ވެލާނާ އިންޓަނޭޝަނަލް އެއާޕޯޓަށް ޖެއްސި ޖެޓެއް. މިއަހަރު 2600 ޖެޓު ޖެއްސި--ފޮޓޯ: ފަޔާޒް މޫސާ/މިހާރު
20 ޑިސެމްބަރ 2022 - 18:07
19 comments
ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށް މި އަހަރު ޖެއްސި ޕްރައިވެޓް ޖެޓްތަކުގެ އަދަދު 2،610 އަށް އަރާފައިވާ ކަމަށް އެމްއޭސީއެލުން މިއަދު ބުނެފި އެވެ.
ރާއްޖެ އަަށް 1.6 މިލިއަން ވަނަ ޓޫރިސްޓް އައުން ފާހަގަކުރުމަށް ބޭއްވި ރަސްމިއްޔާތުގައި އެމްއޭސީއެލްގެ ޖެނެރަލް މެނޭޖަރު ހަސަން އަރީފު ވިދާޅުވީ، މިއީ 2019 ވަނަ އަހަރާ އަޅާ ބަލާ އިރު ވީއައިއޭ އަށް ޖެޓް ޖެއްސި ވަރު 53 ޕަސެންޓު އިތުރު ކަމަށެވެ. މިދިޔަ އަހަރު ވެލާނާ އިންޓަނޭޝަނަލް އެއާޕޯޓަށް ޖެއްސީ 1،702 ޕްރައިވެޓް ޖެޓެވެ.
އޭނާ ވިދާޅުވީ، މި އަހަރުގެ އެއާ ޓްރެޕިކް މޫވްމަންޓް ވެސް 10 ޕަސެންޓު އިތުރު ކަމަށެވެ. ނޮވެމްބަރު 2019 ވަނަ އަހަރާ ހަމައަށް އެއާ ޓްރެފިކް މޫވްމަންޓް 24،000 އެރި އިރު އެ އަދަދު މި އަހަރު ހުރީ 27،000 އިގަ އެވެ.
ހަސަން ވިދާޅުވިގޮތުގައި، މި އަހަރުގެ ޕީކް ސީޒަނާ ދިމާކޮށް އިތުރު 8 އެއާލައިނެއްގެ ދަތުރުތައް ވެސް މިހާރު ވަނީ ފަަށައިފަ އެވެ. އެއީ ބްރިޓިޝް އެއާވޭސް އާއި އެއާ ފްރާންސާއި އޮސްޓްރޭލިއަން އެއާލައިންސާއި ނިއޯސް އާއި ޔޫރޯ ވިންގްސް އާއި ކޮންޑޯ އާއި ލޮޓް އާއި އައިޓީއޭ އެއާވޭސް އެވެ.
ހަސަން ވިދާޅުވީ، ބްރިޓިޝް އެއާވޭސް ސީޒަނަލް އެއާލައިނެއްގެ ގޮތުގައި މިހާރު ރާއްޖެ އަށް އޮޕަރޭޓް ކުރިޔަސް އަންނަ އަހަރުން ފެށިގެން ހުރިހާ ދުވަސްވަރަކު
އެއާލައިންގެ ދަތުރުތައް އޮންނާނެ ކަމަށެވެ. އެއާލައިންތައް އިތުރުވުމަކީ އިތުރު ފަސިންޖަރުން ރާއްޖެއަށް އައުމުގެ ފުރުސަތު އިތުރުވާނެ ކަމެއް ކަމަށް އޭނާ ވިދާޅުވި އެވެ.
"ޗައިނާގެ މާކެޓު ބަންދުކޮށްފައި އޮތް އިރު މި ހާލަތުގައި އޮވެ އެހާ ގިނަ ޓޫރިސްޓުން އައުމަކީ ވަރަށް ބޮޑު އެޗީވްމަންޓެއް. އެމްއޭސީއެލްގެ ފަރާތުން މި ވަނީ ސީޒަނަށް ވަރަށް ބޮޑަށް ތައްޔާރުވެފައި،" ހަސަން ވިދާޅުވި އެވެ.
އާ އެއާލައިންތަކުގެ ދަތުރުތައް ފެށި އިރު މިދިޔަ އޮކްޓޫބަރު މަހު ވަނީ ވީއައިއޭގެ އާ ރަންވޭ ބޭނުންކުރަން ފަށައިފަ އެވެ. އާ ރަންވޭއާއެކު، ފްލައިޓުތައް ނުޖެއްސި ރަންވޭމަތީގައި މަޑުކުރަން ޖެހޭ އޮންނަ ވަގުތު ވަރަށް ބޮޑަށް ވަނީ ކުޑަވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބުރޭ
21 December 2022
ތިވަރުވާއިރުވެސް ރައްޔިތުންގެ ޖީބު ވަނީ ފޫގޮއްސަ ދެންކިހިނެއްތޯ އެއްޗެއް ހަރުލާނީ
ޖުޒަމްބަމްބަމްޓަގިޔޯނު
21 December 2022
ރަށްފުށުގައި ވަޒީފާ ލިބޭނެ ގޮތް ހެދުން މުހިއްމީ.
