އިންޑިއާ އެމްބަސީގައި ހުޅު ޖަހަން ގޮވި މައްސަލަ ބަލަން ޕާޓީތަކުން ގޮވާލައިފި

އިންޑިއާއާ ދެކޮޅަން ހިންގާ "އިންޑިއާ އައުޓް" ކެމްޕެއިންގެ ދިދަތަކެއް ހިފައިގެން ޕީޕީއެމްގެ ސަޕޯޓަރުން މަގުމަތީ. -- ފޮޓޯ: ނިޝާން އަލީ/މިހާރު

މާއިދާ މުހައްމަދު ރަޝާދު، މިހާރު

23 ޑިސެމްބަރ 2022 - 21:35

9 comments

ކުރީގެ ރައީސް މުހައްމަދު ނަޝީދުގެ ވެރިކަން ވެއްޓުނު ހަމަނުޖެހުންތަކުގައި އައްޑޫގެ އެކި ތަންތަނުގައި ހުޅުޖެހީ އިންޑިއާގެ އޯޑަރަށް ކަމަށާއި އެކަމުގެ ބަދަލު ހިފަން އިންޑިއާ އެމްބަސީގައި ހުޅުޖަހަން ހިތްވަރު ދިން މައްސަލަ ޕާޓީތަކުން ކުށްވެރިކޮށްފި އެވެ.

އައްޑޫގައި ހުޅު ޖެހި މައްސަލައިގެ "ބަދަލު އަދި އޮތީ ނުހިފި" ކަމަށް ބުނެ އެކަމުގެ ބަދަލު ހިފަން "އިންޑިއާ އެމްބަސީން" ފަށަން ކިހިނެއްވާނެތޯ ސުވާލުކޮށް ޓްވީޓްކުރީ އައްބާސް އާދިލް ރިޒާގެ ނަމުގައި ހިންގާ ޓްވީޓާ އެކައުންޓަކުންނެވެ.

ކުރިން އެކި ތަންތަނުގައި ހުޅު ޖަހާފައިވާ ފޮޓޯތަކެއް އާންމުކޮށް، ޓެރަރިޒަމަށް ހިތްވަރު ލިބޭ ގޮތަށް އޭނާ އެ ކުރި ޓްވީޓުގެ މައްސަލަ ފުލުހުން ވެސް ބަލަމުންދާ ކަމަށް އެނގިފައިވެ އެވެ. އެކަމަކު އެ މައްސަލާގައި ފުލުހުންގެ ކޮމެންޓެއް އަދި ނުލިބެ އެވެ.

އެ މައްސަލަ ކުށްވެރިކޮށް މޯލްޑިވްސް ރިފޯމް މޫވްމަންޓް (އެމްއާރުއެމް) ގައި ވަނީ އިންޑިއާ ހައި ކޮމިޝަނުގައި ރޯކުރަން ގޮވި މައްސަލަ އިދާރާތަކުން ތަހުގީގުކޮށް އެކަމާ ގުޅިގެން އަޅަންޖެހޭ ހަރުކަށި ފިޔަވަޅުތައް އެޅުމަށް ގޮވާލައިފަ އެވެ.

MRM strongly condemns this cowardly incitement of arson and terrorism, targeted at @HCIMaldives. We call on authorities to investigate and take strong action against this, and such other acts of hate speech instigating violence.@AmbMunu @PoliceMv @MNDF_Official https://t.co/R9VhxJY2zg
— Maldives Reform Movement (MRM) 🇲🇻 (@MRM_Office) December 23, 2022

އިންޑިއާ އެމްބަސީގައި ހުޅުޖަހަން ގޮވި މައްސަލަ ކުށްވެރިކޮށް އެމްޑީޕީން ކުރި ޓްވީޓުގައި ވެސް އެ މައްސަލަ ތަހުގީގުކުރަން ގޮވާލާފައިވެ އެވެ. އަދި އިދިކޮޅު ފަރާތްތަކުން އަވަށްޓެރި ގައުމުތަކާ ދެކޮޅަށް ނަފްރަތު އުފެއްދުމަށް ތަކުރާރުކޮށް ކުރަމުންދާ ކަންކަން ވެސް އެ ޕާޓީން ކުށްވެރިކުރި އެވެ.

The MDP condemns in the strongest terms the call for an arson attack on the Indian High Commission, and calls on the authorities to investigate the matter. The MDP also condemns the opposition’s continuous effort to incite violence & hatred towards friendly nations.
— MDP Secretariat (@MDPSecretariat) December 23, 2022

އެ މައްސަލައާ ގުޅިގެން މޯލްޑިވްސް ތާޑްވޭ ޑިމޮކްރަޓިކް (އެމްޓީޑީ) އިން ކުރި ޓްވީޓުގައި ބުނީ ޕީޕީއެމްގެ މެމްބަރެއް އަދި ކުރީ ސަރުކާރެއްގެ އޮފިޝަލެއް ކަމަށްވާ އައްބާސް، އިންޑިއާ އެމްބަސީގައި ރޯކުރަން ގޮވި މައްސަލަ ހަރުކަށި އިބާރާތުން ކުށްވެރިކުރާ ކަމަށެވެ.

