އެމްއެންޑީއެފުން އަލަށް ބޭނުންކުރަން ފެށި ފާސްޓް އިންޓަސެޕްޓާ އުޅަނދެއް ރައީސް ޔާމީން ބައްލަވާލައްވަނީ.-- ފޮޓޯ: ރައީސް އޮފީސް
12 ޖެނުއަރީ 2017 - 18:53
25 comments
އެމްއެންޑީއެފްގެ ކަނޑުގެ ފްލީޓަށް ގެނައި، ދުވެލި ބާރު ފާސްޓް އިންޓަސެޕްޓާގެ ފަސް އުޅަނދެއް މިއަދު ބޭނުންކުރަން ފަށައިފި އެވެ.
އެ އުޅަނދުތައް ރަސްމީކޮށް ބޭނުންކުރަން ފައްޓަވައިދެއްވީ، އިއްޒުއްދީން ފާލަން ކައިރީގައި ބޭއްވި ރަސްމިއްޔާތެއްގައި، ސިފައިންގެ ވެރިޔާ ރައީސް އަބްދުﷲ ޔާމީނެވެ.
މި ރަސްމިއްޔާތުގައި ޗީފް އޮފް ޑިފެންސް ފޯސް މޭޖަ ޖެނެރަލް އަހުމަދު ޝިޔާމް ވިދާޅުވީ މި އުޅަނދުތައް ބޭނުންކުރަން ފެށުމުން، ސިފައިންގެ މަރުކަޒު ހުންނަ ހަތަރު ސަރަހައްދުން ވެސް، އެއް ފެންވަރަކަށް ކަނޑުމަގުން ހިދުމަތް ދެވިގެންދާނެ ކަމަށެވެ.
ސިފައިންގެ ހިދުމަތުގައި ބޭނުންކުރަން ފެށި އާ އުޅަނދުތަކުގެ ދުވެއްޔަކީ ގަޑިއަކު 48 މޭލެވެ. ބަންޑުން ޖަހައިފި ނަމަ އަމިއްލައަށް ތެދުކުރުމުގެ ގާބިލްކަން ވެސް ލިބިފައިވާ އުޅަނދުތަކަށް ވަޒަނެއް ވެސް ނާރާނެ އެވެ. މީގެ އިތުރުން މި އުޅަނދުތަކުގައި މިސައިލް ވެސް ހަރުކުރުވޭނެ ކަމަށް ޝިޔާމް ވިދާޅުވި އެވެ.
އަލަށް ގެނައި އުޅަނދުތައް ބޭނުން ކުރާނީ ސިފައިންގެ މަރުކަޒު ހުންނަ ކޮންމެ ސަރަހައްދެއްގެ ވެސް 12 މޭލު ރޭޑިއަސްގަ އެވެ.
މި އުޅަނދުތަކުގެ ތެރެއިން އެ އެއް އުޅަނދަކީ ކޮރެއާ ސަރުކާރުން ރާއްޖެއަށް ހަދިޔާ ކުރި އުޅަނދެކެވެ. އަދި ބާކީ ފަސް އުޅަނދު ބަނދެފައިވަނީ ލަންކާގެ ސޯލާސް ނަމަކަށް ކިޔާ ކުންފުންޏަކުން 129 މިލިއަން ރުފިޔާ ހަރަދުކޮށްގެންނެވެ.
ރަސްމިއްޔާތުގައި ޑިފެންސް މިނިސްޓަރު އާދަމް ޝަރީފް ވިދާޅުވީ ސިފައިންގެ 125 އަހަރުގެ ތާރީހުގައި އެންމެ ބޮޑު ކާމިޔާބީއެއް ހޯދާފައި ވަނީ ރައީސް އަބްދުﷲ ޔާމީން ކަމަށެވެ. މިނިސްޓަރު ވިދާޅުވީ ސިފައިންގެ މަސައްކަތްތައް ހަރުދަނާކުރަން ވެސް ގިނަ މަސައްކަތްތަކެއް ކުރަމުން އަންނަ ކަމަށެވެ. ބަންޑާރަ ކޮށީގައި އިމާރާތްކުރަމުން އަންނަ ނުވަ ބުރީގެ އިމާރާތުގެ މަސައްކަތާއި ރާއްޖޭގެ އެކި ހިސާބުތަކުގައި ސިފައިންގެ މަރުކަޒުތައް އެޅުން ހިމެނޭ ކަމަށް މިނިސްޓަރު ވިދާޅުވި އެވެ. އަދި އިންޑިއާ ސަރުކާރުގެ އެހީގައި މާފިލާފުށީގައި ގާއިމުކޮށްފައިވާ ޓްރެއިނިން އިންސްޓިޓިއުޓް ހިމެނޭކަން ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮސް
14 January 2017
މިއީ ޤައުމަށް ޓަކައި އޮންނަ މިލިޓަރީއަކުން ފާހަގަކުރާ ކަހަލަކަންތައްހެއްޔެވެ. ސިޔާސީ މަޤާމަކަސް ދެއްކޭ ނުދެއްކޭ ވިސްނާލުން ރަނަގަޅެވެ. "ރަސްމިއްޔާތުގައި ޑިފެންސް މިނިސްޓަރު އާދަމް ޝަރީފް ވިދާޅުވީ ސިފައިންގެ 125 އަހަރުގެ ތާރީހުގައި އެންމެ ބޮޑު ކާމިޔާބީއެއް ހޯދާފައި ވަނީ ރައީސް އަބްދުﷲ ޔާމީން ކަމަށެވެ."
