ގިރާވަރު ފަޅު ؛ މާލޭ މީހުންނަށް ގޯތިދޭން ނިންމާފައިވާ މި ތަނުގައި ސިޓީ އަޅަން އިންވެސްޓަރުން ހޯދަން ވެސް ވަނީ އިއުލާން ކޮށްފައި
11 ޖެނުއަރީ 2023 - 08:35
40 comments
މާލޭގެ މީހުންނަށް ގޯތި ދޭން ކަނޑައަޅާފައިވާ މާލެ އަތޮޅު ގިރާވަރު ފަޅު މި އަހަރު މެދުތެރޭ ހިއްކާ ނިމެނޭ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ސަރުކާރުން ކުރިން އިއުލާން ކޮށްފައިވާ ގޮތުގައި މާލޭ ރައްޔިތުންނަށް ހުޅުމާލެއިންނާއި ގުޅިފަޅުންނާއި ގިރާވަރު ފަޅު ހިއްކައިގެން 5،000 ގޯތި ދޭނެ އެވެ. އެއީ ހުޅުމާލެއިން 1،000، ގުޅިފަޅު އަދި ގިރާވަރު ފަޅު ހިއްކައިގެން ކޮންމެ ތަނަކުން 2،000 ގޯއްޗެވެ.
އެމްޑީޕީ ރިޔާސީ ޕްރައިމަރީގެ ކެމްޕެއިންގެ ތެރެއިން މާލެ ރައްޔިތުންނާ އެކު ރޭ ބޭއްވި ބައްދަލުވުމުގައި ރައީސް ވިދާޅުވީ ގުޅިފަޅުގެ އެއްބައި ހިއްކާ ނިންމާފައިވާ ކަމަށާއި ދެވަނަ ބައި ހިއްކުމަށްޓަކައި ބޮސްކާލިސް ކުންފުންޏާ އެކު އިއްޔެ ފަހުގެ ނިންމުންތައް ނިންމަވާނެ ކަމަށެވެ.
"ގިރާވަރު ފަޅު ހިއްކުމުގެ އަމަލީ މަސައްކަތް ވެސް ނިމެމުންދާތަން ތިބޭފުޅުންނަށް މި އަހަރު މެދު ތެރޭގައި ފެނިގެން ދާނެ،" ރައީސް ވިދާޅުވި އެވެ.
ސަރުކާރުން މީގެ ކުރިން ވަނީ ގިރާވަރު ފަޅު ހިއްކައިގެން އެ ތަން ސިޓީއަކަށް ހަދަން ބޭނުންވާ ފައިސާ ހޯދަން އިންވެސްޓަރުންނަށް ހުޅުވާލައިފަ އެވެ.
ރައީސް އިބްރާހިމް މުހައްމަދު ސޯލިހު ރިޔާސީ ޕްރައިމަރީގެ ކެމްޕޭނުގައި ރޭ މާލޭ ރައްޔިތުންނާ ބައްދަލުކުރައްވަނީ. -- ފޮޓޯ: ނިޝާން އަލީ/މިހާރު
އެކަމާ ގުޅޭ ގޮތުން ރައީސް ވަނީ ރެޒިޑެންޝަލް ސިޓީއެއްގެ ގޮތުގައި ގިރާވަރު ފަޅު ތަރައްގީ ކުރަން ގަރާރެއް ވެސް ނެރެފަ އެވެ.
އެ ގަރާރުގައިވާ ގޮތުން ދައުލަތުގެ އާންމު މަންފާއަކަށްޓަކައި ހާސިލްކުރަން ބޭނުންވާ އިގްތިސާދީ ސިޔާސަތެއްގެ ދަށުން ހިންގަން ކަނޑައަޅާފައިވާ އެ މަޝްރޫއަށް އެންމެ ދަށްކޮށް ހަރަދު ކުރެވޭނެ އަގަކީ ފަސް މިލިއަން ޑޮލަރު (77 މިލިއަން ރުފިޔާ) އެވެ.
