3،000 ނަރުހުން ތަމްރީން ކުރުމަށް ހެލްތާއި އެމްއެންޔޫ އިން އެއްބަސްވެއްޖެ

3،000 ނަރުހުން ތަމްރީން ކުރުމުގެ އެއްބަސްވުމުގައި މިއަދު ސޮއިކުރެއްވުމަށް ފަހު، ހެލްތް މިނިސްޓަރު ނާޒިމް (ވ) އަދި އެމްއެންޔޫގެ ޗާންސެލަރު ޑރ. ލަތީފު އެއްބަސްވުން ބަދަލުކުރައްވަަނީ.--- ފޮޓޯ: ހެލްތް މިނިސްޓްރީ

އާސިމާ ނިޒާރު، މިހާރު

12 ޖެނުއަރީ 2017 - 16:41

9 comments

ކުރިއަށް އޮތް ފަސް އަހަރުގެ ތެރޭގައި 3،000 ނަރުހުން ތަމްރީން ކުރުމުގެ އެއްބަސްވުމެއްގައި ހެލްތް މިނިސްޓްރީ އާއި މޯލްޑިވްސް ނެޝަނަލް ޔުނިވަސިޓީ (އެމްއެންޔޫ) އިން މިއަދު ސޮއިކޮށްފި އެވެ.

އެމްއެންޔޫގައި ބޭއްވި ރަސްމިއްޔާތެއްގައި، މި އެއްބަސްވުމުގައި ސޮއިކުރެއްވީ އެ ޔުނިވަސިޓީގެ ޗާންސެލަރު ޑރ. މުހައްމަދު ލަތީފާއި ހެލްތް މިނިސްޓަރު އަބްދުﷲ ނާޒިމެވެ.

"މިހާރު" އާ ވާހަކަ ދައްކަވަމުން އެމްއެންޔޫގެ ވައިސް ޗާންސެލަރު ޑރ. އަލީ ފަވާޒް ޝަރީފް ވިދާޅުވީ ނަރުސްކަން ކިޔަވަން އެ ޔުނިވަސިޓީ އަށް ގިނަ ދަރިވަރުންތަކެއް ކުރިމަތިލާ ކަމަށެވެ. ނަމަވެސް ޖާގައިގެ ދަތިކަމާ ގުޅިގެން އެ ފުރުސަތު ނުދެވޭ ކަމަށް އޭނާ ވިދާޅުވި އެވެ.

އެހެންވެ އެމްއެންޔޫ އިން ނިންމާފައިވަނީ ނާސިންގެ ކޯސްތައް މާޗް އަދި ސެޕްޓެމްބަރު މަހު ވެސް ފެށުމަށެވެ. އަދި ޖެނުއަރީީ އާއި ޖުލައި މަހުގެ އިންޓޭކާ އެކު ކޮންމެ އަހަރަކު ވެސް ޖުމްލަ ހަތަރު ފަހަރަށް އެމްއެންޔޫ އިން ނާސިން ކޯހަށް ފުރުސަތު ހުޅުވައިލާނެ އެވެ.

މީގެ އިތުރުން ފުވައްމުލަކާއި ރ. އުނގޫފާރުގައި ވެސް ނަރުހުން ތަމްރީން ކުރުން ފެށުމަށް ނިންމާފައިވާ ކަމަށް ފަވާޒު ވިދާޅުވި އެވެ. މިހާރު ނާސިން ކިޔަވައިދެމުން އަންނަނީ މާލޭގެ އިތުރުން ރަށްރަށުގައި ހިންގާ ހަތަރު ކެމްޕަސް އަކުންނެވެ.

"މިހާރު ދެ އިންޓޭކުން އަހަރަކު މި ތަމްރީން ކުރެވެނީ 200 ނަރުހުން. އެކަމަކު އިންޓޭކް އިތުރުކޮށް އުނގޫފާރާއި ފުވައްމުލަކުގައި ނާސިން ކިޔަވައިދޭން ފެށުމުން އެ އަދަދު 500 އަށް އިތުރުވާނެ،" ފަވާޒު ވިދާޅުވި އެވެ.

3،000 ނަރުހުން ތަމްރީނުކުރުމުގެ އެއްބަސްވުމުގައި މިއަދު ސޮއިކުރެއްވުމަށް ފަހު ހެލްތް މިނިސްޓަރު ނާޒިމް (ވ-2) ވާހަކަ ދައްކަވަނީ.-- ފޮޓޯ: ހެލްތް މިނިސްޓްރީ

އޭނާ ވިދާޅުވި ގޮތުގައި އެމްއެންޔޫގައި ހިންގާ ކޯސްތަކުގެ ތެރެއިން އެންމެ އަގު ހެޔޮ ކޯސްތަކުގެ ތެރޭގައި ނާސިން ހިމެނެ އެވެ.