މާލޭ ދިވެހިރާއްޖެ
14 January 2017
މީގެ ކުރިން ސިފައިންގެ ތެރޭ އުޅުނީ ރައްޔިތުންނާއި ގައުމައްޓަކާ ގުރުބާންވި ބައެއް. ނަމަވެސް މިހާރުގެ ސިފައިންނަކީ އަމިއްލަ އެދުމާއިގެން ފޯވެފަ ތިބި ބައެއް. އެމީހުންގެ ފައިދާ އަށްޓަކާ އަނެއް ނިކަމެތި މީހާޔައް ކިތަންމެ ބޮޑުދެރައެއް ވެސް ދީފާނެ.
ސިލްވާން
13 January 2017
ދިވެހި ރާއްޖެ މީހުން އިގޭނީ ހަމަ އަގަތަޅަން ކަނޑު މަތީ ކިރިޔާ ކަމެންވާއިރަން ކޮންމެ މީހަކުވެސް ހާސްވެފަ ގުޅާނީ ކޯސްޓްގާޑަން! ކަމެންނުވާ ބަޔަކަން ކީންކުރަން ގުޅަނީ!
ވދފ
14 January 2017
ކަމެއްކުރެވުނަސް ނުކުރެވުނަސް ރައްޔިތުން ބުރަމަސައްކަތުންހޯދާ ފައިސާ ހޭދަކޮށްގެން ކާންބޯންދީ އަނބިދަރިންގެ ޚަރަދުތަކާއި ފްލެޓްތަކާއި ހުރިހާ އެއްޗެއް ރައްޔިތުމީހާގެ ޓެކްސްފައިސާއިން ކުރާތީ. މިވަރުވެސް ގެޓެއްނުވޭތަ؟
ޢަލީ
13 January 2017
ދެން ލަންކާގެ މަސްބޯޓުތަކައް ރާއްޖެ ސަރަހައްދު ދާޖަހައިގެން ކަހާލަން ދިނީމަ ތިކަހަލަ ހަދިޔާދޭނެ މިއޮތީވާ ސަރުކާރެއް
♞ އަސްގެ
13 January 2017
ގަޑިއަކު 48މޭލަކީ ބާރު ސްޕީޑެއް ނޫން! އަދި ވަކިން ހާއްސަކޮށް ގައުމެއްގެ އަސްކަރިއްޔާއަކަށް... އެއްމެ އާދައިގެ ސްޕީޑް ބޯޓުތައްވެސް ދުވޭ ގަޑިއަކު 32މޭލަށް...
ހެހެހެހެ
14 January 2017
ގަޑިއަކު 48 ނޯޓިކަލްމައިލްސް އަކީ 55 މައިލް އަދި 88.9 ކިލޯމީޓަރު. މި އިންޓަސެޕްޓާތަކައް ވުރެ އެނމެ ތަންފުކެއް މަޑުން ދުވިޔަސް ފަހާ ދުއްވާ އަދުލައިގަނެވޭނެ.
ޒަކިއްޓޭ.
13 January 2017
ތި ލަންކާމީހުންނަށް އެއްގޮތަކައްވެސް ހުއްދަދެވިގެންނުވާނެ ރާއްޖޭގެ އިގްތިސާސީ ސަރަހައްދު ހުރަސްކޮއް އެރޭބިޔަން ކަަޑުގައި މަސްވެރިކަން ކުރަން ، އެމީހުން ބޭނުންވަނީ ރާއްޖޭގެ ސަރަހައްދުގައި މަސްވެރިކަންކުރަން. މީ މިދިވެގިގައުމުގެ އިންޓރެސްޓާއި ގުޅިފައިވާކަމެއް.
މުހައްމަދު
13 January 2017
ވާނުވާ ނޭގުނު މިހާރު. 12 މޭލު ސަރަޙައްދު ބަލަހައްޓަނީ ފުލުހުންނެއް ނޫންބާ؟ ކޯސްޓްގާޑަށް 12 މޭލު ސަރަޙައްދުގައި ވަޒަން ނާރާ އުޅަނދު ބޭނުންކުރަންޖެހޭނެ ބާ؟ މިއުޅެނީ ލަންކާގެ އުޅަނދުފަހަރާއި ހެދީ އުތުރުގައި މަސްވެރިކަން ނުކުރެވިގެން. އެކަމަކު ތިހޯދަނީ 12 މޭލަށް ދަތުރުކުރެވޭ އުޅަނދު. ލަދުން ބޯހަލާކު
ސީނާ
13 January 2017
އުތުރު ކޮރިއާގަ ރައްތުން ބިރުގަންވަން ކުރާމަސަ ކަތަކީޥެއް މިޓަރީ ބާރުދެއްކުން؛ ކަނޑު މަސްކެވުމައް ދެވަނައެންނެއް 1 ބިލިޔަން މީހުންއުޅޭ ޗައިނާގެ އަޅުންނަވެފަ ތިބެގެން އެޕާޗާ ހެލިކޮޓަރު ގެނަޔަސް ރާއްޖެކަނޑު ބެލެހެއްޓޭނެ ގޮތެއްއޮތްކަމުގަ ނުދެކެން
އިބޫ
12 January 2017
129މިލިއަން 4 އުޅަނދަށް މީހައިނތެޔޮ ހަރަދުކޮށްގެން މަހަާް ދާންނބޭނުން ކުރާނެ އެއްޗެއް
އިއްބެ
12 January 2017
މާނައަކީ ކޮންމެ އުޅަނދަކަށް 32 މިލިއަން ރުފިޔާ ދެއްތޯ. ރައްޔިތުން މިއުޅެނީ ބޯހިޔާކޮށްލާނެ ގޮތެއްނެތި އަނގަޔާ އަތާ ދިމާނުވެ.