ބަންދުގައި ހުރި މީހެއްގެ އަތުން ފޭރުނުކަން ފުލުހެއްގެ މައްޗަށް ސާބިތެއްނުވި

ފުލުހެއް: ބަންދުގައި ހުރި މީހެއްގެ އަތުން ފޭރުނުކަމުގެ ދައުވާލިބުނު ފުލުސް މީހާގެ މައްޗަށް ކުށް ސާބިތުނުވެ ވަނީ ނިމިފައި --- ފޮޓޯ/މިހާރު

މުއިއްޒު އިބްރާހިމް، މިހާރު

05 ޑިސެމްބަރ 2022 - 12:23

2 comments

ގާނޫނާ ޚިލާފަށް ހައްޔަރުކޮށްފައި ހުރި ބިދޭސީއަކު ބަންދުން ދޫކޮށްލާނީ ފައިސާ ދިނުމުން ކަމަށް ބުނެ އެ މީހާގެ އަތުން ފޭރުނު ކަމަށް ބުނެ ފުލުހެއްގެ މައްޗަށް ކުރި ދައުވާ ސާބިތުނުވާ ކަމަށް ކްރިމިނަލް ކޯޓުން އިއްޔެ ހުކުމްކޮށްފި އެވެ.

ތަހުގީގުކުރާ ފުލުހެއްގެ މައްޗަށް ފޭރުމުގެ ދައުވާ އާއި ފޭރެން އުޅުމުގެ ދައުވާ ކުރީ 2019 ވަނަ އަހަރުގެ ފަހުކޮޅު ހަށި ވިއްކުމުގެ ތުހުމަތުގައި ހައްޔަރުކުރި ބިދޭސީއަކު ދޫކޮށްލާނީ 20،000ރ. ދިނުމުން ކަމަށް ބުނެ 10،000ރ. ހޯދައި އަދި ބަންދުން ދޫކޮށްލި ފަހުން ބާކީ ފައިސާ ހޯދަން އުޅުނު ކަމަށް ބުނެ އެވެ.

ދައުލަތުގެ ދައުވާގައިވާ ގޮތުން އެ މީހާ އަތުން ފައިސާ އަތުލާފައިވަނީ ހައްޔަރު ކުރުމުގެ އިޖްރައާތުތަކާ ޚިލާފަށް އެ މީހާ ބަންދުގައި ހުއްޓަ އެވެ.

އެ މައްސަލަ ނުނިމެނީސް، ބިދޭސީ މީހާ ފުރައިގެން ދިއުމުން އޭނާގެ ހެކިބަހެއް ނުނެގުނެވެ.

ކޯޓުގެ ހުކުމުގައިވަނީ ދެން ތިބި ހެކިންގެ ބަހަށް ބަލާއިރު، އެ ބިދޭސީ މީހާގެ އަތުން ފުލުސް މީހާ ފައިސާ ހޯދިކަން ނުވަތަ ހޯދަން އުޅުނު އެހެން ހެކިންގެ ބަހުން ސާބިތުވާ މިންވަރުގެ ހެއްކެއް ކަމަށެވެ.

ކުށްކުރުން ފުލުހުން ކްރިމިނަލް ކޯޓް މުވައްޒަފުން ވައްކަމާއި ފޭރުން

2 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެންގްރީ ބާރޑް

06 December 2022

ގުޅިގެން ކުރިއަށް ދާނަމަ ސާބިތެއްނުވާނެ. ރަނަގަޅަށްވަންޏާ ފޭރޭނީ ވެސް ތަހުޤީގު ކުރާނީ ވެސް އެއްޓީމަކުން. މިނޫން ގޮތަކަށް ކިހިނެއް މިވާހަކަ ކިޔާނީ...................