"އިންޑިއާއަކީ އަހަރެމެންގެ އެންމެ ގާތް އަަވަށްޓެރި އަދި ކޮންމެ ވަގުތެއްގައި ވެސް އަހަރެމެންނަށް އެހީތެރިކަން ފޯރުކޮށްދޭ ގައުމެއް،" އެމްޓީޑީގެ ޓްވީޓުގައިވެ އެވެ.

MTD condemns the call for arson attack & inciting terror against the Indian High Commission in Maldives @HCIMaldives by PPM member and former government official @AbbasRiza !

India 🇮🇳 is our closest neighbor & they are always there for Maldives 🇲🇻 in every time we needed. https://t.co/oV9dhkURdH
— Maldives Third-Way Democrats (@MTDSecretariat) December 23, 2022

އިންޑިއާ އެމްބަސީގައި ހުޅު ޖަހަން އައްބާސް އާދިލް ރިޒާގެ އެކައުންޓަކުން ގޮވާލިޔަސް ކުރީގެ ރައީސް ޔާމީންގެ ވެރިކަމުގައި ސަރުކާރުގެ އިސް މަގާމުތަކެއް ފުރުއްވި އައްބާސް އެއީ އޭނާގެ އެކައުންޓެއް ނޫން ކަމަށް ވިދާޅުވިޔަސް އެ އެކައުންޓަކީ އޭނާ ސޯޝަލް މީޑިއާގެ އެކި ޕްލެޓްފޯމްތަކުގައި ބައިވެރިވެ އެ ކަންކަން އިޝްތިހާރު ވެސް ކުރާ އެކައުންޓެކެވެ. އެކައުންޓުން ކޮށްފައިވާ ޓްވީޓުތަކުން މީގެ ކުރިން ހަބަރުތައް ހެދިޔަސް އޭނާ އެކަން ދޮގުކޮށްފައެއް ނުވެ އެވެ.

އެމްޑީޕީ މޯލްޑިވްސް ތާޑްވޭ ޑިމޮކްރަޓްސް (އެމްޓީޑީ) ރާއްޖެ-އިންޑިއާ އިންޑިއާ މޯލްޑިވްސް ރީފޯމް މޫވްމެންޓް ހުޅުޖެހުން އިންޒާރު ދިނުން އައްބާސް އާދިލް ރިޒާ އިންޑިއާ ހައި ކޮމިޝަން

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާގަދިޔަ

24 December 2022

އަންނި ވެރިކަމުން ވައްޓާލި ދުވަހު ޔާނު ގޮސް އޮތީ އައްބާސް ތިޔަ ބުނާ އެންބަސީ ތެރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިނަރު

24 December 2022

އައްޑޫގަޔާ ތިނަދޫ ގަ ރޯކޮށް ހިންގި ޓެރަރިސްޓު އަމަލު ތަހުގީގު ކުރުމެއް ނެތް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަސްތީން

24 December 2022

ރާއްޖެ ހިފަން ގޮވިމަސްސަލަ ކުއްވެރި ކުރަން ނުކެރުނީ ކީވެތަ.؟ ޢިންޑީޔާއާ އެކީ ހެދި ޢެގުރިމަންޓުތައް ނުދައްކަނީ ކީވެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެމެރިކާ

24 December 2022

ތިޕާޓީ ތަކަކީ ދިވެހިންނަ ގައްދާރުވީ ބައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރުދާ

23 December 2022

އިންޑިއާ މީހުން ނިދާފައި ތިއްބާ މިހާރު މިރޯވާ އަލިފާނަކުން ވެސް ކަންބޮޑުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދގދސެފ×

23 December 2022

އަދީބުޕާޓީންވެސް މިކަން ކުއްވެރިކުރީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫލޫޖަހާ ބަގަ

23 December 2022

ވެރިކަމުގެ ދަހިވެތިކަމުގައި އުޅުނަސް އެމްބަސާި ތަކުގައި ހުޅުޖަހަން ގޮވިގެންނުވާނެ. މިތަން ޕާކިސްތާނަށް ހދަން ނޫޅޭ. އެބަޔކަށް ވޯޓެއްނުދެވޭނެ. ހެޔޮ ކޮންމެ ބަޔަކަސް. އަމާޏްކަން ނަގާލާ ބޭރު ދުިނޔޭގައި ރާއްޖެ ޓެރރިުސްޓް ގައުމަކަށް ހދަން ނޫޅޭ.