ރާއްޖެ ޓީވީގެ ދެ ނޫސްވެރިއަކާ އެކު ޒަރީރު (ކ) ގައި: އޭނާއަށް ދައުވާކުރަނީ ފުލުހުންނަށް ހުރަސް އެޅި ކަމަށް ބުނެ
16 ޖެނުއަރީ 2017 - 15:10
2 comments
ފުލުހުންގެ ދައުރު އަދާކުރަން ހުރަސް އެޅި ކަމަށް ބުނެ ރާއްޖެ ޓީވީގެ ކެމެރާމަން އާދަމް ޒަރީރުގެ މައްޗަށް ކުރާ ދައުވާގެ ހުކުމް އިއްވުން ކްރިމިނަލް ކޯޓުން މިއަދު ފަސްކޮށްފި އެވެ.
ޒަރީރުގެ މައްޗަށް ދައުވާކުރަނީ މާޗް، 2015 ގައި އިދިކޮޅު ފަރާތްތަކުން ކުރި މުޒާހަރާއެއްގައި ފުލުހުން ބަންދުކޮށްފައިވާ ސަރަހައްދަށް ވަތް ކަމަށް ބުނެ އެވެ. އެ މައްސަލައިގެ ހުކުމް މިއަދު އިއްވާ ގޮތަށް ހަމަޖައްސާފައި އޮތަސް އެހެން ދުވަހަކަށް އެކަން ވަނީ ފަސްކޮށްފަ އެވެ.
އެނގިފައިވާ ގޮތުގައި ހުކުމް އިއްވުން ފަސްކުރީ މި މައްސަލަ ބައްލަވާ ގާޒީ ސަލާމުގައި ހުންނެވުމުންނެވެ.
ޒަރީރުގެ އިތުރުން ރާއްޖެ ޓީވީގެ ނޫސްވެރިޔާ ލީވާން ނަސީރާއި މުހައްމަދު ވިސާމްގެ މައްޗަށް ވެސް ދައުލަތުން ވަނީ ފުލުހުންގެ ދައުރު އަދާކުރި ކަމަށް ބުނެ ދައުވާކޮށްފަ އެވެ. މި މައްސަލާގައި އެ ދެ މީހުންގެ މައްޗަށް ކުށް ސާބިތުވާ ކަމަށް ނިންމާފައިވާއިރު، އެ މީހުންނަށް އަދަބު ކަނޑައެޅުން މިމަހުުގެ 24 ވަނަ ދުވަހު އޮންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޔަ
17 January 2017
ޑިމޮކްރެސީ އަކީ ގާނޫނު ތަކަށްތަބާވުމޭވެސް ބައެއްމީހުން ބުނޭ އެއީ ގާނޫނުތައް ހެދުމަށް ވަކިބަޔަކު ހޮވަނީ ރަތްޔިތުން އެހެންވީމާ ރަތްޔިތުން އެބަޖެހޭ އެމީހުން ހޮވިމެމްބަރުން ހަދާގާނޫނުތަކަށް ތަބާވާން .. ކުއްތަކަށް އަރައިގަނެ ގާނޫނާ ޚިލާފުވަނީ ހަމަ އަމިއްލަޔަށް އެގިތިބެ ދެން އަދަބެއް ލިބޭ ހިސާބުން މިގޯސްވަނީ ސީދާ ވެރިމީހާ އޭރަކު ގައުމުގެ ވެރިޔަކަށް ހުންނަ މީހާ މިއީ ވަރަށް ހިނިއަންނަން ޖެހޭކަމެއް .. ސުވާލަކީ ގާނޫނާ ޚިލާފު ވީމާ އަދަބުލިބެން ޖެހޭނެ ކަން ގަބޫލު ނުކުރެވެނީ ތޯއެވެ...ކާއްސަކޮށް ނޫސްވެރީންފަދަ ތަންދޮރު އޮޅުންފިލާފައިތިބޭ ބޮޑެތި ފިރިހެނުން ..
ޢަބްދުﷲ ސަޢީދު ގދ.ގައްދޫ.
16 January 2017
މަންޒަރާއި އަޑު ގެނަސްދޭ މީހުންނަކީ، ވަކިޚާއްޞަ ހުއްދައެއް އޮވެގެން އެކަންކުރަމުންދާ ބަޔަކަށްވީނަމަވެސް އެމީހުންވެސް ބޯލަބަންޖެހޭ ހަމަތަކެއް ހުންނާނެއެވެ. ވަގުތާއި ޙާލަތުގެ ގޮތުން ފުލުހުންނަށް ތަބަޢަވުމަކީ، ނުކޮށް ދޫކޮށްލެވޭނޭ ކަންކަމެއްނޫނެވެ. މުޖުތަމަޢުގެ ސަލާމަތާއި ރައްކާތެރިކަން ނަގަހައްޓައި ދެމެހެއްޓުމުގައި އަދާކުރަންޖެހޭ އިޖުތިމާޢީ ދައުރެއް އޮންނަކަން ހުރިހާ އެންމެންވެސް ޤަބޫލުކުރުމަކީ، މުހިންމުކަމެކެވެ.