ޕޯސްޓްމޯޓަމް ހެދުމަށް ފަހު ނިޝާމާގެ ހަށިގަނޑު ރާއްޖެ ގެނެސްފި

ނިޝާމާ: އޭނާގެ މަރުގެ ތުހުމަތު ކުރެވެނީ ދަންޖެހިގެން ފަރުވާދެނިކޮށް މަރުވި ފިރިމީހާ އަށް.

މާއިދާ މުހައްމަދު ރަޝާދު، މިހާރު

24 ޑިސެމްބަރ 2022 - 14:48

ހދ. ނޮޅިވަރަމްގައި މަރުވެފައި އޮއްވާ ފެނުނު ނިޝާމާ މުހައްމަދުގެ ޕޯސްޓްމޯޓަމް ހެދުމަށް ފަހު ހަށިގަނޑު މިއަދު ރާއްޖެ ގެނެސްފި އެވެ.

ދިރިއުޅޭ ކޮޓަރި ތެރޭގައި މަރުވެފައި އޮއްވާ ފެނުނު ނިޝާމާ، 28 ގެ މަރުގެ ތުހުމަތުކުރަނީ އޭނާގެ ފިރިމީހާ އަބޫބަކުރު ފައިސަލަށެވެ. އެކަމަކު ފުލުހުން ބަންދުގައި ބަހައްޓާފައި ހުއްޓާ، އޭނާ ދަންޖެހުމުން ހާލު ސީރިއަސްވެ ފަރުވާދެނިކޮށް މިދިޔަ ހޯމަ ދުވަހު ވަނީ މަރުވެފަ އެވެ.

ނަމަވެސް އެ މައްސަލައިގެ ތަހުގީގުކުރިއަށް ދާނެ ކަމަށް ފުލުހުން ވަނީ ބުނެފަ އެވެ.

މަރުގެ ސަބަބު ދެނެގަތުމަށް ނިޝާމާގެ ހަށިގަނޑުގެ ޕޯސްޓްމޯޓަމް ހެދުމަށް އިންޑިއާއަށް ގެންދިޔައީ އޭނާ މަރުވިތާ 11 ދުވަސް ފަހުން، މިދިޔަ ބުދަ ދުވަހު އެވެ. އެހެންވެ، އާއިލާ އިން ޕޯސްޓްމޯޓަމް ހެދުމަށް ދެކޮޅު ވެސް ހެދި އެވެ.

12 Dhuvahah fahu Nishamage hashigandu postmortem hedhumah India ah fonuvaalaifi

The most trusted news source in the Maldives

Mihaaru

އެކަމަކު އާއިލާ ނުރުހުނަސް ޕޯސްޓްމޯޓަމް ހެދުމުގެ ބާރު ފުލުހުންނަށް ލިބެ އެވެ. ޕޯސްޓްމޯޓަމަށް ފަހު އޭނާގެ ހަށިގަނޑު މިއަދު މާލެ ގެނަޔަސް އެ ރިޕޯޓާ ގުޅޭ ވަކި އެއްޗެއް ފުލުހުން އަދި ހާމައެއް ނުކުރެ އެވެ.

ކަށުނަމާދު ޕޭޖުގައިވާ ގޮތުން ނިޝާމާގެ ޖަނާޒާ އޮތީ މިއަދު މަޣުރިބް ނަމާދަށް ފަހު އާސަހަރާގަ އެވެ.

ހދ. ނޮޅިވަރަމް މަރު ފުލުހުން

1 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑެނީ

24 December 2022

އިބޫ ސަރުކާރުން ކުރާ އެންމެ ބޮޑު ޖަރީމާ އާއިލާގެ ނުރުހުމުގައި ޕޯސްޓްމޯޓަމް ހެދުން މިސާލަކަށް މި ކަނބުލޭގެ ގާތިލް ކަމަށް ތުހުމަތު ކުރެވޭ މީހާ ވެސް ކުފުރު މަރަކުން މަރުވި ފަހުން ޕޯސްޓްމޯޓަމް ހެދުމަށް އާއިލާގެ ނުރުހުމުގައި ގެންދިއުމުގެ މާނަ އަކީ އިންޑިޔާގެ ފަރާތުން ކޮންމެވެސް ބަޔަކަށް ބައި އެޅި ފައިދާއެއް ކުރާތީ