"މި އެއްބަސްވުމުން، އަޅުގަނޑުމެން ގިނަ ދަރިވަރުންނަށް ފަހިކޮށްދެނީ ޖާގަ. ނާސިން އަކީ މި ޔުނިވަސިޓީން އެންމެ އަގު ހެޔޮކޮށް ހިންގަމުން އަންނަ ކޯސްތައް. އެހެންކަމުން ކޯހުގެ އަގަކަށް ނާންނާނެ އެއްވެސް ބަދަލެއް." ފަވާޒު ވިދާޅުވި އެވެ.

އެއްބަސްވުމުގައި ސޮއިކުރެއްވުމަށް ފަހު، ނޫސްވެރިންނާ ވާހަކަ ދައްކަވަމުން ހެލްތް މިނިސްޓަރު ނާޒިމް ވިދާޅުވީ ރާއްޖޭގައި އިތުރު ހޮސްޕިޓަލްތަކެއް އެޅުމުގެ މަސައްކަތްތައް ކުރަމުން އަންނާތީ ގިނަ އަދަދެއްގެ ނަރުހުން ބޭނުންވާ ކަމަށެވެ.

ރާއްޖޭގައި މަސައްކަތް ކުރަމުން އަންނަ ނަރުހުންގެ ތެރެއިން 47 ޕަސެންޓަކީ ބިދޭސީން ކަމަށާއި ސަރުކާރުން އަމާޒު ހިފާފައި ހުރީ އެ އަދަދު 100 ޕަސެންޓް ދިވެހިންނަށް ހެދުމަށް ކަމަށް އޭނާ ވިދާޅުވި އެވެ.

ހެލްތު މިނިސްޓްރީ އާއި އެމްއެންޔޫ އިން ސޮއިކުރި އެއްބަސްވުމުގެ ދަށުން ނަރުހުން ތަމްރީން ކުރާނީ ޑިޕްލޮމާ އާއި ޑިގްރީ ފެންވަރަށެވެ.

ސިއްހަތު ދިވެހި ގައުމީ ޔުނިވަސިޓީ ނަރުހުން ހެލްތު މިނިސްޓްރީ ޑރ. މުހައްމަދު ލަތީފު މިނިސްޓަރު އަބްދުﷲ ނާޒިމް އިބްރާހިމް

9 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތަމްރީން

14 January 2017

ތިޔަގޮތަށް ޓީޗަރުންވެސް ތަމްރީންކުރަން އެޑިޔުކޭޝަނުން މަސައްކަތް ކުރާނަމަ ކިހާރަނގަޅު މިހާރު އެ މިނިސްޓްރީން އަމިއްލައަށް ތމްރީން ތަށް ކުރިއަށް ގެންދަނީ އެކަމުގެ ސަބަބުން ފެންވަރު ދަށްވަދަށްވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުކުކުރި

14 January 2017

އަހަރެން ވަރަށް ސައުގުވެރިކަށް ހުރި ދާއިރާއެއްތީ. އެކަމަކު ފުރުސަތު ނުލިބޭ. އަހަރެން ވަރަށް ނަރުހަކަށްވާން ބޭނުން. އެކަމަކު މިހާރު އަހަރެން މިއުޅެނީ ނަރުހުނަނަށް ވުރެ މުސާރަ ބޮޑު ވަޒީފާއެއްގައި. އެކަމަކުވެސް ނަރުހަކަށް ވާން ބޭނުން. ކިހިނެތް ހަދައްވީ. އަހަރެންނަކީ ސަރުތު ހަމަވާވަރަށް ކިޔަވައިގެން ހުރި މިހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީބާ

12 January 2017

ތިޔަ ގޮތަށް ސިއްހީ ދާއިރާއާ ނުކުޅޭ. ނަރުހުން ތިހާ ފަސޭހައިން ތަމްރީން ކުރެވޭނަމަ ޕްރައިވެޓް ތަންތަނުން އެކަން ކުރަން ފަށައިފީސް. އަދަދު ހަމަކުރަން 3000 ކުދިންނަށް ސަނަދު ދެވިދާނެ. އެކަމަކު އެމީހުންގައިގައި ބަލިމީހުންނަށް ޚިދްމަތްކުރާނެ ފެންވަރު ހުންނާނެކަމާމެދު ޝައްކު އުފެދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞާދިގު

12 January 2017

އޯއެމްޖީ! 3000 ނަރުހުންނޭ. އެމީހުން އެކްސްޕޯރޓް ކުރަންތަ ތި އުޅެނީ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމިނަތު

