކެއްޗަކީ އަދަދު މަތިވީމާ އޭގެ ބާރާއި އަސަރު ގަދަވާ އެއްޗެއް. ކުރިން ހުކުމެއްގައި ބޮކްސާ ތެރެއިން ފެނުނީމާވެސް ސާބިތުނުވި. އެވެސް ތަންކޮޅެއް އަދަދު މަަތިވީމަ. އެކަމަކު މިފަހަރުވެސް ބޮކްސާތެރޭން (އެތާ އޮންނަަ އެއްޗަކުން) ފެނުނަސް މަދު އެެތިކޮޅެއްވީމާ ހެކިދައްކަން މިޖެހުނީ އެސޮރަށް. ކިހާ ސަޅި ހުުކުުމުގަ އެހަރަ ބުނެލާފަހުރި ވާހަކަތައް.
ދިއްދޫމީހާ
30 November 2022
މިއަދު މިއަޑު އެހީ ކުރިމަތި ފަރާތުގައި މަސްތުވާ ތަކެތި ހަރުކޮއްގެން އުޅުނު ވާހަކަ މާދަން އަޑު އިވޭނީ ކުރިމަތި ފަރާތުގައި ކޯބްރާ ހަރުފައެއް ހަރުކޮއްގެން ގެންގުޅުނު މީހަކު ހައްޔަރު ކުރި ވާހަކަ އަނެއް ދުވަހު އަޑު އިވޭނީ ކަޅުވެނެއް ކުރިމަތި ފަރާތުގައި ހަރުކޮއްގެން އުޅުނު ވާހަކަ ކަންނޭގެ އަހުން ހިތައް ތިޔަ ކުރިމަތި ފަރާތުގައި ހަރުކޮއްގެން ގެންގުޅުނު މަސްތުވާ ތަކެތީގައި ތޫނު ދަތްޕިލައެ ހުރި ޔަގީނުން އެއިރުން އެކަހަލަ ކަމެއް ނުކުރާނެ..
ވަސި
30 November 2022
ކިޔަވަދީ މަސައްކަތް ދަސްކޮށްދިނުމަށްވުރެ އިސްކަމެއް ދޭން މިޖެހެނީ މަޅިއެއްގައި ނުބެދި ސަލާމަތުން އުޅޭވޭތޯ