އަސް
21 December 2022
ކާކަށް ލިބުން ކުރިއެރުމެއް ތޯ؟ ގައިމު އަހަރުމެން ނިކަމެތި ރައްޔިތުން ވާކަމެއް ހަރާން
ސައި
21 December 2022
މުއަށްޒަފުން އަތުން ކަޑާލި ޑޮލަރު ކޮޅު ދޭށްވީއެއްނު ތިހާވަރަށް ޑޮލަރު ވަންނަށްޏާ
މޯޑް
21 December 2022
މުއަށްޒަފުން ވަރަށް ހާޑްކޮށް އުޅޭއިރުވެސް ދޭންބުނި އިލަވަންސް ވެސް ނުދީ ތި ހިފަހަށްޓަނި. 5000 ޖެންސިޔަސް އަހަރަމެން މި ޖެހެނި ގަނަތެޅެށް
އެދުރުކަލޭގެފާނު
21 December 2022
ޤައުމު ދަވާލައިގެން ވޯލްޑް ކަޕް މެޗްބަލަން ދާނަމަ ކިތައްމެގިނަ ޑޮލަރެއް ލިބުނަސް ވާނެ ފައިދާއެއް ނެތެވެ. ސިޔާސީވެރިން ފަސްއަހަރަކުން އެއްފަހަރު ކެމްޕޭންތައް މިކުރަނީ ކުރިއަށް އޮތް ފަސްއަހަރަށް ޤައުމު ދަވާލައި މަހުޖަނުންނަށް ވާންތޯ؟
މުޅި ދައުލަތަށް
20 December 2022
މިވަގުތު ސަރުކާރުން ދިވެހިރާއްޖޭގެ އެއަރ ސްޕޭސް ވިއްކާގެން ލިބޭ ޑޮލަރާއި އަދި އެއަރޕޯޓްތަކުން ލިބޭ ޑޮލަރުގެ 1/3 އަށް ރަންގަނެ މަރުކަޒީ ބެންކުގެ ޚަޒާނާއަށް ޖަމާކުރުން މުހިންމު. ދެވަނަ ބައި ސޮވެރިންގ ފަންޑަށް 3 ވަނަ ބައި އެއަރޕޯޓް ކުންފުނިތަކަށް. ކާކާފަ ހުސްކޮށްފަ ލާފަ ދެއަތް ފުރަގަހަށް ލީމަ ނިމުނީކީ ނޫން. ވެރީންގެ ހިޔާލު ނެތުމަކީ މައްސަލައެއްވެސް ނޫން. ދުރުވިސްނާ މީހުން ގާތުން އަހާ ލަފާ ހޯދާ. މީ ގައުމީ ކަމެއް. ޗައިނާ ރަޝިއާ ރަން ގަންނަނީ ކަމަކު.
އ
20 December 2022
ރައްޔިތަކައް ކޮންކަމެއްވަނީ????
ކޮރަލް
20 December 2022
ލިބުނު ކުރި އެރުމެއް ބުނެ ބަލާށެވެ. މިއަހަރު 1.5 މިލިއަން ޓޫރިސްޓުން ރާއްޖެ އައި އިރު ރާއްޖޭގެ އާބާދީ 5 ލައްކަ އަށް ނާރަ އެވެ. ޓޫރިސްޓުން ހޭދަ ކުރަނީ ޑޮލަރާ ޔޫރޯ އިން ނެވެ. އެކަމު އާދައިގެ ދިވެއްސަކު ޑޮލަރު ހޯދަން މިޖެހެނީ ކަޅު ބާޒާރުގަ ފުލުހުން ކުރިމަތީ ޑޮލަރު ބޮޑު އަގުގަ ވިއްކާ ބިދޭސީ މީހަ އަތުންނެވެ. ވިޔަފާރިވެރީން ވެސް ޑޮލަރު ނުލިބިގެން ހަމަ އެމީހުން ވެސް ބޮޑު އަގުގަ ގަންނަނީއެވެ. ވީމާ ޑޮލަރު ތަކަށް ވާގޮތެއް ބަލަންއެބަޖެހެއެވެ. ކޮންބައެއް.
ކޮރަލް ވައިގްރާ
20 December 2022
އާބާދީ އިތުރުވާނެ ބަރަހަނާ ފިލްމު ނުބަލާ އަނބިގޮއްޔެއަށް ޚިދުމަތް ދިނީމަ.
އަފްރާސިޔާބު
20 December 2022
ތިޔަ ހުރިހާކަމެއްގެ ހައްގު ޝުކުރު ކުރުން އޮތީ ﷲ އަށް. އެއަށްފަހު ހުޅުލޭގައި ދިވެހިންގެ އެއަރޕޯޓެއްގެ ބިންގާ އަޅުއްވައި ދެއްވި މަރުހޫމް އިބްރާހީމް ނާސިރަށް. ޢެއަށްފަހު އިންޓަރނޭޝަނަލް ފެންވަރަށް ތަރައްގީ ކޮށްދެއްވި މައުމޫނަށް. އެއަށްފަހު އެއަރޕޯޓް ބޮޑުކޮށް ރަނގަޅު ރީތި އެއަރޕޯޓެއްގެ ބިންގާ އަޅުއްވައި މަސައްކަތް ފެށްޓެވި ޔާމީނަށް. އެއަށްފަހު އެއަރޕޯޓް ނިންމުމަށް މަސައްކަތް ކުރައްވާ ޞާލިހަށް. އެއަރޕޯޓަކީ ދިވެހިރައްޔިތުންގެ ގުރުބާނީގެ ފޮނިނަތީޖާ.