12 January 2017

ތިމީހުންނަކީ ރައްޔިތުންގެ ފައިސާ ބޭނުންކޮށްގެން ޕާޓީ ހިންގާބައެއް... މި ވެރިން މިތާތިބިހާ ހިދަކު ރަނގަޅެއް ނުވާނެ. މަތި ބަދަލުކުރަން ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާބަލަ

12 January 2017

ރާއްޖޭގެ ދިގު ތާރީޚް ގައި ވެސް 3000 ނަރުހުން ތަމްރީން ކުރަނީ އެއީ މަމެންގެ ބިއުޓިފުލް އެން އޯސަމް އެން ފްލޯލެސް ވެރިކަމުގައި އެކަނި ދޯ. އެމެން ޑޮލަރު އަގު ބޮޑު ކުރި ވެރިކަމުގައި މިފަދަ އުފާވެރި ސީޒަންސް އޮފް ހެޕިނެސް ނިއުސް ނާންނަނީ ކީއްވެގެން ތޭ މަމެން މިހާރު ބަލަން ވެސް ބޭނުމެއް ނޫން ދޯ. މެކުނު ފުމުނަސް ގާހަކަ އަށް ނުފުމެވޭނެ އެއް ނޫންދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީނި

12 January 2017

ކަލޯ ބުނަންތަ ވާހަކަ ތި އޯވްސަމް ސަރުކާރަކީ ޝޯ އޮފް ކުރުމުން ނަމްބަރ 1.....ތި ގޮތަށް ލައްކަ އެއްހާ މީހުންވެސް ތަމްރީނު ކުރެވިދާނެ..އެކަމަކު މި ސަރުކާރުގެ ގިނަކަންކަން ހުންނަ ބީދައިން ފެންވަރެއް ނުހުންނާނެ....ޓީޗަރުން ވެސް ތި ތަމްރީނު ކުރަނީ ހަމަ އެގޮތަށް...ބްލޮކް މޯޑަށް ތިގޮތަށް ކިޔަވައިދީގެން ޓީޗަރުންގެ ފެންވަރެއް ނުހުންނާނެ...ޕޯޑިއަމްތަކުގައި ތިބެ ބުނެވިދާނެ ތިމަންނަމެންގެ ސަރުކާރުން މިވެނި އަދަދަކަށް ޑިގްރީ، މާސްޓަރޒް ލެވެލަށް މީހުން ތަމްރީނު ކޮށްފީމޭ..އެކަމަކު ކޮލިޓީ ހަމަސުމެއް...ތި ސަރުކާރުގެ ގިނަކަންކަމަކީ ލޯންގް ރަން-ބޭސްޑް ކަންތަކެއް ނޫން....ކުރުކޮށްފޮނިކޮށް ބުނާނަމަ ހުރިހާ ކަމެއްވެސް އޮންނަނީ "މުއިއްޒުވެފަ".... ލޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައްޔޫމް

12 January 2017

ކޮންމެހެން ކިޔަވާދެނީ ކީއްކުރަން... ތިގޮތަށް ކިޔަވާދިނަސް ފެންވަރެއް ނުހުންނާނެ. އެހެންވީމާ ސަނަދު ދޭންވީ! މިކަންކަމުން ފެންނަނީ ޗާންސެލަރުގެ ފެންވަރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ.ރަޝީދު

12 January 2017

ތިއީ ސްޓެޓިސްޓިކްސް ރީތިކުރަން އުޅޭ ބައެއް. ޚިދުމަތް ރަނގަޅުކުރާކަށް ނޫން. އެހެންވީމާ، ތިކުދިންނަށް ވެސް ކިޔަވާދޭނީ 3000 މުދައްރިސުންނަށް ކިޔަވައިދޭ ގޮތަށް. ކޮންމެ ހަމަސް ދުވަހަކު 3 ފަހަރު. ދެން ސަނަދު. މުސްތަޤްބަލްގައިި ގެއްލޭނީ ޚިދުމަތުގެ ފެންވަރު. . . ތަމްރީނު ދިން މީހުން ވާނީ ސިސްޓަމްގައި ޖެހޭ ދައްޗެހޭ ދައްޗަކަށް. މިކަންކަން ހިނގާއިރު ކޮބާ ނާރސިން ކައުންސިލް. މިވެރިންގެ ދުލުގައި ވެސް ދަޅުއެޅުވީތަ! މި މީހުން އަންހެނުންނަށް ވީނަމަ، ދަރިއަކު ގަރުބަގަތުމަށްފަހު ވިއްސަން ބޭނުންވާނީ އެއް މަސްދުވަހުން.