އޭގެ ފަހުން އެ މަޝްރޫއާ ގުޅޭ އިތުރު ތަފްސީލެއް ސަރުކާރުން ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސްވާހަކަ
11 January 2023
ގިރާވަރު ފަޅުގަ އޮތް ދެރިސޯޓަށް ކީއްކުރަނީބާ؟
އިބޫ23
12 January 2023
އަދި ދެ ވޭނެ. ކެއްކޮއްލާ .
ޝާޢިރު ވަކީލް
11 January 2023
މަނިކުފާނުގެ އަމިއްލަ ރަށުގައި ހިއްކިބިން އަދި އޮތީ ރޮލާ އެއްވެސް ކަމެއްނުކުރެވޭ، މަނިކުފާނަށް މާލެގައި 5 އަހަރުވީއިރު މާލޭ މީހުންނަށް 01 ކޮޓަރިވެސް އިމާރާތް ނުކުރެވުނު، ދެން ކީކޯތިކިޔަނީ
އޮނަރަބްލް އަފީފު ދީދީ
11 January 2023
ބައިތިއްބާ. އެންމެފަހުން ތިރަށުމީހުން އެއްބަޔަކު އަނެއްބައެއްގެ މަސްކަމުން ދުވާންޖެހޭ ހިސާބަށް ތިކަންދާނެ. އަހަރުމެންނަކީ އަމިއްލަ މަސައްކަތުން އާމްދަނީ ހޯދައިގެން ޙަލާލުތަކެތި ކައިބޮއިއުޅުމަށް ދަސްވެފައިވާ މުރާލި ބައެއް. # ގްލޯބަލައިޒޭޝަން ޒަމާނުގައި އަހަރުމެނަށް ކޮންމެހެން ކ.އަތޮޅު މާލެ މުހިންމުވާކަށްނުޖެހޭނެ. ސްލަމްއެއްފަދަ ތިޔަމުޤައްދަސް ރަށަށްވުރެންއަގުހެޔޮކޮށް ލަންޑަނާއި ސިޑްނީގައިވެސް ދިރިއުޅެވޭނެ. މާލޭ ބޭޅާމެނަށް މާލެދޫކޮށްލީމަ ނިމުނީނު.
ބަހަބޯތަކުރު
11 January 2023
މިއީ ކުރަން ހެޔޮވާވަރުކަމެއްނޫން.1،މިހިސާބުގެ ތިމާވެށި ބޮޑުކޮށް ހަލާކުވެފަހަތަށް. ބަލަގަ ކޮބައިބާ އެއްކަލަ ރާއްޖެތެރޭގެ ތަރައްގީއަށް ކަމެއްކުރަން ބުނާއިރަށް ތިމާވެށިވެވެގެން ދެފައިދަޑިއަށް ހަދަސްވެރިވެގަންނަމީހުން. 2.ރައްޔިތުންބޮލަށް ލޯނުނަގާ ބިންހިއްކާ ވަކިބަޔަކަށް ދިނުމުގެ ހިތިނަތީޖާ، މިކަންކުރިބަޔަކު ގޮވައިގެ ކޯޓަށް ދިއުމާއި ސައުތުއެފުރިކާގެ ދަންޑުބިން ބައްކޮށްގެންތިބި ދޮންމީހުންނަށް ވީގޮތް ދިމާވުން. 3އިންސާފުހޯދަދޭނެ ވެރިއަކު ހޯދަން އުޅުން.
ނިއުޒިލަންޑް
12 January 2023
މި ތަކުރަކީ ނިއުޒިލަންޑް ދިރިއުލޭ މާލޭން ބިންކުލިލިބޭ ބޭފުލުެއް ކަމައްވާނީ
ސީލައިފްގެ ހަދާނުގަ..
