މާލޭ ރަސްފައްނު ކައިރި ބޭރުން ބަންޑުން ޖަހާލާފައި އޮތް ރަސްއައިނު ދޯނި -
19 ޑިސެމްބަރ 2022 - 17:32
2 comments
މާލޭގެ ރަސްފަންނު ސަރަހައްދާ ދިމާލު ބޭރުން މިއަދު ދޯންޏެއް ބަންޑުން ޖަހައިލުމާ ގުޅިގެން ސަލާމަތީ ބާރުތަކުން އެހީތެރިކަން ފޯރުކޮށްދޭން ފަށައިފި އެވެ.
"ރަސްއައިނު" ނަމަކަށް ކިޔާ އެ ދޯނި މިއަދުގެ ހަވީރު ބަންޑުން ޖަހައިލުމާއެކު، މެރިން ފުލުހުން ގެންދަނީ ހަރަކާތްތެރިވަމުންނެވެ.
ފުލުހުން ބުނި ގޮތުގައި އެ ހާދިސާގައި ދޯނީގައި ތިބި އެއްވެސް މީހަކަށް ގެއްލުމެއް ނުވެ އެވެ.
އެ އުޅަނދު ބަންޑުން ޖަހާލުމާ ގުޅިގެން ކޯސްޓް ގާޑުން ވެސް އެހީތެރިކަން ފޯރުކޮށްދެމުން އަންނަ ކަމަށް އެމްއެންޑީއެފުން ބުންޏެވެ.
އެ ދޯންޏާ ގުޅޭ މައުލޫމާތުތަކެއް އަދި ނުލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
19 December 2022
ދޯންޏާއި ގުޅޭނެ މައުލޫމާތެއް އަދި ނުލިބޭކަމަށް ބުނެފައި އޮތުމުން ހީވަނީ ތިޔަ ދޯންޏަކީ މިރާއްޖޭގައި އިމިޤްރޭޝަނަށް އެގުމެއްނެތި "ދިވެހިންނަށް ވުރެންވެސް ބާރުވެރިކޮށް އުޅޭ" އެމީހުންގެ މައްޗަށް ޤާނޫނާއި ޤަވާއިދު ނުހިންގޭ ބިދޭސިންފަދަ ދޯންޏެއްހެން. # އެހެންކަމަށްވާނަމަ އެދޯނި ރެޖިސްޓްރީ ވެފައިއޮތް ޤައުމަކާއި އެދޯނީގެ ވެރިފަރާތް ހޯދުމަކީ ފަސޭހަ ކަމަކަށް މެރިން ފުލުހުންނަށާއި ކޯސްޓްގާ އަދި ޓްރާންސްޕޯޓް މިނިސްޓްރީއަށްވެސް ނުވާނެކަން ޤަބޫލުކުރަން.
އަލި
19 December 2022
ތި ދޯނި ބަންޑުން ޖަހާލައިގެން އުޅުނު އިރު މަވެސް ހުރިން. ސަލާމަތީ ބާރުތަކުން ނުދޭ 30 މިނެޓް ވި އިރުވެސް. ކައިރިން ދިޔަ ބޮޑު ދޯނިތައް އަޅާ ނުލާ ދިޔައީ. ކުޑަ ދެ ދޯނި ފުރަތަމަ އެހީ ތެރިވީ. ވެސަޓް ޕާކު ކައިރީ ހުރި ޕޮލިސް ސްޓޭޝަން ގެ ޕޮލިހުން ތިބީ ބަސް ޓާމިނަލް ކައިރީގަ ވާޓަރާ ދިމާލުން ސިޑިއެއް ލާފަ ހަދާފަ ހުރި ތަނަށް އަރާ ފޯނުތައް ނަގައިގެން ވީޑިއޯ ކުރަން. ދެން ވަރަށް ރީތި ހަބަރުގަ ސަލާމަތީ ބާރުތަކުން ހަރަކާތްތެރި ވަނީއޭ ލިޔުނީމަ.