11 January 2023
ކޮބާހޭ ސީލައިފް މީހުންނަ ސަރުކާރުން ވީ އެއްބަސްވުން... އެއަށް އަމަލުނުކުރާ ވެރިޔަކު ދައްކާވާހަކަ ގަބޫލުކުރަންވީތަ.. ސީލައިފްމީހުންގު ހައްގުތައް ހަދާންކޮއްދެން ދެމިލިޔަނަށް ވުރެ ބޮޑުނުވާނެ ގޮތަށް އެއްމެއަވަހަށްނިމޭ ފްލެޓްމަޝްރޫއަކުން ސީލައިފް ފްލެޓްގަންނަން އެދުނުމީހުންނަ ފްލެޓްލިބޭނެކަމަށް ލިޔިންދިނީ ވިނަރެސް ފްލެޓް 4މިލިޔަނަށްވުރެ އިތުރުކޮށް ފުރުސަތުދިނީ މިއީ ބޮޑު ދޯކާއެއް.ސަރުކާރުންދޭ ލިޔިމަކީ އަގެހުރިއެއްޗަކަށްނުވޭ މިހާރު.އިތުބާރެނެތް.
ޙިނި
11 January 2023
މި ފައިސާއަޅާ ކަންޑުހިއްކާ ސިޔާސަތު ހުއްޓާލަންވެއްޖެ. ލ އަދި ސ އަތޮޅުގަވެސް އެއޮތީ ހުސްބިންތައް، މާލޭ މީހުނައްވެސް ހަމަ ޢޯކޭއޭ ކޮންމެ އަތޮޅަުންވެސް ބޯހިޔާވަހިކަން ލިބެނިކޮއް.
އާތިފާ
11 January 2023
މާލޭގައި އުޅެނީ މާލޭގެ 8000 މީހުންތޯ ތިގޮތަށް ގޯތި ދޫކުރަން ތިއުޅެނީ. ތީ އެއްގޮތަކަށްވެސް ކުރަން ހެޔޮވާވަރުގެކަމެއްނޫން. ތިކަން ހުއްޓާލާ ގޯތި ވިއްކަވާ ތިކަމަށް ހިގާ ހަރަދުލާފައި އަދި އިންވެސްޓްކުރަން އިތުރު ފައިސާކޮޅެއް ލިބޭނެގޮތަށް. ތިީ އެއްވެސް އިންސާފެއްނޫން.
ދޮން ހަސަނު
11 January 2023
ގިރާވަރު ކަނޑުއޮޅިއަކީ ވަރަށް އޮޔަބާރު ގަދަ ތަނެކޭ ކިޔާ އަޑުއިވޭ.
ގަމާރު.
11 January 2023
ބަހައްޓާ. ބޮޑިބޮއިގެން ތިބެދާނެ ނު.
ބޮޑުމީހާ
11 January 2023
4 އަހަރުން ނުވި ކަމެއް ދެން ނުވާނެ! މިވެރިކަން ފެށުނުއިރުވެސް ތިނަދޫ ހުޅުމާލެ ފޭސް 2 އަދި އެތައް ރަށެއްގެ ބިން ހިއްކާފަ އޮތީ! ގޯތި ނުދީ 4 އަހަރު ހޭދަވާންޖެހޭ ސަބަބަކީ ކޮބާ؟ މިކަހަލަ ވާހަަކަތައް ދެއްކީމަވެސް އަތްޖަހާ މީހުން ގިނަވެގެން މިގައުމު ހަމައަކަށް ނޭޅެނީ
ބުލްގަ
11 January 2023
ރަނގަޅު،ހުޅުމާލެ ހިއްކީ އެތައް އަދި އެއްކޮއް ނުނިމޭ، ފޭސް 2 ހިއްކީ އަދި އެތަން ނުނިމޭ ދެން ތިޔަކިޔަނީ ގިރާވަރު ހިއްކާފަ ތަރައްގީކުރާ ވާހަކަ،ރައްޔިތުން ވިސްނާފަ ބުނޭ ވޯޓެއް ނުލާނަމޭ ތިޔަ ހުވަފެން ތަކަކަށް. ތިޔަ ގިރާވަރުންވެސް ފައިދާވަނީ މުއްސަނދިންނައް
ކަކުނިބޯ
11 January 2023
ގިރާވަރުފަޅަށް ދޫނިތަށް ފަރިކޮށްފަ ޖެއްސުން އޮތީ އޯގަސްޓްގަޔޯ ސެޕްޓެމްބަރގައި ވޯޓްލާނިމުނީމާ ހިއްކާވެސް ނިމޭނެޔޯ އަޅާބަޔަކު އަޅަންޖެހޭނީ ފްލޯޓިން ގެތަކެކޯ